النفاس يابنات

[بنت الدسمه بسمه]

السلام عليكم بنات شلونكم

انشاء الله بخير

انا انتظر ولادتي اليوم باجر الحين _03ba: الله اعلم

الحمدلله امي وصلت من السفر وماقمت احاتي بس الي معقدني النفاس احاتيه انا ما احب شي اسمه عصيده ودي اضعف بالنفاس

ومرت ولد خالتي امها مو كويتيه تقولي اكلي بيضه مفيوحه مع جبن وسلطه وقلاص شاي طبعا مع خبزه لبنانيه وبعدين اكلي اللهوم وبس بلا عصيده بلا يحزنزن

وبصراحه انا خايفه

انتوا شرايكم ابي رايكم ؟؟ يكفي الغدا مرقوق او قبوط ثقيل يعني والعشى ابي شوربات او مشاوي

ابي راي الخبيرات عفيه
اي صج

ما احب الحسواا
شسوي

 

[جـــواهر]

اي عادي مو شرط عصيده اللهوم اللي تحطينه ع العصيده الهميه ولا حطيه بقلاص حليب وحوسيه واشربي

 

[أم لولووأخواتها]

الله يهون عليج والله أعتقد اللهوم بروحه مو كافي ولا جان ما تعبنا روحنا بالأدويه
ما تسوى عليج علشان تضعفين تخربين شي ثاني .... والله راييي خلصي نفاسج بعدين ضعفي
بس خبيره الأعشاب ممكن تفيدج أكثر

 

[خليجية وافتخر]

انشالله تولدين بالسلامة
بحطلج برنامج تطلعين متعافية وصحية ...باين عليج طالعة الاربعين صحة ونضارة وتألق.... والاهم ما يطلع كرش بس تمتين وبس جسمك مشدود ... بطلع الحين وراجعه شوي

 

[غير كل الناس]

مب شرط العصيده

 

[كلي نظر]

وانا بعد انطر الولاده سبحان الله بكل عيالي اول التاسع والحين الكل معطل وفاضيلي والبيت ترس خدم واليهال بحضااانه تنقعت هههههههههههه قصة حياتي بالنسبه لي اكل شي بالنفاس من ادويه وعصيده وغيره وبعد النفاس اسوي رجيم والله اضعف



ننطر خليجيه

 

[بنت الدسمه بسمه]

مشكووووووووووورين عالرودود

بانتظار خليجيه انشاء الله

 

[خليجية وافتخر]

قبل لا ابدأ احلف بالله إني مضرب مثل بدون مبالغة وهذا برنامجي من اول بيبي الي آخر بيبي
وكل وحده تقرأ ردي وتستفيد تدعيلي بالماستر وان الله يرحم ابوي وجدتي ويغفر لهم آمين
ونبدي بسم الله

الريوق : تسوين عجينة سائلة بس شوي متماسكة من ماي وملح وطحين وتضيفين لهم حبا سودا ورشاد ودارسين وفلفل أسود يكون مطحون ومخلوط مع بعض كميات متساوية وبعدين تصبينها صب في التيفال وتصير على شكل خبزه وتقلبينها على الوجه الثاني اذا استوت من تحت وهذا اسمه خبز المسح لان ممكن ما تصبينه تمسحين بايديك بالعجين على التيفال ....الكمية للريوق حد اقصى ثلاث خبزات مع اثنين بيض مسلوق اومقلي نوعي يوم جذي ويوم جذي واللي ما يحب البيض اي شى تشتهينه مع الخبز
قبل الريوق قلاص حليب kdd مع فلفل اسود ودارسين مع تمر معبوج بالحبة السودا والرشاد ولا تكثرين من التمر ثلاث حلوين من بعدها بتبدلين البيبي او ترضعينها او اي تشغلين تفسك نص ساعة بعدين الريوق اللي فوق

بعدها قلاص شاي اعشاب(زعتر مرمرية كمون يانسون حلبة محلب دارسين بابونج رشاد حبة سودا حبة حلوه)

طبعا هذا كل الصبح قبل الساعة تسع
وتكملين نومتج وبالعافية....وبكمل بعدين بروح اشوف فطوري لا تنسون الدعا

 

[_Pure_]

مادري انا احس شخباري عصيده و مرقوق و مادري شنو
انا امي اجنبيه ماعندنا هالسوالف و كاني شحلاتي جسم و رشاقه و الكل يعلق

بس انا بصراحه اموووووت بشي اسمه عصيدة يمي يمي و انطر الولاده عشان اكلها لوووول بس ما اعتقد انها ضروريه

و بعد احب اكل النفاس بس شسوي امي ماتعرف تسوي

يعني اهو اكل و سوالف النفاس احسهم حلوين بس مو ضروريين

 

[بنت الدسمه بسمه]

اب اب

 

[الجورية2010]

رد : النفاس يابنات

العصيدة طريقتها تختلف من وحدة لي الثانية يعني انا احب طريقة امي مااحب طريقة جارتنا
وبنت عمي عصيدتها تهبل خالتي اخت امي عادية
وفي حريم بالنفاس ماتلبس عدل ومايصير فيها شي ولايدشها البرد
وفي حريم برغم اكل النفاس تضعف مثل اختي توها طالعة من نفاستها ضعفانة حيل
اهم شي تاكلين بس لاتكثرين

 

[خليجية وافتخر]

السلام وينج بنت الدسمة؟؟؟
ولدتي ولا لا
بكمل الغدا
ابتعدي عن العيش والجريش وشوربات العدس بكمية قليلة لانه ينفخ........ شنو ممكن يكون الغدا ؟
الغدا 1)لحوم بيضا اوحمرا مشوية مع شوربات وسلطة كمية قليلة 2)وممكن تكون اللحوم مع المرق والخضار ويكون معاها الخبز للي سويناه في الريوق 3)مرقوق او تشريب ولا تنسين الدارسين والفلفل الأسود
العصر قلاص من الزنجبيل الطازج مبشور وصبي عليه ماي مغلى وبعدين شربيه وبعده وجبة خفيفية من التمر والقهوه أو خبز مع جبن اولبنة اللي تحبين
وفي وقت الزواره والناس اللي معاهم حلويات وفطاير ممكن تاكلين من كل شي بس بحدود وكميات قليلة

 

[حلمي اكون ام Q8]

الله يسهل علينا النفاس

 

[حرم_طيار]

رد : النفاس يابنات

انا اول ايام كنت اكل عصيدة 3 او 4قفشات

والحسو اشتري البهارات وذريها فوق اكلج اذا ما تحبين تاكلينه

 

[..البندري..]

ماقصرت خليجية وافتخر هذا البرنامج المثالي

 

[ام يوسف الكويت]

بنات لا تكثرون قبوط ومرقوق ترى كله عجين وحتى العيش يتفخ البطن
انا انصحكم اذا تبون تاكلون قبوط اكلوه اول عشر ايام فقط
وبعدين ظلي عالمشويات والسلطه والشوربه والدجاج المحشي واللحم بالفرن ابرك من العجين

 

[بنت الدسمه بسمه]

الي يسال عني

بدويه حبيبتي لا ماولدت انشاء الله اخر اسبوع هذا ا

اذا ماولدت وطلقت طبيعي بيتحط لي طلق صناعي الدكتوره

 

[*-*Lo0o0Raaa*-*]

انا ما حبيت الننفاس

قيووود ولازم تمشين على برامج

الاكل وموتي من الحر واحنا بعز الصيف

غير استقبال الحريم

ولازم تهتمين بنفسج تضعفين وتحطين هالكريمات عشان تردين مثل اول خاصة السواد يسممممر

واااي غير الخياط وعوااااره

وااااااااااااااي لووويه النفاس

 

[*-*Lo0o0Raaa*-*]

انا ما حبيت الننفاس

قيووود ولازم تمشين على برامج

الاكل وموتي من الحر واحنا بعز الصيف

غير استقبال الحريم

ولازم تهتمين بنفسج تضعفين وتحطين هالكريمات عشان تردين مثل اول خاصة السواد يسممممر

واااي غير الخياط وعوااااره

وااااااااااااااي لووويه النفاس

 

[روان_الكويت]

اشوه اني احب العصيده

اعرف وحده تقول ريوقها بيضتين مفيوحات بدون خبز عندي العصيده احلا وانطع فوثها قرص بيض بس امي نسويها بدون دويات الدويات لهوم نلهمه ورا الريوق مع كوب حليب دافي


اي لا تشربين مرميه نهائيا بالنفاس لانها تنشف الحليب شوفي بقوقل عشان تأكدين
باخر ولاده لي رضعت طبيعي وطلعت من الاربعين اضعيفه لانه الرضاعه تضعف

حاولي تغصبين نفسج عالاكل فتره وتعدي لا تاكلين عيش احنا الغدا قبوط والعشا شوربه دجاج مع خبزه