النفاس في عش الزوجيه او فبيت الحموله

[فلافل وبطاط]

انا لاني بجر اكيد عند امي ...

وامي كانت نفسي ... اول بيبي عند امها ...

والباجي .. كانت في البيت عند ابوي .. وكان بيت حموله ...

وعادي غرفتها كانت تحت يم صالة القعده ..

وتستقبل ضيوفها ...

واحنا حوالينها ... وابوي داش وطالع عليها ...

ويدتي تنام عندها بالليل ... او وحده من خالاتي ...

ولما انا كبرت قمت انام عندها ...

وبنت عمي كانت بجر ... تنفست 20 يوم عند امها وسوت استقبال و20 يوم في بيت حمولتها ...

واذكر كانت قاعده بالدوانيه عشان ماتصعد فوق ولها باب خارجي .. وتستقبل ضيوفها وخالتها قايمه فيها ...

 

[داناو]

والله لا غنى عن الام وبيت الاهل
لكن اذا زادو العيال ومدارسهم بعيده عن منطقة بيت اهلنا
لازم وقتها نقعد فبيوتنا عند رياييلنا ... اريح واقرب
لكن الملل والضيقه تزيد... وغير الحريم والزوار على غفله ... واااااي هذا اللي ما احبه كلش

 

[In Geneva]

يعتمد والظروف تحكم

النفاس الاول في البجر الافضل عند الاهل

والثاني ممكن

لكن غذا كثروا اليهال ومدارس مراحل مختلفة روضة ابتدائي

ومدارسهم بعيد عن بيت اهلك ويبلهم أغراض وكتب والعاب وعندك اكثر من خدامة

غير اغراض النفاس أحس شقله ولويه شنو يشيل هالاغراض وردي بعد النفاس رتبي

فالوحدة جذي في بيتها افضل

وطبعا ارجع واقول الظروقف هي اللي تحكمنا غالبا

والله يسهل على الكل والجميع

 

[داناو]

شكرا لمشاركتج

 

[أنفاسي دخون]

اكيد عند الاهل اريح من كل النواحي بس يفضل الوحده تنفس في بيتها اذا كانوا عيالها مدارس

 

[داناو]

نورتي الموضوع

 

["النووور"]

الموضوووع نسبي يختلف من وحده لي وحده حسب الظروف
بالنسبة لي انا عندي بنت وولد ونفاسي فيهم اثنينهم في بيت أهلي
بصراحه راحه ودلع واللي بييج من أهلج اييج لا احراج ولا مشاكل

بس بصراحه الياهل الثالث ان شاءالله راح أقعد عند ريلي
أول شي لأن ريلي يبي جذي ، وثاني شي لأن خلاص عيالي ان شاءالله اثنينهم مدرسة
يعني لووووويه ملابس بيت وملابس طلعه وملابس مدرسة هذا غير الأغراض الباجي والألعاب
بصراحه مادري لويه وتعب

ومن ناحية الأكل والأدوية انا ماعندي مطبخ وشقتي في بيت حمولتي
لكن هم ماراح أخلي خالتي تلتزم فيني أو تسويلي شي اهي ماتقصر بس هم ماراح تتحمل الالتزام 40 يوووم
عشان جذي راح أخلي أمي تسويلي كل يوم واطرشلي ومرات مثلا أريح أمي واطلبلي شي من بره
والله يسهل ان شاءالله ، الله عالم بحال كل عباده والله راح يسهل أموووورنا صدقوني بس خلوها على ربكم

 

[آهات الليل]

اب



اب



اب

 

[داناو]

صاجه يا وخيتي
شكلي بنفس فبيتي
وبعلم خدامتي الطبخ الخاص بالنفاس
لان امي بعيده شوي ومنو بيوصل الاكل كل يوم

 

[رواسي الشوق]

انا اول وثاني ياهل عند امي حبيبتي .. بس الحين لا والله افكر انفس في شقتي راهيه وعندي خداماتي والطباخه وعلى كيفي .. بصراحه مابي اضغط على اهلي خصوصا انه ماعندهم مكان حق قشي وخداماتي .. والله كريم مرحله وتعدي

 

[غلاي امي وزوجي]

لا والله افضل بيت اهلي علشان ارتاح واشوق زوجي لي بعد

 

[رواسي الشوق]

اب


اب



اب

 

[rora_q8]

السلام عليكم
الصراحه انا صارلي 22 يوم والده وبجر
وانا قاعده فبيت زوجي لان وضعي غير امي متوفيه وماعندي احد في بيت ابوي وخواتي يزوروني هناك
(ماشاء الله تبارك الرحمن الله يتمم علي)
خالتي ماقصرت معاي من اكل نفاااااس ومن كل شي واي احد يزورني تقعد معااااي وحتى حماتي ماقصرت
خلت بيتها ويت اهيا وبناتها قاعده عندنا واي احد يزورني تزهب الشغل جني اختها الله يقويهم انشالله :*

 

[جـــواهر]

الحمل الثالث لا والله بقعد بشقتي ابرك لي

ولو بيدي بهالنفاس اقعد فبيتي بس ماقدر

 

[دلوعة المطران]

عند اهلي احسن عالاقل امي تساعدني وتهتم فيني ....الخ

بس بنسبه لام لعيال اتوقه ماترتاح الا في بيتها ...

 

[داناو]

شكرا يادلوعة المطران

 

[الدميره ..]

عند الاهل وباقي الولادات في بيتي

 

[MissChoco]

اكيد عند اهلي .. مو حلوه ابيتي خصوصا اول وثاني بيبي

بس الي عندها 4 يهال تكون ثقيله فعادي تنفس ابيتها لانه مدارس عيالها وجذي

 

[Mednight Rain]

رد : النفاس في عش الزوجيه او فبيت الحموله

up

up

 

[داناو]

خوش اراء بس وين الباجي