النفاس في عش الزوجيه او فبيت الحموله

[داناو]

مرحبا حوامل
شلونكم والله يتمم عليكم حملكم بالهون والسلامه......
بنسولف اليوم عن اللي تقضي فترة نفاسها بشقتها عند زوجها...
شرايكم ؟؟؟ اريح ؟؟؟ والا الاهل افضل؟؟؟
زين والناس اللي يزورونج ... تخلين لهم ايام محدده ؟والا الدعوه عامه مثل مايقولون؟
بس الناس شنو يفهمهم اني الحين بروحي مو مثل بيت اهلي.والله حتى استحي اطرش مسج بايام الاستقبال
فشله.مااحب جذيه
انا عندي بناتي مشالله واغراضهم مالي خلق اروح هالمره لاهلي واخذ لبسهم وجواتيهم والعابهم
واااااااااااااااااي لويه احس. اتوقع بشقتي اريح كل شي عندي؟

وهم بسال اللي تنفس فبيت حمولتها...شلون خالتج معاج..تساعدج تستقبل زوارج والا طق مطاقق
شاركوني الموضوع وخلونا ندردش بافاده​

 

[حرم راشد الماجد]

حبيبتي النفاس بيت الحموله ما يصير اولا لان الناس راح تتكلم ليش مو ببيت اهلها ومن هالحجي بعدين وانتي تعبانه محد يتحملج مثل امج
وثانيا مهما كانت خالتج وحمولتج عسل بيتضايقون من الناس داش وطالع وتضييف والتزام وراح تصير ثغره للمشاكل

اما ببيت الزوج انا كنت ناويه ببيت ريلي بس منو يهتم فيج ويداريج ؟

وريلج هل عنده استعداد ان يشوفج عنده وما يتهور


بعدين الوحده توها والده تلاقين ريحتها من الادويه ............ لا تعليق


توكلي على الله وروحي بيت اهلج اريح لج واللي فهمته ان عندج عيال يعني اذا قعدتي بروحج صيحه وصرقعه معاهم

 

[آهات الليل]

انا عن نفسي ابيتي انفاسي اريحلي والله لان امي ماعندها خدامه وكبيره وانا عندي كتكوتين بكون مخيطه وياهل يديد وماقدر امشي عدل وانظف وجذي الصراحه حيل اضغط على امي
انا نفاسي ابيتي اريحلي واريح لريلي يشوفنا حوليه ويسانس واللي تقول ريحه ماريحه من الادويه وجذي موكل وحده جذي نغسل جسمنا نتعطر نحط ديودرنت ونلبس لبس النفاس والشيله عالراس وانا انام بالدار الثانيه بنفاسي ريلي عالاقل جدام عيوني ومستانس على اليمعه واهم شي انه تعود علينا كله عنده وحوليه يرتاح نفسيا والله ولا اكون مو يمه وويحاتي وكل شوي طاق طريج والا ربعه خووووووو اكيد مو كلهم متزوجين تعال امش البحر ولاتعال نتمشى والله قالي خلج عندي بالنفاس مابي عيني ولا ايدي ولا ولا تزني ابي حلالي وبناتي جدام عيوني
وبالنسبه لادوية النفاس الكل يعرف شلون يستخدمها والاكل لاني ماعرف فاخلي وحده تسويلي اكل نفاس وامي بعد وتوصله لي عندي وبجذي نفاسي 100%صح

 

[om...al3ess]

انا بالنفاس كنت في بيت حمولتي فديتهم قاموا فيني قوومة وخالتي قالتلي عادي اي احد بييج حياه الله وبالعكس ريلي كل يوم عندي وهند ولدة واهوا يشوفه مستانس وكل يوم تقريبا حمواتي كل يوم عندي

 

[A7bny =)]

انه افضل النفاس في بيت اهلج عالاقل امج تساعدج وتشيلج شيقعدج بروحج مع الياهل وعندج يهال وناس اتييج وريل لا لا لا الوحده بالنفاس تبي ترتاح وتبي امها وخواتها حواليها وريلج خله كل يوم يزورج واكيد بيكون مشتاق لج وللبيبي بروحه بييج كل يوم وبيقعد عندج لي فليل

 

[عيون سارة]

لا بصراحه كل وحده وظروفها
وظروفي انا يكون ببيتي احسن

 

[جوري الكويت]

اذا اول بيبي النفاس يكون في بيت الأهل احسن ..الوحده تكون خفيفه و اغراضها شويه

بس من الياهل الثاني النفاس عادي يكون عند الزوج بس يكون بغرفه ثانيه

و امج او وحده من خواتج تنام عندج

 

[ملكه الحطب]

انا افضل انه بكون ببيت اهلي اعتمد على امي وخواتي واخذ راحتي انام اقعد واتدلع زياده

 

[غنوة ستايل]

انا الحين بنقاش عقيم مع ريلي
اهوا معاند يقول قعدي بس 3 ايام عند اهلج بعدين ردي بيتج . وقاعده افهمه اني لازم اروح عند اهلي واقعد عندهم والناس وعيب بس اهوا يقول مالج دخل بالناس .

 

[غلاة ريلها]

انا افضل بيت اهلي لو شنو كانت الاغراض
لان اريح وايد واذا على الريل
كل يوم ييني ويشوفنا
لاني ساكنة ببت حمولتي فصعبة حيل اني اقعد عندهم
منو بياخذ الياهل عني الصبح بعد سهر الليل عشان ارتاح كل
اخليه عند امي يطمن قلبي
ومادري هي كل وحدة وظروفها
مع اني ارتاح ببيتي مع اغراضي
بس كلها 40 يوم

 

[غلاة ريلها]

انا افضل بيت اهلي لو شنو كانت الاغراض
لان اريح وايد واذا على الريل
كل يوم ييني ويشوفنا
لاني ساكنة ببت حمولتي فصعبة حيل اني اقعد عندهم
منو بياخذ الياهل عني الصبح بعد سهر الليل عشان ارتاح كل
اخليه عند امي يطمن قلبي
ومادري هي كل وحدة وظروفها
مع اني ارتاح ببيتي مع اغراضي
بس كلها 40 يوم

 

[نفيشه]

انا باول وثاني ياهل كنت اتنفس عند اهلي
طبعا لاني ا اعرف شي وامي بعد قلبي وابوي وخواتي ماقصروا معاي فكان نفاسي اوكي
وكنت خفيفة


عقبها صرت مضطرة اتنفس ببيتي ( كنت بشقة منفصلة) لاني صعب انقل كل شي
اكيد عند اهلي اونس لي بس النقلة مو سهلة وخاصة مع الخدم واليهال والدوامات منو يودي و اييب
فهم مشى الحال
قعدت بغرفة انا والبيبي وعيالي مرتاحين بغرفتهم و زوجي مو مقصر والوالدة وخواتي عندي طول الوقت

هالمرة نفاسي كان قمة البهذلة

لان باسي قوي ورديت بيت حمولتي ما طعت امي قلعتي صج تبهذلت
بس الحين رديت عند اهلي وبكمل عندهم انشالله

بالنسبة للناس الاغلبية يوني بالمستشفى
واللي ما قدروا للحين ماحددت لهم يوم لاني تعبانة بعدي الصراحة
اذا كملت شهر بحدد لهم الويك اند واللي بييني حياه الله
والقراب طبعا عادي باي وقت من غير مواعيد

 

[&أم عبودي&]

طبعا النفاس بشقتي وااااااااايد احلى واريح انا كل نفاساتي بشقتي بس اول نفاس كان عند اهلي وبعد ماكنت ابي اكمله النفاس بشقتج اريح لج ولريلج والناس كيفهم اهم شي راحتج الناس ماتخلص من الكلام وبالنسبة لي الدعوة عامة للناس استانس انا وزوجي وعيالي طول الوقت ووقت زيارة الحريم يكون طالع اونس لما الناس يجونج يونسونج خلي لج غرفة مرتبة مجهزه فيها الضيافة او اذا عندج صالة او غرفة ضيافة افضل (نفس حالتي) وااايد اريح من الشقلة والنقلة اغراضج كلهم عندج وعيالج متعودين عالبيت واكيد امج وخواتج كل يوم بيزورونج او احد فيهم انا مايقصرون معاي كل يوم وحده تدزلي غداء وبعداسلم لزوجج ان مايفلت ويطالع يمين ويسار وااااايد رياييل خربوا بوقت النفاس
وبالنسبة حق النفاس عند الحمولة حريم اخواني يتنفسون عند اهلي ويستقبلون ضيوفهم ويقومون بنفاسهم >>>طبعا مااقدر امدح اهلي بس لو مو مرتاحين جان ماعادوها كذا مرة وحتى خواتي يتنفسون عند حمولاتهم واللي تحس حمولتها مايبون ضيوف تقول لضيوفها حياكم ببيت اهلي وتجي تستقبلهم عند اهلي وسلامتج

 

[غرشة عطر]

انا قبل كنت انفس عند اهلي
والحين صار عندي بيت بروحي واعيالي وحوستهم عباله الروحه لاهلي وانفست في بيتي 3 مرات والحمدلله وكل الناس تدري انا في بيتي واذا بيجوني كل عصر البس قميصي وابخر البيت واسنع البيالات والتوزيعات واللي يجي يطق الجرس ويامرحباومسهلا هذ طريقتنا الا الي بتجي متاخر 35 يوم وعقب تخاف ارح السوق اجهز فتدق تلفون او مسج انا باجيج بتروحين مكان والا العاده يومياااا ناااااااااس عندي وبالعكس في بيتي اريح حيللللل واميبيتها قريب من عندي كل صبح وعصر عندي ماترد بيتها الا حزة النوم بالليل فديت روحهااا انتي اذا مومرتاحه في بيت اهلج خليج في بيتج اريح واللي يبي يجي بيروح لاهلج ومايلقاج بيمرج هههههه لووووووووووووول دوخه او اذا دقوا علي امج خل تقولهم في بيتها وبس

 

[أماني الورد]

عند الاهل افضل

تحسين انج مرتاحة

بيت الحمولة مادري انا ناجربت بس اتوقع ماراح ترتاحين

 

[*مرامي*]

النفاس في بيت الحموله مو حلو
لان الوحده بتكون وتعبانه وبأسوء حالاتها مو حلوه يتكشفون عليها هذا رايي
والنفاس في بيت الريل مو حلو انا افظل اول 10 ايام الوحده تكون عند اهلها ترتفع اشوي وتشد عودها وتالي ترجع بيت زوجها
وايد احسن من انها تاخذ انفاسها كله عنده
عن تجربه
انا الحين بغربه ووالده ومحد عندي غير ريلي واي تغربلت وتغربل وياي
الياهل يبيله مجابل والوالده يبيلها مدارات
احس اني ماتنفست عدل صارلي 28 يوم وحدي اخواره مو مضبوطه كلش
برجع الاسبوع الياي وبروح عند اهلي منها يرم عظمي شوي ويشيلون عني الياهل قطعني السهر

 

[لوكي 22]

اول نفاس معروف عند اهلي ان شاءالله
اما عند الحموله بالنسبه لي وللي اعرفهم حوالي صعبه تنفس عندهم حتى لو علاقتهم زينه معاها
وعلى حسب ظروف كل وحده

 

[الجووورى]

معاناه صراحه اذا عند ريلج وخصوصا لا صار اول مره وبروحك ماتعرفين شى وعن تجربه خاصه لو انك بسفر
ببيت الاهل احسن

 

[_Pure_]

اول بيبي اسبوعين عند اهلي فقط و ارجع بيتي الحمدلله كان الوضع ممتاز

ثاني مره ان شاءالله ناويه اقعد اسبوع او ١٠ ايام و ارجع بيتي الصراحة لويه مع ياهلين و اغراضهم

يعني ازهب اغراضي و اغراض بنتي البجر و اغراض بيبي وااااايد الصراحة
و زوجي نوعه يحب اكون بالبيت معاه*

 

[من حقي أغير]

انا عن نفسي بيت اهلي احسن بوايد