النصيب يصيب والدنيا تجيب الي تجيبه

[@نداوي@]

الله يرحمهم يارب
فلان اخوي وفلانه توووفووو
ولدهم بالبيت مايدري شالفه ..

مرحبا بناات حبيت اقولكم سالفه من الجماعه .. بختصار

هذا ولد عمره سنتين ..
امه عندها مراجعه وراحت مع ابوه ..
اف حادث .. الام والابووو توفوووو..

الولد اخذه عمه ,,
صار عمره 13 ..
لعدم الاحراج .. قال الابو لعياله وولد عمهم اليتيم ..
افلان طبعا لولده الكبير انت واخوانك بسويلكم الملحق والبيت لاتدخلووونه الا للحاجه
وهذا كله عشان ولد عمهم كبر والبنات هم اكبروو والولد مو محرم لبنات عمه بس عشان مايحرج الولد طلع اعياله معه..
المهم في بنت كبر الولد واهو يحبها ,,
صار عمر الولد 16 والبنت هم 16 ..
وراح الولد لعمه ..
قال عمي ترى انا ابي بنتك فلانه ,,
العم
خير ان شاء الله ..
على انها له ..
الام ماهتمت وقالت فلان .. لا تهتم بالموضوع هذا من ويله فلوس
وبيت .. وووووووو إلخ

بعد سنه تقريبا دق العم على ولده ..
وقال فلان زهب الدوانيه انت واخوانك عمك الكبير جاي ومعاه رياجيل ..
وبخرووا الدوانيه ورتبووها ..
ودخلووا كلهم العم الكبير وعياله الاثنين ... وراعي البيت عم الولد وعياله والولد اليتم ..
بدت السالفه ..

قعد العم الكبير وعياله واحد يمينه واحد يساره ..
والمأذوون ... هذا اليتم يطالع مو مصدق ..
جوووا بيملجووون ..
على الي يحبه الولد والصغيره ..
طالع الولد على طوول .
وقام العم الكبير .. وقال لحظه يامملج دقيقه وابجي لاحد يتحرك
وراح ورا الولد .. ولقاه بغرفته يبجي ..
قال فلان .. اشفيك ..
قال لا عمي ولا شي
واصر عليه
قال ذكرت امي وابوي ,, وبجيت
قال لو ما قلتلي .. والله اني ما املج لعيالي ..
قال عمي ..
انا كنت ابي بنت عمي وعمي معطيني كلمه من عمري 16
والحين انصدمت وطبع كان عمر الوالد 18 سنه تقريبا
قال بطاقتك وين .. قال لا لا عمي لا يزعل عمي فلان علينا
قال انا الكبير والكبير كلمته ماشيه ..
وان ماقمت والله لانت ولد اخوي ولا اعرفك ..
وقام الولد وجاب بطاقته ..
ودخلووو الدوانيه ..
وقال العم الكبير ابو العيال ..
لعياله
قال لولده الكبير ..
بنت عمك الي جاين نخطبها لك في غيرك يبونها والصغيره جت من نصيبك ..
وانت يافلان لولد الصغير . تلقى غير الي تبي تاخذها
شوووفووو النصيب الولد اخذ الي بياخذه اخوه الصغير
المهم ..
وملجوو
وقال العم ليتيم اسمع الله معطيك اسبوع ..
زهب اغراضك وتعال لشقتك الجديده .. الي اهي بيته طبعا .. وطبعا ماننسى شؤن القصر يوم صار عمره 21 عطووه افلوسه ومعاش ابوه

والله يحفظهم يارب


امانه بنات شرايكم بالعم ..
وشوووووفووو النصيب
عاد الحين يالحلوووات ..
نبي سوالف عن النصيب يعني اذا كنت بتملجين
وما ملجتي ..
اوووو أوووو
والسلام مسك الختام ..
اتمنيانها نالت اعجابكم ..
دعووواتكم ان الله يسخر زوجي ..
لاتحرمووني ردودكم ..:cxxxp:

 

[ريماس 89]

رد : النصيب يصيب والدنيا تجيب الي تجيبه

الله وسبحااااااان الله قصه روعه ومحد ياخذ الا نصيبه ويعطيج العافيه

 

[noo7a]

ام مرت اخوي
اهي و اختها الي اصغر منها كانو محجوزين و من اهم صغار حق عيال جيرانهم
الكبير للكبيره و الاصغر للصغيره
بس يوم كبرو (ماعرف السالفه بالضبط )
صار العكس
الكبير اخذ الصغيره
و الاصغر خذا الكبيره

 

[كرز حالي.]

رد : النصيب يصيب والدنيا تجيب الي تجيبه

فعلا النصيب يصيب
ماذكر سالفه جذي صارت عندنا
اشكرج عالموضوع

 

[*غرور انثى*]

سبحان الله هذا النصيب

 

[الجــادل]

رد : النصيب يصيب والدنيا تجيب الي تجيبه

سبحان الله

القصه عورت قلبي

 

[نبض السعاده]

رد : النصيب يصيب والدنيا تجيب الي تجيبه

مشكووره على القصه

النصيب الارزاق مكتوبه بيد الله

 

[عيش و مرق]

صاجه تصير

رفيجتى يايين ناس حق اختها ومتفقين اخت المعرس واخت العروس على البنت لصغيره على اساس يشوفها ويوم زاروهم بلبيت رفيجتى هى الى ضيفتهم بلماى والشاى
هههههههههههههه يوم طلعو دقت اخته على اخت العروس وقالت اخوى يقول يبى الى عطتنا الشاى اعجبته @@ موحاطه مكياج والعروس حاطه مكياج واااااااااااايد واهو مايحب المكياج

المهم شاوروها ورضت بلولد والعروس قامت تضحك عادى عندها لان اساسا ماتعرفه وقالت حق اختها بلعافيه عليج وعساه سعيد ومبارك وقامو يضحكون على الموضوع
وكاهى ملجت وتزوجت ,,,,,,,,,

 

[ريتااجي]

رد : النصيب يصيب والدنيا تجيب الي تجيبه

سبحان الله النصيب

 

[عادت ذكرياتي]

سبحان الله النصيب

 

[@نداوي@]

رد : النصيب يصيب والدنيا تجيب الي تجيبه

بنااات تفاعلكم يالغاليااات ..

 

[هنـــــد]

رد : النصيب يصيب والدنيا تجيب الي تجيبه




أنا كنت محجوزه لولد عمي 8 سنوات !
توفّى وخذيت واحد من جماعتنا ، كنت متعلقة فيه الله يرحمه
بس هذا حال الدنيا .. والله لا يحرمني من زوجي حبيبي ..
وربي يسخر لج زوجج ،

 

[المغفره يالله]

رد : النصيب يصيب والدنيا تجيب الي تجيبه

سبحان الله

 

[اميره1980]

قبل لا اتزوج تقدم حق اختي شخصين بنفس الوقت و تزوجت واحد منهم و الثاني قالو حقه انها ملجت اشرايك تشوف اختها ؟؟ اللي اهيه انا و تقد حقي بس ما صار نصيب هالحجي من 9 سنوات

ثاني موقف مع ريلي الحين
كان يبي يتقدم حقي اخوه مو اهوه بس قال ابيها اصغر شوي يعني بالعربي هون عني جان يقولون حق امي اخوه قاعد يدور و يبي بعمر بنتج و الحمدلله اني ما خذيت اللي يبي صغيره لان ريلي اهوه اللي كان في بالي الحمدلله و الحين احبه مووووووووووووت حياتي

 

[Model Look]

عمات بنت خالتي ثنتين

الكبيره يو خطبوها وبالطلعه شافو اختها اللي اصغر منها وقالو يبونها ما صار جم يوم الا خطبو الكبيره ناس ثانين

بس خيره لهم ،، لانه الكبيره شوي عصبيه وريلها هادي اما الصغيره هاديه وريلها عصبي

***************************

وفي وحده اعرفها خطبوها ناس زينين حيييييل والمواصفات اللي يبونها

بس يدتها ما رضت تزوجها والسبب شنو ؟؟؟؟

بنت عمها اللي اكبر منها ما تزوجت ما يصير ومسكينه البنت للحين قاعده رفضت غصبن عنها

وامها مقهوره حدها مسكينه

 

[جقاره]

رد : النصيب يصيب والدنيا تجيب الي تجيبه

داشه الموضوع عبالي بتسولفين عن ام نصيب ههههههههههههههه تضحكني والله المهم اذا سولفتوا بلغوني بسولف وياكم عن ام نصيب قبل لا تصيب لوووووووووول

 

[انا مو هني]

رد : النصيب يصيب والدنيا تجيب الي تجيبه

ناااايس قصه​

 

[نوراء]

رد : النصيب يصيب والدنيا تجيب الي تجيبه

مااحد يأخذ الا قسمته بهالدنيا ..

خالتي خطبوها اثنين بوقت واحد وكانو متفقين يوم يتقدم الثاني قالت لهم يدتي عندهااخت اكبر منها وسبحان الله صار النصيب تزوجو بفترة متقاربة ..

بنت جيرانا دعمو اخوها يم الباب وطلعوا اهي وامها وعمرها تقريبا 18 سنه شافها اللي دعم اخوها واعجبته وتزوجها طبعا عقب ما صار اخوها زين ( سبق ذكرت هالقصة في موضوع مشابه )


وحدة مستانسه بولدها واذا قالت اسمه اشرقت بريجها على قولت يدتي وهو امانة ريال زين وملتزم وجامعي وعندها شهادات عليا وامه الا تبي له بيضة وطويلة وضعيفة ومادري شنو ما خلت بيت ما دشته تخطب ولا احد عاجبها بعدين رفيجة ياب له رقم بنت عمه ورشحها له وراح وشافها بروحه وعجبته وايد وايد وكلم امه تشوفها وراحت وشافتها طلعت كلش عكس المواصفات يعني ابنية كلش كلش عادية ( بس حظها صج مو عادي ) سمرا ومتينة وقصيرة طبعا ما عجبت امه واصرت امه على رايها واهو اصر على رايه بعدين وافقت لانها تحبه وايد وملجوو وتزوجوو

وختاما علمت اني رزقي لن ياخذه غيري فاطمئن قلبي

 

[الجــادل]

رد : النصيب يصيب والدنيا تجيب الي تجيبه

بقولكم سالفه خالي

كانو امي وجدتي رايحين يخطبون له

ولما دشو لقو ناس جايين يخطبون نفس البنت

فسكتت جدتي وما طرت خطبه لان ما يجوز

ولما طلعو الاوادم سالت ام العروس عن سبب الزياره

قالت لها جدتي حنا فقدناج قلنا نزورج ونسال عنج

قالت لهم والله شكلكم جايين تخطبون لفلان قصدها خالي

جان تقول جدتي اي بس يوم شفناها انخطبت هونا

قالت لهم انا اللي هونت عنهم وابي ولدكم لبنتي

وتزوجو وخالي الحين جد

 

[انتظر حبه]

رد : النصيب يصيب والدنيا تجيب الي تجيبه

حلوه القصه