النساة و الجامعه بنات ابي نصيحتكم

[Ms.lool]

السلام عليكم

بنات انا حددددددي محتااااررره ابي تنصحوني
نساتي متعبتني شوي وكنت مسجلة 6 مواد والحين اداوم بس3 لان ماقدر
وحيل متردده موعارفه شسوي هل اوقف هالكورس والالا
انا كنت حيل شاطره وموادي الحمدلله كلهa بس الحين اكيد بينزل مستواي وهالشي موهامني وايددد
اللي مرددني اريح هالكورس و الالا ؟؟؟
عطوني رايكم شتنصحوني فيه

 

[Ms.lool]

اب

 

[Model Look]

نصيحه لاتوقفين بعدين بييج ياهل والوضع ببصير اصعب الياهل يبجي ماينام زين وتتعبين انتي

الكورس مابقاله شي ويخلص كانا دشينه شهر 10 وبغمضه عين بندش شهر 12

 

[انوار المحبه]

الله يعينج

 

[نور دنياه]

لا ماانصحج تريحين هالكورس، النساه شوي وتروح ، شدي على نفسج شوي وخلي لبعدين انج توقفين قيدج كورس اذا ولدتي احسن.

 

[بــنـ زايد ــت]

انتي شوفي شو وضعج وشوو احسن لج

يمكن مع الجامعة تنشغليييين بالدراسة

اما فالبيت تفكييرج بس فالوحاام

يااااارب يخف علييج

لاتاكلين اشيا مقلية كلي فواكة خضرا اشياا خفيفة << عن ر يلي يسمعني بيقول شوفوا منوا ينصح ..

الله يعيينا وييسر لناااااااا يااااااارب

 

[Ms.lool]

اميييين ياارب مشكورين بناات والله يفرجها عليناا

 

[.. Ro3a ..]

الله يعينج
حبيبتي لاتوقفين نصيييحه اللحين انتي خفيفه بس مع البيبي تعب
انا وانا حامل ونساتي قشره ضغطت ع روحي وكنت كل يوم اقول ابوقف قيدي
وسبحان الله عدا الكورس ع خير .. بس انا كنت اداوم يومين بالاسبوع مرتبه جدولي جذي ..
انتي خلي ماي الصحه ع طول معاج وخلي بالجنطة علج وحلاو عشان اذا جتج اللوعه طيرينها

الله يسهل عليج ي رب

 

[RoDriGueziYa]

نصيحه لا ،، صج النساه متعبه وتكرهج عيشتج بس سبحان الله بلحظه تخف وتختفي ان شاء الله ما تطول معاج والكورس بسرعه يمر وتروالي الوحده اذا طلعت برا البيت تنسا شوي

وعلي قولت البنات خلي توقف القيد حق الشي اللي يسوا وراج ولاده وياهل وتربية والله يسهل عليج ويخفف نساتج

 

[++صدفة++]

آنا ما أنصحج إنج توقفين قيدج عشان تخلصين و تفتكين
بس إذا إنتي شايفة أنه ضغط عليج وقاعدة تتعبين آنا من رايي تسحبين مادة أو ثنتين على حسب مقدرتج
شوفي المادة اللي دكتورها مو متساهل و شديد سحبيها عشان لا ينزل لج fa
والله يسهل عليج إن شالله

 

[ام الحلوااات]

اللــــه يـــعـــيـــنـــج