النساة واللوعة اللي تصير قبلها ساعدوني

[الغدق]

عادي حبيبتي انا نفس حالتج
لا بعد بس آكل عيش معاه روب بس وقت الغدا وشوي ماأقدر اكثر
وتلقيني طول اليوم منغثه ولازم اول مااقعد من النوم ارجع
ومو قاعده آكل عدل وكرهت شي اسمه مطاعم

واذكر أمي اول أخس مني ماتاكل ولا شي
وعادي اخواني لهم انولد مافيهم شي الحمدلله

 

[Lady-_-fushia]

om maryoom

الحمدلله والله على طول اقول حمدلله و احسن من غيري بوايد
بس تصدقين انا لاحظت بعد الماي اذا شربته بسرعه ووايد تلوع جبدي
واغلب الشغلات اللي قلتيها انا بعد جذي
اريح شي الفواكه و سلطه الفواكه وايد زينه
جربي عيش و روب مع اني ماحبه بس زين
وانا جربت ورق العنب بالزيت من غير لحم زين بس مو باي وقت
يالله اقدر اكله عشى و اخذ قبله اشياء حق اللوعه
بس الدياي و اللحم انسي كلش كلش ماقدر حتى اشوفه ولا اسمع اسمهم حتى السمج
مستحيل
الحين اتغصب بكرواسان فيه جبن
بس لازم وياه حليب كاكاو تلوع جبدي منه بس شسوي
والبسكوت تك عجيب صج والله

جربي اللبن بدال الروب حق العيش اخذي المراعي مثلا شي متوازن مايكون ثقيل ولا مالح و لا حامض
جربت انا الحامض بغيت اموت من اول شربه من اللوعه
وعقب جربت االمراعي جنه زين والله حطيته مع العيش مره و كان زين

لحد الحين هذا اللي طلع وياي
بس احس ابي اغير بالاكل تعبت

اي صج اكلي موز وايد وايد زين و فيه كالسيوم
اكثر شي لاحظته ان الاكل اللي فيه كالسيوم او مالح يرفع اللوعه
خاصه الكالسيوم يعني الموز فيه كالسيوم و يهدي المعده

 

[Lady-_-fushia]

الغدق

اي انا بعد قبل ماكو كل يومين مطعم الحين مستحيل
حتى زوجي فقير اذا مرينا صوب مطعم يحبه بالافنيوز
يقولي يالله شرايج و انا ماقدر حتى اطالع صوب المطعم
من اللوعه اللي تحوشني
والسوق كنت اقدر اروح واحوس الحين ماقدر كله من اللوعه
الله يعيينا يارب و يسهل علينا هالحمل ان شاء الله و الولاده
انا اهم شي عندي ان يوصل البيبي بالسلامه

صج جربي تحطين لبن خفيف بدال الروب مع العيش
يمكن تقدرين تاكلين شوي اكثر

انا قاعده احاول اجرب شغلات و اخذ من البنات اللي يكتبون هني شغلات
وان شاء الله نستفيد من بعض بهالشهرين

 

[pinkigigi]

التمر مووو زين وايد

شربي سوائل و شوربات عشان لو رجعتي ماتعورج

 

[noo7a]

ايام و بتمر انشالله
انا كنت نفسج بلشت نساتي من الثاني
و ماكنت اكل من اللوعه و الحارج و الترجيع
تخيلي باسبوعين نزلت 4 كيلوات وانا طبيعه جسمي قبل الكيلو الواحد يالله شهر اقدر انزله
لا نفعت معاي لا حبوب اللوعه ولا الشراب مال الحارج
وكنت خايفه عالبيبي لاني مو قاعده اكل بس بعد شنسوي هالشي مو بيدنا
و على بدايه الرابع الحمدلله بالتدريج خف كل شي
اللهم الترجيع الي لي الحين

 

[noo7a]

لوول الموضوع قديم و رافعينه توني الاحظ
انشالله تكون نساتج الحين راحت

 

[^^كرستالة^^]

الموضوع يونس مع انه قديم لووول

امبيه انا ما يتني النساة لي الحين مع اني بالاسبوع السادس
بس اذا ما كليت احس اتعب حيل وبس اكل تحوشني لوعة
بس ما رجعت لي الحين ولي الحين اشتهي الاكل

 

[فيونه المزيونه]

انا نساتي حييللل من حللت وبدت معاي مبجر والحبوب ماتسوي شي

 

[Lady-_-fushia]

قوة بنات اللي رافعين الموضوع الله يهون عليكم ياربي
الحمدلله اللوعه راحت بس الحين الحارج الله لا يوريكم
امس مرجعه بحلجي 3 مرات و مابغيت الا عمري
قمت من النوم حرقه و شرقت و ماقدر حتى ابلع ريجي
انا الحين بالسادس وحمدلله على كل حال بعد شنسوي
الله يعينكم على الحارج لان صج صج يتعب حيل

 

[لاتنوي الفرقا]

كلكم أهون مني انا اللحين فالثاني وبموووووت من اللوعه والترجيع والله يبناااات اني ماااااكل ولاشي طووول اليوم كارهه كل شي وأي شي أغصب نفسي عليه عالطوووول ارجعه وارجع فاليوم أقل شي ثلاث مرااات كرهت عمري وخايفة اروح المستشفى أكره المغذيااات شكلي باخذ حبوب اللوعه من الصيدلية