النخالة الوردية سااااااعدوووووووووني

[فديتج]

السلام عليكم
قبل تقريبا عشر أيام طلعتلي حبوب لونها وردي ومختلفة الاحجام بجسمي منطقة الصدر والظهر والبطن والرقبة ويوم عن يوم تزيد وصار منظر جسمي بشع ويوم رحت لدكتورة الجلدية قالتلي هذا المرض أسمة نخالة وردية ويظل بجسمج من 6 الى 8 أسابييييع ونفسيتي تعبااااانة وضايق خلقي من شكلي وطول اليوم أحك جسمي تكفوووووووون الي صاير فيها أو سامعه أحد تعرفة كان فية هل المرض تقوولي شسااااااااااااااااااااااااااالفتة ؟؟؟ومتى بشفا منه؟؟؟

 

[حنونه بنونه]

انا زوجى طلع فيه قبل جم سنه مسكين و وايد اتاذى بس اخذ وقت جم اسبوع وبعدين راح لا تخافين بالبدايه يبقع يصير لونه بنى بس يروح ويرجع لونه مثل ماكان

 

[فديتج]

مشكوووورة يا حنونه بنونه طمنتيني الله يطمن قلبج

 

[Om Haya]

حبيبتي فديتج شلونج؟؟

لا تخافين ولا شي انا حاشتني النخاله الورديه قبل سنتين تقريبا
وفعلا مثل ماقلتي بدت شوي شوي وخلال 3 ايام تقريبا زادت صارت تخرع

رحت حق دكتور خاص اسمه هشام لطفي الخطيب موجود الحين بمركز الهلال بالسالميه مجابل بوشهري كلينك
وفعلا قال لي هذي فايروس تصيد اللي مناعتهم ضعيفه
عطاني كريمات وجلسات للاشعه البنفسجيه
فايدة الجلسات هذي تسرع الشفاء وتقلل الاحمرار وهي تفس اشعة الشمس يعني ماتضر جنج متعرضه لشمس

والحمدلله خلال اسبوووووع او 10 ايام اتذكر راح

يعني لاتخافين ماكو الا العافيه بس اهي شكلها يخره ادري فيج

وسلااااااااااامتج الف سلامه ماتشوفين شر

 

[ii DareeN ii]

ماتشوفين شر ان شاء الله

 

[غصون]

لا ما توصل 6 اسابيع على ما يروحون

بس اسبوعين ويختفون ان شاء الله وما يبين اثرهم على الجسم يختفوون نهائيا

 

[الغريبة]

اختى انا صار فيني قبل كم سنه و محد كان عارف شنو و يعطوني ادوية كريماتهم المعتادة مما تسبب له تهيج اكثر
الى ان بالصدفة شافني دكتور فاهم وقال هذا النخالة الوردية و قال هو ما يحوش كل الناس لكن اذا حاشج ما يحوشج مرة ثانية وقال هو ياخذ وقته وماله علاج معين لازم ياخذ وقته و يروح بروحه وفعلا تطمنت و يمكن خلال اسبوعين اختفي بدون اثر الحمدلله و ما انصحج تستعملين علاج عشان يروح بسرعه خليه طبيعي عشان ما يترك اثر

 

[فديتج]

يااااااابعد قلبي مشكورييييين والشر ما ييكم انشاالله بصراحة ريحتوني الله يريحكم دنيا واخره

 

[dr_enshalla]

خالتي صار فيها قبل 3 سنين يمكن وجسمها كان يخرع بس راحت عند دكتورالصياد باسعد الحمد وعطاها علاج فادها وايد بس مادري شنو اهوا

 

[moonystyle]

حبيبتي لا تخافين انا يتلي السنة الي طافت 3 اسابيع وراحت ما كو لها اثر كلش لا تحاتين

سلامتج ما تشوفين شر