النجده ........ خدامتى تقول مكتب و الحل

[كويتية أصيلة]

ترى هابين هبه بهالسالفه تييج الخدامه جم يوم بالكثير شهرين ثلاث وتالي تقول ابي ارجع المكتب
انا احس ان السالفه فيها نصبه من كثر ما تصير هالحالة
ما ادري هالمكاتب يربحون من هالشي استغفر الله ما احط بذمتي بس مو طبيعي هالحركة زادت

 

[malak_alroo7]

اول ما يبت خدامتى كنت عند اهلى بعدنى بالاربعين.. اقعدت جم يوم بعدها قامت تبجى تقول ودونى المكتب و متى ما رديتى بيتج اخذينى هههههههه صج مسخره

 

[ظلال القرآن]

عيال اخوي شياطييييييييييييييييييييين حدهم يعني اذا يونا نص ساعه تنفجر روسنا ما خلون شي ما يخربونه ما بقى ياهل ما يطقونه فوضوين الى ابد الحدون وكلهم صبيان
تخيلي كل خدامه تيهم تقعد مدتها كامله ولا ساعات يممدون بعد
ليش تتوقعين متحملين
لان المعزبه مادقق عليهم كلش لانها داريه اذا جودت عليهم بيقبون لان محد يتحمل شطانه عيالها
فاهي تسدد وتقارب
مرت اخوي الثانيه عيالها مؤدبين وجنهم قاعدين يمثلون حتن احنا نضحك عليهم لو سمحتي يا ماما ممكن اكل كاكاو
وهي تقول لا ويروحون يرجعون الكاكاو وكلا نظاف وذربين وهادين وبتهم يلق
بس ما تقعد عندهم الخدامه شهر لايش لان المعزبه دقييييييييقه
وانا اقترحت على اخوي يستقيل من شغله ويفتح مكتب خدم علشان يلحق مع مرته لان كل شهر خدامه يديده
فيا اختي ترا بهالزمن الخدم يبيلهم مداراه سددي وقاربي
ترا الريال تلوع جبده من المراكض بالمكاتب وتغير الفيز

 

[الفراشة]

حبيبتي احنا محتاجيلهم وايد و اهم اذكيا قالت عندج عيال ما تبي اتعب روحها يمكن اتدور لها بيت ثاني ترتاح فيه عينهم صايرة قوية رديها المكتب بس اخذي درس لازم توسعييييييييييييييين صدرج كثر ما تقدرين معاهم لان اي وحدة مكانها راح تتصرف نفس التصرف

 

[مرت حمد]

وديها المكتب و فتكي من المشاكل هالجنسيه اتخرع كل سحر و اخذيلج هنديه و لا سيلانيه وهم النيباليات يمدحونهم مع اليهال

الله اكون في عونج

 

[الرحيق المختوم]

جزاكم الله خير ما قصرتوا

المهم اللى صار ان ريلي كلمها و قال لها ماكو روحه طبعا مو بالغصب
و اتفقت معاه دامها جذي احنا نطلب و لما توصل نمشي الاندونيسيه. انا مفكره اخذ سيلانيه و الله كريم

 

[عسولة الكويت]

قطيعه شكثر بلاويهم
الاندونيسيات والله مايعرفون للجهال ومايدرون وين الله قاطهم
ماادري على شنو ارتفعت اسعارهم صكوا ال450 الحين مالت عليهم

 

[الرحيق المختوم]

آخر التطورات، انها قامت تتمادى بطوالة اللسان و تخلي اليهال يخربون و تقعد تتفرج عليهم و تقول اشكره اي شفتهم بس خل يخلصون و انا ارتب بعدين.
المهم قلت لريلي مالها قعده عندي خلاص ما عدت استحمل و دقيت على المكتب و خذوها من البيت. بس مو هذي السالفه

السالفه انها اول ما قلت لها مكتب استانست و بعدين لما يابت قشها و فتشته كان لها اغراض في شقتي ، لانى مشيتها من بيت اهلي ..... فجأه عصبت و قامت تصارخ علي و تقول شلون اغراضي قلت لها اغراضج بتوصلج المكتب انا شبي فيها، ركزت على قطعت خام عندها اشوفها مرات تتلحف فيها و هالشي شككني فيها .
اللى عندها اندونيسيه هل شفتي عندها قطعة خام تتلحف فيها، و اللى تعرف شقصتها تقول لي، انا اقول الله يستر لا يكون فيه بلى.

و سلامتكم

 

[ايام وحنين]

اعوذ بالله من الخدامات
شر لابد منه الله يعينج

بس يااختي اذا عيالج مشاغبين ماله داعي تعصبين على الشغاله وتبين الشغاله تصير زينه معاج.. لاتعصبين عليها كلميها انتي وياها بروحكم لاتزفينها جدام احد ترا هم هذولي بشر ... والله يعينج ويرزقج بالشغاله اللي تريح بالج ...

 

[داريني]

الله يعينج
واللة انتي ادرى اذا انتي شايفتها مو زينه وما فيها شي يسوى انها تقعد وديها