النجدة يا أهل الخياااااااااااااااااااااااااااط!!!!!

[زينة الزين]

بسم الله الرحمن الرحيم

بناااااااااااااااات يا صاحبات الخبرة بالخياط

آنا لله الحمد مو أول مرة أولد ويخيطونني هذي رابع مرة

بس هالمرة مع الأسف وبسبب التعب واللوية مع العيال بالبيت من غير خدامة
اللي صار فيني مو شي كلللللللللللللش

اللي صار يا طويلات العمر أن خياطي ما ألتأم بالكامل والحمدلله على كل حال مع أنه صار لي أكثر من أسبوعين ولما راجعت الطبيبة قالت لي بتعطيني أسبوع زيادة مع إستعمال مرهم يديد وبتشوف إذا إلتحم الجرح زين وإذا ما ألتأم راح تخيطني مرة ثانية :nocommint:

الحين أمي يابت لي مرة ونقعتها بماي وقالت لي أحطها على الجرح :O_SHH_:

شسوي؟؟؟؟؟

 

[MONY--87]

الله يكون بعونج حبيبتي ...

و عليج بالمره لا تقطعينها لأنها سبحان الله تعتبر مثل المضاد الطبيعي ...

و عسى الله يشافيج ان شاء الله ...

 

[ملكه الحطب]

الله يكون بعونج ياااااااااااااااااااااااارب

كلمه خياط اتخرعني

 

[أم يوسف وأمونة]

الله يعينج يا عمري والله ما الومج اخاف من التعب واللويه

صج كسرتي خااااااطري سمعي كلام امج بس انا اقول اتبعي كلام الدكتورة احسن لانه الكريم اهو نفسه يخلي الجرح يلتم

وما تشووووووفين شر

 

[مشموشته]

المره ثم المره ثم المره

سوت معاي مفعول السحر بولادتي

لاني غسول المستشفى و المرهم ما يازولي بالعكس كنت احس بحككككككككككككه ودم ... وخالتي يابلتي مره انقع و احط على الكوتكس و شوفي واللللللللللله 4 او 5 ايام التام الجرح انا نفسي استغربت ... عليج بالمره حبيبتي و مبروك ماجاج

 

[مزيونة مكه]

حبيبتي خليك على المره مه ممتازه ومفيده


الله يقومك بالسلامه

 

[@الياسمين@]

خلج عالمره ترى والله مفعولها مضاد حيوي
انا بولادتي جذي جرحي وايد طول والتهب ، وما فادني غير المره

 

[عاشقه الاسمرانى27]

سلاماتج يا قلبى المره حبيبتى احسن شىء لو الخياط عدل وما فج حطى قطن معقم فى المره وامسحى مكان الخياط

وان شاء الله تحسنين المره وايد زينه ومفيده حق جروح الخياط

 

[mo0on-q8]

وي ليش .. استخدمي الكريم والمره ..
وان شاء الله يلتئم

 

[hooryah q8]

رد : النجدة يا أهل الخياااااااااااااااااااااااااااط!!!!!

حتى انا اقولج عليج بالمره
وماتشوفين شر ياقلبي

 

[eva-deva]

حياتي زيونه ما اتشوفين شر يا الغاليه ..

والله انا ما جربت ولا مره ( المره ) , كنت اكتفي بالكريمات ,,

بس ما شاء الله الكل يمدح فيها .. الى درجه اني تحسفت اني ما جربتها ..

ان شاء الله تفيديج ويلتأم جرحج الاهي آميـــــــــــــــــــــــــن ..

وخل انشوفج في تجمعنا

 

[حلوة الروح]

ويييي الله يعينج زيون استعملي المره وايد زينه

 

[Mona Lisa]

للرفع

 

[كنت ما أدري...]

الله يعينج زيون

عادي حطي الكريم
وتشطفي بغسول المره بعد..
حطيها ببطل ماي وكل مادشيتي الحمام تشطفي منه وحطي منها ع الفوطة الصحية
واذا عندج خوا جوا مطبوخه مع مره بزيت الزيتون هم زينه تحطينها ع الفوطه الصحيه

وسلامتج

 

[mafio98]

عادي اختي لا تحاتين ولا شي مو شرط مع المره يلتام الجرح انا جذي تبطل جرحي وعطتني الدكتوره مهله اسبوع وارد وماتسكو وعطتني اسبوع ثاني هم ماتسكر بلاخير قررت تخيطني مره ثانيه بنج موضوعي والحمد الله التام جرحي فعادي لاتحاتين حتى اذا في خياط اسهل من اول مره

 

[fofowa_q8]

الله يعينج حبيبتي

يمدحون المره يقولون تلأم الجرح

حاولي دايما تنسدحين وتسكرين ريولج لاتقعدين وايد موزين عالجرح

 

[مرايم2009]

الزين حبيبتي انا الي صار لي اكثرمنج انا تبطل الجرح من النص وقام يطلع منه دم ايخرع ويوم رحت الطبيب حق دكتورتي نضفتلي اياه وقامت تفغص الجرح حيييل وانا كنت بمووووت من الالم عشان اطلع الدم الي متخزن تحت الجرح وقالتلي اطهره واغير الشاش3 مرات باليوم وكل 3ايام عندي موعد ريلي طل على الجرح يقول شكله كان ايخرع بس الحين بعد العلاج الحمد الله صاار وايدزين والتام الجرح سبحان الله وعطتني ادويه بعد

 

[روان_الكويت]

ماحرصتي علا نفسج اهم شي اول الايام عالاقل لين يلتئم الخياط

خلج علا كريم الطبيب المره شميها وشربي منها شوي وحطي عالكوتكس
واذا غسلتي تشطفي بماي دافي معاه شويه ديتول الاخضر مال العنايه الشخصيه
الله يكون بعونج ويساعدج يارب

 

[_Pure_]

ماعرف عالمرة ولامره جربتها بس عالكريمات الطبيه ويا رب يلتأم الجرح و ماتحتاجين خياط ثاني اححححححح

 

[زينة الزين]

السلام عليكم

مشكورين بنات وما قصرتوا على الردود

يا شافي يا معافي أشفي مرضانا ومرضى المسلمين
اللهم رب الناس أذهب الباس أشفي أنت الشافي لا شفاء إلا شفاءك شفاءا لا يغادر سقما


يوم الأحد موعدي أدعولي الطبيبة تلقى الجرح ملتأم