الناس مو مخليني بحالي و السبب زوجي

[(حكاية قلب )]

خلى كلام الناس تحت رجولج ورجول ريلج
ماعليج منهم حبيبتي ونصيحة مني لج لا تخسرين ريلج

 

[شندوخه]

ماشاءالله تبارك الرحمن
الله يتمم عليكم ان شاءالله
والناس عطيها سكب قوووي .. بتتكلم فتره وبيسكتون
واللي تقولج شلون تنامين معاه لاتستحين منها وقوليلها اعتقد هالشي شخصي لاتستحين من احد
لانج لو ماحطيتي حد لهم راح يتمادون اكثر واكثر

 

[غلآ نوآف]

صدق نااااااااس تحر

وقاحة شكوووووو اهما؟؟؟!!!!!!

اعوذ بالله من ناس ماتخجل

-----

حبيبتي ريلج ذهب
ماعليج من كلام الناس
والحمدلله حاله ووضعه افضل مليون مره من كثير غيره
وترا اهم شي العقل السليم
مو مهم الخلل الجسماني
مايعيبه هالشي بالعكس اخلاقه وشخصيته تفرض ع الناس احترامه
بس الناس ياختي مايحبون يخلون احد بحاله
يتدخلون بالكبير والصغير
مو انتوا الوحيدين
لكن حطي خطوط حمراء لصديقاتج مايتخطونها
لان الامور الخاصة محد له شغل يسال عنها او يستفسر
قلة ادب واهما شكو يعني ؟؟؟؟؟؟

ناس همج

ولايهمووووووونج
خلج واثقة من ريلج ولاياثرون عليج الناس السخيفين السطحيين
ش فايدة انسان صحته وعافيته فيه لكن تفكيره معاق !
ويااااااااكثرهم ياختي ياكثرهم صدقيني

قولي الحمدلله
لاتضايقين منهم ولا شي
ارمي الناس ورا ظهرج
ولاتلتفتي لهم

وحصني نفسج وبيتج وريلج واستودعيه كل ماطلعتوا من البيت او طلع اهو
ترا الناس تحسد وماتحب تشوف احد مرتاح او متفاهم مع شريك حياته
علشان كذا يحاولون يخلقون لج اسئلة او اشياء تضايقكم

 

[عجميه ذوق]

الله يخليه لش وما عليش من كلام الناس ترا حساد اهم شئ انتي مرتاحه معاه خلاص وعطيهم أقوى طااااف.

 

[!الجادل الصعب!]

ماني شايفه مشكله
الا لقافة حريم لو مافيه هالاعاقه بيطلعون عله
ثانيه يناشبونج فيها حمل او سفره او حتا قرار شخصي
طنشي و وقفيهم عند حدهم مو تحطين الحره فيه
تخيلي الوضع معكوس ونفّس عليج بسبب الناس؟

 

[Bloom]

الله يعينج ويسخره لج ويتمم عليكم يارب وماعليج منهم

 

[ام الحلوااات]

اذا انــتـــي مـــقـــتــنــعــه فـــبــه و مـــرتـــاحــــه ومــبـــســـوطـــه ويـــاه
وهــــــو شـــخــص يـــســتـــااااهـــل
الـــنـــــاااااااس عـــطــيـــهـــــم طـــاااااااااااااااااااااااااف طــاااااااااااااااااااااف

 

[بكيزة هانم]

ماشاء الله الله يتمم عليكم ويرزكم الذرية الصالحه

 

[Zinab BH]

مشكورين حبيباتي من أول رد لاخر رد
بردتو قلبي عسى الله يبرد قلوبكم
و يسخر لكم ازواجكم و يحميكم من العين
و يرزقكم و يرزقني بالذرية الصالحة
انا والله مطنشتهم و اوقات اقولهم زوجي و اختياري كيفي محد له شغل
بس اوقات اوادم وقحة ماتدرين شلون تردين عليها
مثل مرة كنت معاه بمحل ثياب رجالية
عقب الملجة رايحة اختار له السوت حق الحفلة
بنات ثنتين رايحين رادين علينا اكثر من مرة
اهو ما انتبه بس انا انتبهت
اهو زوجي صج اخذ منه رجل بس عطاه جمال مشاءالله عليه
لدرجة ان لما كل من درى انه بيتزوج يسألون عمتي اللي اهي امه
عسى مرت ولدج حلوة مثل ولدج
المهم هالبنات يروحون و يردون انا من القهر
افترت و قلت لهم خير تبون صورة او توقيع امرو؟ انكسرت عينهم و اهربو
اوكي انا بطنش واهو مابيلاحظ مرة مرتين ثلاث
بس اخاف يلاحظ و تحلى السالفة و يستانس مادري صج شقاعدة اخربط
بس لا من اعاقة ولا من حلاوة فيه الناس مخليتني بحالي
اقول بقلبي اوقات لو بنية برقعته :rgewrg::eh_s(11):
خواتي يقولون لي لا وحدة طالعته خزيها و حتى لدرجة الهواش عادي هاوشي
لان في بنات مأذيين مايستحون على ويهم
فأنا من وين اخذها والا من وين مسببين لي صداع
حتى اهو ملاحظ و خواتي وامي بس نروح حق احد نكون شحلاتنا بس نطلع منهم
لازم نتهاوش لازم لازم حتى اهو يقول مابي اروح لأحد بطلع بروحي انا وانتي
او انتم في البيت لان نكون شحلاتنا اذا اثنينا مع بعض
انا ما اخلي في بالي واقول يمكن لان بداية اول سنة يكون جذي
بس صج هذا اللي لاحظته

 

[القمر الخجول]

ماشاء الله عليك وعلى زوجك ربي يحميكم
الناس عيونها فارغه هالايام
ما عليكي منهم طنشي ولاتخلي كلام الناس يأثر على علاقتك بزوجك
رضى الناس غاية لا تدرك
والي يسألك شىء خاص ردي عليهم لا تسكتين

والله يسعدك ويريح بالك في الدارين موقفه

 

[ذات الهمة العالية]

البنات كفوا ووفوا

بس بقولك شىء أنا لما اشوف جذية أطالع تدرين ليش من فرحتى فيهم


ولأان اقول فى نفسى الحمد الله رضت فيه أو رضا فيها يعنى ممكن احد يرضى بشغله فينى يعنى

يعنى لا تعتقدين ان الناس تطالع من مضمون واحد

 

[ناتشوو]

استوفى الردود
كل الامنيات للجميع بالتوفيق