الناس مو مخليني بحالي و السبب زوجي

[om MaRyooM]

ماعندح سالفة !!!!

تهتمين حق كلام الناس وزوجج مافيه شي !

مالقو شي يمسكونه يعلقون على هالشي الحمدلله والشكر



احمدي ربج وخلي همج رضا ربج ثم زوجج وبس
اهم شي انكم مستانسين وتحبون بعض

وكلام الناس مايخلص لييييييييييييي يوم الدين

 

[نفـــائس]

لا تفكرين وطنشي ولاتسمحين لاي احد بالتسلل لحياتك الشخصية لانه بدايه الانهيار
لانه فيه ناس مايرتاحون الا لما يسوون اللي براسهم من تخريب انتبهي
ماعليج من احد

موفقه ان شاء لله

 

[فركيته]

قولي حسبي الله ونعم الوكيل في الي نيته شينه,وما شاء الله صفات زوجج الزينه اكثر من مساؤه احمدي ربج واشكريه لان بعض الناس محتره

 

[روح مووود]

انتئ الصح والمعاق موو زووجك المعاق الناس المتخلفه الهمج اعاقة عقققل
طنشئ حبيبتئ والله لوو مافيكم عيب يطلعوون عيب ناس ناقصه

 

[دلال و غلا]

الله يتمم عليج و يحفظكم لبعض و يرزقكم الذريه الصالحه اللي تملي حياتكم سعاده بسعاده
وهالناس اللي تسال صراحه ما ادري شسميهم !! بس هم الظاهر يشوفونج مستانسه و مرتاااحه و يبون يضيقون عليج
لان انتي مو اول ولا اخر وحده تاخذ معاق و مرتااااحيم و مبسوطين مع بعض

 

[qazlaan]

حبيتي انا كنت ناوية اطرح للبنات هالموضوع الاعاقة ونظرة الناس للمعاق انا تفجأت عقول مجتمعنا العربي احنا لو شافوا واحد معاق يطالعونه بنظرة عجيبة وانا هالفترة عايشه في دول اوربية المعاق يحترمونه وله حقوق في جمعيات بعد لهم عربانات مخصص لهم.في الباصات اذا بيصعد معاق بينزلونه اشوي تحت.ويمارس حياته عادي سواء كان بالكرسي او لا وبعدين في اولومبيات مخصص للمعاقين وماشاءالله عليهم ويركضون بأرجل صناعية.عالفكرة في مذيعه اجنبية مقطوعة ايدها تقدم برنامج تلفزيوني ولا مو اي برنامج برنامج للأطفال احنا مستحيل تقدم برنامج بهذا الشكل احنا لازم تكون حلوه
عالعموم حبيبتي عيشي حياتج وطنشي

 

[sh_mashael]

لا يصير همچ الناس و شيقولون

لاتردين عليهم اذا تدخلوا في خصوصياتچ


مو مهم الشكل اهم شي النفسيه و الاخلاق و دام ريلچ عاجبچ خلاص لاتهتمين بكلام الناس
و الله يهنيچ

 

[al-musk]

انتي جمعي رفيجاتج بيوم واهلج بيوم ( يعني الناس الي لج تاثير وصلة مباشرة معاهم ) وشرحيلهم وجه نظرج وتعذري منهم ان ماتبين بعد اليوم احد يسمعج شي.. وبالنسبة حق الناس فطنشي ولاتنتبهين حق احد .. والله يتمم عليج كل خير .. فعلا الاعاقة بالروح مو بالجسد

 

[om deaj]

زوجج نعمه !!

ذاك اليوم مسافره والقا سعودي بكرسي متحرك رجال طول وعرض بكرسي وجنبه بنيه تهبببببببببببببببببببل وتدف عربه جاهل يززننن متزوجين ويتمشون بالمول ويتسوقون وكل شوي اصادفهم بمحل وثقه جيت بدش الاصنصير طلعت لان زحمه صار كرسيه وكرسي ولده واستحيت رجع ناداني انا وامي واختي في مكا في مكان ودشينا مشاللللللللللللللللللللله !! ماتوتر ولاشي يتناقش ويا مرته وي بيروحون وعادي وهي تمشى ومستانسه ولا اهتمت ولا ارتبكت ولاطالعتنا نطالع زوجها او لا تسولف وطلعنا قبلهم واصواتهم وسوالفهم نسمعها مشاللللللللللللللللللللللللللله !! هذا وهو مقعد وعندهاجاهل ومرته صغيره ومافيه ولا نتفه عيب ولاضرهم هو حالته اصعب من زوجج

حمدي رربج وقولي لزووجج من زين الكاملين طول بعرض ربي مكمل اعضائه كرشه لركبته ويتحكحك وينافخ ع مرته خلصي خلصيييييي ويغازل بهالبنات بعد واهي يمه شين وقوي عين ويع منه



حبيبتي لازم تصيرين عوبا ويا العالم لاحد سالج قولي والله زوجي هذا مو زوجج مو شغلج حياتي !

والي تسالج عن العلاقه قولي يالفصييييييييييييييييييييع شتبين بهالسوالف خليج بروحج ولاقولي ماشكيت الحال ومو شغلج تصير علاقه ماتصير شلون اتوقع مالج علاقه !!

مو رفيجتي تدخلين ولاقريبتي حتى لو اختي مالجججججج دخل ! علاقه خاصه من اسمها مالككم شغل

ماقصرت

للعلم زوجي معاق وعانيت من الاسألة من ناس مو اهلي بعد بس طاف واقولهم الحمدلله نصيبي والحمدلله وايد احسن من غيره وهالاعاقة ماشفتها لما تقدملي لاني ادور الاخلاق مو الشكل
اصلا يادوب تبين فيه
كلنا معاش طنشي ولا تلتفتين لهم ولا الي يسأل اسالة شخصية شكو

 

[سوبر لولو]

والله كفوووو عليج ختي ..

ماشالله عليج .. الله يهنيج ويسعدج ويسخرج لزوجج ويسخرلج ياه

من راقب الناس مات هما .. الناس بتظل مبطله حلجها ماتسكت وتحب الحجي

كلنا يحوشنا طشار من حجي الناس محد يسلم

انا اقول عيشي حياتج ويا زوجج ومالج شغل بأحد

 

[ام فافي]

الله يحفظكم لبعض ويتمم عليكم يارب

 

[بولندية]

البنات كفو وفو

والله يهنيييييكم يارب

 

[popa]

صج في ناس ماتستحي وقليلين ادب بعد انتي المفروض تردين عليهم بقوه وتدقرينهم

 

[عويتقة]

وليش انتي زعلانة وحزينة عطيهم اقوى طاف هذاك حبيبك ريلك حلالك وابو عيالك مستقبلا حبيه ودلعيه وعيشي وياه احلى ايام العمر واستانسو وحبو فبعض ومايهمكم لاكلام ولا خز ولا تلميحات كلشي قطيه ورى ضهرك ريال انسان طبيعي والاعاقة اعاقة العقل كيف انتي بتقولين ترى انتي صح وربي بيحبك لانو رزقك بالزوج الصالح ماشاء الله الله يكمل لكم بالخير ويسعدكم

 

[امانينا]

الله يخليكم البعض
ولايهمج احد الاعاقه
اعاقة التفكير والدين
اللي تناقشج بامور خاصه هذي فيها نقص
والله شوفي حياتها ماراح تكون طبيعيه
وحاسدتج
واذا على النظرات حبيبتي احنا مجتمع الخز
وكاه لما نطلع كلنا نتضايق من هالاشكال
وماحد سلم منهم
وخصا هالبنات
اللي تتعمد تخز اللي مع زوجته
عيونها البط
يعني فبساطه احنا مجتمع فضولي
والله كلنا يوصلونا لهالحاله
مو انتو بس
بالعكس شقي الابتسامه ودلعيه
واذا شفتي احد ينظر نظرة شفقه
سوي روحج ماشفتيه
عشان زوجج لا يقرى تعابيرج بطريقه غلط
حبيبتي هذول حساد لا يهمج
و الله يرزقكم على نيتكم

 

[PuPa^^SWeeT]

ابتعدي عن اصحاب السموم

 

[LuLiTa]

و الله يا اختي قلتيها عقول الناس اهي المعاقة ،،،، الدنيا تطورت و هذول يسألون بتيبين عيال منه !!!! يعني شقولج ،، انتي تفكيرج صح و اسم الله عليج ذهبة ،،، ما عليج من هالناس و نظرتهم ،، عيشي حياتج مع ريلج و لا تخلين هالشي يأثر بنفسيتج ،،

 

[am faisal]

حبيبتى
شعليج من الناس
الاهم انتى وبس
انتى تهتمين بالناس ومعطيتهم اكبر اهتمام
بس لو تعبتى وصرتى تعيسة بيهتمون
بالعكس بيخلونج سالفة يسولفون فيها
فالافضل تطنشينهم وترتاحين
وزوجج ذهبة بعينج ورازج وغيرة صحيح البدن ويمسى ويصبح زوجتة بطراق
ويرجع يتطوطح تالى الليل
واى واحد يستظرف دمة وقفية عند حدة
معطيتهم وجة وتردين على اسئلتهم بعد
باللعنة اللى تلعنهم

 

[Mrs.Q]

تدرين انتي بس غلطتج شي واحد
انج وايد ملقية الناس ويه

يبا من صجج دقرييييييييهم دقرة قهر لا تردين بذرابة لااا دقري
اللي يسئلج عن شي خاص فيج لاتبررين انتي كلما بررتي وشافوج عادي تناقشينهم بيزيدون
دقري وقولي مالكم شغل ولا كيفي خيقولون عنج وقحة بس عالاقل يكفون شرهم

وريلج حرام لاتطلعين حرتج فيه الله يحاسبج عليه
الله يحفظكم ويخليكم حق بعض

 

[كارلوفي فاري]

زوجج نعمه !!

ذاك اليوم مسافره والقا سعودي بكرسي متحرك رجال طول وعرض بكرسي وجنبه بنيه تهبببببببببببببببببببل وتدف عربه جاهل يززننن متزوجين ويتمشون بالمول ويتسوقون وكل شوي اصادفهم بمحل وثقه جيت بدش الاصنصير طلعت لان زحمه صار كرسيه وكرسي ولده واستحيت رجع ناداني انا وامي واختي في مكا في مكان ودشينا مشاللللللللللللللللللللله !! ماتوتر ولاشي يتناقش ويا مرته وي بيروحون وعادي وهي تمشى ومستانسه ولا اهتمت ولا ارتبكت ولاطالعتنا نطالع زوجها او لا تسولف وطلعنا قبلهم واصواتهم وسوالفهم نسمعها مشاللللللللللللللللللللللللللله !! هذا وهو مقعد وعندهاجاهل ومرته صغيره ومافيه ولا نتفه عيب ولاضرهم هو حالته اصعب من زوجج

حمدي رربج وقولي لزووجج من زين الكاملين طول بعرض ربي مكمل اعضائه كرشه لركبته ويتحكحك وينافخ ع مرته خلصي خلصيييييي ويغازل بهالبنات بعد واهي يمه شين وقوي عين ويع منه



حبيبتي لازم تصيرين عوبا ويا العالم لاحد سالج قولي والله زوجي هذا مو زوجج مو شغلج حياتي !

والي تسالج عن العلاقه قولي يالفصييييييييييييييييييييع شتبين بهالسوالف خليج بروحج ولاقولي ماشكيت الحال ومو شغلج تصير علاقه ماتصير شلون اتوقع مالج علاقه !!

مو رفيجتي تدخلين ولاقريبتي حتى لو اختي مالجججججج دخل ! علاقه خاصه من اسمها مالككم شغل

انتي كداااا:rerrerek::rerrerek: