الناس كلها عندها عيال .. شنو هالتخلف

[DenTisT]

اسمحيلي اختي .. طريقة تفكيرج غلط
انتي معلمه و لازم تدرين انه هذا شغلج و تربية اجيال
اقولج عن نفسي .. و الله ثم و الله ثم و الله اذا احد بس على صوته على عيالي اقلب الدنيا فوق حدر
تدرين ليش ؟
لان بالبيت احنا ما نتكلم بصوت عالي و ما نزف و ما نصرخ و لا نطق
اذا انا و الابو ما نسوي كل هذا .. شلون المدرسه اخليها تسوي جذي !!
شوفي حبيبتي يعتمد من بيئه لي بيئه .. احنا عندنا اسلوب التحذير و يكون بالهداوه و الكلام العادي و نطالعه عين بعين مره مرتين ثلاث بعدين خلاص نحط حد بالعقاب و تبين صج اهو مو عقاب عقاب ..العقاب اهو بقعد على الغنفه عشر دقايق و ما يتحرك !!!
و ابدااااااااااااا ما نلجأ للطق ابدا ابدا ابدا ... لانه هالشي يهدم شخصية الطفل باجر يصير خواف و دمعته بعينه و ما يعرف يتصرف
تدرين اذكر لما كنت بالمتوسط حصة الرسم رحت حق الابله وريتها رسمتي و عصبت و قالت شنو هذا ؟!!
بس ما قالت شي . و رحت البيت و قلت حق ابوي و الله انه ابوي يا و خلا الابله تبجي بمكانها تدرين ليش ؟ لانه احنا عندنا عيييييييييييييييييييييييب الصراخ مو عاجبج كلمني باسلوب عدل انا افهم انا انسانه حذريني علميني
و انتي كمدرسه تقدرين تحذرين الطفل او تدزين ملاحظه معاه حق اهله على الاقل يكونون بالصوره و اذا كلش ما نفع طلبي ولي الامر
هذا رايي

 

[ضحـاوي]

الله يعيننا على بعض اولياء الامور واسلوبهم

 

[عالي مستواها]

كل وحدة ذكرت حالة هي مرت فيها

لكن أقولكم شي .. انا قبل كنت أقول لو شنو ما أطق طفل ولا أصرخ كنت متوقعه كل شي يجي بالهداوة بس طلعت غلطااااانه ومية غلطانه بعد


في أطفال ما يمشي معاهم هدااايا و يا حبيبي ويا حيااااتي مرة مرتين أكلمه إن ما نفع لازم أستخدم أسلوب ثاني صح ؟


أنا هذا اللي أقصده .. بس مرات لما أشوف ولي الأمر ما ألوم ولده لا طلع " قليل أدب " لأنه الأبو نفسه مو متربي .. يعني كل شي يجي بأسلوب الواحد اسلوبه يدل عليه حتى بالشكوى يكون بأسلوب وبطريقة " محترمه " ومو مشكلة إذا ولدك غلطان أنك تعترف بالغلط أو تسكت لكن تنكر وتقووويه هذي مصيبة صراحة عمر الولد ما راح يتغير

هذا غير اللي يشيون عيالهم طق وسو بالروضة وما عليك من الأبلة .. واللله أني شاااايفه جهاااال جذي يقول أبوي يقووول طق ما عليك من أحد .. أنزين مثل ما أنت ما ترضى لعيالك هم غيرك ما يرضاله أنه ولده ينطق

دايمًا حطو نفسكم مكان الطرف الثاني .. شنو تحب الناس تحبه وشنو يزعلك هم يزعل غيرك

وبس سلامتكم وتعيشون .. والله يخلي عيالكم لكم ان شالله :eh_s(8):

 

[ذكريات]

صج في اولاد شياطين بس في مدرسات بعد يفرقون بالمعاملة بين اليهال .. كل واحد على اصله

لييييييييييش يعني ؟؟؟

 

[أم بدير]

هذا غير اللي يشيون عيالهم طق وسو بالروضة وما عليك من الأبلة .. واللله أني شاااايفه جهاااال جذي يقول أبوي يقووول طق ما عليك من أحد .. أنزين مثل ما أنت ما ترضى لعيالك هم غيرك ما يرضاله أنه ولده ينطق

دايمًا حطو نفسكم مكان الطرف الثاني .. شنو تحب الناس تحبه وشنو يزعلك هم يزعل غيرك

وبس سلامتكم وتعيشون .. والله يخلي عيالكم لكم ان شالله :eh_s(8):

اي انا اقول حق ولدي طق مالك شغل بأحد
وهذا اللي المفروض يحصل
وهذا الصح
لأن الصبيان بالمدرسه اهلهم علموهم هالشي قبلنا
فمايصير نيي احنا نقول حق عيالنا ميخالف مالك شغل فيهم خل يطقونك صير انت احسن وتحمل لين يكبر ويصير تروفه مايدافع عن نفسه ولا ياخذ حقه
اول ماداوم ولدي اولى ابتدائي كان ينطق واقوله ماعلي روح حق الابله قولها
مره ومرتين وثلاث ودايما يردلي بنفس الرد الابله تقوله انزين انا ازفه وتطنشه يوم قلتلها ترى ولدي وايد ينطق جان تقولي يهال مع بعضهم مانقدر نقولهم لاتطقون ولاتلعبون
بس مو عشان يهال ولدي كل يوم مفلوع
ثانيه ابتدائي ياني ولدي يقولي ربعه يقولونله كلام وصخ.. امك.. يولد ال.. من الكلام الوصخ وانتوا بكرامه
اول ماقالي ولدي انصعقت صراحه هذا واهو بثانيه بس قلتله ماعلي انت احسن منهم وانت متربي وماتقول هالكلام
صار يحقرهم وقاموا يعيبون عليه بالمدرسه يالخواف ويالبنيه ويا....
وهم كل يوم مفلوع ولما رحت كلمت الاخصائيه قالتلي استدعينا اولياء امورهم مليون مره على كلامهم الوصخ ماكو فايده وكل يوم يطقون ياهل
عاد هني مسكت ولدي وقلتله شوف انا قبل اقولك لاتطقو لاتسب ولاتغلط
الحين اقولك
اللي يطقك طقه والي يسبك سبه وبنفس الكلام اللي ينقالك بس اساني واياك اسمع هالكلام الوصخ ببيتي
انت وربعك بالمدرسه تنيازون بس بالبيت لا ومابي اسمعك مره تييني تشتكي من ربعك طاقينك والا سابينك.. حقك تاخذه بايدك وانت ريال
يالله اليهال فجوا عنه وبدوا يحسبونله حساب ويخافون يرد عليهم وصار عنده ربع قبل محد بيمشي معاه عشان حده مؤدب وكل كلمه تنقال عنده عيب والصبيان مايحبون جذي​

 

[مولاتي سميه]

اسمحيلي اختي .. طريقة تفكيرج غلط
انتي معلمه و لازم تدرين انه هذا شغلج و تربية اجيال
اقولج عن نفسي .. و الله ثم و الله ثم و الله اذا احد بس على صوته على عيالي اقلب الدنيا فوق حدر
تدرين ليش ؟
لان بالبيت احنا ما نتكلم بصوت عالي و ما نزف و ما نصرخ و لا نطق
اذا انا و الابو ما نسوي كل هذا .. شلون المدرسه اخليها تسوي جذي !!
شوفي حبيبتي يعتمد من بيئه لي بيئه .. احنا عندنا اسلوب التحذير و يكون بالهداوه و الكلام العادي و نطالعه عين بعين مره مرتين ثلاث بعدين خلاص نحط حد بالعقاب و تبين صج اهو مو عقاب عقاب ..العقاب اهو بقعد على الغنفه عشر دقايق و ما يتحرك !!!
و ابدااااااااااااا ما نلجأ للطق ابدا ابدا ابدا ... لانه هالشي يهدم شخصية الطفل باجر يصير خواف و دمعته بعينه و ما يعرف يتصرف
تدرين اذكر لما كنت بالمتوسط حصة الرسم رحت حق الابله وريتها رسمتي و عصبت و قالت شنو هذا ؟!!
بس ما قالت شي . و رحت البيت و قلت حق ابوي و الله انه ابوي يا و خلا الابله تبجي بمكانها تدرين ليش ؟ لانه احنا عندنا عيييييييييييييييييييييييب الصراخ مو عاجبج كلمني باسلوب عدل انا افهم انا انسانه حذريني علميني
و انتي كمدرسه تقدرين تحذرين الطفل او تدزين ملاحظه معاه حق اهله على الاقل يكونون بالصوره و اذا كلش ما نفع طلبي ولي الامر
هذا رايي

والله ارجل الرياجيل وشجعان اول انطقو من ابهاتهم وصارو رياجيل ويروحون ويقودون حروب و معارك

الولد بالذات الطق ابركله شنو ولد ماينطق

اصلا احسن له

انا اتحجي عن الام والابو اللي يقولون الطق يهدم الشخصيه

والله ماطلعو الجنوس والناعمين الا بهالجيل اللي اهلهم يقولون احنا مانطق احنا نربي عيالنا

قبل الولد بالبر وحتى بالديره يتجحش بالخيزرانه على رجوله ان غلط وارجل الرياجيل اهم واقوى الشخصيات رياجيل قبل وبارين باهلهم ويعرفون العيب والسنع هذا واهم شبعو تكفخ

البنت صح ماتنطق بس الولد لازم ينطق ويتربي عدل عشان يطلع رجال

انا اخوي صغير بالروضه مربي ابوي مهيئه دايم يقوله انت رجااال انت بطل اللي يطقك طقه لاتسكت وان غلط ابوي يطقه عادي

عشان يصير رجال هالزمن يخرع استغفرالله شكثر الجنوس بالديره وكلهم من عوايل االلي احنا نربي واسلوب ومانطق واخرتها اللهم لك الحمد جنوس

 

[مولاتي سميه]

اي انا اقول حق ولدي طق مالك شغل بأحد
وهذا اللي المفروض يحصل
وهذا الصح
لأن الصبيان بالمدرسه اهلهم علموهم هالشي قبلنا
فمايصير نيي احنا نقول حق عيالنا ميخالف مالك شغل فيهم خل يطقونك صير انت احسن وتحمل لين يكبر ويصير تروفه مايدافع عن نفسه ولا ياخذ حقه
اول ماداوم ولدي اولى ابتدائي كان ينطق واقوله ماعلي روح حق الابله قولها
مره ومرتين وثلاث ودايما يردلي بنفس الرد الابله تقوله انزين انا ازفه وتطنشه يوم قلتلها ترى ولدي وايد ينطق جان تقولي يهال مع بعضهم مانقدر نقولهم لاتطقون ولاتلعبون
بس مو عشان يهال ولدي كل يوم مفلوع
ثانيه ابتدائي ياني ولدي يقولي ربعه يقولونله كلام وصخ.. امك.. يولد ال.. من الكلام الوصخ وانتوا بكرامه
اول ماقالي ولدي انصعقت صراحه هذا واهو بثانيه بس قلتله ماعلي انت احسن منهم وانت متربي وماتقول هالكلام
صار يحقرهم وقاموا يعيبون عليه بالمدرسه يالخواف ويالبنيه ويا....
وهم كل يوم مفلوع ولما رحت كلمت الاخصائيه قالتلي استدعينا اولياء امورهم مليون مره على كلامهم الوصخ ماكو فايده وكل يوم يطقون ياهل
عاد هني مسكت ولدي وقلتله شوف انا قبل اقولك لاتطقو لاتسب ولاتغلط
الحين اقولك
اللي يطقك طقه والي يسبك سبه وبنفس الكلام اللي ينقالك بس اساني واياك اسمع هالكلام الوصخ ببيتي
انت وربعك بالمدرسه تنيازون بس بالبيت لا ومابي اسمعك مره تييني تشتكي من ربعك طاقينك والا سابينك.. حقك تاخذه بايدك وانت ريال
يالله اليهال فجوا عنه وبدوا يحسبونله حساب ويخافون يرد عليهم وصار عنده ربع قبل محد بيمشي معاه عشان حده مؤدب وكل كلمه تنقال عنده عيب والصبيان مايحبون جذي​

والله زين تسوين وعين العقل
الولد بالذااااااااااااات لازم ينطق ويطق ويدافع عن نفسه لانه موبنت هذا ولد اذا سكتلهم بيكفخونه كل يوم وبيصير على قولتج تروفه

وهالزمن يخرع اغبر لازم نربي العيال على الخشونه الزايدعه ترقبا للمستقبل والله

طاعي الحمدالله والشكر اللي طلعو جنوس كلهم عيال حمايل بدو على بوانه احنا نربي ومانطق ومبدأ واسلوب

الولد بالذات ليش يقولون لازم في رجال يربي عشان يخشن ويصير مثل سلوم باجي الرياجيل

الابو بالذات لازم يعود ولده ياخذه معاه كل مكان من صغره ويعلمه على كل شي عشان

ولازم ترددون على الولد من صغره كلمة انت رجااااااااااااااااااااااااااااال انت قوي انت بطل

انا اعرف وحده ولدها جا بين بنات وكله يقعد معاهم الحيين الولد صار عمره 7 سنين مسكين احس فيه نعومه امه فطنت وخافت عليه

صارت تمنعه من انه يسهر مع خواته واجد وكله تحاول تخلي يطلع مع ابوه وتسنع شوووي موواجد الله يستر عليه

يعني لازم الولد من صغره يتوعد على قعدة الرياجيل مع ابوه

 

[سبائك]

آنا أبوي ناظر مدرسه سابق

لما كان اخوي صغير بأولى أبتدائي كانت امي تقول له اذا احد طقك روح على الاخصائيه مو ترد تطقه(مسكينه ماشيه على قوانين تربية البنات ههههه)

وكان أبوي قاعد

جان يقول له يا ولد الي يطقك طقققققققه

وبما انه ناظر فعارف شنو الي يصير بالمدارس بين الصبيان

وفعلا هذا المبدأ الصح

لو بينطر الولد الأبله ولا الأخصائيه تاخذ حقه عيل أقبض من دبش

الحين أخوي كبر اسم الله عليه وقاعد يعلم عيالي نفس المبدأ يقول لهم أذا خليتوهم يطقونكم وسكتتوا تصيرون (( مسخره )) بين الصبيان

هذا عالم الصبيان يسلمون على بعض بالطق

ما ينفع معاهم اسلوب الذرابه والأدب والاتيكيت

ولا تقولون عيالج يمكن بمنطقه داخليه ولا خارجيه

ولدي كان بمدرسة الغربللي بقرطبه وشفت العجب العجاب هناك مع اني كنت متوقعه العكس!!!!!!

 

[Fouz]

كلامج عدل بس ترى محد يرضى ان عياله ينطقون و ينهانون لاني شايفة مدرسات مع الاسف اسلوبهم حده تعيس و اذا ما تتحمل اليهال مو مجبورة تدرسهم يا اما تحول مرحلة اكبر اذا يصير و لا تصير ادارية
اقولج الصراحة انا لو اشوف بنتي صاير فيها شي لا يمكن اسكت و بروح اشتكي اكييد و كل واحد عنده عياله اغلى ما يملك، و ارد و اقول يردون يهال و لازم المدرسة تعرف تتصرف و اذا الياهل مو طبيعي خلها تكلم الاخصائية و تتكلم مع اهله و تفهمهم
و مشكورة على الموضوع اختي

 

[سـكـر زيـادة]

الامهات والاباء


والله لو بنتي وولدي ينطق لاقلب الدنيا لان عيالي متربين ومؤدبين وفي البيت ما يطلع صوتنا


( عفوا على الكلام اللي بقوله )


مافي احد مو متربي حتى اللي احنا نشوفهم مو متربين هم فعلا متربين بس تختلف التربية من بيئة لي بيئة اخرى



انتي يا ولية الامر وولي الامر اللي بتقلبون الدنيا علشان عيالكم متربين ومؤدبين وصوتكم ما يطلع


( شلون مربين عيالكم ومؤدبين وانتوا نفسكم بتقلبون الدنيا ) ( شفتي التناقض بكلامج ؟ )

لا تقولين استخدمي على الطلبة اسلوب الترغيب


الرسول صلى الله عليه وسلم كان ينشر الدعوة الاسلامية مرة بالترغيب ومرة بالترهيب

علشان الواحد يخاف اذا عصا ويفرح اذا استجاب


.
.
.


اذا انتي ما ترضين الخزة لعيالج ( الله يرحم والديج خلي عيالج عندج في البيت ودرسيهم بنفسج كل العلوم ) وفي النهاية خليهم يواجهون المجتمع



الطالب او الطالبة لازم يخشون المعلم ،،، اللي احنا نواجهه الحين عدم احترام المعلم في جميع المواضع

لو المدرسة تضحك مع الطالبة قالوا عنها خبلة وان شدت عليهم قالوا شريه


انا مع مبدأ الشدة واللين مع الطالبات


اشد معاها في انها لازم تكون محترمه وتتكلم بأدب مع معلمتها مهما كانت المعلمة اسلوبها غلط ( هني تنعكس تربية البيت والمدرسة نفسها تنحرج لما تشوف البنت مؤدبة وهي تصارخ عليها وراح تفهم ان هالطالبة ترتبت تربية صحيحة وانها بالغلط اللي سوته كان غير مقصود من اهمال للواجبات من ضحك مع زميلة من عدم انتباه للدرس )



لكن لو تجي طالبة وتصارخ على الابلة او تنظر ل الابلة بنظرات غير محبوبة هني تبين البيئة اللي هي فيها انها بيئة ( اي شي ) وان الام والاب نفس البنت



.
.
.
.

الوزارة اسمها وزارة التربية


التربية ( انها تكمل تربية البيت لان نصف عمر الطالب في المدرسة ) والمدرسة مؤسسة خارجية تخلي الطالب يحتك مع بيئات اخرى من الناس فلما يتخرج ويتوظف هني يعرف يتصرف مع كل البيئات


.
.
.
وليه الامر ولدج انطق ، انزف ، خزته الأبلة ،،،، صدقني وبالله العلي العظيم اكييد مسوي شي مهما كان نوع الشي اللي مسوية ، لكن اكيد المعلمة شافت هذا الشي خطا ،،


ما اقولك لا تجين وتستفسرين ،، حياج الله تعالي واستفسري بس لا تقولين لولدج والا لبنتج انا جاية واواريك في الابلة ان ما خليتها وخليتها ( عيب والله هالاسلوب يطلع من ام لانج بهالطريقة تخلينه ما يحترم اللي اكبر منه وعقبها يصير ما يحترمج ولا يحترم ابوه )


انتي الحين تقدرين ترفعين صوتج في وجه امج وابوج ؟ مستحيل لانهم علموج احترام الاكبر منج سن

لكن بيجي وقت تلقين عيالج رافعين صوتهم عليج لانج علمتيهم انهم ما يحترمون اللي اكبر منهم ولا يحترمون المعلمين




والام مدرسة إذا اعددتها أعددت شعبا طيب الاعراق





مريت اول السنة بموقف بايخ من وليه امر واللي اهو


جات ولية امر للمديرة المساعدة وتقولها الابلة تكلم البنات بنفسيه ومن طرف خشمها


والسبب اني قلت لكل طالبة لا تتوقع اي وحد انها تاخذ درجة واهي جالسة تتفرج


كل وحده بتاخذ درجتها بايدها غصب عن اللي ما يرضى دام انتي مجتهده بتاخذين الدرجة غصب

ولو كنتي كسولة ولا تحلين ولا تشاركين فمالك امل اعطيج نص درجة علشان تنجحين


واتضح في نهاية الامر ان الام معروفة بأكثر من مدرسة بإن هذي شكوتها الابلة تكلم البنات من غير نفس ،،،،



تكفييييين اللي يرحم والديج اذا الصدق يخليج تقولين جذي قعدي بنتج عندج .






اسفة على الاطالة ولكن حبيت اوضح لولي الامر اللي بيقلب الدنيا علشان عياله لانهم متربين ،، وهو قاعد يعكس صورة ثانية مناقضة لكلامه

 

[رفرف]

شوق الحبيب


صح السانج

 

[سنـــابل]

على حسب الاهل
عندنا ام ولدها شاااااطر بس حركي شوي وقلنا لها لمه يت تاخذه من الروضه ترى زفيناه جان ترد علينا وتقول انتوا محلللين وسووا اللي تشوفونه

بالنسبه لي اصرخ على الياهل ساعات وان ما نفع معاه قعدته او وقفته بزاويه بالصف وويهه صوب الطوفه وان ما نفع حرمته من الفرصه

وساعات اطق الطقه الخفيفه اللي على الجتف بس اهم شي اني ما اعور الياهل

 

[سـكـر زيـادة]

شوق الحبيب


صح السانج

صح بدنج حبيبتي



والله المفروض هذا اللي يصير



احنا اول يوم كنا صغار وربي ننطق واحنا مظلومين ولما نعلم اهلنا يقولون احسن


لكن بين في عينا وخذينا احسن الشهادات

 

[أم بدير]

شوق الحبيب كلامج بالنسبه لي فيه الصح وفيه الغلط
اول شي اذا على سالفة ان الوزاره اسمها وزارة التربيه قبل التعليم انا معاج
بس التربيه العلميه الصحيحه
يعني بالحصص يعلمونه الصح من الغلط
يفهمونه
بس مايمدون ايدهم
ترى محد له حق يمد ايده عالياهل الا امه او ابوه بسسس
وانتي تقولين كل ياهل متربي بس التربيه غير من بيت لي بيت
انا اعرف وحده تييب اليهال وماتدري عنهم نهائيا كله بالشارع عيالها وحتى ماتروح اجتماع اولياء امور لا اهي ولا الابو ومالهم شغل يقولون مالهم خلق عوار راس وحنه اذا الياهل طلب شي عطون بسرعه سدوا حلجه وافتكوا من حنته
هذي التربيه؟
هذا اللي بالنسبه لنا مو متربي
وفي ناس لا بيئتهم وتربيتهم غلط
يعني تسمعين الكلام الوصخ بالبيت بيت الام والابو والخالات والعمات والعمام ماكو حذر من وجود يهال ومايهمهم اذا الياهل ردد الكلام مثلهم بالعكس يضحكون وينادون الباجي تعالوا سمعوا ولدنا والا بنتنا شتقول

واذا على سالفة اقلب الدنيا على راس اللي يغلط على عيالي
اي اقلب الدنيا عليهم
بس مو معنى هذا بقلة ادب او عدم احترام
المدرسه اللي غلطت علي بنتي أو بالاصح علي لما قالت لها الشرهه مو عليج على تربيتج لمجرد ان بنتي بارده ومامسحتلها طاولتها بسرعه
رحتلها وسألتها ليش قلتي جذي؟
قالت انا مدرسة تربية اسلاميه ما اقول هالكلام
رديت عليها قلتلها بنتي عمرها ماجذبت علي هذا اولا وثاني البنات كلهم يشهدون
جان تقولي واللي يسلمج زين وراج اولياء امور ناطرين دورهم
قلتلها هذا اسلوب مدرسة التربيه الاسلاميه اللي تتكلمين عنه؟
ومشيت عنها ورحت على طول عالناظره واشتكيت عليها عشان ماتطلع حرتها ببنتي
عقب هالسالفه المدرسة نادت بنتي واعتذرت لها وقالتلها انها ماتقصد اللي قالته وان بنتي فهمتها غلط وقامت تعاملها احسن معامله ولما رحت الاجتماع اللي بعده ظلت تمدحلي فيها شهر

صراحه انا وحده تعبانه على تربية عيالي
ماتييني مدرسه لسانها طويل ومالها خلق وتلقينها متناجره مع ريلها والا خدامتها وتحط حرتها ببنتي اللي مالها ذنب وتعلمها الادب.. جان تعلمته اهي على اسلوبها المعفن​

 

[سـكـر زيـادة]

ام بدير حبيبتي ،، اشكرج على الرد



لكن عندي ملاحظات ،،،


انتِ كأم هل كلامج مع عيالج هذا غلط لا تسويه وهذا صح سوه ؟

ام انج في بعض الاحيان تستخدمين اسلوب العقاب ؟


اكيد في اسلوب العقاب ،، وممكن تضربين مرات ابنك او ابنتك على الخطأ ( ما اقولج ان من حق المعلم يضرب ، لكن ابين لك انواع العقاب ،،


1. ما تكلمين صاحب الخطأ
2. تهاوشينه
3. تخزينه
4. تطردينه من المكان اللي انتي فيه
5. ..
6. ..
7. ..


انواع واساليب كثيرة للعقاب

لنفرض بنتك طالبة عندي ، واخطأت ( لا تقولين بنتي ما تغلط لاننا احنا الكبار نغلط ) ( قلت لها هالخطأ ان تكرر مرة ثانية راح استخدم معاج اسلوب ثاني ، وخزيتها )

جات البنت ونقلت لج الصورة اللي صارت بالضبط ،، هل من الممكن تاخذين عباتج علشان تجين تتهاوشين مع المعلمة لانها خزت البنت ؟؟؟


هذا بحد ذاته خطأ ،، لان في نهاية مطاف الدراسة بنتج راح تتوظف وراح تواجه انواااع وانواااااع من العملاء ، والرؤساء والزملاء ،،


اذا المدرسة مكمل لتربية الابن وتعليمه على اشياء كثيرة ،

انا ضد الضرب ( لكن ما امنعه اذا كان الطالب بصراحة ما نفع معه انواع العقاب او الترغيب ،، حتى الرسول عليه الصلاة والسلام قال اضربوهم على عشر ،، لا تقولين فقط علشان الصلاة ،، انتي قيسيها على اشياء كثيرة ،،، )


وما زلت اقول ان كل شخص متربي ،، حتى اللي يقطون عيالهم على الخدم متربين ،، لان الخدامة ربته ، واللي بالشارع نربى ،، لانه اكتسب اخلاق من اللي يلعب معاهم


حتى اللي تعلم كلام وصخ ،، فعلا تربى على هالنوع من الاخلاق ،، اذا مافي شخص ما تربى او اكتسب مهارات في اخلاقه



انتي تقدرين تقلبين الدنيا بأدب واحترام لانك بهالاسلوب احترمتي نفسك وتفكيرج ،، لكن لا نويتي تقلبين الدنيا خليها بينج وبين المعلمة والمديرة ، ماله داعي بنتج تدري وتتفاخر فيها جدام الطالبات وتهتز صورة المعلمة ،،،


،، وانا عن نفسي ما اقدر احكم على غيري من المعلمات ،،



اسلوبي ان اتعامل مع الام والاب بكل ادب ،، متى ما حسيت ان الامور راح تتطور ،، اختصر الموضوع واقول له ،، انا بهالاسلوب ما اقدر اتكلم معاك والكلام انتهى بالنسبة لي ،، لاني مثل ما ارضى اغلط على احد ما احب احد يغلط علي ،،


،،،

 

[سبائك]

شوق الحبيب كلامج كلللللللللله صحيح 100%

كفيتي ووفيتي

 

[أفرض هيبتي]

اي والله صاجه
فيه بعض اولياء الامور متخلفين
سواء بالمدرسه او اي مكان ثاني
بس زاهبين حق الهواش والتنرفز
لكن اسئليه عن ولده مايدري باي صف
حمدالله والشكرررررررررررر

 

[سارا ديور]

هههههههههههههههههههههههه

سمعي هالسالفه

انا ابلة العاب

قالت لي طالبه جدام البنات

ابله نسيت لبس الألعاب

جان أقول لها (( نساج المرض قولي آمين ))

من باجر امها متصله على الأداره تشتكي علي

المهم لما يت الحصه الثانيه جان انادي البنت جدام البنات

وقلت لها ياغبيه لما اقول لج نساج المرض هذي دعوه زينه مو شينه

قبل لا تنقلين هالكلمه لأمج افهمي وفهمي امج معاج


انا ادرس متوسط

وبنات هالمرحله في منتهى قلت الأدب

من اسبوعين نقلت بنت اجباري من المدرسه من كلامها الفاصخ

من كثر ماني منقثه من الطالبات بهالعمر بحول ابتدائي

عموما انا مالي شغل ازف واطرد وفي امه خير احد يحاجيني

 

[أم بدير]

مشكوره حبيبتي شوق الحبيب على تقبل ردي بصدر رحب
بس بما يتعلق بالتربيه لما نقول مو متربي.. فهذا التعبير عن التربيه الغلط والسيئه
فلما تقولين تربية خدامه.. احنا نسميها مو متربي
وبالنسبه لحديث الرسول صلى الله عليه وسلم
ما اختلف معاج انا اطق عيالي اذا شفت الوع يستدعي الطق ماقلت شي
بس انا وابوهم بس لنا الحق انا نطق عيالنا
لو كل من هب ودب بيربي عيالنا جان محنا بخير
انا اشوف وايد من البنات اللي مع بنتي بالمدرسه قليلات ادب هل اروح اطقهم؟؟ لا مالي حق
ووايد من ربع ولدي لسانهم وصخ هلي لي حق اطقهم؟؟ لا مالي حق
مو عشان الأبله بالمدرسه تدرسها هذا يعطيها الحق انها تطقها
بالنسبه لج لأنج أبله تشوفين ان المدرسه لها الحق بالطق على اساس التربيه والتعليم
اما انا بالنسبه لي ان المدرسه حالها حالنا تزيد عنا ان وظيفتها تدرس واحنا وظايفنا فليش يكون لها الحق تمد ايدها على عيالنا.. اهي تدرس عيالنا بحكم وظيفتها بس ماتطقهم بحكم وظيفتها

امي مدرسة وعمرها ما مدت ايدها على طالبة من طالباتها... اذا استدعى الوضع وشافت اخلاقيات البنت مو شي تستدعي ولية امرها وتبلغها
وعاد امها كيفها اذا بتعلمها والا بتخليها هذا شي راجعلها
وهذا الشي الي اشوفه صح
يوم كبرت امي عمرها ما اشتكت على مدرسة عشان طقتنا والا غلطت علينا
لين وصلت الثانوي وفي مدرسة ماتواطني انا واختي مادري شسالفتها الظاهر متعوده على مرادد البنات وهواشهم ولقت بنتين مالهم حس تزف فيهم ومايردون فاستانست تبهذلنا بالصف
مره اشتكينا حق امي سكتت وماسوت شي
مره ثانيه هم ماسوت شي
مره ثالثه هم ماسوت شي
رابع مره ماقدرت تسكت وراحت لها المدرسه ودشت عالناظره بلغتها باللي قاعد يصير
من عقبها ماقامت تكلمنا نهائيا

وبعدين ياما مدرسات بناتهم تربيتهم موشي
فهل هذا يعطي الحق لهم انهم يطقون بناتنا؟
وعلى فكره سالفة الخزه هذي ماتسوى احد يروح عليها المدرسه
احنا نتكلم عن شغلات تسوى
منها الطق هذا اولا
والكلام الي يأثر بنفسية الطالب ثانيا​

 

[سـكـر زيـادة]

ام بدير يا قلبي


انا ما قلت لج اطق

لكن قلت مع الطق ( اللي ما يعور مو الطق المبرح اللي يسبب الم جسدي ) ،، لا لا لا ،، ضرب على الخفيف


عمري ما مديت ايدي على طالبة ولا فكرت ،، الا اذا كانت مداعبة وبقصد الغشمرة ( ترا انا مدرسة احب اشد واحب استخدم اللين مع طالباتي )