الناس كلها عندها عيال .. شنو هالتخلف

[برشلونيه]

امممممم

والله اليهال صج ينرفزون ويبطون الجبد احنا بالبيت مانتحملهم شلون بنات الناس بيتحملونهم


وهم فيه مدرسات يبطون الجبد مع احترامي لكم

يعني الحين ولد اختي كلنا نعرفه شيطان ووايد يتحرك بس حزة الحصه يسكت ولا يسولف ولاشي وحتى مايعيل على احد

الا اذا كان متحرش فيه

ذاك اليوم ياينا البيت والله انه ايد المدرسه على خده مسكين

عاد ليش عشان ماياب كراسه والوان

ومهزأته جدام ربعه تقول ضحكو عليه

وابوه من النوع الحاار وطبعا انا لو مكانه ادش فيها اعدام بذمتي الولد ماسوا شي عشان تكفخه

دش عليهم ولعن خير خيرهم وطلب المدرسه تيي عشان بيزفها ولا يقولوله مو مداومه واهي موجوده بس ماخلاهم هددهم انه اذا طقت ولده مره ثانيه وتمصخرت عليه جدام اليهال بيي ويطقها جدام اللي يسوى ومايسوى

بتقولون شهالقلة الادب

صراحه انا مكانه اسوي اكثر من جذي

ولده مايحب المدرسه وبالغصب يداوم امه وابوه يعانون منه والسبب من هالمدرسه هاذي الفايده منها !

وهم فيه يهال شياطين بس مو كلهم وفيه ابهات وامهات مايرضون على عيالهم

انا امي مدرسه وتشوف اشكال والوان بس غصبا عليها تتحملهم لانه بالاخير يهااااااال يعني ماحط عقلي عقل ياهل !

 

[يمّه مني]

والله اذا انتو ترضون على عيالكم ينطقون او ينزفون من مدرسه او غيره
فغيركم مايرضى !!

معنه اكره ماعندي حنة اليهال وبجيهم يرتفع ضغطي خصوصن بعض
يهالنا مع احترامي يبطون الجبد ....وبصراحه الله يعينكم بس حطي في بالج الام عندها عادي اتكفخ عيالها بس ماترضى الغريب يجيسهم وهذي غريزه في الام حتى الابو

ليش الاجانب مايتعاملون مع طلابهم بنفس الطريقه اللي بعض مدرساتنا يتعاملون فيها !!
ليش ماعندنا اسلوب غير التكفخ والتجعم وياااااااااااااااااااو اذا يت المدرسه بهاليوم متهاوشه مع الريل !!
الحضانه ورياض الاطفال يبيلهم طولت بال وحطو في بالكم كل اسره عندها نمط معين بتربية عيالها في اهل يكونون مدلعين عيالهم وفي اللي يكون وحديهم وفي اشكال والوان

 

[girl_in_abottle]

وع ذكرتيني بأيام التدريس


الله يعينج
الإختلاف هني بطريقة العقاب و التأديب
لابد من الطفل ان يتعاقب
أكو وااايد كتب مختصة في هذا المجال
روحوا المكاتب خصوصا الأجنبية راح تشوفون كتب الدنيا عن أساليب التربية و العقاب
احسن طريقة اهي الكرسي
و انتي لج تسمياتة
هذة صج صج تأدب
مادري ليش

 

[أم بدير]

شوفي انتي مدرسه ومن جذي تدافعين عن المدرسات
وانا ولية امر وبدافع عن اولياء الأمور _03ba:

وكل ولية امر تعرف عيالها عدل
بالنسبه لي شخصيا عيالي دشوا المدارس متربين مو ناطره احد يربيهم
واذا غلطوا خل يستدعوني وانا العن خيرهم جدام المدرَسه بس مو من حق اي احد يمد ايده عليهم
انا اخذ حق الأبله كامل مكمل وجدامها اكفخه اذا تبي بس ما اسمع شكوى من عيالي على مدرساتهم
والحمدالله محد اشتكى من عيالي بقلة ادب او عدم احترام عيالي حدهم مؤدبين ويخافون من مدرساتهم

بس اذا ما اشتكينا عالمدرسات صراحه بينوكل حق عيالنا وبياكلونها عدل بالمدارس
تبين اقولج سالفة مدرسة الدين مع بنتي؟
مدرسة الدين قالت حق بنتي مسحي الطاوله
وبنتي مسحت الطاوله ماقالت شي وعليه بنتي حدها مطيعه وانا بعد ماقلت شي هم شي حلو تعلم اليهال انهم يعتمدون على نفسهم.. المشكله بنتي باااارده حدها زفتها الأبله وقالتلها جذي تمسحين؟؟ مسحي اسرع.. وعليه البارده بنتي مسحت اسرع بس ماعجب الأبله فصرخت عليها قالتلها شنو ماتنظفون غرفكم ببيوتكم انتوا؟ بنتي سكتت ماتدري شتقول، ردت صرخت عليها السؤال اخترعت بنتي وقالت امبلا نسنع غرفنا، قالتلها بس ماتمسحون طاولاتكم، قلت بنتي لا ولا مره، قالتلها الأبله الشرهه مو عليج... الشرهه على تربيتج
بذمتج هذي تسكتين عنها لما بنتج تييج البيت تقولج الأبله قالتلها هالكلام جدام الصف كله وبنتج طالبه حدها مالها حس وممتازه ومتفوقه وكل المدرسات والبنات يموتون عليها؟​

 

[أم بدير]

بصـــــــــــــراحه

يا كـــــــــره أولياء الامور الي جذي!!!!!!!:flower:

ماني عارفه شالقصد من هالتصرفات!!!!!!

يعني ولد طق ولد بالدفتر اهز طولي وأررررررركض حق الروضه وأكلم الأبله وأهزئها ليش عسى ماشر ماكو شغل!!!!!

سبائك مره رديت من الدوام البيت لقيت عين بنتي وارمه شكبرها مغطيتها بايدها ودار مدار عينها ازرق
وداخل عينها البياض ماكو رايح كله دم
اخترعت قلتلها شفيج؟
قالتلي رفيجتي طقتني بالكشكول داخل عيني
قلتلها رحتي الاخصائيه والا الناظره قلتليها عيني تعورني؟
قالتلي كنا بالحصه والابله مارضت تطلعني وقالتلي غسلي عينج بماي بارد وردي عادي مافيج شي
قلتلها شلون بالحصه والابله طاقتج؟
قالت احتياط والابله واقفه عند الباب تكلم ابله ثانيه والبنات يسولفون ورفيجتي قلتلها عطيني كشكولي جان تطقني فيه على عيني
وقلتلها يوم غسلتي عينج راح العوار؟
قالت لأ بس رديت قلت حق الابله شافت عيني قالتلي مافيج شي
لين ورمت عيني وزاد العوار عالحصه قبل الاخيره وقالتلي الاخصائيه نطري مابقى الا حصه وحده
طبعا هالحجي كله كان بطريجي لي المستشفى حولوها البحر
طبعا سوولها فحص نظر واكتشفوا ان في خدش بعينها حايش القرنيه ومأثر عليها ونا تأخرت وايد من جذي التهبت عينها وورمت وغطوها اسبوعين مع مراجعات والحمدالله ان الخدش كان مو بوسط القرنيه والا جان راحت عين بنتي
طبعا ثاني يوم انا بالمدرسه اشتكيت عالمدرسه بسبب اهمالها ومعاي بنتي عيونها ملفوفه أبلتها بغت تموت من الخوف خصوصا ان الدكتور كان ملزم يسوي تحقيق بالسالفه

بذمتج سبائك هذي سالفه ينسكت عنها؟؟​

 

[Pink GirL]

شوفي حبيبتي

الياهل شيطان ولا عاجل الاهل مايرضون احد يجيسة الا بسبب قوي وبضرب خفيف مو تعذيب

بعض المدرسات صراحه مع احترامي لج اسلوب وحشي بالتعامل مع الطلبة وكلامها لج عليه كله سب بسب شلون بتطلع جيل واهي جذي اسلوبها

وهم بعض اولياء الامور يسوون من الحبة قبه يعني اذا شي بسيط وبين طلبة يهال ماله داعي اكبر الموضوع

شوفي صج جيلنا انطق بس الحمدلله تعلمنا من الطق اللي انطقيناه وكان طق مو مؤلم مثل مايسوون بعض الابلات واهلنا ولا فتحوا حلجهم وكلموا الابلة بالعكس

الا بسالفة وحده صارتلي بأولى ابتدائي وتخيلي اولى ابتدائي وانا الحين اشتغل وهالسالفة موناسيتها ليلحين في بالي
كانت وحده من البنات بالصف طاقتني بعصا مخمه تكرمين وكانت الطقة تعور وانا ماعندي شي اطقها فيه فعضيتها
<- شيخو العضاضة لول
حزتها كانت فرصة ومرت ابلة يم صفنا فأشتكت البنت علي عندها .. الابلة بدون احم ولا دستور قومي وكفخيني ذاك الطراق اللي ليلحين اسم صوته يم اذني خلت رقبتي تلف من قوة الطقة وخلتني ورا الباب وكلمت ابلتي عقب الفرصة انها ماتخليني اقعد الا بعد الحصة
بعد المدرسة عمتي يات خذتني وانا كنت حاطة ايدي على خدي قالت لي شفيج ولما شافت خدي تصروعت ايد المدرسة مطبوعه على ويهي من قوة الطراق جان تروح البيت وتقول ليدتي ويدتي بعد قلبي لبست عباتها وطيران عالمدرسة قبل لا يطلعون المدرسات
دخلت على الناظرة قالت لها شوفي الحين تصكين الباب لا اسويلكم سالفة لا صارت ولا استوت تطلعون لي المدرسة تطلعونها
<- وانا خامره مسكتتني الناظرة بككاو وحلاو لووول
لقوا المدرسة ويات تتراجف ميته من الخوف يدتي بالعربي بهذلتها وعطتها ذاك الطراق اللي ماتنساه بردت قلبي فيها ثاني يوم المدرسة مو موجودة بالمدرسة مادري وين ذلفت من الفشلة

ام بدير
بعد قلبي عاد بنتج حدها هادية .. حسبي الله عليهم
لا والله ماينسكت عنهم

 

[۩۩ الجـــــود ۩۩]

الناس تختلف حبيبتى هو فعلا الاهل يالله متحملين عيالهم شلون المدرسات

ولدى جاى اليوم طاقته الوكيله مع عيال صفه كلهم قدام طلاب المدرسه بالطابور لان فيه جم واحد من الصف يطقون ولدعندهم ويقطون اغراضه

قامت الوكيله وطقت الصف كله

ويقول ماما انا مظلوم وطقتنى ما سويت شى ثالث ابتدائى والله كسر خاطرى

ولا فكرت اروح اشتكى

ابوه مدرس ويطق الجهال يقول بروح لهم قلت حبيبى انت تطق طلابك شى متوقع ان

ولدك ينطق

المدرسات الله يعينهم على الطلاب والشكاوى

وبعض الاهل زى حلاتى الله يعينهم لانطقو عيالهم مضلومين

 

[رفرف]

بنات احنا مو قاعدين نتكلم عن الحالات اللي جد تستاهل شكوى لا والله ..

بس مرات في اولياء امور والله فاضين ..

ومرات خيال الياهل يكون واسع .. اي تأكدي وسألي وردي عيدي السؤال بطريقة ثانية وبوقت ثاني على الياهل لي طلع صج تعالي تحجي ..

مو وحدة يايتني تقول انتي قايلة حق بنتي يالشريرة (وليش شريرة عاد احد قالج انا اللي مدبلجة فلم سنووايت!!) وقلتي حق البنات عيبو عليها !!!!!!!!!!!!!!!!!!!!!!!!!!!!!!!!!!
قمت اضحك والله شرد عليها هاذي ..
قلت لها نادي بنتج وسأليها مرة ثانية عفية مو اي شي يقوله الياهل تصدقونه تأكدي وسألي بنات صفها ان طلع صج لج اللي تبينه وان ماطلع صج اطالبج باعتذار تره !!!!!

لا وراس يابس قالت انا اناديها جدامج واسألها البنت قامت تتعكف وتضحك قالت لا ماقالتلي !! ولا عجبها الأم تقولي علشان سألتها جدامج قالت لأ ..

اي تأكدي بالبيت قبل لا ترزين ويهج واتيين تشتكين والا تنطرين الشارة بس ..

اذا انا بنتي بالبيت مرة تقولي الخدامة طقتني والله اسألها وارد الف وادور طول اليوم وانا اتقررها وين طقتج وشلون ومتى لين اتأكد حرام الظلم ظلمات والله وتطلع الخدامة ما سوتلها شي حتى حطيت كاميرا وشفت بعيني .. ما اصدق على طول ..

حتى مرة بنتي قايلة حق ابوها ماما طقتني بالكرسي على راسي !!
خو يهال

 

[مولاتي سميه]

صح كلامج شي ينرفز

بس الطق انا ماايده انا عمري 23 سنه للحين في قلبي حره والله ماتدرين شكثر

تخيلي كنت بثالثه ابتدائي جاهل

الابله كويتيه مالت علوووم قالت لنا مابي اسمع صوت والله سكتنا
بعدين قامت تشرح جان اسمعها تقول ((القمح والدقيق))

التفت على بنيه يمي وقلتلها بصوت واطي القمح والدقيق كلها يقولونها عدنان ولينا وسكت وكان صوتي ماينسمع

والله مااشوفها الا جايتني ماانسى طراقات على وجهي 3 طراقات ماانساعم ايدها اثقل ايد مرت علي

والله رحت بيتنا افحط من البجي تخيلي امي مومصدقتني تقول مومعقوله بطقج جذي بس الله يسامحها يايما<<امهات قبل موالحين

والله للحين انا ماانسى هالسالفه مانساها طقها ماكان عادي جنها تطق رجال كبير مو جاهل بثالثه ابتدائي

 

[مولاتي سميه]

لوووووووووووووووووووووووووووووووووووووووول امبيه رفرف يامجرمه طاقه بنتج بالكرسي على راسها

ياحلاتها بنتج خيالها واسع هوليودي

والله صاجه الجهاال يسسون افلام وخيالهم واسع انا اخوي يجينا يقول الروضه احترقت وابلتنا تشرب زقاير

نرد نساله نقوله ابلتك تشرب زقاير يظحك باستغراب يقولي انتي غبيه شلون ابلتي بنيه مورجال شلون تشرب زقاير ؟؟؟ ويظحك ميت ظحك علي جنه مواهو اللي مفلم وقايلي خخخخخخخخخخخخخخخ

يعني جهال خيالهم حده واسع

 

[عنايد]

رفرف نفس سالفتج صارت لي مره ولية أمر جدام الأمهات صدمتني تقول اني قايله لبنتها امج خبله هههههههههه

انا ماقلت لها جذيه الام مجلده كتاب بنتها بجلاد فوشي عليه رسومات والبنت بأولى ابتدائي وماتفرق بين كتبها لانها كلها

مجلده بنفس الجلاد فتاخذ وقت لما تعرف وين كتاب الماده وانا اساعدها ونطلعه من الجنطه ولان الماده لها كتابين هم

تحتار البنت اي كتاب تطلع لانهم كلهم نفس الشي وهذي حالتها كل حصه دايما مأخرتنا تدور وين الكتاب اللي مفروض

تفتحه ومره من نرفزتي قلت الله يسامح امج على هالجلاد ماسوت فيج خير راحت قالت حق امها الابله تقول عنج خبله

هههههههههههه والام جايه معصبه

 

[OmRashed]

انا مع العقاب على الخطا بس ضد الطق
يعني اذا واحد من عيالي سوا شي غلط
بالمدرسه وتعاقب عليه ماعترض واقول زين تسوون فيه

بس اذا منيه والطريج تعاقب على شي مومسويه
او ماله ذنب طبعا ماراح اسكت واروح اكلم المدرسه
عشان اعرف الاسباب

 

[أم بدير]

بنات احنا مو قاعدين نتكلم عن الحالات اللي جد تستاهل شكوى لا والله ..

بس مرات في اولياء امور والله فاضين ..

ومرات خيال الياهل يكون واسع .. اي تأكدي وسألي وردي عيدي السؤال بطريقة ثانية وبوقت ثاني على الياهل لي طلع صج تعالي تحجي ..

اكيد مو على اي سبب
وبعدين على حسب الياهل مثل ماقلت ان الام أدرى بعيالها
انا لو ولدي يشتكي من أبلته
اقول الداد لها وعليه زين بس طقته ماذبحته
خخخخخخخخخخخخخخخخخخخخخخخخخخ​

 

[أم بدير]

ام بدير
بعد قلبي عاد بنتج حدها هادية .. حسبي الله عليهم
لا والله ماينسكت عنهم

شفتي شلون خنت حيلي والله هالبنيه
ويوم رحت شرشحتني الأبله بعد خخخخخخخخخخخخخخ
بس ماسكت لها اول مره ارد وطلعت اللي بجبدي كله
وبعدين رحت حق الناظره قلتلها مو تحط حرتها بالبنيه
لما ردت بنتي قالتلي ان ابلة الدين نادتها وقالتلها ترى ماكان قصدي وعذريني وانا احبج وانتي خوش بنيه
شكلها انزفت
لوووووووووووووووووووووول​

 

[Pink GirL]

ام بدير
اشوة بعد ماحطت عليها
بعض المدرسات اذا انزفوا يطلعون الحره بالبنت ولا بالدرجات لول

 

[سبائك]

أم بدير لا والله يحق لج!!!!

هذا أهماااااااال منقطع النظير!!!!!

لا يمكن انتي فهمتي وجهة نظري أني عممت على كل الحالات ....... لا طبعا ما أقصد جذي

مثل حالة بنتج يحق لج تروحين وتعفسين الدنيا عاليها واطيها

اما الي فهمته من سالفة الاخت عالي مستواها أن الطقه ما كانت تعور مجرد لعب يهال يحصل وعادي

سلامتها بنيتج ان شاءالله ما تشوف شر

 

[$الـــحـــلاوه$]

في ناس جذي ما يرضون على عيالهم كللللللش
لدرجة ان البنت او الولد يكونون قليلين ادب ويبيلهم تربيه بس الاهل يشوفون عيالهم دايم صح
ياعمري يا امي اذا قلت لها شي تقول ماعليج يمكن مو قصدها او تشوف مصلحتج جذي

بس تبين الصج سالفتج تهوووون عن الابلات اللي مايرضون على بناتهم !!!
شنووو انغث من هالسالفه اذا الابله تعرف ام البنت او اذا البنت امها معاها بالمدرسه تخليها ملكه ونفسيتها خايسه على باجي البنات ليش يعني شالسالفه!!!

 

[أغلى حبيبه]

والله الصراحه انا مااحب احد يطق عيالي

وهم اذا يي ولدي وقالي الاستاذ طقني ولا زفنيي اقوله اكيد مسوي شي ولا ماطقك

بس عندي العقاب احسن من الطق




ويعطيكم العافيه ياالمدراساااااااات

 

[بنات حواء2]

قم للمعلم و وفه تبجيلا كاد المعلم ان يكون رسولا


لا ياحبيبتي كلامج كله انا ما اوافق عليه انتي عشان تصيرين مدرسه ناجحه لازم تحلين مشاكل اليهال و تعطينهم فرصه يعبرون عن مشاكلهم لازم يكون في مبدأ الديموقراطيه التربويه و انتي مدرسة روضه يعني لازم تكونين متهيئة حق الطلاب من اول الدوام لي آخر اللدوام عشان تحللين معاشج و المدرس اذا ما طبق هلمبادئ ما يكون ينطبق عليه البيت إلي ذكرته في اول الرد

بعدين لو كان الولد مطقوق في حصه المدرسه فعلن هي مسؤوله المفروض انها تضبط الصف و اذا صارت اي مشكله المفروض انها تدخل بسرعه و لو كان اسلوب الابو غلط بس فعلن المدرسه هي مسؤووله


و على فكره اذا المعلمه ما تعاملت مع الطلاب برحمه و بألفه و صارت حنونه عليهم راح يحبونها و عمرهم ماينسونها و يمكن تكون هي اساس لنجاحهم و تفوقهم في المستقبل اما المدرسه الممله هذي راح تطفش اليهال من الدراسه و تخليهم يكرهون الدراسه و جذي تكون هدمة مستقبلهم و هذي امور موجوده و ندرسها في الكليه لازم نطبقها

 

[الفنانه79]

وييييييييييييييييييييييييييييييييييييييييييييييييييييييه هالاسوالف اخذي وشكي الحمدله الناس الحين يخربون اعيالهم



انا عندي اشراف الصف الثامن (طبعا ادرس متوسط)


المهم ذاك اليوم طالبته داخله صف موصفها وكاتبه كلام وصخ عن وحده من الطالبات على الطوفه البنات شافوها ويو عندي يشتكون


قمت طبعا انا قلت وزفيتها على قلة ادبها وقالولي الاداره كتبيها تعهد علشان مره ثانيه ماتعيدها



ثاااااااااااااااااااااااااااااااااااااااااااااني يوم


والا الابو بالاداره اشوي يبي يطق الناظره اشلون اتكتبونها تعهد واشلون الابله اتزفها تخيلي تناجرت انا معاه بالاداره يقولي بفصلج (ههههههههههههههههههههههههههههههههههه) اللي ماطوله بيدك


المهم ولما عرف وبنته اعترفت جدامه ان اهي اليي امسويه قام يقول لا موقصدها بس عطوني التعهد (طالع هذا صج عقيدي اشلون نعطيك تعهد بنتك )


ثالث يوم ياي يقول ليش ماطرشتوا التعهد مع بنتي كتبته الناظره تعهد اهو مع بنته مره ثانيه وقالتله اي شي ثاني يصدر منك او من بنتك راح انقلها مدرسه ثانيه



عجبي عليييييييييييييييك يازمن جذي الناس :0bee2e8d89: