الناس كلها عندها عيال .. شنو هالتخلف

[عالي مستواها]

السلام عليكم ورحمة الله وبركاته ...


أنا في شي قاهرني وباط جبدي .. عمرنا كله كنا ننطق بالمدارس المدرسات يكفخونا ويسبون وكل شي يقولونه وكنا نسكت عادي نتحمل

ليش ألحين إذا قلتي كلمة لطالب او طالبة ثاني يوم جايين أهله يتشكون ؟ على كلمة بس قالتها المدرسة


الحين إذا الطق ممنوع و أني أعاقب طفل أوقفه ممنوع وصراخ ممنوع وزف ممنوع بالله شلون راح أضبط الصف ؟

لا تقولون لي هدايا وترغيب مو كل الأطفال ينفع معاهم بعضهم والله حتى الزف والصراخ ما ينفع مال طق لكن أنا مو طبعي أطق فما أمد أيدي

على فكرة ماجتني شكوى من ولي أمر من قبل بس أشوف بروضتنا شكاوي أولياء الامور تغث لدرجة والله الأسبوع اللي طاف جاي واحد يهاوش وصوته عاالي بالإدارة توقعت المدرسة طاقه ولده ولا مسويه شي تخيلوا يشتكي عشان ولد طق ولده " بدفتر " والمشكلة مو بالشكوى المشكلة بأسلوب بعض أولياء الامور اللي ينرفز

ولي الأمر هذا نفسه نادى مدرستين الفصل وسفل فيهم وحالته حاله على شنو ؟ شدعوى ولد شيووووخ ولدك ما ينطق .. جهال يتطاققون دقايق إلا هم راجعين يلعبون ولا كأنه صار شي

ليش يقون عيالهم جذي ؟ ترا هذا مو أسلوب يعني جاي الولد يقولك ولد طقني بدفتر طيب خير يا طير ؟ أجي الروضة هاد وأمسك المعلمات جدام الطفل أسفل فيهم ؟

شي قهرني صج فيه ناس كلمة " عقد " شوي عليهم .. لانه فيهم نقص يوم أنهم صغار أهلهم ما يدرون عنهم يعوضون بعيالهم

أنا قلت ما صارلي موقف جذي لأنه أسلوبي هادي صج مرات ينرفزوني شي طبيعي الواحد ما يتحمل عياااله شلون 30 طفل وشغاله اليوم كله أكيد بيطلعوني من طوووري

 

[نــور1]

طولي ي ي ي ي ي ي ي ي ي بالج

30 طفل ==== 30 بيئة أسرية مختلفة فيها من مشاكل وأسرار وأزمااات ومعانات وأمور احنا ما ندري عنها

يعني أنت بتتعاملين مع هالأسر وبيئاتهم وتربيتهم المختلفة


يا ما ويا ما ويا ما تواجهنا وتمشكلنا مع اصناف واولياء امور منهم الصاحي ومنهم المجنون !!

أهم شي أنت امسكي اعصابج وإن قل أدبه ولي الامر لج حق بالشكوى عليه في المنطقة خو صرنا مطقاقة للي يسوى وإللى ما يسوى

محسوبتج === نقلوا علشاني طالبة من المدرسة اللى انا فيها لمدرسة ثانية والسبب قلة ادب ولية الامر

 

[عنايد]

تخيلي انا عمره ماانسمع لي حس بالمدرسه الا بالخير ولي أمر يشتكي علي عند الناظره حاضر بنفسه وزوجته دااقه على الناظره وتكلمها واثنيناتهم يكلموني بنفس الوقت الام عالتلفون والابو شخصيا ليش؟؟

لاني ماعاقبت بنتهم لاني ابي اساعدها واتمنى لها الخير لان مستواها نزل وعطيتها فرصه لي باجر عشان تدرس مره ثانيه وماخليتها تمتحن مع البنات تخيلي؟؟؟؟؟؟؟؟؟؟

انهدو علي انتي شلون تسوين جذيه بنتنا كسلاااااااااااااانه؟؟؟ بنتنا حست انها كسلااااااااااانه؟؟؟

بنتنا دلوووعه على اربع عيال<<انا شكووووووو
بل بل بل كل هذا عشان بساعدها عيل لو طاقتها شصار

تعالي شوفي قلة أدب البنات في مدرستنا من اولى لي خامسه عقليتهم وحده عقلية اطفال بالروضه ماكبرو ولاتوعو يعني تقول قعدو ماقعدو طنااااااااااااش عندج ضيوف ماعندج ضيووووووووووف طناااااااااااش كلااااااام مادري شلون ينقال حق معلمه

والسبب شنو ؟؟؟؟؟لاتعاقبونهم لا تهزأونهم لا تجرحونهم لابكلمه ولابدرجه يعني ذبحتج جننتج تحملي خل يصير فيج امراض بس بنت الناس ماتمسين مشاعرها بكلمه تخيلي

 

[منورة الكويتية]

دائما اسمع عن هالسوالف وفعلا مو مخرب هاليهال ومقويهم الا اهاليهم
انا بفهم الياهل بعذره لكن انت يا الابو ولاا الام شلون كلمة ياهل توديك وتييبك
ماكو عقل ماكو تفكير!!
ايي واسفل ببنت الناس عشان يهال متهاوشين وخير ياطير
باجر كل ماتهاوش ولدك بتدش بالموضوع وتعاقب خلق الله
هالولد باجر شلون بيعتمد على نفسه اصلا
فعلا الله يكون بعووونكم يالمدرسات لان فعلا تظطرين تتعاملين مع ناس اشكال والوان ومن مختلف البيئات

 

[softlady]

والله ساعات الياهل يبي احد يزنطه من شطانته وقله ادبه

والاهل اخبر بعيالهم

يعني الطفل الهادي لما يشتكي عند اهله غير الشيطان


بس الله يهديهم ما يفرقون


اقولج شي

ريحي روحج

والي يزودها طلبي انتي اهله لاتنطرين لما اهو يشتكي

 

[كسرة عود]

الله يعينج ......... بلاوي
أنا إذا بنتي اشتكت أقول سلامات ماصار شي
لانهول الموضوع !!!!!!!!!!!!!

 

[فديتها انا]

حياتي ياعيالي والله ينزفون وينطقون وفوق هذا مرات عقاب ينفصلون والله مااعرف اوقف معاهم ابوهم كله يقول احسن خل يتادبون ويزفهم ويقول خبز خبزتوه ولا الاوادم شتبي فيكم يعني ويلي ولا حاولت اتدخل والله يعصب ويقول لاتخربينهم خليهم يتادبون

 

[Om_RayooMa]

حسره عليناااااااااااا
اقول حق ابوي الابله فصختني الشباصه ليش لونها برتقالي طول اليوم شعري كوشه
يقولي عشان تفتحين عينج مره ثانيه @@
اقوله يبا اول مره يقولي اى وآخر مره
اقوله يبا الابله فصختني جاكيتي ليش لونه اسود
ومت من البرد وماعطتني اياه الا اخر الدوام
يقولي قلعتج عندج كحلي

ويييييييييييييييييييييي
الحمدلله والشكر ما يبون يربون عيالهم
شسم الوزاره مو تربيه وتعليم
التربيه قبل التعليم
شفيها اذا الابله عاقبت بنتي لانها غلطانه
بالعكس والله انا اذا بنتي الكبيره سوي شي غلط اقولها بقول حق ابله عاليه
تسسسسسسسكت لالا الا ابله عاليه تنفذ اللي ابيه وبسكات
بس عشان لا تطيح من عينها
بس بعض الاهالي الحمدلله والشكر سلامات

 

[brettey]

طولي بالج يا قلبي صج انتوا يالمدرسات الله يعينكم شوفي ياقلبي انا مااؤيد ضرب الطلبه الا في حاله الشطانه يعني هم في مدرسين ومدرسات يطقون عشان الطالب او الطالبه جاوبوا غلط يقومون يغلطون ويطقون يا غبي وحيل طق اما اذا الطالب او الطالبه تشيطنوا وتمادوا موبس طق الا الذبح شويه عليهم لان في يهال يتمادون ويمصخونها وصج في اولياء امور ادعل ماينبلعون ياويل ان احد قال حق اعيالهم ادنوا على وراكم

 

[pretty sarona]

ميخالف .. صج ان الابله لها حقوق على الطالب بس تزفه حق مصلحته و ما توصل المرحلة لي الكلام اللي كنا نسمعه قبل من الابلات اقصد السب ,, و انا ما اايد الطق عموما حق مصلحة الطالب ولا غيره ماله داعي يعني .. الابله عندها وايد طرق تقدر تخلي الطالب تحت سيطرتها بعيد عن الطق .. و بعدين اكيد اولياء الامور ما يرضون على عيالهم لما توصل الطق بس انا اقول يمكن الابو قصده ان وينكم عنه يمكن الحين بدفتر باجر بقلم ! ولا ولدهم حساس و ما ينجاس بالبيت هالدور بالمدرسة ... الله يعينج طبعا انا لو بمكانج ما كنت اقعد يوم واحد من شي نسمعه عن اليهال و شطانتهم هالايام بس شتسوين مدرسة و فيها وايد ناااس و بيئات غير تشوفين الهوايل ,

 

[شيهانه]

بس اللحين هذا الجيل الي اتكلمون عنه كبر وراح الجامعات وراح الدوامات وتوظف .. حتى بالوزارات شي مو طبيعي الجيل الجديد ..قلة ادب - لسان طويل - يراعه - عين قوية - تفاهه - ماكو شغل - ويا ويل الي يحاجيهم .

 

[رفرف]

والله صاجه ..

شوفي مسألة الطق انا ما أأيدها انا ما أمد ايدي لا على بنتي ولا على بنات الناس ..
وبالعكس البنات يموتوووووووون علي امشي وهم ساتول وراي وادلعهم وصج صج أحبهم جنهم بناتي ..
بس مرات لازم اعاقب ..
لازم وحدة تقعد بربعة بروحها ..
والا اشغل البنات وما اخليها تشتغل عالكمبيوتر
والا اوقفها شوي بو5 دقايق
والا اعلي نبرة صوتي علشان ينتظمون ..
خو ماني طاقتهم ولا قاصة روسهم بس لازم اضبطهم شوي ..
اتييج الأم تلالي الأبله صوتها عالي خرعت بنتي ..
اسمالله على بنتج لا عفية قولولي انكم زرازير بالبيت ما ينسمع حسكم ..
وبعدين اشصار خل الأبلة يكون صوتها عالي لا سبتج لا زفتج ما سوتلج شي ..

والله الشرهه على هالامهات الحمدلله والشكر تلقينها طول ما اهي بالبيت طايحتله طقققققققققققق بعيالها ..
وبالمدرسة لا تحاجونها بنتي رقيقة !!

ولا اللي تقولج ياهل طق ياهل ..
اي عادي انتو يزوارتكم بين اهلكم والا حتى ابيتكم عيالكم الاخوان ما يتطاققون ؟
خو الأبلة معاهم بس ما تقدر تربط اليهال ..
يعني لي تهاوشو اتفككهم وتحل المشكلة بس ما تقدر تتنبئ بتصرفاتهم والا تحط بدي قارد حق كل ياهل ..؟
والله دلع ومصاخة

 

[سبائك]

بصـــــــــــــراحه

يا كـــــــــره أولياء الامور الي جذي!!!!!!!:flower:

ماني عارفه شالقصد من هالتصرفات!!!!!!

يعني ولد طق ولد بالدفتر اهز طولي وأررررررركض حق الروضه وأكلم الأبله وأهزئها ليش عسى ماشر ماكو شغل!!!!!

وحتى لو الأبله تزف الياهل ولا تأدبه شيصير يعني!!!!!

الولد او البنت عايشين بمجتمع وياما راح يشوفون نماين من البشر بحياتهم أما أذا قمنا ندافع عنهم ونحاميهم على كل كلمه تنقال لهم ولا كل موقف يصير لهم مع الاوادم أيا كانوا أبلات ولا غيرهم جذي ماراح نخلص

خلهم يتعودون على القسوه شوي ماراح يضرهم ترى بيكبرون وينسون

كا احنا ما ضرنا ياما يتنا الناظره وطقت الصف كله بالعصا الخشب ما قلنا حق اهلنا ولا اشتكينا<<< لأن ندري شبيقولون قلعتكم وزين يسوون فيكم خخخخخخخ

 

[GAP]

صج مصاخه ... شدعوه شصار يعني طاق ولدك بدفتر خير يا طير .. الحمدالله والشكر الله يعينكم
مصاخه

 

[mooomooo]

تدرين عيل انا نوعي كللللش ما امد ايدي عاليهال

ومع ذلك تييني ولية امر تقولي بنتي تقول ابله ... طقتني

استغربت ومره ثانيه قالت حق امها تعالي الاجتماع ولا اقول حق الابله تطقج

يعني المفروض من ولي الامر يتأكد خصوصن من الصغار

وحتى العام في واحد هم قالي انتي عطيتيني كف على ويهي مع اني ما ييت صوبه

بس اسم الله عليهم خيالهم واسع ومرات يعتبرون الشده في الصوت طق




اخر شكوى يت حق الناظره


يايتني المشرفه والوكيله يقولون ولي امر عندكم مشتكي

يقول الابله قايله حق ولدي الفراشه تدش وياك

قتلها اي انا اسئل الاطفال خصوصن انهم اصغغغغر صف بالروضه

اذا بدش الحمام تبي الفراشه تيي ولا تعرف بروحك في يهال بروحهم وفي يهال يبون الفراشه تدش معاهم




الحين ابي اعرف شالمشكله هههههههههه ؟

هذي شكوى بالله




يس في ناس لا والله ينحطون عالجرح يبرى

خوش اولياااااااء تقولي اشكره بنتي تحت ايديج سوي فيها اللي تبين

 

[بتبوتااا]

حبيبتي عيل شتقولين انه مره خذيت ولدي من الروضه منشق برطمه وقبلها ان طايح من العبه على حنجه وصارت صعروره شكبرها
والابله يايه تتأسف لي تقول والله عندي بالصف ولد حده شيطان يدز اليهال ويطق ونقول له اقعد يقول ابوي يقول لي امش وطق علشان تصصير ريال ؟؟؟؟؟؟
يعني شنو هالتعلوووووم انا ما تكلمت لانه بالاول والاخير الولد ماله ذنب انا اشره على الابو الي معلم ولده هالتعلوم الوصخ عيل باجر
لي قال له اذبح اذبح؟!
وهذول يهال لازم ينطقون يطيحون يتعورون ينزفون عيل شلون بيتعلموووووووووون؟

 

[شمس الأصيل]

الشكوى لله مره ولي امر شاكي على وحده من المدرسات يقول ليش تخز بنتي !!!!!!!!!!!!!!!!!!!!!!!!!!!!!!شدعوه شلون ندرس واحنا مغمضين

 

[إستبرق]

والله حبوبه لا مو شرط ان المدرسات صح ولا اعتقد ان كلش لي طقيتي خلاص
وبعدين من حقه الابو يدافع عن ولده لان في مدرسات الحمدلله والشكر ولاجنهم يتعاملون مع يهال
وفي مدرسات يقوون ياهل على الثاني
يبا انا لما كنت بالثانويه كانت كذا مدرسه وربي كل اسبوع اييب لها ابوي لانها كانت قمه الارف وما احترمت نفسها الى لما شافت ابوي يجعهم وابوي ناظر وفاهم هالسوالف
ولا مدرسه تدخل اول ماتدخل الصف تقول لنا قوموا وقفوا نقول ليش تضحك ههههههه والله الي تجاوب تقعد وطبعا ماتشرح عدل وبس تتطنز على البنات وتضحك عليهم ويالله انتي وانتي واسلوب خايس وربي لما شافت ان ما اعطيها ويه وييبت لها ابوي وابوي تفاهم معاها الى احترمت نفسها
وبعدين على اليهال هم والله انتوا وين دوركم لما اليهال يطقون بعض انا اعرف اختي بنتها بهذولها تبهذل وكانت ماتروح لها بس البنيه الي معاها يننت بنتها تبوق بغراضها وتطقها وعفست بنت اختي والمدرسات كانوا مايكملون البنيه والله شيطانه محد يقدر لها اختي انقهرت لان المدرسات يشوفون هالاشياء ومالهم اي دور ليش وين دوركم الحين ولا بس تبون اليهال يتحاسبون وانتي مو مدرسه وين دورج عيل ولما اختي راحت لهم وعطت المدرسات جم كلمه احترموا نفسهم
وهذيج المره زوجه اخوي تقول هي مدرسه تدرس صبيان تقول بحصتي ولا تييني مدرسه تقول ممكن شوي ابي الطالب الفلاني تقول على بالي تبي تكلمه يوم داخله وجدام الصبيان كلهم تقول وتعطيه جم سطار وتمسك القلم وترسم على ويهه تقول والطالب هذا ادري انه حبوب لما قالوا لها ليش ولا الحبيبه تقول لانه يالنا مشرف ولاطالب هذا سأل سؤال غبي ولاحظي هو فالابتدائي يعني هذا اسلوب تعامل مدرسه
وانتي تقولين شنو هذا ومعصبه وماتتحملين ان يهال ليش صرتي مدرسه روضه كل واحد عارف هو يتحمل شنو وشنو طاقته في ناس ماتفكر بالتدريس ولا بالروضه تقول ما اتحمل خلاص اذا انتي جذي لاتدرسين يهال
وما ادري اذا باجر يالج ولدج وقالج ان في طالب مدوخه ويبهذله ما ادري شنو كنتي راح تسوين ولا اعتقد الزف ولا الصراخ ينفع لاتقولين ضغط وما ضغط اعتقد كنا بمدارس والمدرسه هم الي تصارخ مو الكل يحترمها لان يصير عندنا شي عادي

 

[عالي مستواها]

والله حبوبه لا مو شرط ان المدرسات صح ولا اعتقد ان كلش لي طقيتي خلاص
وبعدين من حقه الابو يدافع عن ولده لان في مدرسات الحمدلله والشكر ولاجنهم يتعاملون مع يهال
وفي مدرسات يقوون ياهل على الثاني
يبا انا لما كنت بالثانويه كانت كذا مدرسه وربي كل اسبوع اييب لها ابوي لانها كانت قمه الارف وما احترمت نفسها الى لما شافت ابوي يجعهم وابوي ناظر وفاهم هالسوالف
ولا مدرسه تدخل اول ماتدخل الصف تقول لنا قوموا وقفوا نقول ليش تضحك ههههههه والله الي تجاوب تقعد وطبعا ماتشرح عدل وبس تتطنز على البنات وتضحك عليهم ويالله انتي وانتي واسلوب خايس وربي لما شافت ان ما اعطيها ويه وييبت لها ابوي وابوي تفاهم معاها الى احترمت نفسها
وبعدين على اليهال هم والله انتوا وين دوركم لما اليهال يطقون بعض انا اعرف اختي بنتها بهذولها تبهذل وكانت ماتروح لها بس البنيه الي معاها يننت بنتها تبوق بغراضها وتطقها وعفست بنت اختي والمدرسات كانوا مايكملون البنيه والله شيطانه محد يقدر لها اختي انقهرت لان المدرسات يشوفون هالاشياء ومالهم اي دور ليش وين دوركم الحين ولا بس تبون اليهال يتحاسبون وانتي مو مدرسه وين دورج عيل ولما اختي راحت لهم وعطت المدرسات جم كلمه احترموا نفسهم
وهذيج المره زوجه اخوي تقول هي مدرسه تدرس صبيان تقول بحصتي ولا تييني مدرسه تقول ممكن شوي ابي الطالب الفلاني تقول على بالي تبي تكلمه يوم داخله وجدام الصبيان كلهم تقول وتعطيه جم سطار وتمسك القلم وترسم على ويهه تقول والطالب هذا ادري انه حبوب لما قالوا لها ليش ولا الحبيبه تقول لانه يالنا مشرف ولاطالب هذا سأل سؤال غبي ولاحظي هو فالابتدائي يعني هذا اسلوب تعامل مدرسه
وانتي تقولين شنو هذا ومعصبه وماتتحملين ان يهال ليش صرتي مدرسه روضه كل واحد عارف هو يتحمل شنو وشنو طاقته في ناس ماتفكر بالتدريس ولا بالروضه تقول ما اتحمل خلاص اذا انتي جذي لاتدرسين يهال
وما ادري اذا باجر يالج ولدج وقالج ان في طالب مدوخه ويبهذله ما ادري شنو كنتي راح تسوين ولا اعتقد الزف ولا الصراخ ينفع لاتقولين ضغط وما ضغط اعتقد كنا بمدارس والمدرسه هم الي تصارخ مو الكل يحترمها لان يصير عندنا شي عادي

ليش معصبه زين

حبيبتي كل شي بأسلوب .. يعني من حق ولي الامر يشتكي ويتكلم إذا صار شي بس أرجع أقول بأسلوب

أنتي ما شفتي الأشكال اللي نشوفها عشان جذي تقولين هالكلام

والحمد لله انا بالي طولي مع اللي عندي .. لكن قلتلج في طرق في التربية مثل ما المدح والتشجيع والتعزيز أسلوب تربوي بعد العقاب والشدة لها وقتها ولا شلون بيتربون ؟

واللي ما يتحمل ولده أو بنت ينطقون يجي يداوم مع ولده يحرسه أبرك له :ggdw: هذا الحل الوحيد

لأنهم " جهال " روضة صدقيني بالدقيقة يتهاوشون ألف مرة وحنا نفرق من قالج أنه نطالعهم لازم نفرقهم لو نتركهم جان صار معركة وطلعت عااهات مستديمة

انا بكلامي ما أحتجيت على أنه ولي الامر يتكلم إذا فيه شي مضايقه لكن بالمعقول والله ناس ما عندها أسلوب ولا كل يوم جاي عشان ولده شدعوه خايف عليه لهالدرجة خله عندك بالبيت

بعدين أنت تشوف ولدك جني أنت مو متحمله شلون المدرسة تتحمله وهي وراها درس أكيد بتشد عليه وبتزفه وتعاقبه شي طبيعي

أنا أقولج ناس عندها عقد يوم كانوا صغار أهلهم لاعنين خيرهم ويبون عيالهم غير

تخيلوا اليوم بوقت الانصراف واحد خذا ولده من الصف شوي ولا راجع لنا معصب والولد يبجي .. يقول ليش مهددين ولدي بالشرطة ؟ أنا استغربت ما جبنا طاري الشرطة اليوم كلش

اجان يقول الولد مو الأبله اللي قالتلي ولد قالي ولا الأبو ناوي يزف الحبيب متزهب

أنا مرات أضحك من العاهات اللي نشوفها صج الناس أجنااااس بس الجيل هذا جيل متعلم أستغرب لما أشوف ناس أسلوبها جذي بهالوقت

بالمقابل والله فيه ناس ذووق حتى لاجت الشكوى منهم تتقبلينها تحسين صج يفرضون احترامهم عليج

والمدرسة اللي قلتي عنها اللي كاتبه على وجه الولد وطاقته شدعوه مجرمة هذي مو مدرسة وين قاعدين حنااا

 

[إستبرق]

حبوبه انا مو معصبه
بس انا من السوالف الي قاعده اسمعها عندنا ومنهم بنات خواتي اعرفهم حده مادبين خاصه الكبيره والبنت هذيج يننتها سوت لها سوالف ولاجنهم يهال والمدرسات والله عشان البنت شيطانه مانتكلم ولا نسوي لها شي
وانا حبيت ابين ان في مدرسات هم يكونون قمه العصبيه ولايحطون ببالهم ان الي جدامهم يهال اما على الي ييون بصراخ وهواش وماكو اسلوب اذا جذي اكيد ان الواحد يعصب انا ابوي يوم كان يروح لا والله كان يتكلم بهدوء وحتى لي بغى يطب بالمدرسه ونظامها يقولي روحي برى شوي عشان مايتكلم مع الناظره وينتقدها جدامي ويحز بخاطر الناظره بس لما المدرسه الي قلت لج عنها الي بس تتطنز على البنات واسلوبها حده خايس لا والله كان يجعمها بس هم باسلوب ومنها احترمت نفسها
والله يعين الكل