الم وحراره في اذوني

[نسمه بارده]

بنات موقادره انام من العوار
اذوني تعورني وبلعومي وفكي احس كله يعورني رحت امس المستوصف قالي دكتور الاسنان تحتاجين حشوة
سويت الحشوة لكن الالم زاد ومواقدره انام
بنات انا فطرت عشان اخذ مسكن
شرايكم اروح دكتور انف واذن وحنجرة ولا وين اروح
دكتور الاسنان ماعطاني اي شي
بس انا اخذت مضاد حيوي وحطيت قطرة باذوني

 

[زهره الخليج]

الله يشافيج حبيبتي
ماتشوفين شر

احسن لج روحي لدكتور انف واذن وحنجره
وانصحج عند دكتور سند
عياده طيبه كلينك

صرااحه دكتور ماشاء الله عليه شاطر واذا موعنده علاجك
واذونك مافيهم شي يقولوك وين تروحين عند اي دكتور ومايحب يدوخك ويعطيك
علاج وانتي ماتحتاجين


الله يشافيج

 

[نسمه بارده]

الله يسلمج اختي زهرة ويدفع عنج كل بلاء يارب
باذن الله بادق واحجز

 

[الفرح والدلال لي]

حبيبتي ماتشوفين شر
حبيبتي روحي انف واذن وحنجرة الصباح والله ماكو احسن من دواهم
انا كل مرض اروح لمستشفى خاص ماعدى انف واذم وحنجرة سيدة اروح الصباح
لان مرة رحت دار الشفا وعند استشاري عطاني دوا بالغلط وقامت اذوني اطلع دم وتدرين من شنو الدم بط طبلت اذني عسى ربي يبط طبلة اذنة والله لايوريج العوار
ونصيحة لاتسبحين الا وقت الضرورة ولما تسبحين لاتنسين اتحطين قطن وفازلين
والله يشفيج ياااااااارب

 

[نسمه بارده]

حبيبتي بنت يوفنتوس عسى ربي مايضوقج حرته وعوارة يارب
والله مر علي يوم الله بس يعلم فيه
انا رحت لدكتور خالد الصبيح اهو الوحيد الي اعرفه واثق فيه باذن الله راح اكتب شنو عطاني من ادويه وشنو صارلي من العوار بس ارتاح شوي
عسى ربي مايشوف الي شفته لمسلم ومشكورين علي الردود

 

[صاحبة معرض]

ماتشوفين شر واطلب من ربي يشفيج

 

[نسمه بارده]

جزاج الله خير اختي صاحبه معرض وعسى ربي يحميج ويدفع عنج كل شر