الموظفه وعندها3اطفال واكثر تتفضل

[أم سيف وسلطان]

خادمة وحدة كافية

اذا انتى مو بالبيت تقابل اليهال ولما تردين انتى شوفى طلبات عيالج واهى تنظف وتغسل

 

[روان_الكويت]

حاليا عندي ثنتين لانه لغيابي اسم الله عليهم اربع واثنين صغار
يعني لو وحده صعبه خصوصا إحنا شقه وطبخ وتنظيف غير الغسيل والاوتي
واذا رديت من الدوام بنام أريح شوي ولا اقعد اجابل اليهال
لي قعدت أتفرغ لهم

 

[++The DuchesS++]

خدامه وحده ما تكفي صدقيني انتي نفسيا راح تتعبين
خدامتين مؤقت لو سنتين بس على ما البيبي اسم الله عليه يكبر ويعتمد على نفسه شوي
بس بالهوضع صعبه انا حاسه فيج
انا عندي 3 ولمن اتخيل انه عندي بس وحده اتأزم
الله يعينج ويهدي ريلج

 

[ليمووونه]

الله يفج ضيقتج وضيقتنا الحال من بعضه

 

[ريح قهوه]

والله اذا قادره تساعدينها راح اتضبطين وقتج اما اذا موقادره جيبي لج وحده وقسميهم ونسقي بينهم وريحي مخج

 

[رحيل المرافيء]

وانتي وين دورج ؟؟؟؟؟؟
بعدين ولدج صغير شلون هادته على الخدامة جان خذيتي اجازة امومة وجابلتيه سنة على الاقل
هذا ماينقط على الخدامة ابد عفية قلب بارد عليج
الغسال اكو غسالة اوتوماتيك انتي غسلي بعطلتج غسلي الهدوم
هي يبقى عليها التنظيف والطبخ والبيبي الصبح
والطبخ خل تزهب كل شي بليل تكونين انتي موجودة عند البيبي تقصص وتتبل
وثاني يوم بس طبخ ماياخذ نص ولاربع ساعة
انتي تاركة كل شي لها مايصير
واذا مافيكم شدة العيال لا اتييبون عيال اتييبونهم وتقطونهم على الخدم
لا انتو اللي قايمين فيهم ولا انتو اللي مستانسين فيهم مدري على شنو اتييبونهم

 

[q8tyah]

لو انتي ربة بيت تنفعج خدامه وحده بس انتي موظفه واسمالله عليهم عيالج 5 يبيلهم مجابل حتي لو تقولين كبار وشايلين اعمارهم تري طلبات عيالنا ماتخلص وطول اليوم يآمرون عالخدم ، حطي 2 وتوكلي علي الله وقسمي بيناتهم الشغل بجذيه ترتاحين ان مايكون ضغط عالخدامه وانتي بدوامج ، انا نفس حالتج دوام عصر وعندي 2 لو دوامي الصبح جان وحده زايده علي لان عيالي يكونون مداومين وبجذي الخدامه تفرغ لشغل البيت والعصر انا اجابل عيالي بس العصر ضغط عالخدامه تجابل اليهال والبيت بروحها وانتي مو عندها

 

[أم نواف غير]

يبيلج وحده ثانيه تساعدج وتساعد خدامتج

صج كلامها لازم خدامه ثانيه حرام تنضغط والله واليهال يبيلهم قلب اسم الله عليهم لازم ثانيه وحده لليهال
وحده تنظيف البيت والاوتي وغسيل الهدوم
والله يسهل دربج