الموضة الجديدة للاستقبال

[ام داااني]

شلونكم يابنات يابطات عفية ساعدووني انا ماعندي خوات ولابنات خالة ورفيجاتي ماعندهم عيال
انا انشالله بولد بدار الشفا بالجناح الملكي وراح اسوي استقبال حق رفيجات الدوام والناس الي من بعيد بس اكيد بعدين بيجون اهل ريلي البيت وناس بعد شنو الاستقبال يسون فيه الحين في ناس يقولون صارت قديمة ان وحدة بفراشها قاعدة وسط الحريم بالصالة وانتو شرايكم ؟؟:gathering:

 

[غلا ماجد]

اي الحين تقعدين بالصالة بدون فراش هذي الموضة

 

[eman12]

والله انا ياقلبي عن نفسي استقبال بالمستشفي للقريب والبعيد
الصراحه تعب اذا كل يوم بيونج ناس وبتلبسين وبتيبين حلو ومعجنات
انتى براحتج
اما بالنسبه للنوم بالسرير يعتمد حسب ولادتج ومتى اهم يزورونج
يعنى مو معقوله الوحده تقعد من الساعه 5 لى 10 من غير ما تتسطح على السرير
وانتى شوفي طبايع اهلج وحكمى انا بالنسبه لي عادى

 

[شاي مهيل]

​

بصرااااااااااحه انا عن نفسي افضل استقبال المستشفي احسن الحين كل شي تغير حتي الامهات غير الام مالها خلق تجابل والامهات الحين موظفات الي امها ناظره ولا وكيل الام بترد من دوامها الساعه 2 متي بتنام ولا تجال بنتها الي والده بالمستشفي يومين او 3 وتجيبين خدمه والياهل مو عندج وانتبي مرتاحه علي السرير واذا في عوار يعطونج ابره ولا تعب ولاشي ماادري هذي وجهة نظري

 

[قمري]

و الله حتى اشجع الاستقبال بالمستشفى الصراحه ماله داعي كل يوم وحده يايه ومجابل على قولة اختي شاي مهيل امهاتنا موظفات و هم تعب سوي استقبال حق القريب و البعيد و افتكي الحين هذي الموضه و كل الناس تسوي جذي بلا مصاريف و تعب و مجابل

 

[الحلوه الأموره]

السلام عليكم ...

لووول ضحكتيني والله ... بعد الاستقبال صار موضه جذي ولا جذاك ؟!؟!

حبيبتي مالج شغل بأحد ... انتي شوفي شنو أريح لج وسويه

انا بالنسبه لي .. بسوي استقبالي بالمستشفى للكل ...

لأني بالنفاس مالي خلق ناس دعل يقعدون ويلزقون عندنا بالبيت واكيد بكون مشغوله مع البيبي أو قاعده اعابل بروحي ..

واللي علاقتي حيل معاهم اهم ايوني البيت علشان يغيرون علي الجو ... مو علشان انغث

لأن سمالله عليج في ناس لزقه .. وماعندهم لا شغله ولا مشغله ... بس اتييي وتقعد وتغثج .. ماتقدرين لا ترضعين البيبي ولا شي

هذا بالنسبه حق اللي تقعد بسريرها

أما بالنسبه حق اللي تقعد بالصاله مع خلق الله ... بصراحه ماله داعي .. يعني انا رحت حق وحده مسويه استقبالها جذي

طبعا ظروفها كانت غير ... اهي ماحملت الا عقب 5 سنين ... وكانت عندها مشاكل صحيه ...

والناس كلها فرحانه لها
يعني ماشاءالله بالمستشفى زاروها وايد وهم باستقبال البيت زاروها وايد ... يعني حالتها غير

بس هم كسرت خاطري .. يعني مسكينه الخياط يعورها من صوب

ومن صوب البيبي يبي يرضع

ومن صوب ثاني بعد لازم كل يوم تسبح لأن مع اللويه يصير فيها ريحه (شي طبيعي) بالنفاس ... وموزين للنفسا ان تتسبح الا يوم سابع
مادري عاشر

يعني لويه بصراحه

انتي شوفي شنو الوضع اللي يناسبج ومالج شغل بأحد

جد جد الناس مايملي عينهم الا التراب ... مو كل الناس ... بس البعض اللي ينتقد .. والبعض الثاني اللي يقعد يفتي ان الموضه جذي والموضه جذاك ....

الله يغفر لنا .. ويسهل علينا يارب العالمين

 

[الفرفورةرفرف]

اللي يريحج سويه ولا تهتمين لكلام الناس
بعد مافي شي اسمة موضة
حلاتة الوحدة تدش تطق رقبة
من الفرحة
هاهاهاا
والله ياعمري الله يكفيج شر عيون الناس
وبس
لاتكلفين على نفسج بشي اهم شي سلامتج وسلامة البيبي

 

[بدوره 22]

سوي اللي يريحج اكثر

انا بالنسبه لي اللي يريحني المستشفى

افتك الصراحه ... بعدين مالي خلق اجامل واجابل الناس يعني نومتي ما تكون عدله ونفسيه بالنفاس

 

[opera]

انا عن نفسي احب يكون اوبن ما اسوي استقبال لانه فتره النفاس غلقه .. فاستانس انه كل يوم ايونلي ناس يسلوني


اما انج تقعدين بالصاله كلش مو حلو بعدين الناس تبطل عيونها عليج وبيقولون توها والده وقاعده مافيها شي

 

[omdoodoo]

انا مع البنات انتي اكل قوليله انا استقبالي بالمستشفى وبس
اانا كلهم قتلهم وبيت اهل ريلي يولي مره وحه بيت اهلي وبس لانه انا قايله مابي احد يزورني بالبيت

 

[ناتشوو]

شوفي راحتج
ماعتبره موضه
انا شخصيا الناس المقربين ميخالف قعدت معاهم بالغرفة اللي فيها السرير
بس الناس العاديين بالصالة طلعت لهم
خاصة انهم مايزورون الا عالاقل عقب اسبوعين
يمديج ريحتي وتقدرين تقعدين
بس مو عيب الوحدة تظل بفراشها
بس انا مااعرف

اكو فرق بزيارة النفاس بين البدو والحضر
احنا عندنا الزوار يجيبون معاهم الحلى والبعض الفطاير
والبعض حتى القهوة والشاي معاهم

واستقبال المستشفى مو حيل شائع عندنا
وحتى اللي تسوي استقبال مستشفى
تستقبل الناس ف البيت
نادرا مانسمع وحدة مانعة الزيارة:eh_s(1):

مع انه هالطبع خاصة للي يكون عندها عيال كبار بالمدارس وف بيتها قاعدة فترة النفاس
حلو
يعني ماتكون فاضية يوميا للناس
حلو تحدد نهاية الاسبوع فقط لاستقبال الزوار

 

[حرم راشد الماجد]

انا عن نفسي احب يكون اوبن ما اسوي استقبال لانه فتره النفاس غلقه .. فاستانس انه كل يوم ايونلي ناس يسلوني


اما انج تقعدين بالصاله كلش مو حلو بعدين الناس تبطل عيونها عليج وبيقولون توها والده وقاعده مافيها شي

عين العقل اوبرتي :ggdw:

 

[الهاديه]

كلام البنات صح لانه على حسب نوعية جماعتج اما عن تقعدين ما انصح لانه الناس ماتعطي خير فاحسن لك سوي اللي يعجبج والناس مايعجبها العجب وأهم شئ ان الله يهون عليج بالسلالالالالامه..

 

[msmshasnsn]

حبيبتي انا بالنسبه لي بالمستشفى اريح
اسوي الاستقبال للكل واقولهم انا مااستقبل بالبيت لانه صراحه النفاس ضيقه خلق لويه مع البيبي والخياط والنومه معتفسه يعني مالج خلق مجاملات بس اهلي القراب حياهم الله عشان يضيعون علي الوقت
وانتي شوفي اللي اريح لج

 

[حبيبه بدر]

كلام البنات صح لانه على حسب نوعية جماعتج اما عن تقعدين ما انصح لانه الناس ماتعطي خير فاحسن لك سوي اللي يعجبج والناس مايعجبها العجب وأهم شئ ان الله يهون عليج بالسلالالالالامه..

 

[shai5at al3arab]

الله يسهل عليج وعلى كل الحمل .

 

[*om m7amd*]

والله بالنسبه لي حتى لو سويتي بالمستشفى راح ييولج البيت مره ثانيه لوووول جنج ما سويتي شي
عاد انتي سوي الي يريحج حبيبتي

 

[one-vintage]

^^^^^^^^^^^^^^^^^^^^^^^^^^^^^^^^^^^^^^^^^^^^^^
^^^^^^^^^^^^^^^^^^^^^^^^^^^^^^^^^^^^^^^^^^^^^^


للبيع كفر نفاس راقي جدا جدا جدا اصلا الكل راح يسئلج عنه مع كيس البيبي ب 150 دينار اذا كنتي ناويه و ملزمه و تبين تشوفينه كلميني عالخاص و ماراح تندمين
^^^^^^^^^^^^^^^^^^^^^^^^^^^^^^^^^^^^^^^^^^^^^^
^^^^^^^^^^^^^^^^^^^^^^^^^^^^^^^^^^^^^^^^^^^^^^

 

[ديحانيه ذووق]

لا يمه اقعد جدام الناس لا وموضه بعد لوووووووووووووووووول

 

[سلمى وسارا]

احنا لو بتطولين بالمستشفى يجون الاهل المقربين بس وبعدين تعالي بالبيت ينكتون من اول يوم غثه وربي بعضهم يجوك من الساعه 3 العصر تو الناس تتغدى وبعضهم يجوك 11.30 بالليل ميته تعب وقعدي جابليهم اف غثى...


سلمى