المهلبية بماء الزهر ...

[بنت الوفا]

في حر هالصيف اكيد كلنا نحب الاطباق البارده

وانا عارفه ان طبق المهلبيه سهل لكن في وايد بنات يشتكون ومايعرفون يضبطونه

وحبيت اوريكم شكلها واقولكم على سر معرفة استوائها



المقادير:

4 كاس حليب سائل

4 ملعقة طعام مملوة من النشا

سكر حسب الرغبه (انا احط فنجانين قوه سكر )

ملعقة ونص ماء زهر او ملعقه

واشوي هيل اذا تحبين




الطريقه:

نخلط كل هالمقادير ماعدا ماء الزهر على النار ونحرك فيها بهدووء

والحين راح اقولكم على السر :22:

راح نشوف على الوجه مثل الطبقه البيضه الفاتحه وهى كل ماحركتيها على النار راح تختفي

ولما تبدي تختفي هذا معناها ان المهلبية استوت خليها دقيقتييييين وراح تثخن بسرعه

بعدها حطي ماء الزهر وحركيها اشوي وتعالي شمي الريييييحه اممممممممم ووخريها على النار حتى ماتثخن وايد

وصبيها في قالب كبير مثل هذا

ونحطها بالثلاجه حتى تبرد تماما

وبعدها اغرفي منها او وزعيها حسب الطلب



شايفين هذى الطبقه؟؟؟ عشان جذيه انا احطها في وعاء كبير واشيل هالطبقه واغرف المهلبيه

وطبعا نزينها برشه من الفستق المبشور بس ماكان عندي وقتها



وان شاء الله تضبط معاكم ان جربتوها

 

[جارة القمر]

بنت الوفا

مشكووووووووووووووووووره حبيبتي

 

[مزيونه وشقره]

يعطيج العافيه

مشكوره يالغاليه

 

[*ستايل*]

مشكووره ما قصرتى

 

[بنت الوفا]

هلاااااافيكمممم

 

[فروتى]

مشكووووووووووووورة يا قلبى