م.بدوره
New member
الجزء الاول – البارت الاخير
الايام اللي مرت بعد سالفة ام مشعل كانت حيل ثقيله وكئيبه اميره ماكان لها شغل باحد غير لين حتى مع خالتها كانت شوي ناشفه وخالتها عذرتها لان الصدمه مو هينه اما مع خالد ماكانت اميره تكلمه كلش وردت على عادة السهر بليل وبدا التعب والارهاق على ويها
خالد كان متأثر بلي صار وايد ومخه كله مشغول باميره كان وايد خايف انه يصير فيها شي او ايي لها انهيار عصبي لانها حتى الاكل ماصارت تاكل مثل قبل و كان وده يسألها عن موضوع ام لين ليش دخلتها بينهم لما كانت تتكلم نفسيته تعبت وايد
ام مشعل صارت كل يوم تقربيا تمر ام خالد كان عندها امل ان اميره تحن عليها وتيي بحضنها كانت تدعي وتتحسب على ابو اميره ولانه اهو السبب بلي صار حقهم
ام خالد كانت تحاول تهدي اوضاع البيت المتوترة احتارت بين اخت دنيتها وولدها ومرت ولدها ماتدري تراضي منو ولا منو وخصوصا الوضع بين اميره وخالد لانه اميره كانت محملته الذنب فمن الحادثه عرفت انه الحوار بينهم كان منقطع
خالد : لمتى يعني بتحقرين امج ؟
اميره : نعم , اي ام قصدك ؟
خالد : مايصير اللي تسوينه ربج بيحاسبج
اميره : وربها ماراح يحاسبها او يحاسب ابوي او مرته بس انا اللي بيحاسبني
خالد : تعوذي من ابليس
اميره : انا متعوذه منه بس مو قادره اسامحها فهموني مو قادره حتى اطالع بعينها
خالد : انا فاهمج ومقدر موفقج بس هونيها ميخالف الكل يغلط
اميره : غلطه عن غلطه تفرق وانت اللحين شلي مدخلك بسالفه مو خربت كل شي شتبي فيني خلاص يااخي ارحمني اللي فيني كافيني
خالد : والله الشره علي انا اللي عطيتج حسبتج مره وراح تستانسين لما تلقين امج بس انتي مريضه نفسيا الله يعينج
اميره : انا مريضه ؟
خالد : اي مريضه ومعقده وماالوم اهلج فيج حتى امج مادري ليش ميته عليج انتي مال طق بنعال
اميره : ................
خالد : انصدمتي لما عرفتي حقيتج صار لي سنه احايل فيج واخذج على قد عقلج بس ماكو فايده
اميره : شفت شلون مريضه مالي عقل شنو نسوي بعد
خالد : شنو هالبرود اللي تتكلمين انتي يبيلج من يربيج من اول ويديد
اميره: بهذي صدقت انا ماتربيت ربيت نفسي بنفسي بس تتدري مو انت و لا عشر من امثالك بيربوني
طراااااااااااااااااااااااااااااااااخ ..........بعد كلام اميره اللي ينرفز ماقدر خالد يمسك اعصابه ولاول مره بحياته يرفع ايده على مره بس اميره اهي اللي حدته على هالشي
اميره : .....................................
توتر خالد وانصدم من ردة فعله توقع ان يجرح كل الناس الا اميره شلون يجرح او يضر روحه وحياته
ام خالد من ورا باب الدار : خالد اميره شفيكم يمه صوتكم لتحت تعوذو من ابليس خبصتوني , خالد فج الباب يمه
خالد : يمه مافينا شي اللحين انزل
ام خالد : اي يمه دحرو الشيطان
خالد : انا ماكان قصدي امد ايدي عليج
اميره : عادي متعوده
خالد: لاتقولين عادي
اميره : اتوماتيك عيل مو عادي
خالد بعصبيه : اميره
اميره :خير خالد شتبي بعد ما اكتفيت تبي خدي الثاني تعلم عليه بعد
خالد مسك ذراع اميره حيل كأنه وده يقطعها بضروسه يذبحه برودها يذبحه طريقة كلامها بس شاف نظره بعينها نظرة خوف من اللي بيصير لها هدها ومسكت اميره ذراعه تفركها من العوار
خالد : انا طالع
اميره : عساك ماترد
طلع خالد ورقع الباب وراه وبسرعه صعدت ام خالد ودخلت على اميره الدار
ام خالد : شفيكم يمه , خرعتوني ؟
اميره : مافي شي خالتي معصب على غترته مو لاقيتها وعنده عرس فقلب الدنيا الظاهر من تعب الدوام
ام خالد : متاكده يمه
اميره : اي خالتي مافينا شي لا تحاتين
ام خالد : والله مااظن مافي شي ,, الله يهديكم يمه الله يهديكم . تنزلين تحت ؟
اميره : اخذ شور وانزل ان شاء الله
ام خالد : ان شالله
طلعت ام خالد وقعدت اميره على اقرب غنفه كانت منصدمه حاسه انه قلبها وقف من طقها خالد اهي متعوده على الطق بس ماتوقعته من خالد حست بغصة بقلبها ولاول مره يمكن بحياتها تقعد تبجي وبجت بحرقه , بجت على طفولتها الحزينه وعلى شبابها اللي ماحست فيه , بجت على الانسان الوحيد اللي تتمنى قربه بس اهو متعلق قلبه بام بنته بجت على كل لحظه مريره بحياتها وعلى الفتره القلبله اللي عاشتها بهالبيت وحست فيها بالامان والاستقرار ، قامت عشان تاخذ شاور وتنزل ماتبي خالتها تحس بشي .
