المهره (قصة خياليه كويتيه )

[م.بدوره]

اتمنى يعجبكم هاالبارت

 

[بيـــشو17]

يسلموو عجيب البارت نبي بعد

 

[سعودية تموت بأهل الكويت]

لا تطولين علينا

نبي بارت طووويل

 

[سعودية تموت بأهل الكويت]

ويييييييييييييييييييييييي

خطرتلي فكرة@@

لا تكون رفيجة أم خالد اهيا نفسها أمأميرة!!!!

القصة روعـــــــــــــــــــة

 

[ورده الجهراء]

يسلموو على البارت الروعه
ناطرررينج

 

[$حبيبة عبودي$]

تسلم ايدينج ..

 

[miss.aroy]

بلييز كملي

 

[sweet.sanfoora]

أم مشعل هي ام اميرة

ويييييييييييييييتنغ

 

[سعودية تموت بأهل الكويت]

ننتظر البارت يلاااااااااا

 

[sweet.sanfoora]

نبي بااااااارت

 

[البنوته تووووته]

يله بني البارت
بلييييييييييييييييز

 

[م.بدوره]

اميره كانت تتصرف بعفويه مع لين حس خالد انه صج كان يراقب ام وبنتها وكانت لين وايد مستانسه واهي تنقي العابها

خالد : ها مطولين ؟

اميره : كا خلصنا ماتبي تشتري شي ؟

خالد : شنو بشتري يعني من محل العاب

اميره: قاعده اسألك عشان لا تقول انك عومه

خالد : لا والله

اميره : يلا خلصناا

خالد : اوكي عطوني الاغراض اخذي المفتاح روحو السياره نطروني اهناك


اميره : اوكي ... يلا ليونه

حاسب خالد واهو عند الكاشير شاف دب صغير مبوز اعجبه وايد وحس انه يذكره باميره مايدري ليش

خالد : لوسمحت حاسب بعد هالدب

الكاشير : حاضر يا افندم , حاجه تانيه

خالد : لأ يزاك الله خير

الكاشير : تفضل

خالد: يعطيك العافيه

الكاشير : الله يعافيك

ركب خالد السياره وحط اجياس الالعاب عند لين ماعدا جيس صغير يابه وحطه جدام

خالد : ها طولت عليكم ؟

اميره : لأ , بنروح الالعاب ولا بنرد البيت

خالد : والله انا اقول الالعاب يوم ثاني اهي الحين لاهية بالعابها تبي تلعب فيهم

اميره: اوكي

خالد : انتي ماتبين تروحين مشوار معين

اميره :لأ بس لا تنسى الحلو اللي طلبته خالتي

خالد : عاد تصدقين نسيت :\

اميره : والله حسيت انك نسيت

خالد : اي صح بعد نسيت شي ثاني

اميره : شنو ؟

خالد : هذا لج

ابتسمت اميره : و شنو هذا ؟

خالد : فجي الجيس وشوفي ذكرني فيج لما شفته

اميره طلعت الدب المبوز جان تبتسم : حرام عليك يعني انا كله مبوزه ؟

خالد : انتي ؟ لا كلش كله مبتسمه حرام وشاقه الحلج بعد

اميره : على العموم مشكور راح اصير احسن منك وابتسم

خالد : عفواً حياج


وقف خالد عند محل الحلويات وكان من من ارقى المحلات اللي اميره اول مره بحياتها تشوفه

خالد : شرايج انتي تنزلين تنقين وانا انطر مع لين اهني ؟

اميره : من صجك والله مااعرف انا حدي اطلب لقيمات انزل اهني اضيع

خالد : ههههه شلون يعني تبين انا انزل وانتي تقعدين ؟

اميره : كيفك

خالد : تتدرين شلون كلنا ننزل وخلاص , بعد انا ماعرف شغل الحريم شلون صاير!!

اميره : لا يكون متأمل اني انا اللي اعرف

خالد : على الاقل تساعدين , يلا بابا لين نزلي

خالد بعد ما اشترو الحلو : ها تبون بعد شي ؟ اميره تبين شي ؟

اميره : ها لالا مشكور

خالد : شنو تبين قولي ؟

اميره : مابي شي والله

خالد : يا حبج حق تنشف الريق , تكلمي يابنيه ولا صج مااطلع من اهني اليوم

اميره : ابي كاوكاو من اللي هناك جم حبه بس

خالد : كل هالمستحى عشان كاوكاو تعالي نقي اللي تبينه

اميره : من هذا وهذا بس حبتين ثلاث

خالد : لوسمحت عطنا نص كيلو وشكل لنا من احلى شي ها , تبين شي بعد ؟

اميره : لأ مشكور وايد

خالد : على شنو مشكور خو بناجرك عليه لا تحاتين ماراح اخليج تاكلينه كله ماابيج تمتنين جسمج حلو

اميره قلب ويهها الوان : ........

ضحك خالد بخبث بس اميره احتارت من كلامه وليش جذي يكلمها واهو للحينه يحب مرته الاوليه بسيارة كانت اميره هاديه وخالد قاعد يطالعها من تحت لتحت اول مره بحياته يحس انه يحب بنيه اهو صج عرف بنات قبل وتزوج وحده كان يعرفها بس هذي غير هذي من يشوفها تقلب دنيتها وتقعدها من نظرة عين وده يقول لها هالحجي بس خاف ترفضه ويصير موقفه بايخ جدامها وجدام امه فقرر يخلي كل شي يمشي مثل ما الله كاتب له

طلعت اغنية راشد الماجد يالراديو وحس انها اهداء منه حق اميره


(ياحب افهم انك بخافقي شي
وان العيون اللي تحبك سهارى ..

ياضي عين اللي يحبك وياضي
كل الدروب اللي بعيني حيارى ..

انت الذي ما يشبهك بالملا حي
مالوم من سمّاك سيد العذارى..

يابو عيونٍ كل ماناظرت في
اتوه وسط الناعسات السكارى ..

لاشفت وجهك قلت ياحي وياحي
وجهٍ كساه النور مثل النهارى ..

انت الحبيب اللي رويت الحشا ري
تروى بك عروقٍ لحبك تبارى ..

في غيبتك ارسمك لامن طرى لي
جمالك اللي يستحق افتخارا ..

مدري متى برتاح ياوردة الحي
واشوف همي بعد شوفك توارى ْ ..

يمكن ليا شفتك نزح همي شوي
ويمكن ليا شفتك جروحي تدارى ..

والا انت تدري انك النور والفي
وانك يمين ودرب غيرك يسارى ْ ..

انت الذي ما يشبهك بالملا حي
مالوم من سمّاك سيد العذارى )​

 

[م.بدوره]

مشكورين حبيباتي على المتابعه ادري اني مقصره معاكم واطول عليكم

سامحون ي

 

[sweet.sanfoora]

ابي بااارت بعد !بليييييز

انتي ابدااع وووووووبث
ثانكيوو

 

[م.بدوره]

اللحين بنزل بارت بعد عشان عيونكم وعشان هالتشجيع الحلو منكم

 

[sweet.sanfoora]

ثانكيووو يا احلى بدووورة !

 

[م.بدوره]

وصل خالد البيت وكانت سيارة رفيجة امه موجوده عند الباب

خالد: هذي ام مشعل وصلت خل اتصل على ميري تتطلع من باب المطبخ تاخذ الاغراض

اميره: اي صح فشله ندخل فيهم حتن الحلو خل تاخذه

خالد : اي اي كل الاغراض , انتي اخذي لين ودخلي

اميره : استحي ادخل بروحي

خالد : شنو تستحين هذا بيتج ؟ وانتي تعرفين تستحين على هاللسان ولا بس علي

اميره : ماراح ادخل بروحي كيفك

خالد : زين زين نطرو شوي على ماتيي ميري واقفل السياره عيل , صدق من قال الحريم لجه وحنه

اميره : شفت شلون وكله نقول انه الرياييل ظالمينا

خالد : مساكين هالرياييل . الوو ميري تعالي برا بسرعه

دخل خالد مع مرته وبنته البيت ولان اهو ماخذ وايد على ام مشعل دخل نعاهم عشان يسلم عليها

خالد و اميره : السلاااااااام عليكم

ام مشعل وام خالد : وعليكم السلام ورحمة الله

ام خالد : هذي مرت خالد خوش بنيه ونعم فيها

ام مشعل : هلا يمه شلونج تبارك الرحمن الزين مكتمل الف مبروك خالد يستاهل كل هالقمر

اميره: مشكوره خالتي ماقصرتي

خالد : يعني خالتي عرفت اختار؟

ام مشعل : اي والله ياخالد تبارك الرحمن قمر تتدخل القلب

خالد كان ينقل عينه بين ام مشعل وبين مرته كان في شبه بس معقوله الكويت صغيره جذي اييب البنيه حق امها بهالسهوله ؟

ام خالد : يمه اميره شوفي الخدم شنو سوو بالعشى اكيد خربطو الدنيا

اميره : ان شاء الله خالتي

وقامت اميره من الصاله ولقى خالد هذي الفرصه عشان يتحقق من اللي بباله

خالد : ها خالتي مالقيتي بنتج للحين

ام مشعل : لا يمه حسبي الله ونعم الوكيل انفطر قلبي اصلا مالها حتن بالميلاد اسم دورنا باسامي عياله مالقيناها معاهم كلش
خالد: شنو كان اسم بنتج

ام مشعل : اسمها فاطمه كنت مسميتها على امي وكان من حبه لي رضى انا اسميها معنه كان يبي لها اسم ثاني

خالد : ادري خالتي اني قاعد اغثج بس موضوع وايد يشدني

ام مشعل : شفت شلون الدنيا قصص ! قول يا وليدي شنو تبي تعرف؟

خالد : انتي كنتي على ذمته لما تزوج؟

ام مشعل : اي بعد سنتين من زواجنا وبعد ما خليت اهلي وعزوتي ورحت معاه خذا علي وحده وياريتها سنعه انا كنت راضيه بس اهي نسره كانت ظلمتني وقلبته علي صج حسبي الله ونعم الوكيل وادري انها اهي اللي كانت تبي تحر قلبي فخلته ياخذ بنتي ويغويها مادري وين الله عليهم

خالد : في ناس وايد جذي خالتي مايخافون الله , جم عمر بنتج اللحين لازم يكون ؟

ام مشعل :المفروض حور 25 سنه اللحين والله حرموني منها

خالد : الله يجمعج فيها خالتي , زين خالتي ماقلتي اهو شنو اسمه ؟

ام مشعل : اسمه علي جاسم محمد

خالد : @@ وبناته شنو اساميهم اللي لقيتهم

ام مشعل : والله نسيت جنه منيره ومريم كلهم بحرف الميم بس وحده اميره اسمها مادري سميره الصراحه بس مالقيت اسم بنتي والله يمكن ماتت وحتى مابلغوني

خالد سكت وكان هالشي متوقعه من الشبه ومن كلام ابو اميره وكلام ام مشعل اللحين تأكد.. سبحان الله الظاهر اميره وايد زينه اللي الله جمعها بامها بعد هالسنين بس فضل خالد انه يسكت هالفتره ويمهد الموضوع حق اميره اول



اميرة: خالتي كل شي جاهز

ام خالد : يلا عيل تفضلو على العشى

خالد : انا استأذن عيل عليكم بالعافيه

ام مشعل : وين يمه تعشى معانا

خالد: لا خالتي عشان تاخذون راحتكم شكو اقعد بينكم

ام مشعل : لايمه انت غلاتك من غلاة مشعل ياما شلتك وحطيتك وسويت اشيا مابي اقولها جدام مرتك لا تستحي واهيا تمسكها عليك

خالد : ستري على ماوايهتي خالتي


اميره : ليش خلها تسولف خلنا نسمع عنك وانت ياهل

ام مشعل : لا والله بعد خالد كنت اتمنى صج عيالي يصيرون مثله كله كلمة ان شاء الله و حاضر على لسانه

ام خالد: اي والله كلهم قالو بيطلع مايغ وبيطلع دلوع لانه وحيدي بس والله طلع ريال الله يفرحني بشوفة ولده

ام مشعل : اي البركه باميره تلحلح وتيب فهد

خالد : سمعتي اميره تلحلحي وييبي فهود

اميره ابتسمت لهم واهي ودها تقطعه باسنانها : اللي في الخير الله يكتبه تفضلو قبل لا يبرد الاكل

ام خالد : اي يلا تفضلوو يعنا حباج ام مشعل والله غلطانه مايبتي البنات معاج انا مسويه حسابهم

ام مشعل : مره ثانيه ان شاء الله وبعدين انا ابي خالد ياخذ راحته ابي اقعد معاه انا

اميره بصوت واطي حق خالد : شكلها تحبك وايد

خالد : اي رفيجة امي من عمر من فجيت عيني واهم مع بعض

ام مشعل : والله اميره يمه من غير ماتزعلين ها كنت كله اقول لو عندي بنت من عمر خالد وسنعه جان ماطوفته وخذيته بس بناتي يهال ومايعرفون السنع شلون صاير بس سبحانه خذا اللي احسن منهم الله يتمم عليكم

خالد يفكر ويقول ماتتدرين انج عطيتني وحده من بناتج يا ام مشعل : الله يستر عليهم خالتي ويرزقهم ومشعل متى ان شاء الله يفكر يتزوج

ام مشعل : والله اهو يحن علي يقول يمه قبل لا انفتن زوجيني بس توه صغير توه عمره 21 خل يخلص كليته ويصير خير

اميره : اي كليه تبارك الرحمن

ام مشعل : علوم اداريه مابقى له شي ويخلص السنه اليايه

اميره : اي مع اختي بس اختي كلية علوم سياسيه

ام مشعل : اي تبارك الرحمن وشنو اسم اختك

خالد قاطعهم بسرعه : ماقلتي لي خالتي شلون شركة عمي وايد قاعد ينافسني ترى انا بديت اعصب هههه

ام مشعل : اي يقول لي شكله ولد ام خالد بيقلب علي خذيت منه جم مناقصه

خالد : لا خالتي حشى انا الغريب ما اضره هذا الرزق من رب العالمين وما اقدر امنعه عن احد انا انا اسوي اللي اقدر عليه والله اهو الرازق

ام مشعل : اي والله اد اهو بس يمدح فيك يقول هالولد الله يتمم عليه اخلاق ودين عشان جذي كل مايمسك التراب يصير ذهب

خالد : هذا من فضل ربي وبركة دعاء هالمزيونه رفيجتج

ام خالد : اذا ما ادعي لك ادعي حق منو ؟

ام مشعل : الله يبارك لج فيه, عشاكم لذيذ طباخج تبارك الرحمن يبدع

ام خالد : لاوالله انا واقفه على راسه من الصبح ولا اهو بروحه لازم يخورها بس احسن من غيره


ام مشعل : اميره تعرفين تطبخين ؟

اميره : اطبخ واكنس واغسل اعجبج خالتي خريجة مكاتب اشكناني

ضحكووو كلهم وكملو عشاهم بسوالف خفيفه وذكريات ام مشعل وام خالد ومغامرات شبابهم وشيطانة بنات اول
وعلى الساعه 11 راحت ام مشعل والكل صعد داره عشان ينامون


اميره : خالد وين الكاوكاو ؟

خالد : كاهو عندي تبينه تعالي اخذيه

اميره : خلاص مابي عيل مشكور

قام خالد وياب الكاوكاو عندها بقسمها : تفضلي يا برنسيسه

اميره : مشكور ماقصرت حلو صح ؟

خالد بخبث واهو يخزها : حده لذيذ

احمر ويهها وخذت الكاوكاو وراح خالد قسمه واهو يضحك كان يستانس لما يشوفها تستحي يحس بانوثتها تطغي حتى عليه وتملكه بالكامل

خالد: اذا تبين تنامين عندي تعالي سامح لج واذا تبين ماتبين تنامين عن الحوسه

اميره: اي شي ايي انام عندك صح ؟ مابي شكرا من طلع من داره قل مقداره

خالد: يعني المثل وين مكانه مادري على العموم كيفيج

طفى الليت خالد واندعس بفراشه وغفى لازم ينام باجر وراه شركة من الصبح ويبي يتحرى بسالفة ام مشعل اكثر يبي يتاكد قبل لا يتكلم

حس خالد انه في شي وقف على راسه فز من نومته : اعوذ بالله منووو

شاف اميره ماسكه مخدتها وواقفه على راسه وويها حيل مستحي جان يضحك ويدني لها شوي ويمد ايده عشان تنام عليها

خالد : تعالي نامي

اميره من غير ولا كلمه اندعست وخشت ويهها ماتبي يشوفها وبسرعه غفت ونام خالد واستانس لما عرف انها ماحست بالامان الا عنده ومعاه وبحضنه​

 

[sweet.sanfoora]

مسكيينة هالاميرة !!

وييتنغ

 

[الاحاسيس المبهمه]

وناااسه حدي استااانست الضحكه من هنيييه ليي هنيييه لووول


ننطرج يااخطييره ...

 

[سعودية تموت بأهل الكويت]

مشكووورة ع البارت والله روعــــــــــــــــــــة ماشاء الله