م.بدوره
New member
بصالة بيت حكومه في احد مناطق الكويت ثلاث اشخاص كل واحد صوته اعلى من الثاني ويبي الكل يسمعه واعلى صوت كان اهو صوت ام منيره ...
ام منيرة : تتزوجه يعني تتزوجه والله لو ما تزوجته ما اقعد لك بالبيت ساعه وحده سمعتني
الاب: لا حول ولاقوة الا بالله هدي هدي يامره كل شي بتفاهم يصير
اميره : يبا من صجك انت اتزوج واحد حتن ماشفته وين قاعدين احنا بالموزمبيق ولا شنووووو خل اتزوجه بنتها مو تقولون ريال غني خلاص عطوه منيره ولا انا بس اللي بيعتها سهله
ام منيره : شفت شفت لسان بنتك شلون طويل وحتن تربيتي ما اثمرت فيها تعلي صوتها علي
اميره : عاد تربيتج خالتي فيني خوش تربيه كنتي وايد حنوووووووووووونه سبحانه الله
الابو : بس يا اميره بس يابابا عيب وخلاص انا عطيت كلمتي واستلمت المهر خلصنا السالفه
ما اقدر ارد بكلامي
اميره : وبجم بعتني يبا بجم ؟؟ قول لي عشان اعرف شلون اقدم خدماتي حقه
الابو : والله انج قليلة ادب وماتستحين على ويهج وماتنعطين ويه والشرهه علي انا خلاص انا قلت كلمتي سمعتني زهبي نفسج حق الملجه سمعتي ويلااا انجلعي دارج
ام منيره: شفت قلة ادب بنتج مثل امها عشان هالشي انا قلت لج نوافق ونزوجها عشان لاتخرب بناتي باجر ويطيحون بجبدناا
الابو : خير انشالله
بغرفة اميره ... اميره قاعده على الفراش من غير ولا كلمه واطالع جدامها ومتصنمه دخلت عليها منيره اختها من ابوهاا وراحت منيره وضمتها واهي تبجي
اميره : شفيج تبجين منور لايكون علي هه
منيره : شرايج انتي ليش ابوي بيزوجج بهالطريقه انتي مو بنته ؟
اميره : وانتي ليش مستغربه يعني هاا من كثر امج ما تموت علي ولا ابوج يدري عن هوا داري خليها على الله وانا اختج
منيره وهي تبجي : شنو يعني انتي وافقتي ؟؟
اميره : انا اقول اول مسحي دموعج وثاني شي وافقت ما وافقت خلاص قبضو اهلج الثمن بس باجي يوصولون الطلب بس والله وانا اختج لاخلي هالشيبه اللي بيزفوني عليه يترجاهم انه يردني مايبيني ما عرفوو اموره عدل الظاهر ما اعرفوني
التعديل الأخير:
