المنطقه الحساسه والشيره !!

[برقع فرزاتشي]

السلام عليكم ..


بنات انا زواجي ببدايه الشهر الجاي ؛(
عنددددددي مشكله احاتيهاااا حححححيللل

هي حف المنطقه الحساسه انا طول عمري موس
شلت مره بالحلاوه ماتحملت بغيت اموت
شنووو اسوي ماقدر اشيل ببموس ليلتها لان انتو ادرى





افيدوني ((

 

[Aloe Vera]

في كريمات مخدرة اعتقد اسمه املا و ان شاء الله يتفع

 

[حنانو 89]

حبيبتي لاتتعودين علي الشيره ترهل مع الوقت بس سويها مره قبل زواجج بيومين ثلاث وبعد الزواج ابدي لييييزر لان مع الليزر الشعر يقل ويطول علي مايطلع .... والله يوفقج بحياتج الجديدة ياااارب

 

[ام عبد العزيز م]

الله يتم عليج ان شاءالله

 

[قلبي طفل مغرور]

سوي جلسةة ليزر نصييييحه قبل عرسج
بتريحج فتره على ما يطلع
وافتكي من الشيره وعوارها

 

[برقع فرزاتشي]

طيب قبل عرسي بكم يوم اسوي جلسه ليزر ؟

 

[قلبي طفل مغرور]

اسبوع عاادي

 

[ghadeerq8]

سوي من الحين ليزر و بعدها بترتاحين العمر كله انا سويت ثلاث جلسات من اول جلسه بيخف الشعر ٧٠٪ و الجلسه الي بعدها بيختفي اصلا بس تمسكين و تسحبينها تطيح على طول سوري عل وصف و بعدها عادي تقدرين تسوين شيره لانه الشعر بيطلع حييييييل ناااعم مثل شعر اليد و انعم بعد انا الحين جذي و اي استفسار حاضرين اهم شي لاتسوين موس لوو شيصير

 

[ghadeerq8]

و انصحج بعيادة جار الله الاماني سويته عندهم اتوقع بالدور ال١٣ او ١١ عندهم وحده اوكرانيه اخصائيه بس للمنطقه الحساسه و ايدها خفيفه و حبوبه و تخلصج بسرعه و تسويلج جك اب عقب اسبوعين ببلاش اذا تبين رقمهم قوليلي

 

[أم*سلمان]

احسن شي للعروس الليزر

وعسى الله يوفقج

 

[انصاريه قمره]

سوي ليزر اريح لج شلج بالشيره ترهل والموس مع الاستعمال يسود

 

[برقع فرزاتشي]

حبايب قلبي انتو فديتكم ماقصرتو
بس انا عرسب ٤/٤ اقدر اسوي كل اسبوع جلسه ليزر ولا لازم يمر بين كل وحده ووحده شهر

 

[ghadeerq8]

اقل شي شهر بين كل جلسه و جلسه

 

[# غنوجة بيبي #]

في كريمات مخدره

بس ترى طبيعي يعورج بالبدايه لان الموس يمتن الشعره و مع الوقت بتخف قوة الشعره و بيخف العوار حيل .. حاولي تتحملين جم شهر و بعدين بيصير عادي