المنحه ...... تدرون شنو فيهاااا !!!!(تم دمج جميع المواضيع الخاصة بالمنحة)

[ScarletteO'Hara]

رد: رد : خلوها دفعة بلاء ... حملة العشرة دنانير لاخواننا البدون من المنحة الاميرية ..

الله يبارك فيج وتستاهلين العاافيه :eh_s(7):
البدون يطولي عمرج ابناء قبائل بدون هويه ومجردين من كل حقوقهم وأبسطها ,, اختصرها لج عايشين على هامش الحياة
صارو ضحية اجدادهم لأن على ايام اجدادهم قبل كانو يوزعون أوراق تثبت وجودهم على ارض الوطن وبالتالي تجنيسهم وأكثرهم كانو يقولون ( وريقه وش نبي فيها !! ) مادرو ان هالوريقه ضيعت أجياال بعدهم
الله يكون بعونهم ويفرجها عليهم واللي يقرى يقول آمييييييين

ما تقصرين حبيبتي على هذا الاقتراح
بس حبيت اصحح لج معلوماتج
ان البدون مو بس ابناء قبائل حبوبة انا كنت اشتغل بلجنة البدون
و تقريبا مروا علي ناس من جميع الاصول و وايد منهم مظلومين و ما يكون عليهم قيود امنية

 

[Hello_kitty]

رد: المنحه ...... تدرون شنو فيهاااا !!!!

حبيبتي ليش هالظيقه خلينه مستانسين وبعدين كلها ألف اشدعوا بتخرب بيوت طول عمرنا شعب شايفين خيير هالفلوس يت بوقت حلو وخصوصا المشاكل اللي كاثره هاليومين
ان شاء الله ربي يجعلها بركه بكل بيت

اي والله خلونا نفرح شوي مستكثرين علينا حتى الفرحه اللي ما يبي الفلوس وبتسببله مشاكل لا ياخذها يوفر احسن:eh_s(14):

 

[بتبوتااا]

رد: خلوها دفعة بلاء ... حملة العشرة دنانير لاخواننا البدون من المنحة الاميرية ..قال ا

يعطيج العافيه حبيتي وجزاج الله الف خير ,..

 

[* ليــــدي *]

رد: المنحه ...... تدرون شنو فيهاااا !!!!

معااااااااج حق

 

[مطيريه ماركه]

رد : خلوها دفعة بلاء ... حملة العشرة دنانير لاخواننا البدون من المنحة الاميرية ..قال


بنآت لآ تستقلون آلـ 10 ترى في عين آلمحتآج 1000 دينآر

وآلمفروض مآتنطرون منحة خلوكم دوم ذآكرينهم

آلله يبآرك لكم في آموآلكم ولآ يحيجكم لِـ آحد

آنآ مآتوقع آلله حرر ديرتنآ في هـ آلسرعة وطفينآ آبآرنآ من آلتحآلف بس

آلسبب آلآكبر صدقآت آهل آلكويت

 

[مجاريح $]

رد : المنحة وأخوانا البدون

انا اعترف بالبدون اللي قبل الغزو اللي فعلا شاركونا المحنة ولا يستطيعون ان يعيشون في بلد ثاني غير الكويت

لكن العقد والهكرة اللي جت بعد الغزو وقالوا حنا بدون حسبالهم فيه جناسي هذولا يروحون لديارهم وخير الكويت ياصلهم من

الشمال للجنوب 00ناشبونا بلقمتا هم والمصاروه والبنغالية خليهم يفجون عنا شوي حتى معاشاتنا مافيها بركه بس يتنطرونا عند

البنك والا بالاسواق 000لا وبعد حريمهم طايحات بموضة جديدة يلبسون نفس لبس الكويتيات نقاب وعباية وجنطة كشخة وطق علينا

الباب وتقول انا ام فلان طرشتني لج ام فلان وتألف قصة يتقطع عليها قلب الكويتية الرحوم وتروح تجيب اللي بالبوك كله (هو

مصر جهال ---اوايجار بيت --اوقسط سيارة --اوقسط الغانم --او قسط التسهيلات - او فلوس الجمعية ) وتعطيها المبلغ بكل برود

نافسونا بعيشتنا --البدون هم اللي قبل الغزو فقط هذولا البدون بس العقد تروح لديارها

 

[ScarletteO'Hara]

رد: المنحه ...... تدرون شنو فيهاااا !!!!

شدعوة يعني المسألة بديهية
فلوس الالم للام
فلوس الابو للابو
و فلوس العيال للعيال
هني ماكو مشاكل ولا شي
و الي شايفين خير ما يحطون عيونهم على فلوس عيالهم
على الف دينار؟
على قولة ابوي الالف جنها عشر دنانير
ما يسوى احترق بجهنم على جم فلس مردهم بينصرفون على اشياء تافهة
بسكم تحبيط الكل مستانس
و الي بيته بينهدم على الف ذنبه على جنبه احنا شكو اذا مخوخهم صغيره؟

 

[❤لبيـــه❤]

رد: بخصوص المنحـه ,, دخلوا بسرعه

لووووووووووووول


حتى انا عمري 19 بحسابي ولا حساب ابوي

 

[سكرة هانم]

رد : المنحة وأخوانا البدون

تصدقين وايد عورو قلبي حته ابناء الكويتيات

يعني الحين الفلبينيه والروسيه وحته اللي من جنسيات عربيه اللي توهم متجنسين حته كويتي ما اتكلم تاخذ ال1000 وولد الكويتية بنت الديره يطالع بعيونه

خصوصا اليهال والله يكسرون الخاطر

هذا غير اللي على قولتج حالتهم مايعلم فيها الا الله....

وانشالله الجمعيات الخيريه ما تقصر

 

[هاديهـ&مطيعهـ]

رد: بخصوص المنحـه ,, دخلوا بسرعه

أقل من 21 سنه تكون بحساب الأب باستثناء اذا كانت متزوجه تنزل بحسابها

 

[النشبه88]

رد: بخصوص المنحـه ,, دخلوا بسرعه

وي شفيكم خايفين ... انشالله محد بياكلها عليكم

:d وبصراحه ماني عارفه شقول يعني كان شي غير متوقع ... عسى الله يطول بعمره ما يقصر

 

[معلمة مصدومة]

رد: بخصوص المنحـه ,, دخلوا بسرعه

شدعوة بنات ماكو ثقة
ان شاء الله بحساب الام
ابي منحة عيااااااااااااااالي

 

[ha2005]

يابنات الله يستر على الكويت .. الناس اللي داخل واللي برا ما تعطي خير

اقسم بالله حسد اشكره عيني عينك

الكويتين نفسهم قاعدين يحسدون بعض على ( المنحة الاميرية )
كم عدد العيال؟
كم مبلغ راح يحصل ؟
شنو راح يسوي فيها ؟
وغيرها من هالاسئلة
الحمد الله والشكر ناس فاضية بس قاعدة تقارن بعضها بعض
عيب انتم اهل احمدوا ربكم بما عطاكم ...

وثانيا الناس اللي برا ( الدول العربية والاجنية )
كل ما اسمعوا ان الامير عطى منحة للشعب .. قاموا يتحسرون على نفسهم ويقولون اشمعنا امراءنا او رؤسائنا ؟
وزين بعد ما يقولون عطونا احنا بعد منحة اميرية ..
( وانا اقول لهم روحوا اطلبو هالشي من بلدكم مو من الكويت )

ومثل ما تعرفون اوضاع الناس اللي في
( تونس والاردن والعراق ومصر وغيرها من الدول الثانية ما يحتاج اذكرها)
اوضاع فقر وبطالة

انا ما اقول الله الله الله يستر عليج ياكويت
من الكويتين نفسهم ومن الاجانب

الكويت ارض الخير والعطاء ربي يحفظها من كل شر
قولوا امين

 

[Esraa.a]

رد : يابنات الله يستر على الكويت .. الناس اللي داخل واللي برا ما تعطي خير

الله يحفظلنا كويتنا الغاليه



استغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

 

[لمسات فتاة]

رد: يابنات الله يستر على الكويت .. الناس اللي داخل واللي برا ما تعطي خير

عدل كلامج .. الله يحفظ لنا الكويت والامير من كل شر ,,

استغفر الله حمدوا ربكم ع هالنعمه مو تحسدون بعضكم .. يارب تبعد عنا الحساااااااد

بسم الله الذي لا يضر مع اسمه شي في الارض ولا في السماء وهو السميع العليم

كل اعوذ بكلمات الله التامات من شر ماخلق

 

[أموت برزة عقاله]

رد : يابنات الله يستر على الكويت .. الناس اللي داخل واللي برا ما تعطي خير

تستاهلون كل الخير يا اهل الكويت

ما نتمنى لكم إلا الخير

وموب غريبه صراحه على حاكمكم......

بس الصج لازم تحمدون وتشكرون الله دوم ... لان نعمه الحاكم العادل موب موجودة بأي بلد ....

 

[Dr.Nouf]

مبروك المنحة ياجماعة , ولكن ........ ( ضروري الكل يدش ! ) !!









.






للأسف زادت مواضيع الي تتكلم عن المنحه وكلشي متعلق فيها بجميع النواحي . ..


وماكو احد بطل موضووع يدعي فيها حق ابوناا وولي العهد وولي امرنا بابا صباح ؟!





يا جماعة الخير





مبرووك عليكم ... وا ن شاء الله تنصرف بالعافية :eh_s(17):




لكن ........


لانصير ناكرين نعمة ...


بابا صباح تعباااان ومحتاااج دعااائنا



وحرارته مو راضية تنزل ....... وادعووله الله يشاافيه ويوقومه بالسلامة باذن الله ...:eh_s(17):




ياااارب

اللهم يا شافي يا معافي ... اشفي بابا صباح وامده بالصحة والعافية ... و احفظه لنا ذخر وطول بعمره يارب






ارجوكم ...

لاتخلون " حزب الطماشة " يقولون عنه مو شايفين خير ونعمه @!!













* ملاحظة : هاذا البرودكاست مثل ما وصلني , عور قلبي وحبيت انقله لكم ... مع تعديلات بسيطة مني :eh_s(17)::eh_s(22):








.

 

[تمنيته]

رد: المنحه ...... تدرون شنو فيهاااا !!!!

صاجه والله الله يعطينا خيرها ويكفينا شرها

 

[انات قلب]

رد : بخصوص المنحـه ,, دخلوا بسرعه

اي والله حتى انا عمري 18سنه يااااااااااااااااااااااااااااااااااارب بحسااااااابي

 

[انات قلب]

رد : مبروك المنحة ياجماعة , ولكن ........ ( ضروري الكل يدش ! ) !!

اي صح الله يشفيه يااااارب ويقومه بالسلامه ياااااااارب
والله موضوعج عجبني مشكوره ياقلبي