- إنضم
- 9 سبتمبر 2010
- المشاركات
- 1,446
- مستوى التفاعل
- 0
- النقاط
- 0
بما اني وايد اقرا مواضيع واسأله عن اللي لازم ناكله ونسويه ولازم ماناكله ولانسويه وقت النفاس قلت خل نسوي موضوع شامل عن الممنوع والمسموح وقت النفاس سواء من اكل او شرب او اي شي ثاني فسويت سيرج وكتبتلكم هالموضوع وان شالله يكون موضوع مفيد ويفيد جميع اللي مايعرفون شنو يسوون وقت النفاس وياليت انكم تضيفون من خبراتكم وتجاربكم عشان الكل يستفيد من الموضوع ويكون مرجع شامل ومتكامل حق كل وحده بفتره نفاس او حتى الدوره.وانا راح ابدا معاكم حبايبي.
نبدأ بالممنوعات وقت النفاس وهي:
-يمنع الجوع منعا باتا وقت النفاس وهذا متعارف عليه لدى الكل.
-ممنوع الاكلات اللزجه مثل الملوخيه,الباميه,البصل,الشمام والبطيخ والرقي والتونه والليمون والاجبان الغير مبستره وبعضهم يمنعون الباذنجان والجريش لانهم يسببون غازات.
-ممنووووع المشروبات الغازيه :eshrab:والسكريات ولاااا تكثرين من الحلا عشان السكر وزيادة الوزن ويسبب الخمول للجسم.
-ممنوع الحركه العنيفه وحمل الثقيل وصعود الدرج بكثره.:weight_lift:
-ممنوع المشي حافيه وخاصه على السيراميك...والتعرض لتيارات الهواء والبرد.
-ممنوع التنقع بكثره وان حصل فلا يزيد عن عشر دقائق.
العطس والكحه ...بس هذا مالنا يد فيه.:cxxxp:
-ممنووووووووووووووووع البخور بكل انواعه بالنفاس من تعطر وغيره.
-الجلوس بهدوء ورويه بدون عجله ويفضل وضع المخدات خلف الظهر وتحت الركب.
******************************
..ما يفضل فعله في فترة النفاس
******************************
اولا" واهم شي انتم تدرون اننا مالنا صلاة والنفسيه زيرو....
-فاحرصي اختي على تشغيل القران عندج ولوبصوت منخفض.
-احرصي على الاستغفار طووول الوقت فهو يشرح القلب والصدر ويهون عليج.
-الاذكااااار لاتنسينها طول الوقت..والتسبيح والتهليل.
*ثانيا لصحتك وصحة الجنين اذا صارت الساعه 9...
-افتحي الشباك وخلي الشمس تدخل عليج وعلى البيبي وخليها على جسمك شوي (هذا مهممم) لصحة عظامج وعظام البيبي كما انه يعالج الصفااار اللي يصيب بعض الاطفال.
-خلي لج وقت حزت الظهر او العصر تحطين زيت بشعرج ولا خلطه بجسمج.
-لااااااا تكثرين من التهول والمظاااهر وتكلفين نفسج فوق طاقتها...كل وحده واللي تقدر عليه (لايكلف الله نفسا الا وسعها) واهم شي الاستقبال الحسن والبسمه الطيبه وقدمي اللي تقدرين عليه,وكثرة المظاهر تجيبلج التعب والعين والموضوع ما يخلى وانتم سيد العارفين.
-اذا تقدرين حطيلج غساله صغيره بالحمام و اغسلي غسيلج اول باول اريح لج,واذا عندج خدامه تعتمدين عليها خير وبركه.
-حاااولي تستغلين وقت نومت طفلج وتنامين معاه اريح لنفسيتج وجسمج.
*نصاااااااائح ذهبيه للراحه البدنيه:
-اذا كنت ممن يشكون الالم الكثير الزائد عن الحد فلا تترددين باخذ المسكنات من بندول وغيره>طبعا بعد استشارة طبيبج.-استخدمي الكماده الساخنه لتخفيف المغص في البطن او من تحت تحطينها وتقعدين عليها اواسفل ظهرج....راح تريحج
وايد.
-افتحي الدش على الماء الدافئ وخليه على صدرج مع التدليك الخفيف...وهذا يساعدج على تخفيف الالم وإدرارالحليب... واستخدمي كريم طبي لدهن الصدر لمنع تشقق الحلمات.
-اذا احتقن الصدر والطفل نايم او غير جائع او رفض الرضاعه فالجئي للشفط لان احتقان الحليب يؤذي الصدر ويسبب ارتفاع الحراره.
-لااااااا تنسين اهمية شمس الصباح لج ولطفلك.
-اذا توفر عندج احد يمسك الطفل فاستغلي هذي الفتره للنوم العميق لتتعدل نفسيتج ويرتاح جسمج.
******************************
خلصنا تجهيزات ونصايح ...............نجي لنظام الاكل:
****************************
خلصنا تجهيزات ونصايح ...............نجي لنظام الاكل:
****************************
{الفطور}...(من7الى10)
-على الريق...تمره مع رشاد او(تمر بالأعشاب) نفس اللي في برنامج خبيرة الاعشاب "ام خالد" يعطيها الف عافيه وان شالله بطلب منها قريب,تؤخذ مع أي شي حار...قهوة نفاس او حليب دافي.
بعد ساعه...حلبه باي طريقه تعجبك ....وهي تؤخذ بالعشر الايام الاولى فقط.
بعدين اللي يعجبك:
مثلا" عصيده او حلاوه طحينيه لانها تدر الحليب بس لاتكثرين عشان السمنه.
الظهر....تشربين شاي اعشاب اللي يعجبج مثلا"(كمون–قرفه–يانسون–شمر–زنجبيل......الخ )وممكن تخلطينهم لو حبيتي...تجنبي الميراميه لانها تنشف الحليب,واللي بتاخذ من ام خالد ماتقصر عندها شاي الاعشاب مع الكورس.
اللهوم ....او السفوف>هم موجود بكورس ام خالد.
يابناااااااااااااااااااات اهم شي باللهوم انه يؤخذ مع شي دافي قهوه او حليب دافئ .....لانه اذا كان بارد يلصق بالفم وجدارالمعده وما يصير له اي فايده....خااااااااااصة الرشاد.
اللهومات كل وحده وطريقتها بس هي تؤخذ في الصباح والمساء, واللي بتطلب من خبيرتنا هم ماتقصر حاطه مع الكورس كتيب لطريقة الاستعمال.
******************
{الغداء}....
-المرقوق باللحم...مهمة جداا ترم العظم وتقوي الظهر وتدر الحليب...يخلط معها شوي لهوم او حلبه.
-صحن سلطه خضرا.
-ممكن مرقة لحم او دجاج مع خضار منوعه من كوسه وجزر وبطاطس وبازلاء يعني مرق بس بدون طماطم...ترشين عليه ماش مطحون او تطبخين معاه شوية حلبه وتاكلينه مع شوية عيش (للي يموتون بالعيش وما يستغنون عنه).:082502bye_prv:
{العصريه والمغربيه}:
-اشربي شاي الاعشاب.
-ممكن قهوة قشر او قرنفل مع تمر...حطي مع القهوه اول فنجان مره بس لاتكثرين.
*****************************
{العشاء}...
مثل الفطور...اواذا حابه شوربه من أي نوع مع سلطه وقلاص حليب قليل الدسم.
-ممكن دجاج مشوي مع الشوربه ...وحطي مع الشوربه ملعقه صغيره لهوم حق الشوربه.
-او ممكن كبده مشويه,او اي شي تحبينه بس ابتعدي قد ماتقدرين عن الممنوعات.
-على الريق...تمره مع رشاد او(تمر بالأعشاب) نفس اللي في برنامج خبيرة الاعشاب "ام خالد" يعطيها الف عافيه وان شالله بطلب منها قريب,تؤخذ مع أي شي حار...قهوة نفاس او حليب دافي.
بعد ساعه...حلبه باي طريقه تعجبك ....وهي تؤخذ بالعشر الايام الاولى فقط.
بعدين اللي يعجبك:
مثلا" عصيده او حلاوه طحينيه لانها تدر الحليب بس لاتكثرين عشان السمنه.
الظهر....تشربين شاي اعشاب اللي يعجبج مثلا"(كمون–قرفه–يانسون–شمر–زنجبيل......الخ )وممكن تخلطينهم لو حبيتي...تجنبي الميراميه لانها تنشف الحليب,واللي بتاخذ من ام خالد ماتقصر عندها شاي الاعشاب مع الكورس.
اللهوم ....او السفوف>هم موجود بكورس ام خالد.
يابناااااااااااااااااااات اهم شي باللهوم انه يؤخذ مع شي دافي قهوه او حليب دافئ .....لانه اذا كان بارد يلصق بالفم وجدارالمعده وما يصير له اي فايده....خااااااااااصة الرشاد.
اللهومات كل وحده وطريقتها بس هي تؤخذ في الصباح والمساء, واللي بتطلب من خبيرتنا هم ماتقصر حاطه مع الكورس كتيب لطريقة الاستعمال.
******************
{الغداء}....
-المرقوق باللحم...مهمة جداا ترم العظم وتقوي الظهر وتدر الحليب...يخلط معها شوي لهوم او حلبه.
-صحن سلطه خضرا.
-ممكن مرقة لحم او دجاج مع خضار منوعه من كوسه وجزر وبطاطس وبازلاء يعني مرق بس بدون طماطم...ترشين عليه ماش مطحون او تطبخين معاه شوية حلبه وتاكلينه مع شوية عيش (للي يموتون بالعيش وما يستغنون عنه).:082502bye_prv:
{العصريه والمغربيه}:
-اشربي شاي الاعشاب.
-ممكن قهوة قشر او قرنفل مع تمر...حطي مع القهوه اول فنجان مره بس لاتكثرين.
*****************************
{العشاء}...
مثل الفطور...اواذا حابه شوربه من أي نوع مع سلطه وقلاص حليب قليل الدسم.
-ممكن دجاج مشوي مع الشوربه ...وحطي مع الشوربه ملعقه صغيره لهوم حق الشوربه.
-او ممكن كبده مشويه,او اي شي تحبينه بس ابتعدي قد ماتقدرين عن الممنوعات.
************************
الغسول والمره والتحاميل
-المره...مع القهوه كل صبح وعصر...بس بالفنجان الاول ولا تكثرين,او تقنعينها بماي فاتر وتشربين منها كل يوم شوي.
-التحاميل كل وحده وراحتها,,,فيه ناس تفضل الشعبيه(ويفضل من مصدر مضمون) وفي ناس تفضل الطبيه وفي ناس ما تستخدمها ابدا,كل وحده ورغبتها.
-الغسول>ام خالد موفره غسول مع الكورس جزاها الله خير...بس للي حابه تسويه بروحها>تغلى الماء مع جفت مع ملح خشن وشويه مره...بكميه تكفي اسبوع مثلا وبعدين يصفى وتحطينه في بطل في الحمام وتتشطفين فيه مره الصبح ومره بالليل.
****************************** ****************************** ****-التحاميل كل وحده وراحتها,,,فيه ناس تفضل الشعبيه(ويفضل من مصدر مضمون) وفي ناس تفضل الطبيه وفي ناس ما تستخدمها ابدا,كل وحده ورغبتها.
-الغسول>ام خالد موفره غسول مع الكورس جزاها الله خير...بس للي حابه تسويه بروحها>تغلى الماء مع جفت مع ملح خشن وشويه مره...بكميه تكفي اسبوع مثلا وبعدين يصفى وتحطينه في بطل في الحمام وتتشطفين فيه مره الصبح ومره بالليل.
اتمنى يعجبكم النظام وتستفيدون منه...ودمتم بالف صحه وعافيه.
وحبيباتي ترا كله باجره عند رب العالمين...فاحتسبو الاجر.
واللي حابه تضيف اي إضافه حياها الله واتمنى انكم تستفيدون من هالنظام وادعولي ان الله يسهل ولادتي ان شالله,والله اني تعبت وانا اكتب واعدل وانمسح ورديت اكتبه وظهري وبطني قاموا يعوروني.:balo:ودمتم بود
.وحبيباتي ترا كله باجره عند رب العالمين...فاحتسبو الاجر.
واللي حابه تضيف اي إضافه حياها الله واتمنى انكم تستفيدون من هالنظام وادعولي ان الله يسهل ولادتي ان شالله,والله اني تعبت وانا اكتب واعدل وانمسح ورديت اكتبه وظهري وبطني قاموا يعوروني.:balo:ودمتم بود
تنويه:يعلم الله اني ما أعرف ام خالد والله على ما أقول شهيد (عشان ماتقولون اني اسويلها دعايه)بس من تجارب رفيجاتي واهلي وزميلاتي بالعمل ماشالله الكل يمدح شغلها,جزاها الله عني وعنهم الف خير.:yaaaaaarb:
اسعدتيني بردج
