المكواة البخار

[الدلوعه]

سلام عليكم ورحمة الله وبركاته


حبيباتى واخواتى

بغيت اسأل اللى اشترت مكواة بخار
اقصد الجهاز اللى تمررينه على الملابس (يكون مثل مكنسه كهربائيه)

شرايكم فيه


وهل تنصحوني اشتريه ولا لا


بارك الله فيكم

 

[روزالكويت]

مشاركة: المكواة البخار

انا شريتها من الغانم اللي بحولى ونوعها اسمه البرنس صراحه مريحه حيل وتصلح للخامات الحرير والشيفونات والعبايات والملافع اكثر شى بس ديري بالج ترى البخار يحرق الايد اكثر من الاوتى العادى البسي دسوس قطن عشان مايحوشج بخار.

 

[ظلال القرآن]

مشاركة: المكواة البخار

انا شريته وايد زين وتخلصين من اللمعه الي يسببها الاوتي

بس ها ما يصلح حق هدوم اليهال والجنزات لانه على خفيف حق حراير تور شيفون

 

[BlUe SkY GuRl]

مشاركة: المكواة البخار

للاسف ماجربتها

 

[karamella]

مشاركة: المكواة البخار

عندي اياه ووايد مرح بس حق الخامات الخفيفه والحراير والقطن الخفيف يعني بالمختصر اي خامه ماتكون ثقيله

 

[معلمة رياض اطفال]

مشاركة: المكواة البخار

انا شريتها من الغانم اللي بحولى ونوعها اسمه البرنس صراحه مريحه حيل وتصلح للخامات الحرير والشيفونات والعبايات والملافع اكثر شى بس ديري بالج ترى البخار يحرق الايد اكثر من الاوتى العادى البسي دسوس قطن عشان مايحوشج بخار.

صاجه حتى الخامات الثقيله ان استخدمها لها

 

[سهام الليل]

مشاركة: المكواة البخار

السلام عليكم خواتي

شوفي إختي الدلوعة آنا أستعمل الأوتي صارلي تقريبا اكثر من 4 سنين وقلت حق الأوتي القديم باي باي لأني ما أحتاج أعير درجة الحرارة حسب

الخام وتراه يصلح لجميع الخامات من الجينز والقطنيات إلى الحراير والشيفونات وتقدرين تستخدمينه مثل الأوتي العادي يعني تقدرين تكوين على

طاولة الأوتي مثل الأوتي العادي لأن بعض الملابس تكون طويلة وايد مثل المكاسي والدشاديش وقوة وجودة الأوتي على حسب قوة الفولت مالته

بس لازززم الماي اللي تستخدمينه يكون من الفلتر وكل أسبوع تنظفينه علشان الكلس اللي مترسب على الشمعة مثل غلاية الماي،اشلون

آنا أقولج اغلي ماي وصبيه داخل الأوتي مع 2 ملعقة خل واتركيه مدة ساعة تقريبا وبعدين نظفيه وشوفي شنو يطلع من الأوتي تقولين رمل

بس ديري بالج لا يحوش الماي الوايرات كوني حريصة إذا سويتي جذيه راح يطول معاج الأوتي ويعمر وماركة الأوتي اللي عندي KNK من

كنكوني واسم المحل الجراح اللي عند دوار صادق بحولي وقوة الأوتي اللي عندي 2000 فولت يعني heavy duty

وإن شاء الله أكون أفدتج وأفدت خواتي​

 

[srabeel]

مشاركة: المكواة البخار

مشكوره يا سلطة على المعلومه

 

[امون حبيبة زوجها]

مشاركة: المكواة البخار

انا عندي وماشالله مريحه

حياتك من غيري سلطه واللي يعافيج انتي تتحجين عن اوتي البخار اللي يدته مثل المكنسه؟؟؟؟
بس مااقدر احط الملابس على الطاوله لانه احس ماتكوي عدل

 

[سهام الليل]

مشاركة: المكواة البخار

السلام عليكم ورحمة الله وبركاته

إختي أمون الأوتي اللي عندي نفس المكنسة

وأكوي الملابس على الطاولة عادي ويكوي عدل

شوفي أول مرة راح تستصعبينه على ما إيدج تاخذ عليه

بس بعدين راح تصيرين حريفة فيه جربي وإن شاء الله

تعرفينله وجزاج الله خير​

 

[bnt q8 in usa]

مشاركة: المكواة البخار

بنات جربوا تحطون الملابس الي بتكونها علي البخار علي ستاند عرض انا مجربته ماياذي كلش

 

[زائره]

مشاركة: المكواة البخار

انا مره كنت رايحه معرض وشفت الفلبينيه تكوي الملابس بالاوتي البخار قلت خل اشوف اسم الماركه واشتريها

المهم خذيت اسمها كان الضامر او الضوامر وكان بداية الرقم 26 كانت معاي اختي وانا انقلها الرقم بس للاسف من العجله ما سوت له حفظ بس اعتقد ان هذي شركه يعني لو ندق على البداله بنحصله

وهذي اللي عند الغانم اعتقد صناعته صينيه بس مستغربه كل من دخل شال منها ؟ لهالدرجه زينه