المكافأة التشجيعية لوظائف الخدمات التربوية والمرتبطة بالعليم بوزارة التربية (( فقط ))

[الحــــلوه]

امينات المخازن والسكرتاريه حرام عليهم


حسبي الله عليهم ونعم الوكيل

 

[شكولاتة حلوة]

رد : المكافأة التشجيعية لوظائف الخدمات التربوية والمرتبطة بالعليم بوزارة التربية (( ف

مشكورة حبيبتي اللة يعطيج العافية ماقصرتي يعني راح ينزلي باثر رجعي 55 بس ؟؟؟؟ادري ازعناج بكثرة اسألتنا وقرقتنا؟؟اللة يجعلة بميزان حسناتج

 

[كاندل الكويت]

[[هلا أختي evileta ...بغيت أستفسر عن شغله ضروووووري وياليت تشوفين لي الرد مع الشكر ياحياتي وياليت ماتنسين استفساري ...
بغيت أسأل عن اختي كان مسماها بكالريوس باحث اداري وبالدرجة الثانية وغيرت مسماها سكرتاريا ... لو ردت مسماها الأول تشملها المكافأة التشجيعية أو لا ؟؟؟ ولوتشملها راح تجيها بأثر رجعي نفسنا ؟؟؟ ياليت تشوفين لي هالشغله ويعطيج العافية ويسلمو وماقصرتي ...

 

[ام حمودي@]

يسلموووووووووووو ناطرين المزيد

 

[Edu.Technology]

صراحة والله ما تقصرين ... الله يعطيج الف عافية اختي evileta والف شكر على مجهودج الكبير وحرصج على اسنادنا بكل معلومة تحصلين عليها ... وهدفج تزويدنا بالمعلومات اللي محتاجين انعرفها وشاغله بالنا .. صراحة انج نعم الاخت الله يحقق اللي في بالج يا رب

 

[evileta]

رد : المكافأة التشجيعية لوظائف الخدمات التربوية والمرتبطة بالعليم بوزارة التربية (( ف

كاندل الكويت ...
الباحث الاداري ما يعتبر من الوظائف التربوية فما تشملة الزيادة ...
انا كاتبة كل الوظائف المستحقة للمكافأة التشجيعية ...

Edu.Technology...
تسلمين حبيبتي ...
الواحد يحط نفسة مكانكم ...
يعني لو انا بهالموقف كنت راح اسوي مثلكم وانقهر اكثر بعد ...

عالعموم ... اليوم بلشنا صرف حق باجي الدرجة الرابعة ...
باجر ان شاء اللة الدرجة الثالثة ...
استانسووووووووووو

 

[شرطيه حلوه]

مشكووره حبيبتي

بس استغريت من سالفة ان بس يقصون من الأثر الرجعي على أي أساس

أكو زياده أول ست أشهر غير وبعدين غير

 

[evileta]

رد : المكافأة التشجيعية لوظائف الخدمات التربوية والمرتبطة بالعليم بوزارة التربية (( ف

شرطية حلوة ...
ناخذ مثال الدرجة الرابعة ...
راح يكون صرف القرار كالآتي :
اولا : وقف صرف المكافأة التشجيعية للوظائف التربوية قرار 2003/9 بقيمة ( 55 دك ) اعتبارا من 31-3-2010 ...
ثانيا : صرف المكافأة التشجيعية للوظائف التربوية قرار 2010/15 بقيمة ( 125 دك ) اعتبارا من 1-4-2010 ...

يعني من 1-4-2010 الى 31-12-2010 تستحق مبلغ بقيمة ( 630 دك ) فرقية القيم إلى فوق عن ( 9 ) اشهر وما تم الصرف ...
راح ينصرف بإذن الله مع راتب شهر 12 ...
هذا إلي اقصده ... مافي شي اول ست اشهر غير وبعدين غير ...
واي توضيح بعد ماعندي مشكله اوضح اكثر ...

 

[الاميرة شوق]

تسلمين حبيبتي evileta
لو سمحتي انا ماعندي الكادر القديم تم رفضه لاني على الدرجه الاولى والمعاش ينقص وكنت محرومه من بدل التمثيل
شنو وضعي
ومشكووووورة مقدما

 

[evileta]

رد : المكافأة التشجيعية لوظائف الخدمات التربوية والمرتبطة بالعليم بوزارة التربية (( ف

الاميرة شوق ...
انتي متنازلة عن المكافأة التشجيعية مالت 2003 ؟ ...

 

[الاميرة شوق]

نعم تنازلت عنها حبيبتي طمنيني

 

[bd-27]

يعطيج العافيه حبيبتي ما قصرتي يامال العافيه

بغيت اسالج انا على الدرجه الثالثه ومعاشي تقريبا 726
بعد الزياده جم يصير؟
يعني الزياده 150 والا 95؟
واشلون على طريقة الاثر الرجعي جم ينزلي
مشكوره على طولة بالج وصدرج الرحب
تحياتي لج :eh_s(21):

 

[evileta]

رد : المكافأة التشجيعية لوظائف الخدمات التربوية والمرتبطة بالعليم بوزارة التربية (( ف

الاميرة شوق ...
لايكون انتي إلي سويت لها معاملة التنازل ؟؟؟؟
لانهم ينعدون على الاصابع وكلهم عندي ...
عالعموم ... الكتاب المعجزة إلي دزيته الديوان من ضمن الاستفسارات الموظفين المتنازلين عن قرار 2003/9...
شنو وضعهم الحين ...
وهم ماردو علينا ...

bd-27 ...
جم يصير المعاش ماعندي فكرة والله لان خصم التامينات وكذا شغلة ...
اولا : وقف صرف المكافأة التشجيعية للوظائف التربوية قرار 2003/9 بقيمة ( 65 دك ) اعتبارا من 31-3-2010 ...
ثانيا : صرف المكافأة التشجيعية للوظائف التربوية قرار 2010/15 بقيمة ( 150 دك ) اعتبارا من 1-4-2010 ...

يعني من 1-4-2010 الى 24-1-2010 تستحقين مبلغ بقيمة ( 850 دك ) فرقية القيم إلى فوق عن ( 10 ) شهور ...
يعني 10 x 85 = 850 دك
راح ينصرف بإذن الله مع راتب شهر 1...
لان مابلشنا بالدرجة الثالثة بس الخامسة والرابعة حق راتب شهر 12...

 

[كراميل لاتيه]

بشريني الله يبشرج بالجنه انا درجه خامسه وبالمنطقه التعليميه قسم الاجازات ومسماي مساعد منسق اداري
تشملني الزياده ولا لا

 

[روج كرزي]

الله يعافيج بسألج انا توظفت شهر7-2005 متى استحق الدرجة الرابعة بالضبط؟؟ وجزاج الله خير ...

 

[evileta]

رد : المكافأة التشجيعية لوظائف الخدمات التربوية والمرتبطة بالعليم بوزارة التربية (( ف

كراميل لاتيه ...
لاوالله حبيبتي ماكو شي غير بدل شاشه 30 دك ...

روج كرزي ...
1-1-2011 المفروض تيلج الدرجة الرابعة ...

 

[كراميل لاتيه]

الحمدالله على كل حال
ومشكوره اختي تعبتج

 

[روج كرزي]

رد: رد : المكافأة التشجيعية لوظائف الخدمات التربوية والمرتبطة بالعليم بوزارة التربية

كراميل لاتيه ...
لاوالله حبيبتي ماكو شي غير بدل شاشه 30 دك ...

روج كرزي ...
1-1-2011 المفروض تيلج الدرجة الرابعة ...

جزاج الله خير ياليت كل البنات نفسج خدومه وطيوبه...

 

[evileta]

رد : المكافأة التشجيعية لوظائف الخدمات التربوية والمرتبطة بالعليم بوزارة التربية (( ف

حياج يقلبي ...

 

[ام التوائم 3]

رد : المكافأة التشجيعية لوظائف الخدمات التربوية والمرتبطة بالعليم بوزارة التربية (( ف

كادر الدرجه الأولى متى يتم صرفه؟