المقابلة للحصول على (الفيـــــــــــــــــــــــــــزا الأمريكـــــــــــــية)

[alhayen]

السلام عليكم ورحمة الله وبركاته

بنات نبي كل وحدة تقول لنا شصار معاها يوم راحت للمقابلة وشكثر طولت الجوازات على ما خلصت واستلمتوهم

انا ببتدي ...

اخذنا موعد للمقابلة بتاريخ : 9/3/2009 الساعة 8:30 ( يجب الذهاب قبل 30 دقيقة من الموعد)

وصلنا عند السفارة وقفنا السيارة بالمواقف الخارجية الخاصة بالمراجعين ودخلنا مشيا على الاقدام الى داخل السفارة وعند مدخل السفارة يوجد لافتة مكتوب علىها الرجاء الانتظار حتى يتم توصيلكم .. في سيارة جولف اتييكم وتوصلكم لباب السفارة .. تنزلون وتتجهون لشباك تقدمون اوراقكم واهم شي ورقة الموعد اللي طبعتوها ولا ما تدخلون السفارة مع بطاقاتكم المدنية بعدها في باب يم الشباك تدخلون فيه واحد واحد وتمرون على جهاز التفتيش اهم شي لاتنزلون معاكم تلفوناتكم او اي اجهزة الكترونية ..

بعدها تدخلون السفارة وتمرون على الحديقة وتاخذون يسار في باب تدخلون منه وتاخذون رقم اذا كنتوا عايلة تاخذون رقم واحد ماله داعي كل واحد ياخذ رقم ..
وبعدها تنتظرون بس مو وايد بالذات اذا كنتوا يايين مبجر لغاية مايوصل رقمكم تتجهون للشباك وتعطون الموظف الاوراق ويتشيك عليهم واذا في شي ناقص او خطأ يقول لكم ..
بالنسبة للأطفال تكتبون في خانة رقم الجنسية اللي بالابلكيشن رقمهم المدني و بالنسبة للخدم رقم الاقامة
احنا بناخذ الخادمة معانا فطلبوا منا نسوي عقد بيننا وبينها ونوقع عليه واهي توقع عليه وتقرون لها اللي بالعقد وتكتبون المعاش اللي بتستلمه في امريكا كم ولازم ماتشتغل اكثر من 8 ساعات ولها يومين اوف واذا ماتبون تعطونها يوم اوف لازم تطعونها اوفر تايم ( لا تاخذون معاكم خادمة ماتثقون فيها لأنها راح تسبب لكم مشاكل هناك)

المهم بعد ما كتبنا العقد ووقعنا عليه عطينا الموظف الاوراق وقال انتظروا راح ينادونكم على نفس الرقم .. انتظرنا مو وايد تقريبا 20 دقيقة وبعدها رحنا كلنا عند الموظفة اللي طلبت منا واحد واحد تسئله .. اول وحدة انا قالت لي ابصم احط ايدي على جهاز اول شي الاربع اصابع الشمال وبعدين اليمين وبعدها الابهامين وسألتني

سبب الزيارة لأمريكا
هل زرت امريكا من قبل
هل عندي فيزا من قبل او قدمت على فيزا
اين اعمل .. وما هو عملي
..
بالنسبة لزوجي نفس الأسئلة
..
بالنسبة للخادمة :
ماسبب زيارتك لأمريكا
كم سنة تعملي لدى هذي العائلة ( اذا كانت اقل من سنة مايقبلون)
هل سافرتي معهم من قبل اذا نعم يجب ان تذكر اين
كم معاشك في الكويت
كم معاشك في امريكا ( لازم تقولون لها كم ،، بالنسبة لولاية نيويورك يجب ان تستلم في اليوم مايقارب الـ 10$ )
كيف سيتم تسليمك المعاش قلت لها كاش فقالت يجب ان يكتب وصل بينكم كي يحفظ حق كل واحد منكم
..
آخر شي قالت لنا الكبار لكم 10 سنوات والصغار 5 سنوات والخادمة سنة واذا لم تواجه مشاكل ممكن اعطائها فيزا بعد ماتنتهي فيزتها بكل سهولة .. وبعدين قالت لنا روحوا للدي اتش ال ..

مكتب الدي اتش ال عند باب الدخول اللي يمه الشباك اللي قلت لكم عنه بالأول .. تروحون وتعطونهم صور جوازاتكم وعليهم الستيكر الأخضر اللي عطتكم اياه الموظفة وتدفعون مبلغ 5دنانير وبعدها تنتظرون على ماتوصلكم الجوازات

سؤالي الحين

شكثر تاخذ وقت الجوازات على ماتوصل ؟؟:gr4uu:​

ملاحظة : كل ماكان الموعد ابجر كل ماخلصتوا اسرع .. احنا خلصنا على الساعة 9:30 ولما طلعنا برا شفنا ناس واايد منتظرين .. فالناس اكثر شي تاخذ موعد الساعة 9:30 افضل موعد 8:00 بالكثير 8:30 على حسب ماشفت​

 

[اوركيدا]

ماتطول عادتاً .. للأسف مااقدر افيدج اكثر لانه احنا فاللبحرين اجرائاتنا غير ..
وان شاءلله ماتأخر عليكم وتروحون بالسلامه ..

 

[alhayen]

ماتطول عادتاً .. للأسف مااقدر افيدج اكثر لانه احنا فاللبحرين اجرائاتنا غير ..
وان شاءلله ماتأخر عليكم وتروحون بالسلامه ..

مشكورة حبيبتي وان شاء الله ماتطول

والله قاعدة احاتي وماني قادرة احجز بس اطالع بالأسعار واقول عسى ماترتفع

وشرايج بالموقع تعرفينه ولا لأ ؟

وممكن تفيدينا شلون الإجراآت في البحرين علشان البنات اللي من البحرين يستفيدون

وهالموضوع مو مقتصر على الفيزا في الكويت

بس اتمنى كل وحدة تذكر لنا الاجراآت اللي عندهم في ديرتهم علشان الكل يستفيد

ومشكوريين بنات


​

 

[om MaRyooM]

خوش معلومات
يعطيج العافية

 

[alhayen]

خوش معلومات
يعطيج العافية

الله يعافيج حبيبتي..

،،،،،،،،،،،،،،

ابيييه وين البنات مافي احد منكم راح للمقابلة :eh_s(1): ​

 

[بدردر2007]

السلام عليكم
احنا كانت المقابله بتاريخ 2 / 3 / 2009 و استلمنا الجوازات بعد 3 او 4 ايام من المقابله عن طريق ال dhl
و انشاء الله فدتج
:33_1185028183:​

 

[alhayen]

السلام عليكم
احنا كانت المقابله بتاريخ 2 / 3 / 2009 و استلمنا الجوازات بعد 3 او 4 ايام من المقابله عن طريق ال dhl
و ان شاء الله فدتج
:33_1185028183:​

يعني قدمتوها يوم اثنين واستلمتوها يوم خميس او جمعة ؟

والله احنا قدمناها هم يوم اثنين بس للحين ما استلمناهم يمكن علشان كان في اجازة يوم الخميس؟

على العموم مشكورة .. بس ماقلتي لنا شسئلوكم بيوم المقابلة وشسويتوا بالتفصيل اذا لج خلق :eh_s(6):

​

 

[بدردر2007]

والله كانت المقابله سهاله ...الحمدالله
السوال الاول ..سبب الزياره ؟ سياحه
الثاني .. هل كانت لكم زياره من قبل لدول التاليه ( ايران ، اليمن ، العراق ،سوريا ، السعودية ) ؟ لا ولا مره زرنا هذي
الدول بس السعودية عاد كانت اخر زياره شهر 2 في العطله و سألونا ليش قلنا عمره
الثالث .. سبب الزياره السابقه لأمريكا التي كانت سنة 2007 ( كنا رايحين من قبل ) ؟ دوره دراسيه لزوجي ​

مم

 

[مشمشة رمانة]

هاااي بنات واخيراً من السنة اللي طافت وانا ناوية اروح امريكا اححححممم احححممم سمعو ياطويلات العمر ,,,, انا مقابلتي كانت اليوم الاحد 15-3-2009 رحنا هناك الساعة 8الصبح رحنا انا وزوجي وبناتي والشغالة ,,,, الاسألة على السريع اسألتنا كتالي ,, دواعي السفر ؟ سياحة .. مدة الاقامة في امريكا؟ 3اشهر. عندكم احد اهناك ؟ اي حماي . وسألأتني اذا كنت حامل ولا لأ .. وبس والشغالة رفضو فيزتها قالت لازم تشتغل عندكم اربع سنين واهية صارلها 3سنين و8اشهر بذمتكم موحرام ؟؟ وكانت حدها نفسية ولا سالت مثل الاوادم بس عاد إنشاالله تطلع فيزنا يارب ولا بمووووت من القهر.

 

[alhayen]

هاااي بنات واخيراً من السنة اللي طافت وانا ناوية اروح امريكا اححححممم احححممم سمعو ياطويلات العمر ,,,, انا مقابلتي كانت اليوم الاحد 15-3-2009 رحنا هناك الساعة 8الصبح رحنا انا وزوجي وبناتي والشغالة ,,,, الاسألة على السريع اسألتنا كتالي ,, دواعي السفر ؟ سياحة .. مدة الاقامة في امريكا؟ 3اشهر. عندكم احد اهناك ؟ اي حماي . وسألأتني اذا كنت حامل ولا لأ .. وبس والشغالة رفضو فيزتها قالت لازم تشتغل عندكم اربع سنين واهية صارلها 3سنين و8اشهر بذمتكم موحرام ؟؟ وكانت حدها نفسية ولا سالت مثل الاوادم بس عاد إنشاالله تطلع فيزنا يارب ولا بمووووت من القهر.

دفعتوا حق الدي اتش ال ؟

شنو لون الستيكر اللي حطوه على جوازكم ؟

وليش ارفضوا الشغالة ؟

من الشروط اللي قريتها عندهم ان لازم تكون تشتغل عندكم اقل شي سنة !

غريبة ارفضوا فيزتها !! وشكو تسئلج اذا انتي حامل ؟! انا ماسألتني ولا سمعت احد سألوه !!

احنا على حظنا كانت اللي تسوي معانا المقابلة حبوبة ..

ماقالوا لكم متى تخلص جوازاتكم ؟

الله يسهل امورنا وتطلع الفيز ..

انا اليوم سألت الدي اتش ال وقالوا لي للحين ماارسلتهم السفارة :0bee2e8d89:​

 

[مشمشة رمانة]

دفعتوا حق الدي اتش ال ؟

شنو لون الستيكر اللي حطوه على جوازكم ؟

وليش ارفضوا الشغالة ؟

من الشروط اللي قريتها عندهم ان لازم تكون تشتغل عندكم اقل شي سنة !

غريبة ارفضوا فيزتها !! وشكو تسئلج اذا انتي حامل ؟! انا ماسألتني ولا سمعت احد سألوه !!

احنا على حظنا كانت اللي تسوي معانا المقابلة حبوبة ..

ماقالوا لكم متى تخلص جوازاتكم ؟

الله يسهل امورنا وتطلع الفيز ..

انا اليوم سألت الدي اتش ال وقالوا لي للحين ماارسلتهم السفارة :0bee2e8d89:​

على الاستيكرز والله مادري بناتي اذوني مافطنت بس على كلام ابو الشباب جنة اصفر او برتقالي ليش كلشي لة لون عفية طمنيني , وشغالتي تقول لازم تكونمشتغلة عندي 4 سنين واهي اصلاً عندي 3 سنين و8شهور يعني مابقة شي وتكمل 4 وقالت انة معاشها شوية 5دولار باليوم لازم اكثر بس ماقالت جم , وسألت اني حامل ولا لأ لاني بطول هناك قعد3اشهرلانة حماي قاعد هناك انا اقول يمكن عشان جذي , وقالتلي يومين ويوصل الرد من الدي اتش ال والله يسل الامور يارب ويفرحنا اجمعين وان شاء الله نتلاقة .

 

[alhayen]

على الاستيكرز والله مادري بناتي اذوني مافطنت بس على كلام ابو الشباب جنة اصفر او برتقالي ليش كلشي لة لون عفية طمنيني , وشغالتي تقول لازم تكونمشتغلة عندي 4 سنين واهي اصلاً عندي 3 سنين و8شهور يعني مابقة شي وتكمل 4 وقالت انة معاشها شوية 5دولار باليوم لازم اكثر بس ماقالت جم , وسألت اني حامل ولا لأ لاني بطول هناك قعد3اشهرلانة حماي قاعد هناك انا اقول يمكن عشان جذي , وقالتلي يومين ويوصل الرد من الدي اتش ال والله يسل الامور يارب ويفرحنا اجمعين وان شاء الله نتلاقة .

انا اللي اعرفه اذا كان كل شي اوكيه يحطون ستيكر اخضر .. عطوكم الجوازات ولا خذوها منكم ؟

احنا قلنا ان معاش الخادمة بيكون في امريكا 10دولارات في الساعة

ولها يومين اوف بس اذا مانبي نعطيها اوف لازم نصرف لها اوفر تايم ..

الله يوفقنا وياكم وان شاء الله تطلع الفيز ​

 

[مشمشة رمانة]

هاي بنات حبيباتي بسألكم عن الجوازات وطريقة استلامهمتروحون السفارة مرة ثانية تستلمونهم ولا الدي اتش ال اييبونهم للبيت ؟؟؟

 

[مشمشة رمانة]

ريقة استلامهم تروحون السفارة ؟؟؟

 

[ورد وكادي]

رمانه يحليلج أنا مقابلتي كانت نفس يومكم لايكون أنتي اللي معاج بناتج توأم لابسين بربري أحنا ماطولنا عيالي بالبيت ما أخذتهم واللي سألنا ما سألني ألا وين أشتغل ووين بنروح لأمريكا بس أما زوجي فسأله عن سفراته ما شاء الله صفحه متروسه وسأل ليش سفرات السعوديه كثيره قاله زوجي عمره وحداق وتخييم وهم سأل شنو نوع زيارتك لإيران وهذا اللي أنا كنت خايفه منه بس رد عليه زوجي سياحه وبس ماأخذت المقابله 5 دقايق قالنا روحوا الdhlوبنهاية الاسبوع تستلمونها والستيكرزات لونهم أخضر

اليوم دقوا علي الدي اتش ال بيجيبون الجوازات

 

[مشمشة رمانة]

اي انا اللي بناتي توأم لابسين بربري , وكنت ماخذتهم معاي لانة مافي احد يقعد معاهم بالبيت لانة حتى شغالتي كان لها مقابلة .

 

[مشمشة رمانة]

كللللللللللووووووشش ابشركم بنات وصلت الجوازات وطلعت الفيز , بس غميضة:eh_s(14): فيز بناتي فيهم غلط تاريخ الفيزا والصور عاكسينهم مثل كل مرة نسوي فيزا هذي المشكلة دايمن ويانا :0bee2e8d89: عاد باجر الصبح بنروح انراجعهم ونشوف عاد الله كريم الله يسهلها يارب

 

[مشمشة رمانة]

:klhfl:بنات على الستيكرات اللي خلف الجواز اعتقد عادي اي لون لانة على جوازي استيكر برتقالي وطاعت فيزتي الحمد الله باقي تصحيح فيزا بناتي

 

[alhayen]

الف مبروك للبنات اللي وصلت جوازاتهم ..


وبـــــــــــــاركووولي وصلت جوازاتنا كلولووووووووووش واخيرا

انا وزوجي 10 سنوات

عيالي 5سنوات

الخدامة سنة وحدة ..


عاد الحين بنسوي الحجوزات

بس شرايكم بنات اي طيران ناخذ ؟؟ احنا ناويين نروح اورلاندو مانبي نقعد في نيويورك

 

[مشمشة رمانة]

الف مبروك للبنات اللي وصلت جوازاتهم ..


وبـــــــــــــاركووولي وصلت جوازاتنا كلولووووووووووش واخيرا

انا وزوجي 10 سنوات

عيالي 5سنوات

الخدامة سنة وحدة ..


عاد الحين بنسوي الحجوزات

بس شرايكم بنات اي طيران ناخذ ؟؟ احنا ناويين نروح اورلاندو مانبي نقعد في نيويورك

بسالج عن فيزة خدامتج شنو كتبتو بالعقد مال السفارة وجم كتبتو لها معاش وشكثر صارلها عندج تشتغل وهل اسألوج عن فترة اقامتها عندج ولا لا وإذا كانت مسافرة معاج من قبل ولالا ؟؟؟؟ ومشكورة ...