المعلم والزيادة الاخيرة للرواتب

[ورده عنابيه]

شكرا لكل اللي ردوا حبيبتي انا بحول لعدة اسباب الوزارة كل ماله وزيادة بالشغل يعني كرف ومافي امتيازات والاستذان علينا بالحسرة وفوق هذا مافي عداله ولاتمييز الفرق بين معاشي ومعاش الدبلوم خمسين دينار ودوامي بعيد عن بيتي يعني بحول لان التعب حتى بالوزارة يمكن المنطقة شغلها اخف واحنا اكبر قسم بالوزارة يعني موتقولون مافي شغل لاوالله في واذا غبت محد يسوي شغلي حتى لوماخذة اجازة وضع ابي شغل بس مع راتب يليق بالجامعية واجازات اكثر والتدريس انا حابته بس الله يسامح اللي قالي اللي مومتخرجين من التربية مايصبر بكونون مدرسين الا بعد اربع سنين وشكرا للجميع

 

[james546613]

اذا حابه التدريس وعندج فكرة جيدة توكلي على الله وحولي واكيد راتبك يزيد والله بارك لك فية لانة تحصلين علية حسنات من رب العالمين بس على شرط تحبين التتتتتتتتتتتتتتتتتتتتتتتتتتتتتتتتتتتتدريسسسسسسسسسسسسسسسسس وموفقة

 

[james546613]

التربوية من كلية التربية والغير تربوية متخرجة من الجامعة وفي فرق بنسبة الي تحب تغير مجال عملها الى اداريةيسمح للجامعية بعد مضي 2 سنة في التدريس بعكس التربوية ماتحول الابعد 10 في التدريس الى ادارية

 

[ورده عنابيه]

ماقصرتوا بنات

 

[نورا الحلوة]

وردة عنابية
بس اعتقد اذا حولتي مدرسة راح تصيرين الدرجة الرابعة كتعيين جديد

 

[جيتك تعال]

حبيبتي من حقك تفكرين في التدريس اذا تحبينه او اذا بتعدليين رااتبك
وبالنسبة للتربوي وغير التربوي وقت تصيرين معلمة تزاال هالفواارق وتصيرين معلمة حالك حال التربويين
ما في فرق بالرااتب ابدا ... انا كنت اداارية " اميينة مكتبة " وشهاادتي بكالوريوس مكتباات وحولت معلمة
ورااتبي نفس رااتب المعلماات مافي فرق الا بمستوياات الكاادر وهذي بتاخذينها مع مر السنوات

 

[Noor AlQ8]

جيتك تعال انتي تربوية يعني خريجات كلية التربية تخصص مكتبات عشان جذي مافرق عليج المعاش مع المدرسات


بس الغير تربوي يعني خريج كلية العلوم او العلوم الاجتماعية وغيرها الكليات الثانية ممكن يصيرون مدرسات بتخصصهم بس هم مو تربويات يعني ماخذوا مواد تربية يقدرون بعد ما يتوظفون ياخذون دبلوم تربوي جنه مدته سنة ونص او سنتين ياخذون فيه مواد التربية بس


المعاش بيكون 1100 تقريبا او اكثر شوي بس هذا اذا اقروه يعني ليما الحين مو أكيد .. الحين المعاش اول تعيين للمدرسة 858 وميتين فلس ها ركزي على ميتين فلس هههههههههههههههههههههههه

انتي بتصيرين معلم د لانه ماعندج خبرة بس على الدرجة الثالثة عشان جذي يفرق معاشج عن اول تعيين

والفرق بين التربوي وغير التربوي انه الاول يترقى بسرعة بالمسمى الوظيفي يعني من معلم د الى ج الى ب التربوي اسرع من غير التربوي يأخرونه سنة وموفقة

اهم شي تكونين حابه التدريس مو تصيرين مدرسه عشان المعاش وحطي ببالج ترا كراااف كرااااف مو طبيعي

 

[غيوره ومغروره]

الدرجه الرابعه ومعلمه د معاشها 880 بس مادري جم بيصير مع الزياده
والتعيين اليديد 850

 

[بحر الذكريات]

موفقه يارب

 

[جيتك تعال]

انا اختي خريجة اداب ... يعني مو تربوي

وعادي صارت مدرسة وترقت عادي وصارت رئيس قسم في نفس سنوات ترقي التربوي

ما تعطلت عشاان مو تربوية

مافي اى مشكلة ...

 

[بيت التوت]

سبحان الله وبحمده كما ينبغي لجلال وجهه وعظيم سلطانه


ااب ااب لعيونج