المعلمات اللي مترشحين لإشراف اللغة العربية يدشون !

[أميرة الصدق]

السلام عليكم معلمات
ومبروك الترشيح وعقبال النجاح انشالله للجميع
ماقصرنا 10 سنين وأكثر واحنا نشتغل بذمة وضمير ومحد شال 18 حصة مثلنا !!
المهم بنات اللي عندها مذكرات أو معلومات عن الاختبارات شنو نوعية الأسئلة ؟
وشنو الكتب اللي تساعدنا بالمذاكرة تقولنا وتذكروا : ان الله في عون العبد مادام العبد في عون أخيه :eh_s(7):
وأكيد أي وحدة بتساعدنا راح ندعيلها :wqedqw:
وآنا بقولكم المعلومة الوحيدة اللي أملكها انكم اتركزون على النحو !!
والله يسهل علينا كلنا آآآآآآآآآآآمين

 

[همامة]

هلا اختي
الله يوفق الجميع

ركزي على النحو بكل المراحل الدراسية تاسع و عاشر و حادي عشر و ثاني عشر بس انا اقصد الكتاب المقرر مو بس المنهج يعني حتى الجزئيات المحذوفة درسيها و البلاغة بكل المراحل بعد و طرق الكشف في المعاجم
و سمات و خصائص الشعر بكل عصر من العصور

شدي حيلج و بالتوفيق يااا رب

ادعيلي بعد

و الامتحان ما يخلو من اعراب القرآن
و راجعي التوجيه اخذي منهم نماذج امتحانات سابقة
الدراسة بروحها مو كافية لازم تتطلعين على نماذج سابقة عشان ما تنصدمين
الامتحانات تجي صعبة و غير متوقعة

 

[همامة]

نسيت اقولج
ركزي اكثر شي على الجانب التطبيقي

اذا تبين تتقوين بالنحو حلي تمرينات كثر ما تقدرين
امتحانات سابقه بعد مراجعات >>>>>>>>>>> كل ما حليتي اكثر كل ما عرفتي تحلين بالامتحان



انتي اي مرحلة ؟؟؟؟؟؟؟؟

 

[فطووومة]

مووووووفقين ان شالله

 

[بنوتة 1]

حبيبتي بكرة تبدأ الدورة بمدرسة فاطمة بنت قيس اللي بالعارضية واذا تبين او اي وحدة انا الموجهة عطتني نماذج امتحانات عشان ادرسهم ممكن اصورهم لكم والله يوفقنا جميعا ونعدي من هالمرحلة الصعبة احس اقوى من الثانوية العامة

 

[بنوتة 1]

حبيبتي بكرة تبدأ الدورة بمدرسة فاطمة بنت قيس اللي بالعارضية واذا تبين او اي وحدة انا الموجهة عطتني نماذج امتحانات عشان ادرسهم ممكن اصورهم لكم والله يوفقنا جميعا ونعدي من هالمرحلة الصعبة احس اقوى من الثانوية العامة

 

[أميرة الصدق]

نسيت اقولج
ركزي اكثر شي على الجانب التطبيقي

اذا تبين تتقوين بالنحو حلي تمرينات كثر ما تقدرين
امتحانات سابقه بعد مراجعات >>>>>>>>>>> كل ما حليتي اكثر كل ما عرفتي تحلين بالامتحان



انتي اي مرحلة ؟؟؟؟؟؟؟؟

مشكووووورة ياقلبي مااااااقصرتي :eh_s(7):
آنا مرحلتي ابتدائي وأكثر شي أحاتيه شلون نتصرف بالمواقف !!

 

[أميرة الصدق]

حبيبتي بكرة تبدأ الدورة بمدرسة فاطمة بنت قيس اللي بالعارضية واذا تبين او اي وحدة انا الموجهة عطتني نماذج امتحانات عشان ادرسهم ممكن اصورهم لكم والله يوفقنا جميعا ونعدي من هالمرحلة الصعبة احس اقوى من الثانوية العامة

مشكووورة فديتج ماقصرتي
بس آنا تبع الأحمدي ومحد قالنا عن الدورة !!!!
بروح التوجيه باجر أشوف اذا عندهم مذكرات وامتحانات تنفعنا !
واذا لقيت شي بحطه لكم اهنيه :wqedqw:
يالله وييييييييييينكم يا أبلات العربي والا المشرفات تعالوا ساعدونا

 

[أميرة الصدق]

بناااااااات وينكم ؟؟ مافيه مترشحات يعني !!؟:eh_s(4):

 

[gazaaaal2]

يا لبا قلبش على هالتجمع

يعطيك العافية يارب

منطقة الاحمدي التعليمية ما عندها الا الدجة

عجزت وا ادق عليهم واروح لهم ما عندهم الا ما ندري
واذا فيه شي جديد المدرسة تعطيك خبر

وهذا للحين لا حس ولا خبر

والله كريم ويسهلها علينا


والف الف الف مبروووووووووووووووووووووووووووووك للزرق

 

[gazaaaal2]

اب اب اب

 

[نونا 3000]

والله حبايبي انا عندي ادرس مية حصة ولا اروح اشراف الله يعينكم على التوجيه و نفسية المدرسات وادارات المدارس غير شكاوي البنات واولياء الامور

موفقين يارب

 

[سـعـاد]

بنات الاحمدي ترا فيه دورة مسوينها توجيه العربي من يوم الاحد 5 / 12 تخلص باجر الاربعا .في مدرسة صفيه بالمنقف من الساعة 5 لي 7 ... محد بلغكم عنها ؟

 

[سبحان الله !]

رد : رد: المعلمات اللي مترشحين لإشراف اللغة العربية يدشون !

بنات الاحمدي ترا فيه دورة مسوينها توجيه العربي من يوم الاحد 5 / 12 تخلص باجر الاربعا .في مدرسة صفيه بالمنقف من الساعة 5 لي 7 ... محد بلغكم عنها ؟

لا محد بلغنا !!

حضرتج متأكدة ؟؟؟

 

[gazaaaal2]

انا مكلمة توجيه اللغة العربية يوم الخميس قالوا ماكو شي


الله يعين

اكيد الخبر؟؟؟؟؟

 

[بنوتة 1]

بنات اللي تبي امتحانات عند جمعية المعلمين اسالوا المكتبة عنهم بس مو عندهم انا اقول ج

 

[بنوتة 1]

بنات اللي تبي امتحانات عند جمعية المعلمين اسالوا المكتبة عنهم بس مو عندهم انا اقول عشان ما اعرف اوصف عدل وترى محلولة وحلوة واللي تبي انا عندي بس انا من محافظة الفروانية يعني اذا تبون تمرو سوق او غيره ممكن اجيب لكم حبايبي

 

[السوري 2008]

ايه صح الدورة انا موجوده فيها في مدرسه صفيه

 

[هلااا]

رد : المعلمات اللي مترشحين لإشراف اللغة العربية يدشون !

السلام عليكم

أنا عندي مذكرة المرحلة المتوسطة 2009/2010م
واختبار السنة ألي فاتت

حاولت أنزلهم بس الملف حجمه كبير
ألي تبيه تدزلي أيميلها وإن شاء الله أدزه لها

في دوره في مدرسة صفية بالمنقف
قالوا لنا عليها في أخر لحظة بس أنا لظروف مارحت لها

عفيه البنات ألي حضروا الدورة
عطونا الخلاصة ولا عليكم أمر ​

 

[دانة))))]

اب

اب

ومنكم نستفيد


:sfg: