المعارضة الليبية لـ الوطن: نطالب الكويت بتسليحنا

[ام عبدالقادر]

اى والله انه مخرب مومعمر الله ينصرالمعارضه عليه اعوذبالله من وجهه

 

[soso.]

والله ما يستاهلون احنا من طيبنا ندعيلهم الله يفرجها عليهم مادري نسيتوا موقفهم بالغزو ؟؟؟؟

و الله حوبتج يا كويت و حوبتكم يا كويتيين شفناها بكل حقير و خاين رقص و استانس لما الجلب صدام دش علينا كاهم واحد ورا الثاني حالهم من ردي لاردى سبحانك ياربي ما تظيع حق مظلوم لو عقب 20 سنه

و اذا احنا بنوقف معاهم و مع خونه غيرهم لان هذا من طيب اصلنا و قلوبنا البيضه مع مواقفهم الزفت اهما و غيرهم معانا بالغزو لي الحين نساعدهم

اختي الله يهداج الشماته موزينه

وبعدين ترى هذيل مالهم ذنب اللي وقفوا ضدنا اهو

القذافي وجماعته باجي الليبيين شعليهم حرام التعميم

وبعدين ترى مو بعيده الله يبلينا إذا قعدنا نتشمت فيهم

ناس قاعده تموت هناك وانتي الله يهداج تقولين

مايستاهلون وين الرحمة ؟!

مشكوره على مرورج واعذريني إذا انا تكلمت بصراحه شوي

بس تضايقت من هالكلام .​

 

[soso.]

اى والله انه مخرب مومعمر الله ينصرالمعارضه عليه اعوذبالله من وجهه

آمييين

حياج الله ^_^​

 

[جنات النعيم]

ان شالله يطرشلهم اسلحه والكويت ماتقصر خيرها عام عالكل

 

[G!RLooNa]

لا انا مو قاعده اتشمت بس هذا الصج

 

[احساس راقي]

يا ليت والله يصلحوونهم يستاهلووون

 

[غلا بنت الكويت]

الله ينصرهم ويكون في عونهم

ومشكورة

 

[soso.]

مشكورين على مروركم العطر ^_^

أختي G!RLooNa

عموما هذي وجهة نظرج بس ترى ما يجوز التعميم


على كل الشعب الليبي

مشكوره

 

[reham123]

لااااااا صج ان اهم مظلومين بس اذا الكويت بتدخل بالكلام فقط مو اسلحه ودمار بس دم كافي

 

[soso.]

لااااااا صج ان اهم مظلومين بس اذا الكويت بتدخل بالكلام فقط مو اسلحه ودمار بس دم كافي

بالعكس اختي عيل الحين مافيه دم ؟​

واجب على كل مسلم مناصرة الحق​

مشكوره​

 

[بنت العقربيه]

انجلينا جولي الكافرة فيها انسانيه اكثر من الحكام العرب ياسبحان الله

والله لو استطيع مساعدتهم ماقصرت الله يهون عليهم مصيبتهم

ويقتلون مدمر القذافي الي قتل واغتصب شعبه ولا الثاني اليمني

تفكر انك راح تروح بسهاله لا وان شاء الله يحاكمونه قريبا ولا حق

سوريا المجرم الله ينتقم منهم يارب العالمين امين

 

[soosooa]

سبحان الله هذي سنة الحياه


مصير كل الطواغيت >>> السقووط والمحاكمه والذل !



من فرعون ،إلى هتلر ، موسليني ، صدام حسين ، زين العابدين ، حسني مبارك ، معمر القذافي ، علي عبدالله صالح ، بشار الأسد .... إلى مالا نهايه





الله ينصررر المسلمين بكل مكان ويحقن دماءهم ...

 

[soso.]

بنت العقربيه ، soosooa



صاجين كل ظالم وله نهاية ..

حسبي الله عالقذافي وبشار

الله ياخذهم اخذ عزيز مقتدر ويشفي صدور المؤمنين

فيهم ...


حياكم الله نورتوا يالغالين


​