المطلقات والشؤون

[طموح دائم]

السلام عليكم
بنات ابي اعرف مساعدات الشؤون جم بالضبط حق المطلقه بروحها والعيال جم ينحسب لهم ياربي زهقت كل وحده تقولي مبلغ وشفت حريم ياخذون اكثر مني مع اني استحق اكثر لا يكون السالفه واسطات بعد ياربي بموت قهر وعسي ربي يفرج هم كل وحده ترد علي ويحقق اللي في بالها آمين

 

[el.mlkaa]

ممآدرري والله بسس الله يفرج هممممج وآآآآآآببب

 

[بطوووطة$بيضة]

انا رفيجتي مطلقه بدون اعيال يعطونها ٤٠٠وشي

والصراحة اي في واسطات لان في ناس يمشون لهم بدل ايجار

 

[طموح دائم]

معقوله من غير عيال واربع ميه وشي نفسي وانا عندي طفل وآجار والله حرام عليهم بألف عافيه بس العدل والحق مطلوب وكل ما اروح وطلب زياده الله لا يوريكم ياكلوني بقشوري ويبهدلوني ما يدرون الدنيا دواره وربي بيعاقبهم

 

[مالك عذر]

لاحول ولاقوه الا بالله لاتسكتين عن حقك ولاجيتي تطالبين خلك قويه

 

[WAAAW]

اب اب

 

[قمر بيت أبوها]

بالسعوديه حول 1000 ريال وكل سنه مبلغ محترم وارض وقرض حول نصف مليون عشان يكون عندها بيت ملك
واللي معاها اطفال كل طفل زياده حوالي 400 اتوقع
الاجار علي حسب اللي ظروف الاسريه زفت ممكن يدفعون عنها الاجار والفواتير ويمشي لها تموين غذائي

 

[ورده الجورية]

حبوبه انا مطلقه وعندي بنت يعطوني الشؤؤن 449 ك.د تقريبا
ومايعطون حق الابناء ان كان في نفقه من الابو لاني كنت ابي حق بنتي وقالت الموظفه بنتج مو حاله بمعني يعطون المطلقه والارمله
وطالبي في الاجار
موووفقه
​

 

[طالبة1990]

مافيها واسطات ولا شي

بس لها شروط معينة

والمبلغ بدون الابناء ٤٤٧ دينار

اما الابناء مادري حسب الحضانة واذا لهم نفقة او لا

وبدل الاجار له شروط طبعا مو اي وحدة تاخذه

حسب الحالة


بس اهم شي للشؤون ماتكونين مسجلة بالتأمينات او بدل البطالة او دعم الهيكلة

ومايكون لج عقار او مكافأة طالب بالجامعة او التطبيقي


واذا كنتي تستلمين من الجامعة او التطبيقي توقفينها لما تقدمين للشؤون

واذا تاخذين من التأمينات يعطونج الفرق لين توصلين ٤٤٧

 

[مطلقه جريحه]

يفدونك ماقصروا

 

[بطوووطة$بيضة]

لاحبيبتي فيها واسطات وجدام عيني انا ورفيجتي

كنا رايحين الشوؤون واساسا رفيجتي ماتستحق بدل ايجار لان ماعندها اعيال

اطلعت وحدة من مكتب موظف ورفيجتي دشت عقبها وكلمت الموظف وقالته ابي بدل ايجار

قالها شفتي اللي اطلعت هذي ماعندها اعيال وتاخذ بدل ايجار ....انتي دبري عمرج ولا روحي حني عليهم خل يعطونج

 

[أم ميميتو]

حبيبتي انا توه من يومين كنت بالشؤون بس انا مو مطلقه متزوجه وبدل ايجار ما يعطون حق وحده عمرها اقل من 35 سنه
و العيال ما يحسبون غير اثنين بس يعني ما يعطون حق العيال كلهم بس اثنين و مساعداتهم بين ال 470 و ال 560 بس مادري بدل الايجار جم
وان شاءالله اكون قدرة افيدج

 

[أم ميميتو]

بنات بدل الاجار ما يعطون الا الي عمرهم 35 سنه
انا امس كنت هناك و سألت

 

[أبلة فاتن]

الخوات ما قصروا وحتى كل سنه تودين لهم ورقه او شيء يثبت انج للحين ما تزوجتي اذكر وحده كانت تسوي جذي

وبعدين الكل ياخذ كل المطلقات وحتى يعطونهم قرض 54 الف دينار

يا عمي سهالات روحي وعطيهم اوراقج واخذي والعيال مادري بس اذكر صديقة لي ابوها مطلق امها

البنت هذي تاخذ 200 دينار جنه بس اذا تزوجت يقطعونها هي كانت وقتها معاي بالمدرسه حتى لمن

دخلت معهد ما يعطونها مكافأه لان يمشيء لها من الشؤون عرفتي


وفي ناس متزوجات بالسر تخيلي وقاعدين ياخذون من الشؤون خلينا ساكتين بسسس


موفقه طمنينا عنج​

 

[الحياة تجربه]

مطلقه من غير ابناء 447دينار
والحين زادوهم 112
يعني يصير 559 دينار
كلام موثوق منه 

 

[Đ₥яŋỳ♣7βҜ]

آآآآب ,
آنشالله البنات يفيدونـج ​