المطاعم الي بسوق الديره ؟؟؟؟

[ghalaty]

السلام

خواتي سمعت ان في مطاعم وقعدات حلوه بسوق الديره خاصه بالجو هذا

بس ماني عارفه وين اهما وين اصفط واروح

وهل تنصحوني اني اتعنى لهم واروح ؟؟؟؟

وشكراا

 

[*البدرة*]

روحي ولا تفكرين وواااااو جوهم عجيب..
صفطي مصافط قبال السوق عند بنك بوبيان المباركيه وعبري الشارع للمقاهي قبالج
وانصحج بمطعم دانة المباركيه
عجييييييييب ونظيف واسعاره معقوله //اكلي عليج بالعافيه
وبعده تمشي داخل السوق ..واستانسي
اخذي معاج اليهال راح يغيرون جو وااايد

 

[ghalaty]

اختى البدره مشكوره وايد على الرد السريع نخدمج بالفراح بس شنو عندهم من اكل واهم على طول فاتحين

 

[*البدرة*]

اختى البدره مشكوره وايد على الرد السريع نخدمج بالفراح بس شنو عندهم من اكل واهم على طول فاتحين

ما طلبتي شيء يالغاليه
اهم شيء تقعدين وتطلبين شاي مع الدوة
انتي تحطين بيدج الشاي بالماي
وتخلينه يطبخ وااااااااو عجيب
وبعدها طلبي كباب وشيش طاووق فتوش تبوله/ تكه
حمص شاورما مع خبز ايراني والتوابع
روعه / صحن كشري بعد سمبوسه / عصاير غرش:ggdw:
كل الاكل روعه
وانا كل مااروح عشا ..
في عندهم غدا عيوش ومجابيس بس انا احب المشاوي
"
"
اقول انا بروح اليوم خن شوفج واعزمج ههههههههههههه
:68_asmilies-com:

 

[ghalaty]

يلا فوقه متى بتروحين انا كان ودي اروح ألحين الجو حلووووووووو ترااااااااااااااااااااا شوقتيني حييييييييييييييييل انا احب هالسوالف

 

[*البدرة*]

عليح بالف عافيه ...
والحين للاسف مااقدر مرتبطه بالاهل
يمكن بالليل .. بس انصحج تروحين باقرب فرصه
وقوليلي شصار معاااج..
موفقه

 

[ghalaty]

اختي البدره مشكوره واااااااااااايد على الشوره رحت صج وناسه شي عجيب اكلت مشويات ودوه وجاي بس حسافه اشوي زحمه ماتوقعت جذي وشكراااا خواتي الي قاعد يدشون ويطلعون اشدعوه شاركونه بالحوار ههههههههههههههههه

 

[كيوت_25]

روحي حق مطعم دلق سهيل و انتي مغمضه كبابهم عجيييييييييييب


وما عندهم سوالف شيشه ( قطييييييييييعه )


واااااي شوقتيني على كبابهم

 

[عدسات ملونة]

المطاعم اللي تقصدونها هي اللي ورا سوق الخضرة واللحم بالمباركية بساحة كبيرة كلها طاولات ومطاعم صح

 

[*البدرة*]

هلا والله غلاتي بالعافيه...
شفتي قتلج طيعيني
"
"
اختي كيوت انا ما حبيته دلق سهيل ...
الشيش طاوق يحطونه مع الصيخ انا مااحبه جذي
احب دانة المباركيه اول واحد واذا على الشيشه عادي
لانه اهلنا فيهم من يشيش فتعودنا ههههههه شنسوي المهم
انا اروح واكل...
"
"
"
اي عدسات ملونه اي نعم اهيه اللي بالساحه كبيره

 

[ghalaty]

لا فيه شيييييييييييييييييييييييشه..... البدره انا بغيت دانة المباركيه لانج نصحتيني فيه بس الغرسون ما خلاني تهاوشت معاه هههههههههههههه قاعد امشي متوجه للمطعم الي اهوا دانه ياني قالي تفضيلي قتله عطني النميو انت مطعم الدانه؟؟ قالي لاءه بس تفزلي عادي مافهاش حاقه .. انا قعت يابلي المنيو مال مطعمه قتله اوكي لو سمحت ييب المنيو الي قلت لك عنه قام يقول لي لاءه مايصحش اذا عاوزه المطعم الثاني اومي للطاولات التانيه والله بط جبدي فشلني قلتله توك تقول عادي قام يسولي والنبي والنبي قتله اذلف وناد واحد ثاني ههههههههههههههه قلت لكم قصت حياتي بس التجربه صج صج حلوه وناسه بس مثل ما قلت لج زحمه وااايد

 

[كيوت_25]

هلا والله غلاتي بالعافيه...
شفتي قتلج طيعيني
"
"
اختي كيوت انا ما حبيته دلق سهيل ...
الشيش طاوق يحطونه مع الصيخ انا مااحبه جذي
احب دانة المباركيه اول واحد واذا على الشيشه عادي
لانه اهلنا فيهم من يشيش فتعودنا ههههههه شنسوي المهم
انا اروح واكل...
"
"
"
اي عدسات ملونه اي نعم اهيه اللي بالساحه كبيره

صاجه الشيش طاووق مالهم مو حلو بس كبابهم خياااااااااااااال

 

[al-shoug]

مكان هالمطاعم حلوو ..​

 

[عاشقة الوطن]

اي في دلق سهيل يمدحونه وفي داخل السوق مطعم الديوان

ترى انا ما رحت بس البنات يمدحونه

 

[FRuiT ZaBaDi]

للرفع بنات

 

[غاية مرامي]

اهي مطاعم كلها سطرة وحدة بس اخر واحد بالسطرة والله نسيت اسمه اللي عقبه دشين بين لويه السوق واااايد اكله حلو والله جنه دانه المباركية عليهم كشري خطيييير...والجبدة المشويه لذيذة لااااايطوفج خصوصا الجو الحين حق القعدة برة مايتعوض

 

[bnt_kwt]

واااااااااااااي وناسه سوق الديره الاسبوع اللي طاف رحت انا وريلي تعشينا
مشويات من هالمطاعم
المكان شعبي حلو واااااايد
والاكل لذيذ ورخيييييص مقارنه بالغلاء الفاحش اللي طاغي علينا

بس عيب المكان شي واحد بسسسسسس

القطاوه القطاوه
يعني تخيلوا لما اروح بس عيوني تتلاقط واراقب
وادعي انه ما اتيي صوبنا قطوه اتخرب علي الجو خخخخخخخخخخخخخ

بس صج صج يتسلطون علي انا بالذات استغفر الله ما ادري ليش

 

[حناينq8]

احلى جو شعبي هناك

لازم اروح على طول


بس وايد يضايقونا القطاوه

 

[الشور شورك يا يبه]

دلق سهييل فطييرهم عجيب بس تشايهم مو ذاك الزود اللي يمه احلى نطلب التشاي منه والفطير المشلتت من دلق وعندهم حمسة الهامور عجيبة

 

[أساور]

شنو احلى مطعم دايما نقعد بدلق سهييل وودي اغير