المصاصه كاااارثة

[مشتطـه]

حياكم الله بنات
نورتو

طيبه عطيهم وحطيلهم تقويم لي كبرو براحتج حبيبتي

 

[نور دنياه]

خوش موضوع انا امس اول يوم قاطعه المصاصه عنبنتي وهي بتكمل سنه هالشهر وتوه طالع لها ضرس واحد طبعا امس بجت بجي جنه بجي التطعيمه ماتعرفترقد الا فيها اما طول اليوم لا ماتاخذها ، وطول الليل تتفزز تقعد ادورها وترجع تنام

قلت بقطعها الحين قبل لاتتعلق فيها ازيد ودامني اجازه من الدوام متفرغه لهاعدل غير جذيه وراي ولاده يعني بلهى عنها
المهم قالوا لي شالفايده انتي وراج ولاده بعد 4شهوريعني مابيمديها تنسى وبتشوفها بحلج البيبي وتبي مثله!!!!! تهقين صج؟ احس حبطوني

 

[زين ودلال]

نور لا عااادي انا كنت مثلج خايفه بس لما قطعتها من ولدي قام يشوفها عند اخوه بس مايطريها

بس شنو انا خليته يكرهااا ماقطعتها بدون لا يكرها حطيتله مره واهو قطها لاعت جبده من المره

 

[انصاريه قمره]

صاجه مشتطه المصاصه دماااااااااار واصلا اليهال الكبار اللي يمصونها شكلهم مقزز انا الحمدالله بناتي ثلاثتهم ما عطيتهم مصاصه والمميه قطعتها بيوم وليله قعدوا يبجون يومين ثلاث تالي نسوااا الحين عندي بنتي بتكمل سنتين ان شاء الله شهر 12 وحيل متعلقه بالميمه والكمبل مالها ما تروح مكان الا المميه بحلجها وساحبه الكمبل تشمشم فيه بس حالها حال خواتها اولد بالسلامه واتفرغ لها عدل لانه شكلها بتعلني

 

[مشتطـه]

لا عاااادي اانا خاشه مصاصه ولدي ذكرى
ذاك اليوم طلعته له بشوف ردة فعله عادي قام يلعب فيها يشوووق


ما بجى ولا شي نساهاااا


حياكم
الله

نورتوووو

 

[ميمي..]

انا اشوف انها ضروريه فتره الاربعين والشهور الاولى او على الاكثر لين عمر السنه
من تجربتي من طفلين الاول بدون مصاصه ارهاااق وبكي وقت النوم
الثاني هادي وينام بدون بكي واطلعها من حلقه لما ينام

وبالنسبه للخوات اللي يقولون اللي تعطيي عيالها مصاصه رفله او ماتبي تهتم وتعب نفسها ههههههههههه ضحكتوني
ترى مارح تحبون عيال الناس اكثر منهم كل وحده حره بتربيتها وتصرفاتها مع عيالها لمتى منصبين نفسكم قضاة تحاكمون الناس وتحاسبوونهم وتتهمونهم بالاهمال؟؟؟؟؟؟؟؟؟؟؟؟؟؟؟؟؟؟؟؟؟

 

[مشتطـه]

انا قلت ان اللي تعطي عيالها مصاصه لما عمر ال 3 سنوات رفله وماتبي تهتم ولا تتعب نفسها
ما قلت السنه الاولى قلت لما الثلاث سنين

وانا مع ان لما عمر السنه ياخذها بس مو باستمرار باوقات معينه تمنعينه عنها و حزة النوم او البكي المتواصل بالطلعه تعطينه


بس لما عمر ال سنتين و ثلاث و اربع لا والله انا ضدها

 

[Aloe Vera]

انا عندي ثلاث يهال و ماعطيت ولاواحد فيهم مصاصة
مادري ليش الناس تعطي مصاصات؟؟؟

 

[مشتطـه]

لا انا مو ضدها ركزو بالموضوع

اهي تفيد باول الشهور
لكن من تبدي تطلع الاسنان تصير كارقة يعني بمجرد ما يطلع سنين و 3 اسنان تقطعها الوحده

و لها اوقات معينه
مو 24 ساعه بحلجه غلط

 

[شيخه كويتية]

موضوعج حلو انا وايد كنت احاتي يبجي يبيها قصيت المصاصه بالمقص وعطيته يمص ويشيلها ويضحك ان خربانه ههههه في شي غلط قطها بالارض ورد طلبها عطيته الثانيه مقصوصه وبعدها سكت نيي حق بليل بليل تعبت لا تشوفيني حاله حرب ورحت غرفه مع ولدي كان عمره 9 شهور عزلت عن ريلي ما ابي ازعجه


لا قعد يبيها اقوم اتمشى واقرا ايات لين ينام. تقريبا اول3 ايام بجي بجي جنه مقروص ثالث يوم قلبي عورني بغيت اعطيه بس تذكرت اني قاطتهم
المهم4 ايام نساها بالضبط 6 ايام نساها تماما اللهم لك الحمد وايد ادعي

 

[مشتطـه]

عفيه عليج ماشاءالله شاطره


انا يومين بس مابجى وايد

لان اساسا كنت مخففتها عالاخر باخر الايام

 

[الغلاااااا]

انا ولدي بعمر ٨ شهور اهو خذاها وقطها مايحبها اما بنتي تعبت لما قطعتها بعمر سنه بس يومين تبجي وطنشتها لما تعودت


صح جراثيم ولوعت جبد ومالها داعي اصلا توتر الطفل تخيلي نفسج تتعلجين وانتي نايمه

ماتخليهم يدشون بنوم عميق


انا اؤيدها بالاشهر بس لما يكبر شوي ويوصل ٦ او ٨ اشهر خلاص يتعود يهدها واي شي ثاني اعطيه بطانيه واهو نايم او لعبه يمسكها لما ينا

 

[الغلاااااا]

امس بالسوق وحده شكلها فوق الثلاث سنوات والله تمص مصاصه وامها يمها ويع لاعت جبدي شكل البنت غلط شكبرج ومصاصه

 

[fofo90]

مشكورة عالموضووع مشتطه
دايما مواضيع رووعه ماعليها كلام
وصحح المصاصه تخرب الاسنان وهالشي
معرووف بعد وتخليها تسوس بسرعه
انا ولدي الحين عمره سنه وشي الله يحفظه حبيبي
بديت اخففها عنه وقت النوم بس اعطيه
واذا شفته بالبيت حاطها اسحبها منه للحمدالله عادي
عنده مايبجي ولا اللي يحن يييها بالعكس عاادي
اصله شكله الطفل موحلوو واهوا وبالمصاص
خصوصا اذا طاف السنتين
والله يحفظ لنا عيالنا
يااارب

 

[PuPa^^SWeeT]

شوفي اناًمافهمتج بالاول




بس يومً كملت الردود فهمت اللي تقصدينه







انا عطيت بناتي كل وحدة لي عمر سنة وً ثمان اشهر او اقل






بس اسنانهم مافيها شي




بس فعلا غلط اللي اتخليه يكمل لي عمر ثلاث وًارببع سنين


المفروض خلاص وقف سن البجي بلا سبب




وانتظم نومه و قلت مشاكله


ولازم يشارك بالكلام والنشاطات





فا ماتفيده المصاصة لا من الناحية السلوكية ولا الكلامية





انا اعطي من قبل لا تخلص اجازة الوضع




علشان اداوم وانا عالاقل نايمةً جمً ساعة متتالية


مو نومة مقطعة

 

[مشتطـه]

ام صقور نورتيني انتي ولدج اكبر من ولدي بيومين
اذكرج بالتجمع معانا


المفروض تقطيعينها نهائي اسنانهم بدت تتشكل الحين وطلعت تقريبا كلهاااا


نصيحه هديها حتى بوقت النوم


بوبا حبيبتي الله يحفظلج ياهم
وصاجه


الغلا نورتيني حبيبتي

 

[PuPa^^SWeeT]

وترا تركتها هينة حييييييييييييييييييييييييل



يعني انا بنتي الاولى بسرعة عافتها



بنتي الثانية لا والله ثابرت و تبيها


حطيت فيها مرة قامت اتدور المرة اتغمس فيها المصاصة و اتمصها تالي



قصصتها صغار تمت اتمص الاطراف المسننة



عاد صار وقت الجد


جابلتها بداريو خلاص ماكو مصاصة


بجت ساعة كاملة ليين نامت

مابين اتلمني و بين اترجاني وين المصاصة


قطعت قلبي بس شدييت


وبس عدت هالساعة ونامت نومتها و قعدت الصبح



تسال عنها بس الطفل ترا سهل الانصياع



و الحمدلله

 

[مشتطـه]

صح والله
بس اذا صغيره تقطها بسرعه
الله يخليهم لج

 

[•Brown•Sugar•]

انا ماقطعتها ..
صارت حركه بالغلط وقطعت المصاصه

كان عمرها اقل من سنه وتكرمون موديتها الحمام
قعدتها ع الافرنجي فطاحت المصاصه داخل
قالت ماما ويع

قلت .. ويع ؟.. ويع :d
وخليتها تسحب السيفون
ومن يومها اقتنعت ان ماكو مصاصه
واذا تذكرتها بروحها تقول فيه ويع ههههههههههه

يعني الياهل مجرد يحتاج اقناع لا اكثر ولا اقل
ومره شفت فيديو الام تربط المصاصه ببلونه هيليوم
وخلوها تلمها وتبووسها وتطيرها واهي ميته ميته بجي
بس سوت شي بقناعه

 

[انا لحبيبي .]

ابني ٥ شهور
خليني اقطعها من هلا
بس بتنصحوني اخففها ولا اقطعها مره وحده؟
هو ما بياندها الا وقت النوم ولما يبكي كتير