المصاصه كاااارثة

[مشتطـه]

السلام عليكم

من زمان الموضوع ف بالي من قبل 4 ايام تقريبا

واللي خلاني اكتبه

فيديو بالانستقرام لولد وحده من رفيجاتي يتكلم
عمره 4 سنين الا شهرين تقريبآ


اخر مرة شفته قبل 6 شهور كبير اهبل وبحلجة مصاصه
اقولها امبيه ليلحين تقول شسوي ماقدر اقطعها قتلها ليش قالت متعلق فيها

قتلها مايصير كبير عليها حيل

ومنظرة بصراحه يلوع الجبد عليها بروحه مو حلو ولد الحلال

المهم انا ما احبها اكرههاااا ولدي حزتها عمره 11 شهر قتلها لا انا ولدي صغير

وقاعدة اخففها تدريجيا عنه وصلت لمرحلة بس نومة الظهر واللليل


ومن كثر ماخرعوني ماتجرأت اقطها عبالي بيصيح وبيعفر وكله اقول بعدين


طبعآ لما كان عمر ولدي 7 شهور اكتشفت مضارها الاليمه وظليت افكرررر فيها


بنات المصاصه تشوه الاسنان

رجاااءا لحد يقولي ماضر فلانه وعلنتان لين كبرو واهم يمصونها

صدقيني انتي غلطانه ومو مثبته


اعرف بنت وحده من اهلي قمة قمة قمة قمة بالجمال لو
انا امها ما اطلعها

للاسف شفت هالبنت لما كبرت وعمرها 3 سنين الا اسنانها متشوهين !
وطبعا من المصاصه لان امها ماقطعتها

وبعد رفيجتي المقربة اختربو اسنان ولدها والحين بيكمل الاربعه ومازال عليها

تدرون شنو اقصد بالتشوه !!

ان الفوق واللي تحت لما يسكرونهم على بعض
بالنص فاضي ويأثر على طريقة الكلام

و وايد دراسات اثبتت هالشيء وانا انتبهت حيل للموضوع واهتميت



المهم طبعآ انا متوتره ومن اشوفها اتنرفز بس مازلت اعطيه بليل وقت النومة واقطها
لما يغط هذا لما كان عمره من سنه لما 1 و 4 شهور



مرت الايام ولما وصل عمره 1 و 4 شهور
فجأه من غير سابق انذار قلت بنومه من غيرها


وطبعأ مايقدر يبيها واسنانه بدت تطلع وايد

قلت لازم اقوى واخليه يقطعها


بهدوء رحت وقلت له بح ماكو وريته الاماكن اللي تنحط فيها واقتنع وقتله بح ماكو
وينها ماكو ومثلت اني قاعده ادورها


شوي استعسر بس نومته
يقعد بليل يدورها اركه بحظني وينااام


الحمدلله 3 ايام ونسااااهاااااا ماشاءالله تبارك الرحمن

لان من الاول خففتها حيل


عشت عيشه مريحه اول شي قبل من تطيح يقعد ويبجي يبيها

الحين خلاص قومة الليل مايقوم ماشاءالله

والحين طلعو اسنانه وانا مرتاحه ماشاءالله الحمدلله


موضوعي هذا تحذير لكل ام خايفه على اسنان عيالها


ترى المصاصه كارثه 4 من رفيجاتي اسنان عيالهم متشوهه

انا ما انكر اول سنه ممكن ماتأثر كلش بس خخفيها حيل


بس من بعد السنه انسيهاااااااا حراااام اهم شي الاسنان

الصراحه هم الطفل جماله بإبتسامته لا تظلمون عيالكم


حطيت الموضوع من حر ما فيني والله


وفي ناس ماتدري انها ما تأثر لا حبيبتي 99% راح تخرب الاسنان اذا لما عمر السنتين وال 3 والاربع يمصها
شيء طبيعي بتخرب

وكل وحده تجيك على اسنان عيالها اللي لما 4 سنين يمصونها


انا الحمدلله احس نفسي اعرف اربي


بهالزمن رفيجاتي تربيتهم بايخه دلع ب دلع وعيالهم تماددووو ؟


الله ! الحين بتقنعيني انتي هالكبر ما تقدرين على ياهل

خل يبجي لمااا يفحط وتطلع له قرون اي خل يبجي ؟

والا انه ينظلم بالفكين ويتشوهونننن


الصراحه وبدون زعل بنات اللي لما سن ال 3 سنين و ورا
عيالها يمصونها هذي رفاله وعدم اهتمام :eh_s(4):



وبس ناطرة تفاعلكم بالموضوع

 

[ريتاج_90]

حبيبتي مشتطة

المصاصة مالها شغل بالاسنان لان الاسنان يتشكلون والجاهل في بطن امه

وثاني شي اذا كنتي تهتمين بولدج وتفرشين اسنانه اكيد بتكون حلوه

بسس اللي ماتفرش ولاتنظف اسنان عيالها
ويختربون اهني بتحط عذرها المصاصة
ووعيال اخواني يأخذون مصاصه
ماشاءالله اسنانهم تهبل ومافيها شي
اهم شي الاهتماام

وتذكري الاسنان واهو بطن امه يتشكلون
فلا تحطووون عذركم المصاصة

واللي يخرب الاسنان لما يمص صبعه البيبي هذا اللي اثبتو بالدراسات مو المصاصةةة

 

[مشتطـه]

امبييييه مو من صجج هههههههههههه


شكو الاسنان تتشكل ببطن الام؟؟؟؟
انا ما قلت ان اسنانه بتطلع ناقصه؟ قلت تتغير شكلهم ونموهم

الاسنان بمجرد اللعب فيها راح تتفرق وتنعوج

والمصاصه تأثر حيل على نموهم

حبيبتي رتاج

انا متابعه الموضوع حيل
ولو يقولون لي سوي بحث دكتوراه بهالموضوع راح اسوي

قاعده اشوف واتابع الموضوع حيل حتى بعد ما قططعتها


المصاصه بلا ادنى شك تخرب الاسنان حيل


يمكن انتي ماتلاحظين ان اسنانهم ما تتصكر على بعض !!!

وايد من رفيجاتي مايدرون شسالفه والدليل مكملين عليها


بس انا دقيقة وعندي اهم شي اسنان الطفل


خلي التنظيف بصوب

انا تكلمت عن الشكل

وبحثي بالنت وشوفي اثارها عالاسنان اتحداج اذا في دراسه تقول انها ماتثبت


الادمان والكبر عليها يأثرون واتححدى الي عيالها اعمارهم 3 و 4 سنين ويمصون المصاصه واسنانهم عدله


وشكرآ على مرورج

 

[ريتاج_90]

لـيــ�ـش ..؟! بالخامس يعطونج كالسيوم
عشان الاسنان واذا مو مصدقه انه الاسنان تتشكل واهو
بطن امه روحي سألي أي دكتور

وعيال اخوي واحد سنتين والثاني ثلاااث
مااااشاءالله اسنانهم تهبل

 

[مشتطـه]

حبيبتي تتشكل بالبطن مادري عنهم

بس طريقة خروجهم بتكون غلط من المصاصه

انا ماتملمت عن التكوين

تكلمت عن شكلهم

المهم انا متاكده من كلامي
وعيال اخوج اتحداج اذا مرتبين
صوري اذا مرتبين خنشوف شلون

 

[ملح الكون]

^^^^^
جنكم بتهاوشون ...
عينو خير (؛

المصاصه ازمه عندي بنتي سنتين الا شهرين حاولت اقطعها تحن وتبجي وابوها مايتحملها تبجي )؛
ان شاء الله بسوي لها طريقه الاجانب اربطها في بالونه واخليها تطير وان شاء الله تقتنع ومايدش ابوها عرض

 

[M!SS.LOBY]

الموضوع حلو

 

[M!SS.LOBY]

معاج حق العضوة مشتطة
ما احب الياهل كبير بالعمر ومعاه مصاصه المنظر مو شئ

 

[مشتطـه]

لا والله مابي اتهاوش

حياكم الله

 

[M!SS.LOBY]

اب اب اب

 

[shak!shoka]

صح كلامج ١٠٠٪

معروف المصاصه تخرب الاسنان و انا شايفه و شبعاااانه من هالحالات


بجري امي ما خلتني اعطيه مصاصه حتى وانا نفاس وما دشت حلجه ابدا

فبنتي انا عاندت و عطيها بنفاسي و عقبه بشهر قطيتها

اهم شي الياهل ما يكبر و يتعود عليها
اما اذا كان عمره شهور بسهوله تقطعينها عادي



ديرو بالكم بنات و اهتمو شوي بعيالكم والله حرام و منظر مقزز لمن ياهل عمره ٢و ٣ سنين و سادين حلجه بهالمصاصه

 

[زين ودلال]

امبله المصاصه تخرب الاسنان

الحمدلله انا قطعتها من ولدي ماكنت متخيله اني اقدر اقطعها منه لان عسر ومتعلق بالمصاصه

نقعت المصاصه بمره وعطيته قطها قال ويييع وكرها عقب الف الحمدلله

ونفس الطريقه متبعتها مع بنتي قبل كان عمرها سنه وشهرين

ولدي قطعتها عمره سنه ونص طولت شووووي

 

[دارسين]

بالنسبه لي افكر بالامهات حق شنو تستخدمون المصاصه جد ههههههه

حسيت اني عبيطه اساأل هالسؤال بس جد حق شنو؟:eh_s(22):

اللي أفهمه من الامهات انه بدال مايبجي تسد حلقه الجاهل ماعنده عياره

يبجي يعني محتاج شي حليب ماي فيه غازات يبي احد ىيحاجيه

يمكن خايف او مرعوب بس لبي طلباته وانتهى الموضوع

المصاصه في ناس يسمونها لهايه تدرون شنو يعني يعني تلهيه وتشغله بشي ثاني

طيب ليش مألبي طلباته وانتهينا ؟؟؟؟:eh_s(7):

انا عندي 4 سم الله عليهم ماعطيتهم مصاصه

 

[ملكه الحطب]

صاجه اختي بدون المصاصه ينام ويرتاح بالنومه ويسحبها لي الصبح وبترتاحين جذي لانه العيال اذكيا يقعدون عشانها وعشان تعطينها له
ولدي الحين ٣ سنين الا شهرين قطعتها منه متاخر لما كان سنه ونص او اكثر شوي لاني كنت اعطيه وقت النوم بس وضغطت على نفسي واستحملته يومين ثلاث والحمد الله افتكينا منها مع انه عسسسسر وعنييييييييد وولدي الثاني عمره اربع شهور اسم الله عليه مااخذها ولا حبها كلشش مع اني اشتريتله انواع بس مارضى ياخذها صج راحه بس تعبانه معاه وقت النوم المصاصه تريح ساعات

 

[طيبة83]

وي من قال لكم المصاصه ما تخلي الياهل ينام؟؟

انا بنتي ما عطيتها انههههههههههههد حيلي من تربيتها ولا كانت تنام وكله بجي

اذا ان شاء الله الله رزقني ياهل ثاني اول شي بعطيه اياه المصاصه

ولد اخوي ما شاء الله عليه هادئ وينام طول اليل تبارك الله والسبب المصاصه

لا بالله المصاصه رحمه من الله سالوني انا

واذا على الاسنان التقويم ما يقول لا

 

[attoosh]

انا عيالي قطعتها عنهم بالزولا لما صار عمرهم سنتين لانهم توام و قطعتها عنهم فجاه لانه لاعت جبدي من الجراثيم اطيح بالارض ويحطونها بحلجهم وساعات الخدم يتعيزون اغسلونها وغير هل شي لا حظت ان اليهال اسعبلون وايد ما اعرفون يبلعون ريجهم منها

 

[M!SS.LOBY]

احياننا تصلح للبعض اليهال تخدرهم ههههههه
ههههههههههه

 

[شادن33]

شطشط انا اعطي اعيالي المصاصة لين ست شهور واقطعهاااا دون سابق إنذار

يكون بعده ماتولع فيها

والعمر من 1 الي 4 شهور أعطيها بس عشان يهدأ وينام مؤ عمال على بطال

وصح بنات تراها تشوه الأسنان لا اطولون تعطونهم المصاصة اكثر عن ست شهور حراااام

 

[ABEER FLOWER]

يا هلاااا بـ شط شط
كلامج سلييييييييييم 100%

أنا ضد المصاصة
فعلاً تشوه الأسنان من قراءتي عنهااا

وولدي عطيته أول شهر بغرض تهدئته لكنه رفضها

ولا فكرت أعوده عليها لأني رافضتهاااااا​

 

[حوريه ...]

اللي اعرفه تخلي شفايف البيبي ناقزه لفوق او طالعه بزياده

يعني بالعربي براطم



احفاد اهلي ماتعودوا عليها ولانعرفها اصلاً ومستحيل يفكر احد مننا يشتريها

بس لاحظت اهل زوجي كل اطفالهم لازم مصاصات
وخصوصاً خوات زوجي

انا ماشريتها ولاناويه اشتريها ومستحيل اشتريها

امي تقول هذي ماتشتريها الا الرفله تسكت ولدها فيه


وبس

شكراً ع الموضوع مشتطه