المشـــاكِســـات !

[Nawara]

الساعة 12 ليلاً

(طررارارا طررارا طررارا را ) ---> رنة تلفون بيكة (اسم الدلع ل سبيكة )

بيكة ترركض بسرعة

- آلووو

وكالة الأنباء الكويتية آنا تحيكم وتقدم لكم خدمة الأخبار الحشية

فاطمة المليقة إللي معانا بالإنجليزي مخطوبة ! خاطبها هذاك الهتلي إلي كل يوم يدور عن باب الثانوية ينطرها إللي سيارته أكس فايف أسود ..
وبنت خالتي نوفو ولدت يابت ولد ريلها يبي سميه هلال تخيلي تصير أم هلال !! وييع
ولي الحين ما حليت واجب الأحياء أنطر الفرج ..

أي أخبار ثانية ؟؟

- باسم الله الناس يسلمون أول !

من صج هذا خطبها ! وآنا أقول كل يوم شفيه بس قاعد يخزها استغفر الله شالطفاقة خل تتخرج قبل بعدين تفكر تتزوج !
المهم عاد حسافة كنت داقة أبيج تنقليني الواجب! أدري أنج نو واي تحلينه بس قلت يمكن دبرتي عمرج ..

تهقين شلون شنسوي ؟؟ مخي تَيّس ماراح يستوعب الحين شي لوشنو ماراح أقدر أحله والمشكلة أنه الحصة الأولى ..

- دقي على سوير أم قليب أكيد حلته لما تنقلينه دقي نقلينياه ..

- لا سوير مريضة باجر بتغيب دقيت عليها ..

-وييي شفيها عسى ما شر ؟؟

-لا مافيها شي عيارة بس جذي مكثرة أكل وبطنها يعورها قصت على أبوها يابلها مرضية

-يحظها أشوة افتكت .. خلاص ما عليج باجر ندبرها بس تعالي مبجر قبل الطابور .. الحين شوفي الفلم على أم بي سي تو شكلة يهبل لا يطوفج توه بادي ..

- تهقين !! يلا أوكي بس أخلي الواجب عليج تصبحين على خير باي ..

-باي

بيكة قعدت تشوف الفلم وعواش قاعدة تقاوم النوم عشان تشوفة ! تغفي شوي وبعدين تطالع شوي بس عشان تجاري بيكة والبنات بالسوالف باجر بالثانوية ..
وسوير ملاداعي يقولها لأنهم يدرون إنها قاعدة تشوفه

وفي الصباح الباكر من حمام المدرسة دقت بيكة على عواش ..

- ألو صباح الخير

- هلا صباح النور

-عواش وينج لي الحين ما يتي بيبدي الطابور ..
سمعي أنا خذيت دفتر وحده من البنات ونقلته وغيرت شوي يالإجابات بس أنتي ماراح يمديج فماكو إلا تتأخرين أكثر عشان مايدخلونج الحصة الأولى وتطوفج..

- لا عندي شكثر غيابات ما يصير كاني واصلة خلي دفترج بالحمام ولما آنا أيي أروح الحمام أنقله بالطابور بدون محد يحس أهم شي عسى الحمام نظيف

- أي ما عليج الفراشة توها غاسلته ماكو ريحه ..

سكرت بيكة تلفونها وخشته في سحابها السري داخل الجنطه ..

وكالعادة بالطابور في السلام الوطني محد نشد نص البنات يتثاوبون والنص الثاني يحركون شفايفهم بس! الناظرة مسكت المكرفون وقامت تعطي دروس ومواعظ من صباح الله خير مادري شلون لها خلق :

بنات ليش جذي؟ هذا وطنكم ! وين الوطنية ! هذي الكويت ماراح تروحون الصف عيدوا النشيد الوطني والكل ينشد ....

استغفر الله ملاقة :/

بس أحسن صار في وقت زيادة حق عواش عشان تنقل الواجب ..

بعد الطابور تتم معاينة البنات المخالفات ..

هذي نفنوفها قصير وهذي ياخذون ترجيتها .. وهذي لابسة جوتي رياضة

لكن بيكة وعواش صايرين خوش بنات اليوم ماكو مخالفات ..

وتمت العملية بنجاح وبدت الحصة وسلموا الدفاتر لأبلة بشرى القشرة ..

وكان محور حديثهم بالفرصة عن فلم السهر وعن آخر صرعات الموضة .. طبعاً الشلة اليوم ناقصة سارة من غير شر ..​

------
عضوة يديدة مع أول موضوع تنزلة قصة كنت مألفتها وحاطتها في منتدى آخر ، لأن فيها فايدة وتخص البنات ولاقت نجاح حلو حبيت أحطها هنيه ، وبتشجيعاتكم وتعليقاتكم أكمل الحلقات ، تابعوني ^_^​

 

[طوق البنفسج]

مشاركة: المشـــاكِســـات !

ناطرين لا تطولين علينا

 

[ياحلاتي]

مشاركة: المشـــاكِســـات !

خوششششششششششششش مشششششششششاركه
حياج كملي

 

[سارة1111]

مشاركة: المشـــاكِســـات !

حلوة القصه وبعدين

 

[حبيبة أهلها]

مشاركة: المشـــاكِســـات !

رهيبة بس وين الباقي ننتظرك اختي

 

[Nawara]

الحلقة 2 من المشـــاكِســـات !

في الهَدّة تدافعت الطالبات للخروج والانتشار على الرصيف أمام المدرسة ..

اليوم السيارات السبور والسياكل إللي يستعرضون زايدين شوي يمكن لأن أربعة !

أبلة زينب مدرسة البدنية كانت عليها المناوبة ، فقامت تصرخ عالبنات وتدخلهم الإستراحة ..

يالا يابنت أنتي وهية ! خشوا الاستراحة .. ممنوع توءفوا برة أمو أدامي ..

سايق بيكة ينطرها والفلبينية يايبتلها (سويتي) ***ها الصغير الأبيض حتى يستقبلها

خذت بيكة سويتي وراحت تراويه البنات بالاستراحة بينما شالت الفلبينية جنطتها وكانت تشعر بنشوة كبيرة وفخر عندما نسمع تعليقات البنات :

-أمبيي بيكة حدى حدى يهبل زووغة .

-بيكة خن شوف يحليله ..

-ما يعض ؟

- قولوا ماشاء الله لا مايعض أليف

عواش طبعاً ملازمة بيكة وكانت تشعر بنفس الشعور لأنها صديقتها ..

وبعد العصر بيكة اقترحت على عواش وسوير يروحون سينما المرينا يشوفون الفلم الهندي الجديد الساعة 6 وبعدها يقعدون بكافيه ..

بيكة ما عندها مشكلة مع أهلها فأمها أمريكية من أصل أسباني وأبوها متحرر جداً ، لذلك دائماً هي تبادر وتقترح الطلعات من هذا النوع !

أما سارة فهي الوحيدة المتحجبة بين الشلة وأهلها أكثر تحفظاً عليها فتحتاج إلى مجهود كبير أو مراوغة حتى تقنعهم بالذهاب للمرينا ..

عواشة كذلك تحتاج إلى حنة ورنة للموافقة على مثل هذه الطلعة ..

سارة : يما اليوم أربعة ضايق خلقي يصير أروح بيت بيكة عواش بتييها ؟

- أنتي مو مريضة وغايبة انثبري هنيه ..

(وييه عيل شلون لو درت أن بنروح المرينا )

- لا يما أمس مريضة الحين زينة ! الله يخليج يعني معقول أربعة أقعد بالبيت ..

-سألي أبوج إذا رضى ..

- يوووبااا حبيبي لا تكسر بخاطري (أبوها نقطة ضعفه أن ينكسر خاطرها )

- خلاص روحي ..

طااارت من الفرحة الحين تنفذ الجزء الثاني من الخطة

-يبا بيكة بتكلمك بالتلفون :

- الله يستر منها عطينيها ..

- عمي شلونك ؟

- طيب بس قولي شعندج ؟

-عمي بمر آخذ بدلتي من محل واحد بالمرينا أنا وعواشة بنروح ميخالف سارة تروح معانا ؟؟

- لا لا يبا أنتوا بنات بروحكم بالمرينا مايصر ..

-عمي عشاني لا تردي آخر مرة بس محل واحد ورادين بليييز ضروري أيبها ما يصير نروح ونخلي سارة ..

- أمرنا لالله شنسوي مدام آخر مرة أوكي ..

طبعاً أم سارة عطتها كثير من النصايح .. مالكم شغل بأحد تطالعون الأرض لما تمشون .. تخلصون شغلكم بسرعة وتردون .. وساره حاضر يما وتسمع من صوب وتطلّع من صوب

أما عواش بعد عناء من الحنة كذلك حصلت على الموافقة ...

عواشة بعد ما لبست الجينز الضيق والبدي العنابي لبست الجاكيت الجينز الطويل الذي يصل إلى ركبتيها لتهرب من تعليقات الأهل .. نكشت شعرها ووضعت بعض مساحيق التجميل امتنعت عن وضع الحمرة العنابية ولكنها حطتها معها بالجنطة .. لأن أخوها قبل ما تطلع لازم يجيّك على لبسها وشكلها .. بدت جميلة ولكن جسمها المتروس شوي يخرب عليها ..

أما بيكة فلبست تنورتها القصيرة السوداء التي تبدي شيئاً من فخذيها مع البلوزة الجفنيز (كم قريب من الحفر) ذات الدلعة الوسيعة .. اكتفت بأن تفل شعرها الأسود الحرير الطويل دون وضع أي مساحيق فهيه مكتفية بنعومة جمالها الأسباني وقوامها الرشيق

سارونة مع أنها متحجبة إلا أن ذلك ما منعها من ارتداء البنطلون البني والقميص الستايل فهي تتفنن دائما في إبراز مفاتنها وذوقها جميل جداً فهي تصمم ملابسها بنفسها .. وتضع الميك أب بشكل لافت جداً ..


مرت بيكة سارون وعواش مع سايقهم بسيارتهم المرسيد الشبح ..

علت على شريط أغاني البوب في المسجل ..

عواش كانت لاهية في وضع حمرتها العنابية ! ونزعت عنها ذاك الجاكيت الطويل لزوم الكشخة ..

شروا نفيش وشوية حلاو ودخلوا الفلم ..

بيكة أمطرت عيناها بغزارة أما سارونة تدمع شوي وتمسح دموعها بحذر حتى لا ينعفس الميك أب بينما عواشة ماتدري وين الله حاطها بس تاكل نفيش وتغفي شوي وبعدين تسألهم شنو صار ؟؟

-------

أعتقد كافي لهذا اليوم ..

نكمل في وقت لاحق إن شاء الله ..

تابعوووناااا ​

 

[Nawara]

مشاركة: المشـــاكِســـات !

طوق البنفسج

ساره

ياحلاتي

وحبيبة أهلها

تسلمون عالمرور والتعليق

 

[BaNooTa Q8TeYa]

مشاركة: المشـــاكِســـات !

الباقي ننتظرك

 

[ريماا]

مشاركة: المشـــاكِســـات !

وااااااااااااااااااااااااااااااااو
روعة واللة اندمجت تذكرت اخبالنا ايام الثانوية بس احنا نو وى نطلع بروحنا ههههههههههههه
ياللة كملى ناطرينج

 

[BaNooTa Q8TeYa]

مشاركة: المشـــاكِســـات !

الباقي

 

[Nawara]

مشاركة: المشـــاكِســـات !

وييي نسيت !!!

يالا الحين أكمل

 

[Nawara]

مشاركة: الحلقة 3 من المشـــاكِســـات !

بعد ما انتهى الفلم توجهت المشاكسات الثلاث إلى دورة المياه لتعديل السايح من مكياجهن وتضبيط الهيئة الخارجية ..

بيكة تشاورهم : ها وين تبون نحلي ؟

ساره : جنة الوقت تأخر !

عواشة : ناكل بسرعة ونمشي شرايكم شوكلات باز * ؟؟

- زين يلا بسرعه ..

وطبعاً أثناء تجولهم في المجمع ما سلموا من تعليقات الشباب .. لم تكن إحداهن تنوي عقد علاقة مع شاب إلا أن تحرش وترقيم الشباب لهن يسعدهن ويشعرهن بالثقة بالنفس وأنهن جذابات جميلات !
أحد الشباب عندما مر بجانب عواشه قال باستهزاء : يالبَفـّـــه إذا بليتم فاستتروا !!!!
فما كان من عواش إلا إلقاء كشرة مع نظرة حارقة تجاهه تظهر له الحقد والغضب العميق ..

عواش طبعا ً انعفس مزاجها وصارت خارج نطاق التغطية ..

قعدوا عالطاولة بالهواء الطلق، المكان مزدحم بالشباب والشابات ..

بيكة وسارون طلبوا كيكة البراوني الحارة مع الآيس كريم وهوت تشوكلات ..

بينما عواشة امتنعت عن الأكل ومادة بوزها شبرين ..

بيكة : أمبيه حدج ما علج منه أصلاً أنتي مو متينه تعتبرين عادية إلى متروسه شوي !

سارة : إي أصلا شكثر أمتن منج ويلبسون أضيج شوفي هذي إلي لابسه برتقالي !! طاعي شمتنها وحدها ثقة ! بس شوفي كرشتها ثلاث طبقات !

بيكة : لوووووول وبعدين يعني المتان مو من حقهم يلبسون ؟؟

إلا أن عواشة مازالت كئيبة رغم كل المحاولات وسارونه بس تطالع الساعة تحاتي تخاف أمها ترجع البيت ما تلاقيها تسويلها تحقيق وصراخ تالي الليل ..

فتركوا بقيت السويت ومشوا بعد ما تقاسموا سارون وبيكة الفاتورة ..

قضت سارة بقيت الويك إند في حل واجب الأحياء لتسلم الدفتر السبت .. حاولت تاخذ بعض الإجابات من عواشة وبيكة ولكنهم مايذكرون شي من إللي نقلوه ..سارونه فعلاً أم قليب حريصة عالدراسة كملت الواجب بروحها وهم حفظت أول خمس آيات من سورة الملك لأن أبلة الاسلامية بتسمعلهم ..

أما عواشة كانت تحاول جاهدة أنها تقنع أمها تشترك بنادي إليريوم الصحي* حتى تلعب رياضة وتضعف لكن بلا فائدة فأمها مو عاجبها مستواها الدراسي وتخاف يلهيها عن الدراسة ..
وبعد أخذ ورد ووعد من عواشة أنها تحسن من مستواها الدراسي اقتنعت أمها أن توديها بدلا من النادي عند د.دشثي * أخصائي التغذية ليعمل لها برنامج غذائي يتركز على أكل الدهون واللحوم والامتناع عن تناول النشويات ، ومعروف هذا النوع من الرجيم بسرعة انقاص الكيلوات .. لذلك حاولت جاهدةً أن تحفظ الخمس آيات ثم غلبها النوم ..

بيكة في عالم آخر .. بعد أن قضت يوم الخميس بالشالية ، ذهبت يوم الجمعة إلى مركز ( ::: ) في مجمع ( ::: ) الدور الثالث * لعمل برنامج متكامل لمدة ساعتين ، يتكون من السبا (نوع من أنواع المساج والتدليك ) استرخت فيه عالآخر مع صوت العصافير وإضاءة الشموع وحطت ماسكات (أقنعة ) من الزبدة والعسل على ويهها وخلطت الصبار والجرجير على شعرها .. وخرجت بعدها تفوح منها رائحة الزيوت العطرية وتشعر براحة كبيرة واستجمام وليونة فائقة في العضلات ..
طبعاً عقب هذا شذكرها بحفظ الآيات .. سلمت على أمها وتمنت لها أحلام سعيده ، قبلتها أمها قبلة النوم لكنها ما اهتمت حتى أن تسألها وين رحتي !؟

بيكه تشعر ببعض الضيق من لا مبالاة أهلها بها .. صج الحرية حلوه وتروح وترد على كيفها .. لكن تبي تحس بشوية اهتمام .. وتغبط سارونه وعواشه على أهلهم المهتمين فيهم أكثر مع أنهم حاكرينهم !
وعلى العكس من ذلك عواش وسارون يغبطون بيكة لأنها كله على كيفها وما تحتاج إلا جهاد كبير لتقنع أهلها بالطلعة أو فعل أي شيء تريده !

يوم السبت في حصة الأحياء أبله بشرى القشرة توزع الدفاتر وتنادي كل وحده تاخذ دفترها، وزعت جميع الدفاتر ماعدا دفتر عواشه وبيكة ثم بقت عيونها وقالت بصوت يخرع :

عيشه وسبيكة عوزاكُ بعد الحصة ضروري !

بيكه تهمس لعواش : ليكون نقلتي نفس الإجابات بالضبط ؟!!
- ها عيل !

كتبتلها بيكه على ورقة صغيرة :

- يا غبيه ما تفهمين إن لازم تغيرين بالإجابات ؟! رحنا فيها :/

فردلتها عواشه :حرام عليج ماكان يمدي سوري الله يستر ..

بعد الحصة سارون سوت روحها مأدبه آسفه أبله كنت مريضة وهذي المرضية ! وعطتها الدفتر ..

----

يكفي لهذه الليله ، على فكرة ماراح أكمل إلا إذا شفت تعليقاتكم عقب كل حلقة
الأسامي إللي عليهم (*) محرفة أو مشفرة !
أتمنى لكم قراءة ممتعة​

 

[beauty]

مشاركة: المشـــاكِســـات !

يعطيج العافيع عمري

لا تطولين علينا

 

[& ياملحي كيوووت &]

مشاركة: المشـــاكِســـات !

لا تتاخرييييييين علينا

 

[mooomooo]

مشاركة: المشـــاكِســـات !

لايوقف لا يوقف لا يوقف





يالله كملي ماشاء الله عليج

 

[BaNooTa Q8TeYa]

مشاركة: المشـــاكِســـات !

لا تتاخرين علينا

 

[سليلة المجد]

مشاركة: المشـــاكِســـات !

ماشاء الله ..


بنتضارج..

 

[أسيرة موني]

مشاركة: المشـــاكِســـات !

كمليييييييييييييييييييي

يووووووي وناسات

 

[Nawara]

مشاركة: المشـــاكِســـات !

يه يه يه من قدي قام سوقي

تسلمون خواتي يالا الحين أكمل إن شاء الله ..

 

[Nawara]

الحلقة (4) من : المشـــاكِســـات !

ذهبت عواشه وبيكه إلى غرفة مدرسات العلوم لمقابلة أبلة بشرى القشرة ، حصلوا زفة محترمة فعلاّ ، حاولوا التلفيق على الأبلة وإقناعها إنهم حالين الواجب مع بعض ولكن ما طافت على أبلة بشرى القشرة !
بعد ما بهذلتهم وفشلتهم جدام الأبلات حطتلهم صفر بالدفتر ..


وقبل ما يطلعون من الغرفة دخلت المدرسة الأولى وقالت للأبلات :
وصلتني نشرة من الناظرة تقول لازم نفتش جميع الطالبات بالحصة الثانية لأن جاكين بنت تتكلم بالموبايل مع صبي !!

طلعوا من الغرفة ولحسن حظهم إنهم سمعوا الخبر، لأن المشاكسات الثلاث موبايلاتهم معاهم بالجنطة وفوق هذا كانوا يايبين أشرطة أفلام دي في دي حتى يتبادلون مع بعض!

عواش وهي ميته من الخوف : أمبيه رحنا فيها !

بيكه : أشوه إن درينا، ماعليج ندبرها، بس أول وين سارون؟؟

ولا ساره يايه تشوف أحوالهم : ها شصار مع أبلة بشرى القشرة قطيعة تقطعها !؟

بيكه : تيج الأخبار بس أمشوا معاي بسرعة الكفتيريا نشتري ريوق لأن لازم نقص الحصة الثانية !

سارة : ليش شالسالفة ؟؟

بيكة : ما عليج بس يلا بسرعة قبل ما يطق الجرس..

راحوا الكفتيريا بسرعة وبلغوا سارة الخبر بالطريج ، شروا كرواسون وبيبسي وحلاو يتسلون فيه ..

عواشة : إنزين وين راح نروح أكيد راح يفتشون الحمامات او ورا صالة البدنية ما ينفع لأن فيه حصة بدنية 46 أكيد راح يركضونهم!

بيكه : ما لنا إلا المصلى والله يستر ..

راحوا المصلى ، سارونه وعواش حدهم خايفين ينكشفون أما بيكه ما كان هامها وايد على قولتها متعودين عالزف ..

اقترحت بيكه عليهم إنهم يحطون موبايلاتهم والأشرطة في سلة أثواب الصلاة ويغطونهم بالأثواب لأن واثيقين محد يصلي بالمصلى إلا برمضان ، احتياطاً يعني عشان لو انكشفوا انهم قاصين الحصة ما ينكشفون إن معاهم ممنوعات ..

قعدوا ورا الباب حتى يكونون صادين شوي لو أحد دخل ، طلعوا الأكل وقعدوا ياكلون ويسولفون .

فجأة سمعوا صوت حركة وماي كأن أحد قاعد يتوضا ، عواش : أمبيه شنسوي ؟؟

سارون لمت الأكل بسرعة حاولوا ينخشون ويتغطون بالأثواب ، انفتح باب المصلى وأحد دخل بيكة فضيحة بطتها ضحك ما قدرت تستحمل !
طلت عواش بنص عين من بين الأثواب وحدها خايفة ولا



































نوره إهيا إلي داخله ..

انفجروا الأربعة من الضحك الهستيري المتواصل ..


بعدها نوره سالتهم : أنتوا شمقعدكم أهنيه ؟؟

بيكه : إنتي إللي شيايبج ؟؟ ها قاصتها مايلوق أنتي تقصين ؟

نوره : حرام عليج عندي فراغ واستأذنت من الأبله عشان أصلي الضحى وقلتها إني بقعد بالمصلى ، أنتو قاصينها ؟

بيكه : إي بس الله يخليج لا احد يدري ..

نوره : إن شاء الله ..

طلّعت نوره عباتها من الجنطة والبستها وصلت بخشوع ..

نوره إهيا البنت الوحيده إللي تلبس عباة عالراس بالمدرسة وإهيا رئيسة جماعة المصلى، لها نشاط واضح بالدعوة بالمدرسة من توزيع أشرطة ومطويات وكذلك إهيا إللي تقرا قرآن بالإذاعة وتسوي بعض البرامج الخفيفة،حبوبة ومتفوقة واجتماعية ومع هذا ما كان عندها صديقات وايد بالمدرسة لأن الغالبية فري ويعتبرونها معقدة ..
على فكرة نوره إهيا البنت إللي انقلت منها بيكه واجب الأحياء ..

ردوا المشاكسات ياكلون ويسولفون ..

بعد ما خلصت نوره صلاة قعدت معاهم تسألهم شصار مع أبله بشرى القشرة ؟ وتبلغهم إن المدرسات فتشوها وقاعدين يفتشون البنات ..

قالولها سالفة الدفاتر لكن طبعا ما يابولها طاري إنهم يدرون عن التفتيش !

اندمجوا شوي مع نوره مع أنهم أول مرة يسلفون معاها ..

هنيه تجرأت بيكة واسألتها : ميخالف أسألج سؤال ؟

نوره : تفضلي..

بيكه : ليش لما صليتي لبستي العباة ؟ إنتي نفنوفج وسيع ؟

نوره : صج نفنوفي وسيع بس مهما كان يفصّـل جتفي وإيدي وصدري ، والرسول عليه الصلاة والسلام قال بما معناه : لا يقبل الله صلاة حائض إلا بخمار ..
يعني رب العالمين ما يقبل صلاة وحدة بالغة إلا إذا كانت لابسة خمار ..

سارونه : شنوا يعني خمار ؟ يعني أنا ما يصير أصلي بنفنوفي هذا ؟

نوره : إني نفنوفج أصلا ضيّــج ! الخمار يعني لباس ينسدل من أعلى الرأس يغطي الجسم كله إلى القدمين ، لازم ما يفصل منطقة الجتف والصدر ..

عواشة : ما شاء الله عليج ، شلون تلبسينها بالطلعة يعني إنتي صغيرة ومحد يلبس عباة كبرج ، أحس كافي لو لوبستي بدله وسيعه وألوانها هاديه ..

بيكه : شفيج أنتي توها تقولج إن ما يصير البدله نفس نفنوفها هذا هم تفصل حتى لو وسيعه !

عواش : شدراني قلت يمكن بس الصلاة غير!

نوره : لا نفس الشي ، بقلوكم حديث شوي يخرع عادي ؟

ساره : قولي

نوره : قال الرسول عليه الصلاة والسلام : سيكون في آخر أمتي نساءٌ كاسيات عاريات ، وعلى رؤوسهن كأسنمة البخت ، العنوهن فإنهن ملعونات ! وفي رواية ثانية يقول : لا يدخلن الجنة ولا يشممن ريحها !

بيكه : أمبي واااي حدى يخرع معني ما فهمت شنو معناته بالضبط !

نوره : آنا أشرحلج يعني راح يكون في آخر أمة محمد عليه الصلاة والسلام نساء لابسين بس ملابسهم تفصل جسمهم ...

هنيه طق الجرس ..

نوره : مممم أشرحلكم بعدين أستأذن عشان ما أتأخر عالحصة ..

بيكة : مشكووره وايد ..

الحين يا وقت حصة الإسلامية ، طبعاَ المشاكسات مسجلين كل المواد مع بعض ..

بالطريج سارونه : اليوم تسميع مو تنسون؟

بيكه : وييي ليش ما ذكرتيني توج تقولين يالخايسه ؟!

عواش : حفظت بس نص ونص مو عدل ..

سارون : بعد شدراني إنج ناسية ..

بالحصة الأبلة تنادي وحده وحده تسمَـع ..

نوره سمَعت عدل ..

عواش مو عدل مع ان بيكة فاتحة المصحف وتغششها ..

بيكة طبعاَ ما سمَـعت طلبت من الأبله إنها تسمعلها باجر بالفرصة ..

أبله منيرة مالت الإسلامية حدها طيبه وافقت لها على أساس أول مرة وآخر مرة ..
عدى اليوم الدراسي على خير ..

تأثروا المشاكسات بكلام نوره ..

الحديث كان يرن بأذن بيكة وكان ودها لو تفهم معناه ، وتشعر بنوع من تأنيب الضمير لأنها ماصلَـَت العشا أمس ولا اليوم الصبح (الفجر) !

تحسنت صورة نوره شوي بعيون المشاكسات حسوا إنها حبوبة ..


-----

انتظروني مع الحلقة القادمة ..

واعذروني على التأخير​