جامبيونز القديم للسيدات ورا المبنى اليديد بالضبط
المبنى حلو دورين
الدور الاول فيه الريسيبشن بالمدخل و فيه حمامات السباحه و فيه المساج و فيه الحمامات و انتي بكرامه و المصلى و الكافتيريا
بالنسبه لحمامات السباحه: حمام السباحه كبير و راهي وايد و اذا ما تعرفين تسبحين يعطونج دروس
و حمام سباحه صغير شوي هذا حق الرياضه المائيه مع المدربه
و في حمام سباحه صغار حق الجاكوزي
الحمامات و الشاور: اول شي في مكان يمهم حق اللوكرات, و بعدين لما تدشين الحمام يعطونج فوطه و الحمام مقسم صوب مغاسل عاديه و صوب الدش و كل شاور صاير جنه غرفه صغيره يعني نظيف نظيف, و في بعد نفس نظام الصالون منظره كبيره و عليها طاوله و كراسي عشان تتروشين شوي
و المصلي يكون بطرف ثاني عقب الطاوله مالت نظام الصالون
المساج: نفس قسم بروحه هادي شكله و ألوانه هاديه على حمرا, و كل شخص غرفه خاصه حقه و في بعد غرف حق الساونا مساج و على فكره ترا مساجهم معروف انه حدددده قوي ماشااءالله
الكافتيريا: شفتها من بعيد, و يقولون اكلها كله صحي و في طاولات تقعدين حق الاكل مجابله حمامات السباحه
طبعا اللبس حق السباحه لازم مايوه يكون شورت او برموده و نص جم او حفر بس ما يصير اسلامي و لا يصير بكيني و لازم تلبسين قبعه
الدور الثاني: فيه صالة الاجهزه و ٤ صالات حق الرياضه و الرقص مع المدربات و في بعد قسم حق المساج
بالنسبه حق صالة الاجهزه: اجهزتهم قديمه بس تفي بالغرض هذا المهم عندي
صالات الرياضه: انواع الرياضه مختلفه منها الايروبكس و ضغط المعده و غيره
الرقص: في رقص لاتيني و شرقي و هيب هوب مع مدربات
المساج: نفس قسم المساج اللي تحت
و الملابس اللي تلبسينها حق الرياضه اهيا يا شورت او برموده او طويل عادي و بلوزه على راحتج بس لازم شي مستور لول مو البطن طالع و الصدر هذي الفلبينيه تأشرلي لول
الاسعار:
شهر ١٥٠ دينار
٣ اشهر ٣٠٠ و توقيف لمدة اسبوعين+ ٣ جلسات مساج
٦ شهور ٤٠٠ توقيف لمدة شهر + ٥ جلسات مساج
اشتراك سنة عرض ٢٥٪ ٣٧٥ توقيف لمدة شهر+ خمس جلسات مساج
اشتراك سنه عادي ٥٠٠ توقيف شهرين+ ١٠ جلسات مساج
حق يوم زيارة واحد ١٥ دينار يعني تجربين الاجهزة و تدشين مع احد تعرفينه
و حق اللي بجددون اشتراكهم يخصمون عليهم ٥٠ دينار
طريقة التسجيل لازم الدفع بالكاش و يبون بطاقتج المدنيه و صوره لها و صورتين شخصيتين
و اهما كل يوم يداومون بس يوم اليمعه يكون يوم مفتوح يعني مو كل شي متوفر على حسب المدربه اللي شفتها يكون يوم اليمعه اهيا اتدربج و اول كلاس يبدي س٤ العصر
اهما يفتحون كل يوم من ٧ لي ١١ و اول كلاس يبدي س٨ حق السباحه بس
و ساعه ٨:٤٥ حق الرياضه
طبعا مثل ما قلت الا يوم اليمعه
و يعطونج الجدول اخذيه و اقريه و شوفي الساعات و اللي يعجبج روحيله عادي لو كل يوم تغيرين اللي تبينه كيفج
و بسسسسسسسس هذا كل شي
و اي تعليق انا حاضر
