المسجات مع مطيريه ماركه غيـر .. متجـدد

[^غلاي أنت^]

روعه يامطيريه روعه فديتج

 

[قَلبيْ صُويبكْ !]

,


لبى قلبج , مببببدعه وبنتظآر آلجديد ~

 

[PriNceSs RoRa]

مطييريه حبيبتي ممكــن مسجـآت حق أبو الشبآب ،:d:$

ويسسلمو ع المسجات حبيبت قلبي

 

[عروسه new]

ڪلّ مآغنّيت : ( متغيّر علي ) ,
طآحت دموعي بدون أيّة شعور !

في غيآبڪ مآبقى بي أي شي ,
غير حڪيٍ صآرله قلبي | قبور


رووووووووعه

 

[The.Cancerian]

مطيرييييية
شلونج اختي؟

ابي مسجات عشق وهيام شي كبير وخطير

:eh_s(3):​

​

 

[A7la-SmiLe]

خــــــوووش موضوع مط مط

لطشت لي جم مسج :eh_s(22):
يعطيج العافيه​

 

[The.Cancerian]

مطيرييييية
شلونج اختي؟

ابي مسجات عشق وهيام شي كبير وخطير

:eh_s(3):​

​

ابي بعد مسجات اعتذار لو سمحتي

:eh_s(22):​

 

[Fantazya]

مســـــــــــــــاء الخير وريحة النوير
على تجمع البنوتات "ذوات" البال الرايق :eh_s(20):
انا متابعة ولاطشة من زمان بصمت :friends:

عاد الحين قلت لازم اشارك .. اهم قصيدتين اكيد سامعسن فيهم من زمان بس اهم من المفضلين عندي :eh_s(22):

الاولى للشاعر ياسر التويجري
"يا معذبتنــي ليه هذا الجفا ليــه
__________ وأنت تضمين الثــــرى من ظلالــي

وش ذا الغرور الله يّـحمد تواليـــه
__________ ومن وين جالك هالكبر والتعالــي

تــعالي انــتِ دام كلٍ و ماضيــه
__________ الحب ماهــو بـــس حقي لحالـــي

لا تذبحيني بالعتـب والمشاريــه
__________ والله ما بيـدي سوى راس مالــي

معزتك وايضا القصيد ومأســيـه
__________ والضيف لا جاء والحطب والدلالي

وعن حلفي اللي قلت طيرٍ يعشيه
__________ كفه اليا بــــردت عليه الليــــالي

يعني ثلاث اشياء املك من التيـه
__________ الساني وقلبي وطنخة عقالــي

أدعيك في كل اسمٍ يسمونكِ فيــه
__________ يا أم الحسن وأم التـرف والدلالــي

عودي لقلبِ صار ماعاد يـــمديــه
__________ يـرقــع اللي راح يـــا هملالـــي

وإذ أن قلبك وده انه انا ادعيــه
__________ بإسلوبٍ افضل يرتــقي للمعالي

ممكن أحاول اتــحضر واناديـــه
__________ واقــول له اذا تـــحسن مقالـــي

ياجمرة الوجد المسمى وطاريــه
__________ وياعقد باحجار البحر واللآلــئ

اليا ظهر بدرك مع الليل أسريــه
__________ ولا اختفى ماعاد صبح مثالــي

أساور الشك الطبيعي واناجيه
__________ وارقى على رجوم الغلا في خيالي

افارقك في ليه والقاك في ليه
__________ واحيان احسك ما أنت داخل مجالي

احيان احسك شيء واثري طاويه
__________ واقسامك والقى حلالك حلالـــي

اقتل خيــالك وأتحسف وابكيـــه
__________ وارثيك واثرك من عيوني قبــالي

وازعل واخونك واذبح القلب واسقيه
__________ وازعل على نفسي وادور بـدالـــي

متضاربن بيــــن الغلى والمتايــيه
__________ ضايق واحس ان الزمن ماصفالــي

واليا تركتيني اقول اللي ابغيـــه
__________ بــقول لك انك سبايــب هبالــــي

خلي فؤادك لا يـــكثــر تــــغليـــه
__________ يسرع يجينــي قبل اشـــد الرحالي

الخاطــر اللي ما تــوسع مفاليــــه
__________ مــاهوب متــحمل على كل حالـــي

لا تحسبينــي من عروقــي اغذيـــه
__________ طبعي جنوبي لو غدا اصلي شمالي

طرح الكريم اللي وســاعن مذاريــه
__________ ما يــنتـــهض الا يشيل الثــــقالـي

من عرض عصمان الشوارب تـواليــه
__________ اللي اليا غارت تــدك الجبـــالـــي

وانا من فروخ الصناديد " ياهيــه "
__________ " اعمام والا انتخيــت بــخوالــي "

ابسط نداءتي ليــا قالوا " البيــه "
__________ ومن اغير القابي طويل السبـالــي

مغرور فعلاً واعتـرف لك ومافيـــه
__________ عيب اني افخر وأفتخر في فعالي

لو قلت لك ياهيه ردي بــ " لبيـــه "
__________ ولو طال بالك شر بيــطول بـالـــي

كذا نـــحل المشــكله والمشاريـــه
__________ و أضــمن لك انك ترديـــن الولالـي"

والثانية للشاعر سمو الامير / خالد الفيصل

فزّ الخفوق وقلت يالله عسى خير

أثر الليالي عاد غايب قمرها

مع شوفته نشوه و فزّه و تخدير

و عيون خلاّن(ن) تعانق نظرها

يفزّ له قلبي كما فزّة الطير

و الرجل كن اللي تحتها غدرها

يا صبح عمري يا صباح التباشير

نوره ملا قلبي و روحي غمرها

عقب الفراق اللي تعدّى المحاذير

يبّس غصون القلب جافي دهرها

ربّع بـروحي عقب ماهي معاسير

سحابة(ن) هلّت بقلبي مطرها

و اسقَى بها زرعة هوانا بتقدير

غرسة غرام(ن) بالمحبه بذرها

يا عاذلين العين والله مخاسير

و اللي درَى عن حال عيني عذرها

تشوم عيني عن جميع الغنادير

و إن ناظرت عيني فوادي نهرها

يا ناس احبه و المحبه مقادير

هذا هوَى نفسي و هذا قدرها

و الحب ماله يا اهل الحب تفسير

قلبين و الله بالمحبه امرها

لا جيت اصوّر حالة الحب تصوير

و أرد عن حالي لخلّي خبرها

لقيت وجدي فوق كل التعابير

كل الشعر قطره و شوقي بحرها​

 

[ضحكه مستعاره]

يعطيج العافيه

 

[مطيريه ماركه]

شآكرة متآبعتكم نكآ نكآ

وشآكرة مشآركآتكم

لآ خلآ ولآ عدم

وسَـ آلبي آلطلبآت آن شآلله

الذين تشاهدون محتوى الموضوع الآن : 6 ( العضوات 3 والزائرات 3)

منورين
:fun:

 

[غلا الهيلا]

يعطيج آلعآفيهّ

على آلمسجآت .. آلرؤؤعهّ

 

[Čut!e Quèéи]

ماشاءالله قمة الروعه

هالموضوع مرجع لنا

كل ما بغينا مسج دخلني عليه

تسلمين مطيريه ويسلمون البنات الي حطوا معاج

 

[Čut!e Quèéи]

اذا تسمحون لي عندي جم مسج لوم عتااب



سامح الله من جفوني
ناس الخاطر هواهم
بالقطاعه بادروني دون سبه
وش بلاهم؟




الله اكبر اثر الايام دواره
وشلون الاحباب تنسى حبايبها؟؟
ماهي طبايعك تنسى الخل واخباره
هذي الطبايع جديده من وين جايبها؟؟
ترى القطاعة اثم والوصل كفاره
كفر عن ذنوبك اللي كنت مذنبها



الغربة ماهي سفر لبعيد
أو هم يوم جديد
الغربة لما أعز الناس عنك يغيب



ادور عن سبب واحد
سبب واحد هنا وهناك...؟؟؟؟؟
يفسرلي غيابك هو
غصب عنك او بطوعك..؟؟؟؟؟


تعاهدنا نبقى اصحاب وابقى بقلبك..
ومايفرقنا الا تراب عساه يضمني قبلك..



الا ياقلب لاتشره عليه
خله يغيب براحته ويروح بعالم النسيان
تماديت بغلاه
ومن تمادى بالغلا
خسرااااااااااااااااااان



أنا ماني مثل غيري أحبك
يوم ويوم انسى أنا والله أعزك
مون حتى لو علي تقسى



عجزت لأصبر

ماتعودت فرقاك

في غيبتك

ماني على الصبر قاوي



دار الزمان وشفت فيه العجايب,,
شفت الغلاوالبين والزين والشين,,
شفت القلوب الحاقده والحبايب,,
واللي يعيش بوجه واللي بوجهين,,
تلقا الجفاوالصد طبع القرايب,,
والاالوصل والطيب طبع البعيدين..



حرام تعذب أحبابك
تراني أموت وأحيابك حبيبي
لا تخليني كرهت الدنيا بغيابك



احتجت لك في ضيقتي مالقيتك,,
وقضيت ليلي بين همي وفرقاك,,
واليوم جاي تقول لي هااااه جيتك,,
وش فايده اني لارقت بلقاك!!!!


حيرتني

وغيرت..

عمري بلحظه

لحظة عرفتك

صابني..

خوف فرقاك!



تعيش بكل أحاسيسي وتفكيري…
تحسد الحب لو تسمع حديث الروح بغيابك…



انا الي وفيت لك وحبيتك بصادق الاحساس
عطيتك قلبي وروحي ولا كفاك ما عطيت
تجرحني من اول ويديد ياالي قاصد في تجريحي
اعاتبك ولا تسمع ولا تشفق ولا ترحم





مابك رجا من حبكم طابت النفس
ماشفت بك زود على باقي الناس
حاولت اجاهد عبرتي والخبر همس
واضحك واكذب من يقولون لابأس
متى تعاني لوعة الحب وتحس
في حالتي ولا انت معدوم الاحساس ؟



بذمتك ماانت بملاحظ ابد شي؟؟
فكرتذكر ثم عطني دلاله؟؟
افتح دليل الوارد واقرا به شوي
لي وقت ماارسلت لجهازك رساله
مااشوفك اشتقت لرسايلي ولالي
اثر وجودي في حياتك ثقااااااااله؟؟




أروع القلوب قلبك ..
وأجمل الكلام همسك ..
وأحلى ما في حياتي حبك ..




إن كان غيري كاتب غلاك بسطور
تراني نقشته بذهب ما تمحيه بحور

 

[Čut!e Quèéи]

مسجات لوم




الرخيص يحتاج يتغلى لجل يغلى
لكن الغالي ليش يتغلى وهو حيل غالي




القلب لك ينادي والروح بعدك سراب
كل الوجوه تغيب عادي وأنت غيابك عذاب




اللي يحبك صعب يقدر يخليك
حظك عطاك إنسان بالحيل يغليك



تعودت أفارق أحباب وانساهم بدمعه
لكن أنت جفت دموع عيني وما نسيتك




لاتحسب أنى لاطال الغياب ناسيك
دقات قلبي كلها تقول: وينك




من غدر الأيام جيتك كارهن نفسي
لو قلت لي و شفيك بكيت وقلت محتاجك




يوم التفت وشفت ماغايب الا انت
ضاق الوجود وكل هم غزاني




إن قلت احبك قليلة في حقك
وإن قلت أموت فيك ماعطيتك كل حقك..
أنا كلي لك..




ياعل قلب ماشكا الحب والتاع
تنهار من فوقه محاني ضلوعه




من العيون تغيب
لكن من القلب ما
تغيب أنت في كل
الأماكن قريب





أبيك (" حب ")
ما ينتهي عشقه أبد ،،،
وأبيك (" قلب ")
ما يسكنه غيري أحد

 

[Čut!e Quèéи]

اخر مجموعه عندي (( منوعات ))




فمان الله ياحب ماكمل المشوار عرفنا مفرق الدربين و لايحتاج تكميله


.....................................


تحسبني ميت عليك؟
صدقني تراك غلطان..
احبك انا قلتها صحيح!
بس ترا وش كثرها بهاالزمان..
هي كلمه زيها زي غيرها عند الناس صارت دايم تنقال..
اي نعم مني سمعتها!
بس تراني مااعتبرها الا زلة
لســـــان!!!


....................................


والله لخلي عزتك تحت ماطاي
تمشي وعينك ماتعدا مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك

....................................

عادي معاك ابقى
وعادي اخليك
مثلك مثل غيرك
مجرد صداقه

.....................................

تنداس دنيا الحب
بتراب تنداس
وينداس قلب
ما وفى مع خويه

........................................

اليوم قدرك مايسوى
ماطا الاقــــــدام
حبك بقلبي مــات
وأعلن رحيله

.....................................

عندي سؤال وخابرن فيه
تجريح !!
لكن ضروري
تسمعه بأنبساطي
أرفعك بيدي للسما
ترجع تطيح?
قلي شسوي فيك
لاصرت واطي

........................................ .


بعد الخيانه انتهت رغبتي فيك
وان كنت تذكرنا ترانا نسياك
يشهد علي الله لاحل طاريك
يروق قلبي لكن أذكر سواياك

........................................ .

لاتنصدم لاقلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب امورك

........................................ ....

لاتكثر بحكيك ترى دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهدمك

........................................ ....


كلك على بعضك مثل حفنة تراب 00 ذريتها بوجه الرياح وتلاشت


....................................


سافرت ناوي اترك الحب
لحظات
لقيت طيفك بالسفر
محتويني
حاولت ابعد عن خيالك
مسافات
الله حسيبك وين ما رحت
فيني
غيرك نسيته ماطرى لي
بحزات
الا انته دايم بالثواني
تجيني


...................................

أفتـرقنا
ولا عاد الزمن يردنا ..... و هو الدم بشراييني
وأنجرحنا
والموت عيا يأخذنا ..... و ضاقت الدنيا فيني


..................................


لا صد عنك من توده وجافاك
خله وجازه بلجفا
مثل صده
خلك عزيز النفس والعز مأواك
وكلن عطه تفصيل
ثوبه بقده
خص الرفيق اللي اذا
جيت حياك
وان غبت ياصلك
بالموده


...............................


رجـعت لــدروبـي وعــودت زعــلان
تـركـــتك لحــالـك ورديـــت بــابـي

مـادام في قـلبك غـلا غيري أنسان
الـليلـه أفــرح فـي ســوالف غيابي

أبي أبتـعد والله حبيبي عـلى شان
ما يجرحك صوت الغضب في عتابي


..................................


ماني ذاك ( الأسم )
المغـرم فيك الولهان
خـبرك تغيـر ولا عـاد
لك بقـلبـي مكان ..


...................................

لمت نفسي ولامني وقتي معاك
اشتكي من هم وبكي من الم
ياخطاي اللي توافق مع خطاك
لاسلم حبي ولاحبك
سلم

..................................

ماهو بكيفك ياهوى البال تجفا
الموت بيد الله وانا اللي بجافيك
والجرح جرحي وازهله راح يشفى
ماهو بعايش ينتظر لمسة ايديك
ولوكنت هاقي بالشهر يوم تصفى
ماقلت لك روح وانا خاطري فيك


..................................


أعرف إن ماودي أتكلم ولا أبكي
بس دايم دمعي يحرك سكاتي..
شي واحد قبل لا أرحل بقوله:
انت أجمل حظ سيء في حياتي..

..................................

بحجز على لندن تذاكر وترحيل .... وآخذ بدل هالقلب قلب صناعي

قلب صناعي مابه احساس ويميل .... وطيفته للدم يعطي اندفاعي

والقلب الاول ارسله لك بمنديل .... واقول خذ هذا السبب في ضياعي

.................................

قلب ذبحته بالغدر صار ينساك
والنفس عافت من عذابك وعدها
أنا الذي تلعب بقلبه وخلاك
وأنا الذي عنك المواجع حشدها
باحرق بقايا مابقا من خطاياك
واطوي صروح بالحشا تعتقدها

.................................

على ذاك الجدار اللي على حد البيوت الطين
وقفت وهاجس الذكرى نفض عني غباره..
وفي ذاك المكان ثبت إن الآدمي من طين
تخيل يوم لمسته تنهد من شقا ناره..
سألني وقال أنا أذكر تجوني اثنين
بكيت وقلت صدقني رحل وانقطعت أخباره !


......................................

ناظرتني بطرفها الساهي
وقالت:لوتفارقني أموت!!
وافترقنالا رسايل ولاصوت
وكنت أسأل دايم أسأل:
يا ترى وش صار فيها؟
قالوامبسوطة00ماعليها
صارت أجمــل!
وابتسمت..
وقلت: هذا اللي أبيه
بس كيف أناصدقت
يوم قالت لي بموت!؟

....................................


اختلفنا في وجهة نظر..
ليه ياخلي الزعل!؟
الحبايب تختلف..
وماهي تالية العمر.!
ليه ياخلي الجفا!؟
الكلام أخذ وعطا..
ليه ياخلي القطيعة!؟
ومن شراك أنت تبيعه..

.......................................

ليــش أحــرق أعصابــي وأفتــح للتعــب بــابــي..أدري ومتــأكده حــضوري يشــبه غيــابــي

.....................................

خلنا نفترق
ولا تنسج لي اعذار
ولا ارسم لك اسباب
نقول نصيب
ونكتفي
وياما
فرق هالنصيب احبــاب

....................................

مالي مزاج..
ارجع اقلب دفاتر..
اوراقها تجريح..
وسطورها عتاب..
مالي مزاج..
انظر لصورة قديمه
فيها الملامح تضحك..
بوجه كذاب..

.....................................


وصفك نسيته بس .. باقي ملامحـك ... بنهيـك وانهـي .. بالنهايـة جنونـك
ماتستحـق (امـد) كفـي واصافحـك ... مثلك غلط عمري .. وابحيا .. بدونـك
لكن خسارة صرت غايـة مصالحـك ... ياليتنـي ماجيـت .. لحظـة بكونـك
واليوم من صفحة حياتـي ابمسحـك ... هديت صرحـك ثـم طاحـت اركونـك



...................................


ابشرك جرحك ثمن غلطتي فيك
ولا انت ما تجبر على حبك انسان
اليوم لا بشكي ولا بندم ابكيك
فعلك مضارع بس حبك خبر كان
على نجاح الدور والفلم اهنيك
انا اشهد انك كنت بارع وفنان
حطمت من يهواك دايم ويغليك


.....................................

برحل وبترك لك بقايا أمانيك، وغدرك عذاب حال دوني ودونك،، وخل الرفيق اللي غدر بي يسليك,,
واذكر ترا من خان لأجلك يخونك!!

.....................................

الجسد موجود والروح ارحلت!!
والزمن غدار،، لكني صبور..
عيني اللي من عنا الوقت أدمعت..
حزنها ياخوي شيد له جسور..

وحدي بدنيا بها روحي اطلعت..
فاقد الاحساس ماعنده شعووور..
الهوى مابيه، أنا روحي اشبعت!

& وش يفيد الجرح لووو كـــلي كســــــــور؟!&

...................................

كنت بعيوني أغلى من كل هالكون..
واليوم والله إنك رخيص وتهون..
كنت أذكرك و العقل يسلى فيك بجنون..
والحين لو مريت كأنك طيف تعدى العيون

 

[مطيريه ماركه]

Čut!e Quèéи

يمآآآآآآآآآآآل آلعآفية فديتج وجودج كآفي في موضوعي يعلم آلله لك معزة في قلبي

وهم مشآركآتك آسعدتني

آلموضوع لكم وآنآ ضيفة عندكم

حيآكم آلله

 

[The.Cancerian]

مطيرية وينج ووين المسجات؟
ابي مسجات حب شي يديد وغير ومسجات تقصير ولا عليج امر​

 

[زامليه وافتخر]

كلمه احبك غاليه بين الاحباب[
لاقالها خلي احس بغلاها
اعطش لها دايم وادور لها اسباب ..
ابيه ينطقها يردد صداها
كن العسل من شفته فوقها ذاب
زود على على كلمه احبك حلاها
ياليتني وياه في صفحه كتاب
قصه غرام وكل عاشق قراها ..

 

[زامليه وافتخر]

بضمك ضمه التايه
عن العالم وهو غفياان ..
وذكرت اني نسيت ا
ذكر يدينك كانت اعجووبه ..!

 

[المكسيكيه]

يسلموووو على السجات الروعه