المسجات مع مطيريه ماركه غيـر .. متجـدد

[مطيريه ماركه]

>>--»جآني من نآس غآلين لذآ ارسلوهـ للغآلين فقط «--<<

يا راس مالي! ويا بعد كل مخلوق؟
يا اجمل وأغلى؟ من عرفت بحياتي!
بالله قلي؟ يا بعـد كـل منطـوق!
من باع عمره.. وأزعلك يا غلاتي!؟
انتي غلاتي! وآخر الحب؟ والشوق!
من زعّلك؟ زعّل عيوني! وذاتـي..

>>--» جآني من نآس غآلين لذآ ارسلوهـ للغآلين فقط «--<<

 

[مطيريه ماركه]

♪♪♪♪♪

يا بنت حبك بين الاظلاع منقـوش
منقوش حبك بين الاظلاع تنقيـش
حمر الخلايا صارت لحبك جيـوش
تنقل غلاتك بين الأعضاءِ في طيش
وبيض الخلايا صارت تسبّ وتهوش
عن حب غيرك كلها نقاط تفتيـش
مابي بديلك لو يقولـون مغشـوش
لو خفّ عقلي وأصبح بخفة الريش
مابي بديلك لو تدَخْـلّ بهـا بـوش
ولو بدلوا طير الوحَش بالخفافيـش

♪♪♪♪♪

 

[مطيريه ماركه]

●●●●

يا ورده وسكر ويا نكهة التوت
يا كل شيـن زان فيـك يتحـلّا
لك الغلا باني على قلبي بيـوت
وعقيدهم ولّى لـك الحـب ولّا
جمالها غطا على بنت بيـروت
ومن حسنها حسّن العذارى يشلّا

●●●●

 

[مطيريه ماركه]

▒ وهـ بس ▒

كتبت فيك احلا القصايد والاوزان!
كلّه لاجل اثبت حبيبـي غلاتـك!
ماهان قدرك في خفوقي ولا هان
قدر المحبه.. دامني في حياتك..

▒ وهـ بس ▒

 

[مطيريه ماركه]

[[ !! ]]

كان ان المشاعر.. فيك حاجـه!
عظيمه مالهـا حـد وحـدودي!
ابي تعرف ترى؟ قلبي زجاجـه!
الا منه انكسر؟ صعب(ن) يعودي!

[[ !! ]]

يرجى من السـاده! اتخـاذ المقاعـد!
ستبدأ الرحلـه! الـى هامـش الجِـدّ!
واذا ارتكا الهامي؟ وفكـري مساعـد!
ما ينفعك.. عمّ(ن)؟ ولا خال(ن)! وجَدّ!

[[ !! ]]

هزيت لك قافي على كل الالحان!
وانتي ولا هزك غلاي وحنينك..
بقول لك كلمه قبل كان(ن) وكان؟
موتي ولا اخضع؟ واناديك وينك!

[[ !! ]]

البنت تاج العزّ.. وأرجـوك بكّمـل؟
بنت الخليج ألماس! لولـو؟ ودانـه!
لملم حروفك.. واسمع الهرج واخجل؟
مثلك يعيب الناس! حتـى زمانـه..

[[ !! ]]

كم مرت(ن) بعت الخلايق... واراضيك؟
وكم مرت(ن) ينطق؟ لسانـي فديتـك!
لا بالله اني.. تايـه(ن) يـوم اناديـك!
الحق ورى اللي.. عنه يامـا نهيتـك!
بكرى ترجاني؟ وأنـا أقـول مابيـك..
راح الزمان اللي.. به القلـب بيتـك!

[[ !! ]]

أهملت قلبي ليـن.. همّـل غلاتـك!
وأصبح غيابك شي؟ عادي ومألوف...
دوّر على غيـري.. يلملـم شتاتـك؟
أنا شبعت أيمان.. ووعود وحلـوف!

[[ !! ]]

اخر كلامي؟ مـا أظنـه يعدّيـك؟
وان كان عـدّا دوّر اللـي يدلّـك!
ما كنت يمّي؟ يوم أنا هايم(ن) فيك!
واليوم مالي فيك.. لو جيت كلّـك!

[[ !! ]]

هدمتي قصور.. الاماني والافراح..
يومك تكبرتي! عليّ وعصيتـي..
ما ظنتي يرجع؟ مقامك اذا طاح..
ولاعاد يفيد الدمع؟ مهما بكيتي..

[[ !! ]]

تهوى؟ وتلعب على الحبلين!
وأنا الرجا.. فيـك حطيتـه!
مسكين! من يعشقك مسكين..
لو بيدي الشـور.. رديتـه!!

[[ !! ]]

ابيك تعـرف.. لـو أطـول المعالـي!
الحرّ دون الريش.. ماحـام ولاطـار..
منّي نصيحـه! خـلّ عنـك الخبالـي..
ان كنت ريح(ن).. فاللي اقبالك اعصار..

[[ !! ]]

كنـا نقـول الله وخلقـة محييـك؟
واليوم عيد القلب لاجـات فرقـاك
كـم لـك تغلا!وطايقينـن تغليـك!
وكم عين هلّت! دمعها بس لارضاك!

[[ !! ]]

 

[@الخياله@]

مانبي مسجاات نبي مسن )=
خخخخخخخخخخخ

روحي ذاك الموضوع فديتك

 

[بنوتـه f]

فديـــــــــت صاحبه الموضوع والله ..

مشــــــكوره حياتي ع هيك مسجات روووعه ..

ممكن ماعليج أمـــر مسجات المتزوجين Pls..

وأكون ممنونه لج ياقلبي ..

 

[" ميــــــنو "]

يسلموؤو يالغلآ ويعطيج العافيه ماتقصرين مسجاتج روؤعـــهـ ..

 

[LADY~O$CAR]

رووووووووووووووعه يسلموووووووووو

 

[واحشنى موت]

:dddds: دايما مسجاتج حلوه مثل راعيتهااااا تسلم ايدج يابنت عمى

 

[طويلة البال]

يعطيج العافيه..
خوش مسجز

لا خلا ولا عدم

ابي مسج حق وحده تزوجت ..عرسهاا يعنيي وابي ابارك لها

وقواج الله

 

[على الله]

ما زال حبك؟ يريش العيـن مـا زال!
في وسط قلبي؟ وجاري(ن) في عروقي!
حسبي عليـك الله؟ اذا طعّـت عـذّال!
وحسبك علـي الله! اذا قـلّ شوقـي!


بعد راسي والله

انتي فنااااانه

قواج الرحمن


" مسنتره هــنــي "​

 

[ضحكه مستعاره]

بغيت مسجات المتزوجين يالغاليه اذا مافيها كلافه عليج

 

[بنوتـه f]

يااويــــــلي موضوعج خطيــــــر وتوني خلصته ..

اشكرج يالغاليه تســـــــــلمين ..

وحبيبتي ناطره المسجات لاهنتي ع الخاص ..

 

[مطيريه ماركه]

مسجآت المتزوجين

هلآ يآقلبي آنآ صكرت الخآص مآ أستقبل رسآيل ولآ أطرش من شهر

فـ بعطيكم الرآبط والمسجآت من تجميعي آنآ وإذآ بتنقل يذكر المصدر وحلآل عليكم

حملوهآ بس وطرشوهآ لفونك لأن صيغتهآ txt

تحميل

:eh_s(6):

 

[][ نسكآفيه ][]

يعطيج إلعآفيه مسجآآت روعه ..!


نبي وسآئط إذآ عندج

,,

,

 

[قمـه الأستهبال]

يعطيــج العاافيـــهـ ...
يسلمووو بنت عموو..

فدييييييييت مطــيـ..ـــر!!

 

[بنوتـه f]

كلمة شكـــــــــر ماتكفي يالغاليه ..

يعطيــــــ الف ألف ألف ــــــــــج عافيه حياتي ..

وبانتظار جديدج ماسلجت بالمنتدى الا لموضوعج ..

 

[vogue grl]

حلووين تسلم ايدج مط مط

 

[&أضوى&]

فــــــديييتج يا بنت المطــران
مسجااااااااااااااااااااااات رووووووووووووووووووووعه
يسلموووووووو