المرّه وما أدراك ما المرّه !!!

[فـديـت ^-^ روحـي]

شلونكم حبيباتي ..


جبتلكم جم خبر وأنا أفرفر بالمواقع بس عسى ما يكوووون قدييم وأتفشل جدامكم ..... :s141:


يقولون:

















----------->>> تقلقلت حنوجج قولي وخلصي



الخبر الأول: إن المره وعن تجربة تستخدم كغسول ينحط معاها ملح خشن لما يذوب مع المره

بعدين يغسل فيه من تحت ينظف ويضيق المنطقة وينشفها ..


الخبر الثاني: إنها تنحط على الكوتكس وانتو بكرامه ثالث ورابع ايام الدوره
وأيضاً تستخدم كغسول يومي ..


الخبر الثالث: في وحده تقول إن أمها وخالتها وخواتها المتزوجات كلهم يسوون هالحركه ومو متضررين منها بس مادري هي تصلح للبنت اللي مومتزوجه ؟؟؟
إهي إنها تشب فحمه وتحط عليها كسرة مره وتبخر فيها من تحت تقول تنظف الرحم وتخليج ناشفه تحت



الزبده من كل هالحجي اللي عندها فكره عن هالموضوع تقولنا يصلح للبنات خبركم إحنا على وجه زواج ونبي نصير حريم

جيداااات أنا من قريت موضوع(( بنوته22)) لبا قلبها قررت إني أتسنع لأن ع قولت أمي محد بينفعج غير ......

وباجر الرجال بيقطج علي لا شاف إنج خرباااانه :eh_s(12): (( عاد هني سويت نفسي بريييئه وقلت يمه وأهو شلون

بيعرف إذا أنا خربانه ولا زينه وجه أمي صار طماطه انحرجت فديتها قالت بيعرف وخلاص سكري الموضوع ))

أمبيه صج صج خفت:eh_s(11): :eh_s(16):

وقلت لازم أعتني بنفسي ولازم أقول لخواتي بالمنتدى :icon30: عشان تعم الفائده ونعيش كلنا بسبات ونبات ونجيب

صبيان وبنات ------->> متعوب عليها هالجمله مادري كذا تنقال ولا غلط بعد :080402ask_prv:

أنطر ردودكم فديتكم


:hjy5jewf:


أختكم : فـديـت روحــي

 

[ملاك بنت جابر]

شوفي ياحلوة المرة للمراة المتزوجة موللبنت وامج قصدها انج بحزة الدورة تهتمين بنفسج وتاكلين لهوم واعشاب ووهالسوالف وديري بالج تاكلين لهوم مو مردود لان المردودة للمتزوجة وتبتعدين عن الممنوعات اللي هي السوائل الباردة والبرد والمشروبات الغازية

 

[حلوه ولمآحه]

انا عارفه انها تستخدم بس للمتزوجه،، وانا بنت ماعمري استخدمتهآآآ

 

[..البندري..]

الحمد لله المرة دايم استخدمها وماتفارق بيتي

 

[Australia girl]

البنت تستخدمها اذا فسها التهاب

تاخذ كسره وسط وتنقعها ببطل ماي وتتشطف فيها من بره .............يااااااااااااااهو من بررررررررررررررررررررررره

 

[فـديـت ^-^ روحـي]

أكيد غسول خارجي


شكراً على المرور فديتكم

 

[#الترف الخجول#]

يسلمووووو فديييت روحي عالموضوع
صج ياااااااااليييييت يفيدونا

 

[فـديـت ^-^ روحـي]

الله يسلمج ياروحي

 

[ام ساره 4]

إستخدميها غسول خارجي وبس

 

[om Firas]

والله ماعندي فكره

 

[لميس المطران]

حبيبتي المره اقوى مضاد حيوي طبيعي تقدر تستخدمه المتزوجة او البنت.. يعني بالدورة سوي نقوع تشربينه على الريج وبالنفاس تبخري منه ودايما المتزوجة تتنقع فيه بس لا تكثرين الملح كثرته موزينه, آنا آكلها عادي جنها حلاو وماتضر بالعكس تعقم ومضاد حيوي ومرطب طبيعي وعكس غيره من الاعشاب كثرته ماتضر..
غير اني استخدمها بأي بثرة تطلع بالويه نقعيها واستخدميها وهذا سر ماسك المرة الللي عندي اللي اخلطه مع مكونات طبيعية وتستخدمة البنت بأي يوم عادي .والله يوفقج وييسرلج الزواج..

 

[فـديـت ^-^ روحـي]

ثانكس ع المرور

 

[الهندية]

اهلين بنات اليوم جبتلكم موضوع عن المره ....

والمره لها فوائد عظيمة وممتاااااااااااااااااازة وغنية عن التعريف وحبيت اطرحها لكم للافادة لاخواتي العضوات والمشرفات وحبيت ازيدكم خبرة فيها وهي معروفه عند جداتنا وامهاتنا وانا شخصيا استخدمها ومجربتها وعندي خلفيه عنها لانها ماتخلا من بيتي وهي مفيدة للبشرة والجرح للجسم كامل داخله وخارجه ومعقمه وتنظف الجرح
وممتازة للحريم الي مسوين عمليه قيصريه لانها تلم الجرح ومفيدة لاوجاع الاسنان واللثه وتشد البشرة والجسم وتبيض المر من الناحيه الصحيه له استخدامات كثيره ما أقدر أحصرها منها : لجروووووووح العمليات والتهاب الصدر واشياء كثيره ...

وعندنا مثل شعبي بقوووووووول :


(المثل يقول ما تموت الحرة وفي بيتها مرة )

وهذا مثل ثاني ....

(لا تشكي الضر والبيت فيه مر )


وهذي المعلووووووووومه منقوووووله اريد بس الاجر والدعاء ...

أغلب الناس يعرفون المره ويتبتاع من العطارات لكن أحب ان أنبه أنها من الادويه التي يجب أستخدامها بأصول لان أستخدامها بطريقه عشوائيه او الاكثار منها ممكن تسبب أضرار أخرى وراح نعرف الان المره واستخدامها وطريقه حفظها
الـــــــمـره عبارة عن مادة شبيهه بلبان الذكر ولكنها حمراء اللون ووتحتوي على مواد مطهره وتعتبر مثل المضاد الحيوي وأنبه عند شراء المــــره من عند العطارين ان تكون جديده ولونها حمراء مثل لون التمر الخلاص احمر على شقار لان بعض البياعين الله يهديهم يبيعون على الناس مـره قديمه ويكون لونها غامق قريب الى السواد فأنتبهي .
بالنسبه لدواعي أستعمالات الـــــــمره كثيره :
فهـي تستخدم لعلاج جميع ألالتهابات ( التنفسي +الهضمي +التناسليه +البشره+الجروح )
بالنـســبــة لــــطـريــــقة تجهيز الـــــــمـــره للاستعمال :
اولا تأخذين كمية بسيطه من المره فلا تستخدمينها كلها يعني يكفيكي مقدار ملعقه كبيره مره (خـــام)
ثانيا تغسلين المره بالماء عن الاتربه ثم توضع في برطمان ويصب عليه ماء دافئ وتحفظ بالثلاجه لحين الاستخدام
واحب ان أنبه ان لاتحتفظي بالمره في الثلاجه أكثر من اربع اسابيع كحد أقصى .
بالنسبة لطريقة أستعمال المره في علاج الالتهابات التنفسيه :
يرج برطمان المره ثم أخذ يؤخذ منه مقدار فنجان القهوة ويضاف اليه قليل من الملح الناعم ويستخدم كغرغره لعلاج اللوز
وألتهاب الحلق والانلفونزا على ان تكرر هذة العمليه 4_5 مرات باليوم
أما بالنسبه لطريقة أستعمال المره في علاج الالتهابات الهضميه :
في حال حدوث مغص دورة الشهرية أو أسهال لاقدر الله أو سوء هضم نتيجة تخمه او حدوث أنتفاخات نتيجة احتباس الغازات بالبطن فيؤخذ قليل من الـــمره مقدار ملعقة أكل أو نصف فنجان قهوة من المره وتشرب سواء بعد الطعام او قبله ولكن لاتشربيها ومعدتكي وهي خاويه وهذه قاعده في جميع أستخدامات الادويه .
أما بالنسبه لطريقة أستعمال المره في علاج الالتهابات التناسليــه :
يؤخذ مقدار فنجال شاي مرة منقوعه ويضاف اليها خمسة اضعافها ماء ( المهم أن تخفف المره بالماء الدافئ)
ففي حال حدوث التهابات مهبليه للمرأة المتزوجة فيجب ان تستخدم الــــمره كدش مهبلي حتى تحصل على النتيجه
المضمونه أما الفتاة التي لم تتزوج فتستخدم غسول المره كشطوف خارجي .
كذلك تستخدم النساء النفساء المره كشطوف خارجي فقط وكذلك يمكنها وضع ماء دافئ مخفف بالمره مع قليل من الملح وتجلس فيه المراة حتى يطهر المنطقه ويسرع في ألتائام جروح الخياطه مكان الولاده .
كذلك يشربن النفساء يوميا المره بمقدار ملعقه كبيره كعوض عن المضاد الحيوي ويسرع في التائم جروحها بعد الولادة ولكن يستخدم في فترة النفاس لمدة عشرين يوم كحد أقصى .
أما بالنسبه لطريقة أستعمال المره في علاج الالتهابات البشرة :فالمره تعالج البثور وحب الشباب وذلك بأن تأخي قليل من المره المنقوعه بدون ان تخفيفيها وتحضري قطنه طبيه ثم تغمسي القطنه في محلول المره وتمسحي بها على كامل الوجه ماعدا منطقة العينين لان بشرة العينين جدا حساسه
وتجعليها على بشرتكي مالايقل عن ساعه يوميا وسوف تعطيكي النتيجه المبهره بأذن الله
كذلك منقوع المره يعالج الدمامل والخراجات وجميع انواع الجروح .
كذلك الـمره المخففه بالماء تستخدم لعلاج قشرة الرأس وذلك بعد غسل الشعر بالشامبو ثم شطفه بالماء بعدها تشطف بالمره المخففه بالماء كمرحله أخيره وهذي أنا مجربتها شخصيا لكن لاتستخدمين الا مره كل اسبوعين اوكل ثلاث اسابيع .
وبقية الاسابيع مره استخدمي خل طبيعي مخفف بالماء كشطوف بعد غسل الشعر ومره استخدمي عصير الليمون المخفف بالماء فكلها تحارب القشره وتعطي بريق ولمعان للشعر وكلها مجربه ومئمونه طبيا .

في الختام :



كــــل مـا أتمناه من الجـمـيـع الدعــــاء لي بـظهر الغـيـــــب


منقوله

 

[قلبي سلومي]

يعطيكم العافية

 

[رومــآ]

ربي يعطييييك العافيه

اموووووووووت ع الرة تخيلي مسويتها مثل العصير وين ما اروح اشربها في بطل

 

[حرم نايف باشا]

كثرة شرب المره تسبب ضرر للكبد والكلى اعرف وحده تشرب مره بكثره صار عندها حصوات بالكبد هي مفيده لكن شربها بحدود

 

[مـيـراس]

البنت مشكلتها مو مثل المتزوجة

قصدها امج انج تهتمين بنظافة المنطقة كحلق العانه والاهتمام بالنظافة يعني تغسلينها بماي ومطهر ولا باس بالصابون المعطر بس غسيل سطحي وانا اختج وتسوين شي بالغلط واتوثم فيج

المتزوجة ممكن تخرب ولازم تهتم بحالها بوقت الدورة اما اللي مو متزوجة ممكن لما تتزوج تطلع منها ريحة وووووع لاعت جبدي ما اقدر اكمل

 

[اتعبني الظل]

بس في معلومه انا سمعتها وماني متاكده منها وهي غلط انك تجلسين في طشت فيه غسول او منقوع اوحتي ماء وملح عشان البكتيريا اي من وراء ماتنتقل قدام اوتختلط مع بعض فقط تتشطفين وعدم الجلوس

 

[غلاااه]

جزاك الله خير .

نفس الكلام إللي تقوله لنا امي:eh_s(4):

سؤال شنو المردود ؟؟؟؟؟:gr4uu:



​

 

[ديوم 2010]

البنت مشكلتها مو مثل المتزوجة

قصدها امج انج تهتمين بنظافة المنطقة كحلق العانه والاهتمام بالنظافة يعني تغسلينها بماي ومطهر ولا باس بالصابون المعطر بس غسيل سطحي وانا اختج وتسوين شي بالغلط واتوثم فيج

المتزوجة ممكن تخرب ولازم تهتم بحالها بوقت الدورة اما اللي مو متزوجة ممكن لما تتزوج تطلع منها ريحة وووووع لاعت جبدي ما اقدر اكمل

ابيه موتيييييييييييييييييييييييييييييييييييني ضحك ياميراس لاعه جبدج ابيه انتي توحفه