المدارس الخاصه بالكويت

[xxx]

السلام عليكم

شلونكم يا احلى عضوات

المستوى التعليمي بالمدارس الحكوميه كل ماله وينزل

واغلب الكويتين يودون عيالهم مدارس خاصه

سواء عربيه ولا أجنبيه

اول نادر مانشوف يهال بمدارس خاصه

الحين العكس

والصراحه ما الومهم ..


شرايكم بنات كل وحده عندها خبره بالمدارس الخاصه تحطها بهالموضوع

عن مستوى المدرسه ؟؟

وأسعارها ؟؟

رقم التلفون والعنوان ؟؟

ناطرتكم لا تتاخرون

 

[srabeel]

رد : المدارس الخاصه بالكويت

والله أنا بالنسبه لى موديه عيالى مدرسة روض الصالحين وايد حلوه من الروضه يتخرجون يعرفون يقرون وحافظين الأحرف العربى والإنجليزى قرايه وكتابه ويحفظون جزأ عم كله بالروضه وإهى نفس مستوى الرؤيه ونفس سعرها

وعندج حماتى موديه عيالها الأمريكيه وبنتها ليش ذكيه مشاء الله عليها ( بنتها إلى كرمها بوش قبل 2 سنه ) ودتها البيان لنها المدرسه حيل قويه

ومرت حماى موديه بنتها الرؤيه وبعدين إنقلتها وودتها الغانم بس ما أدرى ما تعجبنى

وحماى الثانى مودى عياله الرؤيه وإنقلوهم الحين حق روض الصالحين لأن نفس المستوى
وعدج بعد حماتى موديه بنتها المدرسه الباكستانيه إلى بالسالميه صج صج صج قويه وممتازه وبعد حيل حيل رخيصه

 

[xxx]

رد : المدارس الخاصه بالكويت

روض الصالحين شنو مدرسينها ؟؟ هنود ولا شنو ؟؟

الامريكيه قويه بس غاليه

الرؤيه قويه بالتربيه الاسلاميه بس يقولون العربي عندهم مو شي

الباكستانيه هم قويه بالانجليزي وصفر بالعربي يعني ماكو فايده

 

[srabeel]

رد : المدارس الخاصه بالكويت

بنوته من صجج أى هنود جان ما دخلتهم لالا المدرسه راخيه وبعدين وايد شيوخ فيها أنا بصف بنتى وولدى كل شيوخ وبعدين المدرسه مورخيصه لا بحدود الأف أو أقل بخمسين أو شوى والملابس موحده للرياضه والعادى ورحلاتهم حلوه والمدرسات يهبلون

المدرسات فى الفلسطينيات والكوتيات والأجنبيات يحليلهم متحجبات أقولج مثل الرؤيه شوفى الروضه والحضانه لايعلى عليها بس الإبتدائى ما أدرى لأن عيالى بالروضه الحين
هذا رقمهم غذا تبينه 2660165

 

[xxx]

رد : المدارس الخاصه بالكويت

انا قتلج هنود لان مدرسات الانجليزي بالرؤيه هنود

عبالي مثلهم ...

ومشكورة على الرقم بتصل بشوف بجم رسومهم

 

[srabeel]

رد : المدارس الخاصه بالكويت

إيه سوووورى لا الهنود بس الخدامات بس المدرسات مثل ما قلتلج

وإذا دقيتى قوليلى إصار معاج وجم رسومهم إيه ترى فيه أقصاد بعد

 

[Dancing^Queen]

رد : المدارس الخاصه بالكويت

احم
الهنود مافيهم شي
اجدع نااااااااااس





بنات ترا الابداع اللي بحولي اذا ماني غلطانه اللي علي الشارع الرئيسي
لاحد يدخل عياله
حاذفين ولد اختي بالكلينكس عند حافه عينه كلش لو اه جان راحت عينه

تدرون منو الي حاذفه؟؟








الابله

 

[srabeel]

رد : المدارس الخاصه بالكويت

واى يعل إيده الكسر والله عاد كلش ولا أبله تطق ياهل تقوم القايمه عندى

بس يا كوين ترى صج أصلاً أنا وأهلى لو شيصير ما نودى عيالنا هناك أصلاً منهجهم حيل غلط

 

[xxx]

رد : المدارس الخاصه بالكويت

كوين من صجج عاد الابداع طق مطاقق عليها رفيجتي بتسجل بنتها بالروضه حاطينها على الويتنق

سرابيل ليش شفيها مناهجهم ؟؟

 

[طير الحب]

رد : المدارس الخاصه بالكويت

انا عيالى فى الروضه كانوا بالهنديه اللى بالجابريه .... بس فعلا اكثر من جيده بس فيها عيب انهم يكرفون الياهل كراف........

بنتى الحين 2 ابيتائى وديتها حكومه لانها مو شاطره ....

ولدى اولى ابتادئى وديته التكامل العالميه.....الى الحين اوكى اسمالله عليه ايى من المدرسه يطلع الواجبات ويحلها من غير ما اقوله عكس الخبله الثانيه اللى مطلعه روحى.....

المدرسه فى صباح السالم ..... المدرسات امريكيات او بريطانيات وفى خلط

الرسوم الابتدائى 1775 ........ الباض 220 للمناطق البعيده
200 للقريبه

 

[xxx]

رد : المدارس الخاصه بالكويت

الله الله الله الله

غاليه والله

معروفين المدارس الاجنبيه غالين

 

[طير الحب]

رد : المدارس الخاصه بالكويت

غاليه بس ما عندى إلا هالولد خليه ان شاء الله يطلع زين

 

[xxx]

رد : المدارس الخاصه بالكويت

الله يوفقه

بس حرام ليش طلعتي بنتج

والله المدارس الحكوميه خواره

 

[طير الحب]

رد : المدارس الخاصه بالكويت

خواره بس ما عندنا ندفع 4 الاف بالسنه ...........ورانا بيت وبلاوى

 

[xxx]

رد : المدارس الخاصه بالكويت

الله يعين ...

ومستقبل اليهال هم مهم

انا بالنسبه لي اهم من البيت

 

[srabeel]

رد : المدارس الخاصه بالكويت

وعليه حرام عليج يا بطه ليش خبله عاد تدرين أنا حماتى محتاره تكمل وإلا لا بنتها الحبين 3 إبتدائى وصراحه تكسر الخاطر يدرسون حيل وعليه البنيه المفروض 2 إبتدائى بس أهم حيل أقويه

أقولج حماتى مجابلتها مجابل والله إنها تدرسه جنها تدرس وحده بالثانويه والله مجابلتها حيل وأقولج بنتها مشاء الله عليها بروحه شاطره عبقرينو بس بصراحه حيل كرف علشان جذيه محتاره تكمل وإلا لا ؟؟

إيه أختى ودت ولدها بخيطان روضه جان يسقط إيه والله الأبله تقول حق أختى هذا كسلان مايفهم طلعيه أحسن

بصراحه الهنديه والباكستانيه حيل حيل أقويه

 

[طير الحب]

رد : المدارس الخاصه بالكويت

ايه ولد اختى الابله قالتهلها طلعيه ما ينفع.....

بس خلى الحكومه ونشوف التالى معاهم...

 

[xxx]

رد : المدارس الخاصه بالكويت

الله يعينااااااا بعد ماجربنا المدارس وحوستهم

 

[**فلونه**]

رد : المدارس الخاصه بالكويت

بنات انا مفكره اوديهم الباكستانيه وايد يمدحونها اللي بالسالميه .........لي من الله يقدرني واذا فلست بوديهم الحكومه بعد شسوي .....

انا بفهم احنا كنا بالحكومه والحمدالله خذينا شهادات واللي صاروا دكاتره ومهندسين .....الخ

يعني الحين هذوله اللي بنخرجهم من مدارس خاصه بالله شبصيرون ........حالهم من حالنا ..........والله انا اهم شي عندي انهم يتعلمون اللغه على اصولها ..........يعني تروالي لي المتوسط كافي .

 

[xxx]

رد : المدارس الخاصه بالكويت

فلونه

اول غيـــــــــــــــر

والحين غيــــــــــــــــــــــر

الحين المدرسين مو مثل اول تغيرووووو

ماتشوفين الناس كلهم ودو عيالهم خااااص

الباكستانيه زينه بالانجليزي بس بالعربي ميـــــــــح

انا لو بفكر بودي عيالي مدرسه عربيه ... بس تكون قويه

رفيجتي مدخله بنتها القطوف وايد زينه بالعربي والدين والانجليزي

ونفس الحكومه بالعطل والامتحانات

مو مثل الباكستانيه بداية السنه عندهم شهر 4