المدارس الخاصه بالكويت

[^^ ريان^^]

رد : المدارس الخاصه بالكويت

محافظة الفروانية اقصد

 

[^^ ريان^^]

رد : المدارس الخاصه بالكويت

محافظة الفروانية

 

[معلمه متميزه]

رد : المدارس الخاصه بالكويت

بنات .. القطوف حق بنات بس ؟؟؟

ورياض الصالحين مدرسه عربيه ولا ثنائية اللغه ..

وصراحه شجعتوني على مدرسة التعليم المبكر ودي ادخل ولدي اذا كمل سنتين ونص .. يتعلم عنده لي الروضه بعدين ادخله مدرسه ثانيه ..

وديحانيه رفيجتج الي لقت بنتها تبجي .. يعني عادي يهال ومانقيس الحادثه هذي لبنت وحده على مرسه كامله ..

انا خواني بالابداع ومره دخلت على غفلة لقيت المدرسه تصرخ عليهم صرخه الله لا يوريج انا نزيت وهي تفاجات فيني .. بس ما طلعناهم عادي .. خلينزفون شوي ما يظرهم خصوصا ان اليهال يطفرون ويطلعون الواحد من طوره ..

تسلمون

 

[xxx]

رد : المدارس الخاصه بالكويت

ريوووف

في بمنطقة الفروانيه مدرسة أم هاني وايد وايد قويه

اهيا مو أجنبيه لا عربيه بس رووووووعه وايد يمدحونها

وفي الباكستانيه ...



الغشيمة

تصدقين مادري اذا بنات بس ولا مختلط

أسال واردلج خبر ...

 

[bedour18]

رد : المدارس الخاصه بالكويت

ديحانية+كويتية الله يخليك عطيني تفاصيل اكثر عن مدرسة المعالي لأني ودي اسجل ولدي فيها حق الكورس الجاي حضانة و خاطري فيها عشان يكمل فيها سنتين الروضة. مشكووووووووووووورة

 

[Um _KeShA]

رد : المدارس الخاصه بالكويت

السلام عليكم

انا مو ام بس اقدر افيدكم


لاني دارسه بالرؤيه و بالتكامل

و اختي بالقطوف

القطوف البنات بروح و الاولاد بروح بس لي 4 ابتدائي الاولاد بعدين ماكو صفوف حقهم و طبعا فيها روضه

اما البنات ليمن 4 متوسط

بنسبه حق روضه المعالي وااايد خوش روضه وااايد ناس تمدحها وو التكامل كانت هناك


لو بتقارنين التكامل بالخليج ( يعني قبل لما كانت يمها ) حده ماكو مقارنه لانه الخليج مدرسه مو محترمه تفشل مو من نوع تحرص على الدين


اما التكامل (ماسكها براهيم الخليفي ) مدرسه تأسيسها قوي كلغه يمكن ما تكون مدرسه دينيه وااايد بس يكفي انه لما يأذن المدرسين يناد الاولاد و يصلون جماعه هذا شي شفته بعيني


و اهي مختلط لما رابعه ابتدائي واااايد زينه بس يبلها مجابل خاصه العلوم


اما بالنسبه حق الرؤيه مدرسه اسلاميه محافضه على الدين والي ماسكتها نسيبه عبدالعزيز المطوع ( تطلع ساعات بالتلفزيون تقول محاضرات و مالت لجنه ساعد اخاك المسلم )

الفرصه الثاانيه لازم انصلي فيها و لا يلحقونج اذا ما صليتي و نصليها جماعه

و فيها منهج الرؤيه وااايد زين يعلم مبادئ الدين

يعني لو تطلعين منها و انتي صغيره تضل هذه المبادئ موجوده براسج لانهم يوصلونه بطرق حلووو

و بعد في مدرسه حلوه و زينه اسمها kuwait english school
هذه وااايد زينه ماسكها السداح و تابعه حق السفاره البريطانيه و تاسس انجليزي عدل بس بالدين عادي ما يزدون ولا ينقصون

و اهي مختلط طول المراحل

 

[xxx]

رد : المدارس الخاصه بالكويت

Um _KeShA

ماشاءالله عليج عندج خوش معلومات

انا سالت رفيجتي مدخله بنتها بالقطوف وايد تمدحها

تقول الصبيان لي 4 ابتدائي مثل ماقلتي

بس حسافه ليش مافي ثانوي حق البنات

اختج اي صف ؟؟

وجم رسومهم انا اعرف رسوم الروضه والابتدائي

 

[Um _KeShA]

رد : المدارس الخاصه بالكويت

[grade="00BFFF 4169E1 0000FF"]

اختي اب 2 ابتدائي

و الصراحه انا ماعرف جم رسومها بس مو غاليه


و انا بالروضه كنت english school for girls
( مدرسه وره مدرسه لوووووول )

واااايد خوش مدرسه رااقيه
بنات خالتي لين الحين فيها واااايد زينه و تابعه حق السفاره البريطانيه
و اعرف ناس تخرجو منها مشاءالله فلته بالانجليزي ما جنهم كويتين يتحجون انجليزي عدل عدل مشاءالله قوويه وايد

[/grade]

 

[^^ ريان^^]

رد : المدارس الخاصه بالكويت

بنات القطوف هذي وين صايرة وثنائية اللغة وإلا لا؟؟
بعدين انا استنتجت من كلامكم اكثر روضة مدحتوها
روض الصالحين الرؤية القطوف المعالي سرار القبندي لآنها تركز على الأخلاقيات بعد موبس دراسة وحفط
أما بالنسبةو لأجيال فسالت عنها الروضة رسومها 1185 منهجهم امريكي معتمد واهي ثنائية ا للغةويدرسون الفاعدة الحلبية فيها مع حفظ القرأن وتجويدة مدير الادرة الخميس
والنائبة غادة الشعار اشتطلع ما ادري ؟؟؟ بس شكلي بتوكل على اللة وبسجل بنتي فيها اشرايكم؟؟؟ عي اسالة انا حاضرة
كان ودي بروض الصالحين بس اللحين ما يستقبلون ؟
أم كشة اختج اللي بالقطوف عطينا تفاصيل عن مدرستها اكثر من ناحية اللغة تركيزهم على الدين وهكذااااااااااااا؟

 

[xxx]

رد : المدارس الخاصه بالكويت

Um _KeShA

مشكورة الخبيره

شمعنى اختج المسكينه مدخلينها مدرسه عربيه


ريوووف

القطوف مدرسه عربيه ومستواها قويه من طقة فجر الصباح ..

وايد يركزون على الدين وحتى بالروضه يدرسونهم

روض الصالحين يقولون تشبه الرؤيه من ناحية التركيز على الدين


رسوم القطوف :

الروضه = 170 بالسنة

الابتدائي = 250 بالسنة

 

[Um _KeShA]

مشاركة: المدارس الخاصه بالكويت

هلا بنت الكويت

لوووووووول لاحظتي


ايه اهيا كانت بالتكامل بس طلعنها لانها مو ماشيه بالانجليزي و كانت مشاءالله تقرى و تكتب عربي عدل مدحو هالمدرسه حق امي و حبتها بس اختي الحين لايعه جبدها لانه غالبيت صفها سورين و مصرين لايعه جبدهااا

 

[StEllA]

مشاركة: المدارس الخاصه بالكويت

Um KeSHAابسلج عن english school for girlsوين صايرة و بجم رسومها

 

[xxx]

مشاركة: المدارس الخاصه بالكويت

Um _KeShA

وي مسكينه


بنات شرايكم بالباكستانيه

وهما وايد شنو احسن وحده وباي منطقه ؟؟؟

في الي بحولي يم الابداع

وفي وحده اسمها الباكستانيه الانجليزيه

 

[Um _KeShA]

مشاركة: المدارس الخاصه بالكويت

هلا والله

english shcool for girls

بسلوى على الخط السريع و يمها مدرست اكادميه اوكسفور oxford acadmey

بنسبه حق رسومها للاسف مادري بس مو هينه غاليه

اذا عرفت اقولج

 

[ديحانية+كويتية]

مشاركة: المدارس الخاصه بالكويت

هاي بنات ادري متاخرة جايه بس هم انا نفس مشكله ريوف ابي شي قريب ويمكن اغامر وادشش ولدي اجيال مت من الطريج و لا ودي اكمل بالمعالي بس طريج ذبحني ولا اقدر اخليهم يروحون بروحهم مع السايق ياربي شكثر اعاني
بس اذ ا احد يعرف روضه ثنائية زينة وقريبه ياليت يفيدني

 

[ظلال القرآن]

مشاركة: المدارس الخاصه بالكويت

انا ولدي بالرؤيه
والله حلوه وقويه بس الانجليزي مو وايد فيها
والروضه اوديهم الباكستانيه صراحه اتحسف ادفع فوق اللف على روضه
لأنهم يغيبون بالروضه

 

[رمانه كويتيه]

مشاركة: المدارس الخاصه بالكويت

بنات انا عندى وجهة نظر يعنى اشفيها مدارس الحكومه خرجت دكاتره ومهندسن وطيارين والله احسن من الخاص وبعدين مو جذى فى ناس وايد دخلو اعيالهم مدارس خاصه وتوهقو ووهقو اعيالهم معاهم لانه الام والابو موذاك الزود بالانقليزى وتوهق الولد يبى احد يساعده الحساب والعلوم كله انقليزى يقولون ذبحنا فلوس المدرسين اللى ايونا البيت علشان ايساعدون اولادنا ولا اللى يحط واحد من اعياله خاص والباجى حكومه حرام اهو شنو احسن منهم فى ياكلهم حكومه ولا كلهم خاص والله يعلم باجر اذا كبر يحس فينا ولا لا على الفلوس اللى قطيناها عليه اخش فليساتى احسن لى ادلع روحى فيها ودخله حكومه حاله حالنا وحال اخوانه احسن له

 

[xxx]

مشاركة: المدارس الخاصه بالكويت

smaaa

انا وياج بس على الاقل روضه بمدرسة أجنبية

والباجي بمدرسة عربية خاصه

الحكومه صاروو خواره ومو ثقه

حتى المدرسات يدخلون عيالهم خااااص

 

[ombader]

المدرسه الباكستانية

السلام عليكم
خواتي بغيت اسالكم عن المدرسة الانجليزية الباكستانية الي في حولي احد سامع عنها

 

[fulla]

مشاركة: المدرسه الباكستانية

أي والله يمدحونها ويقولون انها وايد زينه بس دراستهم اشوي صعبه لانه تأسيسهم وايد قوي