المدااااارس .....الخاصة..... ما ادراك بالخاصة؟؟؟؟؟؟

[العود الأصلي]

حبيبتي اولا اضم صوتي لأختي وافية يمكن لاني ولدي بنفس المدرسة بس ابتدائي _03BA:
نصيحتي اهم ماعندنا عيالنا وصدقيني البنات يمكن يمشون بالحكومة بس الاولاد صعب خاصة بعد ما حطو خامس معاهم والمنهج ركيك والمعلمات الله يهداهم البعض مو الكل همهم اللبس والحفلات
انا ما اتحامل علي المعلمات انا معلمة بس اللي اشوفه من رفيجاتي وبنات عمي مهملين يدوب يهمتون بالمنهج اللي جدامهم ما يكلفون نفسهم يبدعون وعيالهم خااااااص ,,,,,؟؟؟؟؟؟؟؟؟؟؟؟؟؟
انتي علي الاقل اسسيهم في الابتدائي ومتوسط حكومة واللي كاتبه رب العالمين يصير يطلع الولد ماله خلق للدراسة او مجتهد المهم هذي امانه نحاسب عليها جدام رب العالمين ان اربي عيالي وما اقصر معاهم بالطريقة اللي تعجيني
وعسى الله يصلح ذريتنا وذريات المسلمين يارب

 

[nouna82]

اي والله المدارس الخاصة تقص الظهر خاصة احنا بهد قاعدين نبي بيتنا والله شي مووو طبيييعي كل مرة اتهدد انقلها مدرسة ارخص و اهون ولا يمكن احولها حكومة الا لما يتعدل مستوى التدريس فيها

 

[بنت ناس وقلبها الماس]

مشكورين ما قصرتوا باراكم الحلوة
بس شنوالصف اللي منه انقل للحكومة عشان مايرتبك ولدي

 

[مشتطة وبس]

اشفيها الحكومة والله من احسن مايمكن ولا هالمدرسات الداثرين بالخاص حتى شهادات ماعندهم......وبعدين مخرجاتهم ضعيفة مايمشون بالجامعة خصوصا الكليات العلمية انا مهندسة وشفت بعيوني هالشي........واذا على الانجليزي الله يعافي الدورات والنوادي..وصدقوني الحين تحسنت المدارس بفضل نورية الصبيح

 

[مشتطة وبس]

اللي يبي صج يسأل عن المدارس يسال اللي عيالهم كبار وتخرجو لاتسالون اللي عيالهم صغار

 

[أم حمني المزيون]

أنا عيالي كلهم أدخلهم مدارس خاصة(دسمان )بس في الkg1 &kg2 ويكونون متأسسين بالانجليزي والعربي أحسن من روضة الحكومة وبعدين أنقلهم حكومة بالابتدائي من سنة أولى علشان يمشون بالمناهج صح وماتصير ربكة خاصة ان المدارس الخاصة العلوم والرياضيات بالانجليزي فلما يروحون من سادس مثلا للحكومة يتدودهون لأن معلوماتهم ومصطلحاتهم كلها بالانجليزي من واقع خبرة صديقتي بهالموضوع ..فأنا أختصر الموضوع خاصة ان التكاليف وااايد بالغوا فيها وبعدين لما يكون عندج واحد غير لما يكونون اسم الله عليهم أكثر ...فالحمدلله صج تتعبين وياهم بالحكومة وينهد حيلج بس راح تتأقلمين وياهم عادي..

 

[farawla_q80ia]

انا من رايي وحسب الدراسات ان اهم سنوات عمر الطفل اهيا الخمس السنوات الاولي من عمرة لان التعلم يكون سريع فم رايي وتجربتي ان الياهل تدخلينة روضة خاصة والابتدائي حكومية وطبعا تشدين حيلج معاه وتبدعين في طريقة تدريسة غير عن مدرستة لان مناهجنا حلوة تري لو ابدعنا فيها وفكرنا بتقديمها بصورة مشوقه واستفدنا منها بالشكل الصح وهم اقول ان التعليم سواء الابتدائي ولا المتوسط ولا الثانوي ما راح ياسسله حياتة خشي فلوسج حق الجامعه لان جذي ولا جذي راح ياخذ الثانوية وما راح يتوضف بالثانوية فيمعي فلوس اللي تدخلينة التخصص اللي يبيه بالجامعه واذا علي اللغه كا جيلنا ما درسنا الانقليزي من الحضانة درسناه من المتوسط والحمد الله مستوانا زين اهم شي الثقافه والاطلاع مو ب الكتاب المدرسي

 

[ريماا]

انا رفيجتى تدخل جمعيات وتستلمها اول السنة وتدفعها للمدرسة كاش او كدفعة اولى وتقسط الباجى
وانا عيالى الاثنين بمدارس خاصة والثالث بدخلة بعد ع السنة الجاية حضانة يعنى من السنة الجاية بدفع بالسنة 1700 لولدى ابتدائى و1400 لولدى kg2 و1300 للحضانة ابييييية بيطلع حسابى4 الاف و400 دينار
لا وناوية اكملهم ماافكر بالحكومة والفلوس رايحة رايحة
انا ماافكر بالحكومة كللللللللللش لو بغض النظر عالتاسيس والمنهج التافة اشلون بغض النظر عن البلاااااوى اللى تصير بالمدارس مدارسنا بمناطقنا رايحة فيها والصبيان قليلين ادب ويطقون ويسون حركات مو حلوة انا اسمع من رفيجاتى ومصدووومة وانا عيالى صبيان لو بنات تهون بس صبيان ومايعرفون يتصفون مع لصبيان اللى اكبر منهم حيل يخافون وبرئيين
فحييييييييل اخاف من هالسوالف اتحمل مصاريف بس مااتحمل اقطهم بمدارس حكومة
اذا تقدرين حاولى ماتودينهم حكومة بس اللى مايقدر كلللللللش بس شيسوى؟

 

[XالمستحيلX]

أنا من وجهة نظري عيالج أهم استثمار في حياتج اذا ما حطيتي فلوسج في بناء مستقبل عيالج بتحطينهم في شنو ؟؟ ملابس والا خرابيط مالها داعي انتوا ما تشوفون الأمريكان من ينولد الياهل وهم فاتحين له حساب ويقطون له للتعليم والجامعة يعني التفكير تفكير للمستقبل مو لحظة وناسة وبس واللي تقول انه شغلة مظاهر لا والله مو شغلة مظاهر اهي بكل بساطة لو تفكرين بمستقبل التعليم عندنا شلون بيصير ؟؟؟؟؟ الجامعات ماقاعدة تقبل أحد وتحولت كلهاااااا خاااااااااااااصة ولغة انجليزية واللي ما قطيتيه على ولدج في أول عمره راح تقطين أضعافه لما يكبر فليش ما أبدى معاهم صح علشان ما أتعب ولا أهم يتعبون وبعض المدارس اللي منهجها أمريكي لطلبتها الأولوية في القبول للجامعات الأمريكية يعني انتي بجذي اختصرتي نص الطريج اللي راح تدوخين فيه اذا اتبعتي الطريقة التقليدية ... واذا على الفلوس آنا مدرسة مثلج و ومتعودة من ينزل معاش العطلة أخش منه اللي يسدد أقساط المدرس للكورس الأول والثاني أما الدفعة اللي بآخر السنة ورسوم التسجيل للسنة اليديدة عندي حساب ثاني ومن بين فترة وفترة أقط فيه 150 أو 200 على حسب الصرف وجذي ما أكون ضايقت نفسي أببددد .​

 

[no0o0r3]

والله اهم شي عيالنا والفلوس رايح رايح بس اهم شي ناسسهم عدل

 

[برونزية رشيقة]

صح كلامكم ؟؟؟؟؟؟؟؟؟ واااااااااااااااي دقيتوا على الوتر الحساس انا تعبانة وبالي مشغووول بالولد والمدارس الخاصة ... والمصاريف قصت ظهري !!!

وأبوه مو راضي يدفع ولا فلس ... الظاهر بسوي سالفة الجمعيات !!! إللي ادش جمعية تقوللي وانا مستعدة أشارك !!! بس علشان أييمع فلوس المدرسه !!!!

شنسوي بعد الحالة متردية في المدارس الحكومية !!!!!!!!!!!!!!!!!!!!!!!!!!!!!!!! أول شي ألحين زفت !!!

 

[on line]

تبين الصج
اللي يدخل عياله لان فلان وفلنتان وعلنتان مددخلين عيالهم
انسان ماعنده سالفه ونظرته للامور جدا ضيقه
وعبدللمظاهر

واكيد كلام كوين فعلا صايره مظاهر عشان عيالهم يتكلمون انجليزي بس البعض وفوق هذا تلقينهم متوهقين بالتدريس يعني لا الام ولا الابو يعرف الانجليزي ولا يعرف يدرس ويحط علي نفسه مصاريف ثانيه واللي اهي المدرسين الخصوصين




صح كلامكم ؟؟؟؟؟؟؟؟؟ واااااااااااااااي دقيتوا على الوتر الحساس انا تعبانة وبالي مشغووول بالولد والمدارس الخاصة ... والمصاريف قصت ظهري !!!
اختي دام نفسيت تعبانه ليش تعبينها اكثر اعتقد هالشي اللي فيه تعب للنفسيه والضغط النفسي الواحد يحاول يبتعد عنه

اختي
انا احب افيدج من واقع انا اولا مو ضد ولا معا فكره المدارس الاجنبيه بس لمن احس الموضوع مسبب لي ارق ووضغط نفسي ليش احط نفسي بهالشي اذا مااقدر اوفر المبالغ وفوق هذا اضغط علي نفسي اعتقد ماله داعي وبالنسبه للتأسيس انا معاج وايدج بعد لان معروف اول خمسه سنوات من عمر الطفل اهم مراحله لذلك انصحج دامج في هالظروف الماديه الصعبه والضغط النفسي كملي معاهم لي ثانيه روضه خاص والابتدائي حاولي تحولينهم مدرسه خاصه بس عربيه
برسوم واقل وماشاء المدارس العربيه الخاصه كثيره عندنا لان فعلا انا شايفه المدارسه الحكوميه خاصه الاولاد مافي منها فايده وتعلمون الفاظ وشياء غريبه عجيبه وفوق هذا تعالي لي بغيتي المدرسه ولا تبين الاداره تقولين جنج صاحب عماره جاي ياخذ الاجار المتاخر هههههههههههه حلو التشبيه
انتي طلبتي وجهه نظرنا بالاخير القرار لج
واتمني من كل قلبي التوفيق لعيالنا والصلاح اهم شي يارب

 

[برونزية رشيقة]

مشكورة أون لاين ..... الظاهر هذا إللي بسويه .... بطلعه منهم عقب الروضة !!!


ويا جبيبة قلبي أنا مو مدششته علشا المظاهر حياتي ما تعرفيني عدل !!!! أنا وين والمظاهر وين ؟؟؟ وشكو نظرتي ضيقة وشكو عبدة مظاهر ؟؟؟؟؟؟؟؟؟؟؟ وااااااااااااي شنو هالحجي !!!! كل هذا علشان أبي الزين حق ولدي ؟؟؟؟؟؟؟؟؟؟؟؟؟؟؟؟

أستغفرالله العظيم !!!!!!!

 

[manarah]

قطوه 1 ترى الاخت on line ما قصدتج بكلامها اهي قاعده تعقب على الرد اللي قالته كوين باول الصفحات .

 

[on line]

قطوه 1 ترى الاخت on line ما قصدتج بكلامها اهي قاعده تعقب على الرد اللي قالته كوين باول الصفحات .

مشكوره اختي منوره علي التوضيح وكل عام وانتي بخير

قطوه انا ماتكلمت عنج كشخصك انا عقبه علي كلامك بوجه عام من ناحيه النفسيه بس واعذريني اختي اذا فهمتي الموضوع غلط
وتري المشاركه فقط لان الاخت طلبت حلول واراء وحبيت اعطيها وجهه نظري وعشان جذي لازم اقرأ كل الردود عشان اضيف شي جديد ما ضافوا البنات
واذا زعلج كلامي اكرر اسفي اختي
وبالتوفيق للكل يارب

 

[frfr197]

ايه والله يا اختى ....انا عندى ثلاث بنات وكانو ا يكلفون تقريبا خمسة الآف ونص وغير طلبات المدارس طول السنه فعلا انحرمنا من السفرات كل صيف........بس الحين ارتحت حييييييييييل يوم نقلتهم المدارس الحكوميه منها اقرب من البيت ومنها مافى طلبات زايده ...... وردينا قمنا نصيف بره كل سنه

 

[^مرايم^]

أنا عن نفسي أحرم نفسي من كل شي ,, علشان أخرج ولدي من مدرسة تطلعه بمستوى راقي دراسياً و أخلاقياً .. و الأهم أخلاقياً ..

أهم شي مستقبل العيال .. و السفر و الكماليات شي ثانوي ..

بالنسبة للمدارس الجيدة مو الانغليزية او الامريكية لانها بالعربي صفر.. المدارس الاسلامية هي الحل الأمثل.. انغليزي + عربي و القرآن و هو الأهم ..

الله يعين الجميع على المصاريف

 

[sereen]

انا لى تجربه بسوالف المدارس الخاصه بصراحه وهذا من راى واللى سوته صديقتى من احد الجاليات العربيه المعروفين بشطارتهم وهى اللى دلتنى على باب التوفير وبنفس الوقت ضامنه اللغه من يوم يكون الطفل صغير ....... الشاهد دخل عيالها المدارس الحكوميه لكن العصر من يوم يكون الطفل فى سن اللى ياخذونه البرتش كاونسل عيالها تسجلهم كل سنه والله تقول عيالها اذا على اللغه جنهم مستوى المدارس الخاصه الامريكيه لان العلم موبس لغه انجليزيه ولا فرنسيه ولا سمعه عيالى بخاص لكن لابد يكون فى جودة فى التدريس وايصال المعلومات العلميه مثل العلوم الاجتماعيات وغيرها من من مواد هذا احنا تخرجنا من مدارس حكوميه وشدينا على نفسنا بالدارسه وصرنا جامعيات ماراح عيالنا ياخذون الدكتوراة اذا دخلوا خاصه لكن فى النظام الحكومى لابد ينتدرس الولد وينتجابل حق باجى المواد لان نفس المعلومات اللى بالانجليزى هى بالعربى .............. الزبدة التعليم الخاص صاير موضه فى الكويت واحتمال ان فعلا التعليم الحكومى مستواه صاير متردى لكن مازال بامكانا نتخطى مشاكل الحكومه اللى عرفته حتى من ناس قراب منى شخصيا راتبها يالله يكفى نص الشهر والولد مدرسه خاصه ( بشكل عام موالموقصود فيها شخص معين ) واعباء حاطينها على ظهرنا بيدنا ........ احنا اصلا مصاريفنا تكسرنا من غير هالمدارس الخاصه !! وجهة نظر

 

[@ الحلوة @]

الله يعينكم

 

[روان_الكويت]

الله يعينج عن جد انا عن نفسي دخلت ولدي البكر kg1 kg2 الاولى بلي جروب والثانيه الغانم ثنائيه اللغه وناويه اكمل معاهم بس ماديتي ماتسمح ادخل اخته معاه ولا كنت ناويه ادخلها بس شسوي انا سكرتيره ومعاشي على قدي ومعاش زوجي عادي مانقدر عليهم اثنينهم
المهم عندي الولد لانه بسلوى عندنا ابتدائي اصبيان وحده وسمعتها زفت الزفت مستحيل ادخل ولدي فيها اما مدارس البنات عندنا ثنتين وقويات
شسوي ما باليد حيله