المحترق شهيد شهيد شهيد غصب عن الكل ولا شرايكم

[بـ ع ـثرة آحاسيس}~]

ان شاء الله ينحسبون عند ربهم شهداء والله حسيبهم

لاكن نحن لاندخل بأمور الغيب عشان تأكدين انهم شهداء ياختي العنوان غلط

شنو شهدااء غصب عن الكل احنا منو نكون عشان ندخل بأمور الغيب ونحكم..!

الله ربهم وهو اعلم بهم منا وارحم فيهم منا

لاحول ولاقوة الا بالله

قلوبنا محروقه خلونا ندعي لهم بالعفو والمغفره والقبول وان شاءالله ربي يجعلهم ويتقبلهم شهداء ان شاءالله

الله يغفر لهم ويرحمهم ويظهر الحق عاجل غيرآجلا ويعين اهلهم ويجعل الصبر والسلوان في قلوبهم

ربي يغفر لهم ويرحمهم ويبرد عليهم يارب


حسبي الله ونعم الوكيل ولا اله الا الله العزيز الجبار


لاحول ولاقوة الا بالله العظيم

ربي تهدينا وتصلحنا وتستر علينا وتجعل السنتنا تنطق دوما بالحق

واجعل اصابعنا تشهد لنا وليس علينا

اللهم عافانا مماابتليت به كثيرا من خلقك

حسبي الله ونعم الوكيل ولا اله الا الله العزيز الجبار

 

[النمله الخارقه]

الله يرحمهم ويعفوا عنهم
محد لديه العلم
لو تبون الصج هم اعرفوا وين راحوا والباقي احنا وين بروح
الله يرحمنا ويرحمهم برحمة الواسعه
ويغفر خطاياهم وخطايانه
العلم عند الله
والميت ما تجوز عليه الا الرحمه

 

[باربية الكوووويت]

احنا مالنا شغل بنات ربنا اهوا الي يحسبهم شهداء مواحنا احنا ندعي ربنا الله يرحمهم

 

[فراولة زرقاء]

اختي صاحبة الموضوع مالك حق تفتحيين مو ضوع زي كذا و مو وقته يتناقش هذا الموضوع و لا تقوليين غصب عن الي يرضى و الي ما يرضى انتي مو الله هاذي من الامور الي اختص بها الله ما ندخل فيها

 

[فراولة زرقاء]

بنت الكويت العسل ترضين احد يقولك هالكلام

 

[ريووم]

ان شاء الله يعتبرون شهداء
لانهم تعذبو اعتقد جذي
امبي حراام
الله يرحمهم

 

[دلوعه خطيره]

انا قلت هالكلام من حرقتي علا بعض الردودالي بلمواضيع

يشككون بنيه البنات والعجاييز والاطفال الي احترقو انا ميته قهر لما اشوف رد يقولج مو اكيد شهداء هذولي كانو بعرس ولا هذولي عريانات طيب في كبار موعريانات وفيه اطفال

حسبي الله ونعم الوكيل انشالله شهداء

 

[Judy abbott]

العلم عند الله

وبدال لا نقوول شهداء ومو شهداء وكل وحده اتقول وجهه نظر خلونا ندعيلهم بالرحمه اعتقد انه احسسن

وعسى الله يرحمهم ويصبر اهلهم

ويالله حسن الخااتمه

 

[فراولة زرقاء]

العلم عند الله بس كل واحد واخرته اغاني ورقص واكيد اللبس مو محتشم عادة كل العروس الحين نادر مانشوف عرس مافيه اغاني ولبس مو محتشم الا من رحم ربي وبعدين الوناسه بالعرس ماتكون باغاني وموسيقى ولبس مو محتشم صدرها طالع نصه او فخوذها طالعه هذا بالله من يرضى فيه وهو مايصير اسمه عوره الا اذا شيوخ الدين يعتبرونها وناسه وحلال بالعرس هذا شي ثاني
هذا مثل اللي سايق سيارته وحاط اغاني واحترقت فيه السياره هل نقدر نقول انه شهيد مو اهو هم احترق
نعرف واحد الله يرحمه كان مسوي بلاوي بدنيته وكلمن كان مو عاجبه سوالفه بس شتقولين واخرتها احترق بسيارته من ظلم هل نعتبره شهيد ؟؟
الله يرحم الموتى هذا اللي نقوله

انتي بعد تكلمتي بالباطل عن ناس ما يعرف خفايهم الا الله تقوليين اخر شي الله يرحم هذا الي نقولة
انتي ماقصرتي فيهم تكلمتي عنهم بكلام ما يجوز على الاموات حطي نفسك مكانهم ترضيين احد يقول عنك كذا

 

[طموحي أكبر..}]

الله يرحمهم ويغمد روحهم الجنه يااارب ..

 

[مرافئ الذكريات]

العلم عند الله

الله يرحمهم

 

[حمام شاقني فنه]

هالامسأله بالذآت غير قابله للتخمين
لأن رب العبــآد هو الوحيد العــآلم بمستقرهم هالحين

 

[حمام شاقني فنه]

هالامسأله بالذآت غير قابله للتخمين
لأن رب العبــآد هو الوحيد العــآلم بمستقرهم هالحين


عساهم شهداا اتمنى .!


واذا شهدا يجيزز لهم انهم يشفعون لنا يوم القيامه

 

[حمام شاقني فنه]

هالامسأله بالذآت غير قابله للتخمين
لأن رب العبــآد هو الوحيد العــآلم بمستقرهم هالحين


عساهم شهداا اتمنى .!


واذا شهدا يجيزز لهم انهم يشفعون لنا يوم القيامه

 

[البندري22]

استغفر الله استغفر الله شهالكلام يابنات مايجوز انتو تتدخلون بامور الله الخالق الجبار

هذا شي بيد الله وحده واحنا عليها انا ندعيلهم بس وان شاء الله شهداء بس مانتكلم كاننا واثقين شهداء ولا نقول مو شهداء وكانها عالمين الغيب

مايجوز ابتعدوا عن هالامور يابنات وقولوا نسال الله ان يحسبهم شهداء

 

[الـــريـــم]

الواحد يقول ان شاء الله يكونون شهداء

بس ماتقولين شهداء غصبن عالكل

انتي ماتعلمين الغيب !!!!

يمكن الله يقبلهم ويمكن لأ ويمكن بعد يقبل نصهم شهداء ونصهم لأ

محد يعلم الغيب

بس الواحد يدعيلهم

 

[بنت ابوهااا]

يابنات حديث الر الحديث السول صلى الله عليه وسلم واضح ومن تشك بهذا الحديث فلتراجع نفسها

من مات حريقا فهو شهيد

وانا وجهت سؤال لاحد مشايخ السلف عن هذا الامر فقال لي حديث الرسول صلى الله عليه وسلم واضح

وحتى الشيخ سالم الطويل قال عنهم شهداء فليش كثرة الكلام

المعاصي الله عز وجل رحيم وغفور وحنا نسال لهم المغفره

ادعولهم ياخواتي وقولوا الحمد الله اللذي عافانا

 

[بدوره 22]

يعني الحديث الشريف

وكا هالمشايخ الي قالوا انهم شهداء غلط


والي تقول ان نهايتهم كانت بعرس هي الصح ؟؟


مو يمكن الي توفت وهي محترقه وحتى لو على قولة الاخت اورتكوازيه

وما تصلي

تكون الموته هذي لها تخفيف للذنوب ؟؟


ما اتعقد ان احنا نعرف اكثر من مشايخ الدين ورجاء لا تقعد كل وحده تفتي على كيفها

الشيخ نبيل العوضي طلع بالتلفزيون وقال شهداااااااااااااااااااااااء

وغيره من المشايخ الي للاسف ما تحظرني اساميهم الحين

 

[** شيخة **]

حبيبتي انا ادري انج متضايقه

بس وايد ناس فاهمين هالشي غلط وانتي منهم

شوفي ياقلبي اللي نعرفه انه اللي يموت بحرق او يغرق شهيد بس العلم عند الله

الشهاده لها شروط حبيبتي ومن هالشروط ان ربي سبحانه يقبل شهادتهم

يعني مثال بسيط وكلنا نعرفه فرعون مات غريق وقبل لايموت تشهد بس معناه انه شهيد ؟!!

لا حبيبتي في ناس وايد تختلط عندهم الامور

ان شاء الله يكونون شهداء وربي سبحانه يتقبل شهادتهم ويدخل فسيح جناته ويرحمهم برحمته

بس العلم عند الله هالشي بعلم الغيب ومحد فينا يقدر يقول وياكد هالشي حتى لو كان عالم بالدين وان قال هالكلام اقولج انه مو صادق لان هالشي بعلم الغيب ومحد يعرف علم الغيب الا ربي سبحانه

مثل هالشي بالضبط انه احنا كلنا مانعرف منو بيدخل الجنه ومنو بيدخل النار

ممكن انسان احنا نشوفه تقي ودين بس عند الله غير

انا ماهاجم الميتين الله يرحمهم ويعدهم شهداء امين يارب

بس حبيت اوضحلج الفكره

وسوري بس ترى العنوان غلط مو محله

اتمنى تتقبلين كلامي بصدر رحب

 

[* موناليزا *]

حرام عليكم

أهاليهم محترقة قلوبهم في كل بيت اكثر من واحد ،،

الله يصلح حالكم وانتوا تتناقشون اذا كانوا شهداء او لا

نحن لازم نصبر أهاليهم بكلمة طيبة ونترحم عليهم

الله لا يجيب لأحد موت اخو او اخت او ام والله عندها احد مات عنها فجأة تعرف احساس هالأهل غصتهم وايد كبيرة
ولو كل وحدة تقول كلمة الله يرحمهم بدون مناقشة هالموضوعات يكفي ويريح

يعني فكروا ان اهاليهم يوم من الايام بدشون ويشوفونكم تتناقشون عن اهاليهم اللي راحوا في غمضة عين

الله يهديكم بس ونسأل الله حسن الخاتمة

كلام سليم 100%