المحترق شهيد شهيد شهيد غصب عن الكل ولا شرايكم

[هدولى]

الله يرحمهم جميعا ويغفر لهم ويصبر أهلهم . والعلم عند الله عز وجل اذا كانو شهداء او لا .

 

[q8_meme]

فقد أخرج أبو داود والنسائي وابن ماجه ومالك من حديث جابر بن عتيك رضي الله عنه أن النبي صلى الله عليه وسلم قال: "الشهداء سبعة سوى القتل في سبيل الله: المطعون شهيد، والغرق شهيد، وصاحب ذات الجنب شهيد، والمبطون شهيد، والحرق شهيد، والذي يموت تحت الهدم شهيد، والمرأة تموت بجمع شهيد"....



الله يرحمهم و يصبر اهلهم

 

[7neaN]

اهم انشاالله يعتبرون شهداء بس ما يصير نقول غصب غصب شهداء
إحنا مو بكيفنا ...

بس أنا معاج المحترق يعتبر شهيد مهما سوا من معاصي لأن الحرق مو شويه فيغسل
ذنوبه و يطهره من المعاصي ..

و أحد العضوات قالت تعليق عن إنه مثلا إذا واحد قاعد يسمع أغاني بسيارته
أو مثلا سكران وسوا حادث و احترقت السياره يعتبر شهيد و كانت مستنكره هالشي ..
و أحب أرد عليها إنه طبعا يعتبر شهيد مو الرسول - صلى الله عليه و سلم قال جذي خلاص عيل ..
و الرسول ما حدد كيفية الحرق أو مثلا الموقع أو شي جذي .. فمعناته هذا ان المحروق وين ما كان سواء بسياره
أو بيت أو أي شي يعتبر شهيد بما إنه مسلم ... :eh_s(6):​

​

 

[فلوريدا]

شهداء لان هذا فرح

 

[tota kim]

الله يرحمهم

 

[بدون وافتخر]

العلم عند الله بس كل واحد واخرته اغاني ورقص واكيد اللبس مو محتشم عادة كل العروس الحين نادر مانشوف عرس مافيه اغاني ولبس مو محتشم الا من رحم ربي وبعدين الوناسه بالعرس ماتكون باغاني وموسيقى ولبس مو محتشم صدرها طالع نصه او فخوذها طالعه هذا بالله من يرضى فيه وهو مايصير اسمه عوره الا اذا شيوخ الدين يعتبرونها وناسه وحلال بالعرس هذا شي ثاني
هذا مثل اللي سايق سيارته وحاط اغاني واحترقت فيه السياره هل نقدر نقول انه شهيد مو اهو هم احترق
نعرف واحد الله يرحمه كان مسوي بلاوي بدنيته وكلمن كان مو عاجبه سوالفه بس شتقولين واخرتها احترق بسيارته من ظلم هل نعتبره شهيد ؟؟
الله يرحم الموتى هذا اللي نقوله

اقول شكلج من حزب الحرمه اللي حرقت الناس

لاتقومين تقولين حجي فاضي


شهداء غصبن عنج

يكفي انهم احترقو لين تفحموا

هذا تكفير لذنوبهم

واسكتي اسكتي

احسنلج

 

[فديـت عيـونك]

الله يرحمهم ويغمد روحهم الجنه

 

[رفرف]

حبيبتي مو احنا اللي نقرر شهداء ولا لا .. ولا احنا اللي نحكم عليها ..
لا تفتحون على نفسكم باب اثم وتتقولون على الله سبحانه وتعالى..
محد له الحق يعين نفسه رب ويدخل الجنة او النار ويحدد هذا شهيد وهذا لا ..

احنا نحسبهم شهداء عند الله سبحانه وتعالى وهو الرحمن الرحيم تبعا للحديث الشريف "الحريق شهيد"
بس محد بيده يجزم 100% انهم شهداء .. ولا انهم مو شهداء ..
الله اعلم فيهم وبذنوبهم وبنياتهم وباعمالهم مو احنا ..
العلم عند الله سبحانه وتعالى ..
وندعي انه يتقبلهم شهداء عنده .. ويكون ما اصابهم رحمة منه وكفارة لذنوبهم يارب .. آمين

 

[@ نجمة العطااا @]

يغفر للشهيد ذنوبه من اول قطرة دم
واللي ماتوا نحسبهم عند الله شهداء مالم يكن منهم مشرك او كافر ولا بتنقز وحده وتقول هذي ما تصلي وذيك ما تصوم لا تحطون بذمتكم
خلاص رجاء بنات احترموا مشاعر الاهالي احترموا مشاعر الكويت

 

[بحر الذكريات]

الله يرحمهم ابرحمته

 

[غروري اني كويتيه]

بناااااااااااااااااااات أنتو من صجكم ؟؟؟
الدنيا قايمه وقاعده وانتو قاعدين تتهاوشون اذا كانوا شهداء ولا لأ ؟؟؟
بنات احنا شكووووو بهالمواضيع ؟؟؟
يابنات طلبوا لهم الرحمه والمغفره وسالفة الشهاده بإيد رب العالمين وانشااااااالله ينحسبون من الشهداء
وحتى لو ماكانوا شهداء هذا مو معناته راح يدشون النار
بنات صلوا عالنبي واللي أحنا فيه أكبر من ان نتدخل بهالمواضيع ,, باجر راح تقلبونها سنه وشيعه بعد
قولوا الله يرحمهم ويغفر لهم ويسكنهم فسيح جناته ويصبر أهاليهم ياااااااارب
والله ينتقم من الزووووجه حسبي الله ونعم الوكيل فيها وانشالله ينزل عليها أشد العقاب والعذاب بالدنيا والاخره

 

[زهرااا]

أستغفر الله العلي العظيم
أستغفر الله العلي العظيم
أستغفر الله العلي العظيم
أستغفر الله العلي العظيم
من صجكم انتوا ؟!!!!!
ليش انتوا منو عشان تقرورن !!!!
الحمدلله و الشكر

 

[zgrtya]

ما نقدر نحكم اذا اهمه شهداء او لا ..
لان هالشي بإييد الله سبحانه و المسأله يا اختي مو مسأله اعناد ..
و بعدين مو بيدنا نحكم اذا اهمه شهيدات ولا لا ..
لان ما راح ينفعهم بالوقت .. الاحوج لهم الدعوه الصادقه لهم بالرحمه من الله
و عسى الله يصبر اهاليهم
هذا الي نقدر انقوله ..

 

[shtat_al_ro7]

قال تعالى: {ولا تقف ما ليس لك به علم إن السمع والبصر والفؤاد كل أولئك كان عنه مسؤولا} (الإسراء: 36).

كل انسان مسؤول عن الكلام اللى يقوله ..وراح يسأل عنه يوم القيامه ...فخلونا ما نتكلم بأمور علمها عند رب العالمين وخلونا نتمسك بظاهر حديث الرسول الكريم (صاحب الحريق شهيد)..نسأل الله ان يكونوا ممن ذكرهم الرسول في حديثه الشريف ..وكافي كلام بهالموضوع وتدخل بأحوال الناس قبل الموت خلاص الموضوع انتهى ..الواجب الدعاء لهم بالرحمه ...

معااااج اختي


موووو صج اللي قاعد يصير شنو يعيني شهداء غصب .؟؟؟؟؟؟؟؟؟؟


امرج عجيب هذا امر الله والله اللي عنده العلم والله هو الذي يكتب الشهاده مو انتي ؟؟؟؟؟



استغفر الله واتوب اليه ولاحول ولاقوة الا بالله

 

[شمس 20]

الرسول الكريم يقول الشهادة سبع سوا القتل من ضمنهم صاحب الحريق

 

[ســــوليس]

قال تعالى: {ولا تقف ما ليس لك به علم إن السمع والبصر والفؤاد كل أولئك كان عنه مسؤولا} (الإسراء: 36).

كل انسان مسؤول عن الكلام اللى يقوله ..وراح يسأل عنه يوم القيامه ...فخلونا ما نتكلم بأمور علمها عند رب العالمين وخلونا نتمسك بظاهر حديث الرسول الكريم (صاحب الحريق شهيد)..نسأل الله ان يكونوا ممن ذكرهم الرسول في حديثه الشريف ..وكافي كلام بهالموضوع وتدخل بأحوال الناس قبل الموت خلاص الموضوع انتهى ..الواجب الدعاء لهم بالرحمه ...

بسكم بناااات الله العالم
ادعووولهم بالرحمه
ليششششش تتكلموون عن اموور مالكم علم فيها :0bee2e8d89:

 

[Zezoshty]

انا اللي أعرفه أن المقتول ذنبه مغفور
الله يرحمهم برحمته ويصبر اهاليهم

 

[آبـلـہ نـونـو]

بالذمـه هذآ موضوع نقآش .. ؟؟

 

[باربي للابد]

الله يرحمهم ويغفر لهم ويجعل مثواهم الجنة

مع النبيين والصديقين والشهداء​

 

[AnGel GirL]

بصراحه انا برايي هالمواضيع المفروض ماتنطرح شهداء مو شهداء هالشي بعلم الله محد دش بنية كل وحده
واللي تقول طقاقه ؟ واذا طقاقه الدفوف مو حرام حسب راي اهل العلم وفيه اكثر من وحده ماتت واحترقت واهيه رافعه اصبعها تتشهد
وان شاء الله يارب شهداء

اهالي الضحايا مايتمنون الا وقفتنا معاهم والدعاء لهم ولأمواتهم