المثبت مايفتح الرحم حزه الولاده &

[أمورته]

صحيح التيسر والتسهيل من الله
جزاكم الله خير ي رب

 

[ملح الكون]

الله يتمم لج على خير ..
فيتامينات ماتضر شكو تكبر راس الجنين يمكن فيج نقص وعلى المثبتات كنت اخذ في بنتي مثبتات وولدتها اول اسبوع بالتاسع .. ولاتصدقين اي شي بنقال من الحريم واذا مو واثقه بدكتورج غيريه ..

 

[ام مريم ورحمة]

حبيبتي لا تاخذين بحجي الحريم كله خرابيط وتهويل !!!!! نص بنات الكويت مثبتات مو معناته كلهم ولدووو قيصري!
وبالنسبه حق البرقنن بلان منو قال يكبر راس البيبي انا مادري من وين ايبون الناس الحجي !!! حبيبتي البرقنن لازم ينوخذ من قبل لا تحملين ب٣ اشهر عشان فيه فولك اسد وفيتامينات وطول فتره حملج وحتى عقب ما تولدين تكملين عليه عالاقل ٦ اشهر !!!
في دكاتره يركزون علي الفولك بروحه عشان يصير مفعوله اقوى فيصرفونه اول ٣ اشهر وعقب يقطعونه وتكملين عالبرقنن بلان اللي فيه فولك وفيتامينات

جزبته بال٣ حملات من قبل لا احمل وفتره الحمل وعقب ما ولدت كملت عليه ما شفت من الحجي اللي اسمعه يكبر ويصغر ويفتح الشهيه ومادري شيسوي!
كسمعي كلام الدكاتره افضل والله يسهل عليج ويتمم حملج

قالت كل اللي ابي اقوله الله يجزاها خير فعلا ماله دخل الفيتامين بكبر الراس هذي خرافات حريم والمثبت موصمغ يلصق الياهل بالرحم وما يطلع الا بعملية هذا علاج حتى يستقر الرحم ومايصير نزيف وينزل الياهل وبعدين بتوقفه لج ان شاء الله لما تستقر حالتج لا توسوسين واخذي علاجج

 

[مذهــلــه]

حبيبتي كلام الناس وفلسفتهم ماتخلص

انا استعمل تحاميل وابر مره بالاسبوع لو في ضرر چان ماعطتني دكتورتي وايد اثق فيها والابر ماعطتني الا بالخامس وبالبدايه قالتلي مايصير مو زين خلج عالتحاميل بس
وانا قاريه عنهم بمواقع اجنبيه مامنهم خطر حبيبتي
توكلي على الله ونصيحه لاتقولين كل شي حق الناس شنو عطاج الدكتور قولي بس فيتامينات وبس ولاتشرحين تفاصيل وايد
وبالنسبه للولاده مالها علاقه ابد بالمثبتات لانهم يتوقفون حسب علمي بالثامن

 

[أمورته]

اها مذهله يزاج الله خير نبهتيني والله انا كل شي اقوله