المتينة والزواج ... آرائكم وتجاركم

[Geisha]

بقولج شي اذا الريال عاجبته خلاص ولا لها شغل باي احد لانه في بنات متان لكن خفاف وحلوين ومرحين وفي ضعاف ودج تكفخينها ههههههه حتى اللبس في بنات يحلونه وفي لا لكن احنا نقول الضعف حلو صحه لها وعافيه

 

[mmloo7a]

انا مع راي الخوات
نصيحتي انج تضعفين وماكو احلا من الضعف جان ضعفتي من زمان وينج طول هالفتره بلعه بلعه
المهم تلاحقي عمرج وغيري نظام حياتج ونظامج الغذائي موشرط ريجيم سريع وبعدين يرد مثل ماهو لا
من الحين اكلي اكل صحي لي متى بلعه بلعه بلعه
الرياييل الحين مايختارون الا الرشيقه موشرط تكون حلوه يفكرون بالجسم اول بعدين الحلات
حتى بعض البنات مايحبون ريال المتين
المتن بكبره مرض وباجر يحوشج سكر
فكري عشان صحتج وماكو اغلا من الصحة
تعبي بس بالنهايه ترتاحين
قعدي بينج وبين نفسج وقرري انج تضعفين من الحين لي باقي عمرج تعودين نفسج على اكلات صحية
راح تتغيرين بعدها صدقيني

 

[رنيم الروح]

حبيبتي لا تكبرين الموضوع صح الضعف زين وحلووو بس بعض الرجال لهم وجهة نظر غير يعني بعضهم يهتم وبعضهم رشيقه ولا مو رشيقه مايهتم الا براحته واكيد فاهمتني واذا حصل راحته والله لو الوحده بحجم الفيل (لا تزعلون مني ) اتصير بعينه غزال يعني حتى المتينه تقدر تغري

 

[om MaRyooM]

اكيد ياثر بكللللل شي من ملابس من كشخة من علاقة حميمة من نفسية وكل شي

واللي تقول لا هذي تكابر




فاحسن حل الوحدة تمشي وتصك حلجها <<<قولي حق نفسج خخخخخ
والحل الثاني اذا الوحدة وايد متينة وموقادرة تضعف تسوي عملية
الحين العمليات واايد اسهل من اول
وكل وحدة اعرفها وسوت عملية وضعفت تقول شلوون كنت متحملة نفسي وشلون نظرة زوجي لي

لاتقولون الزوج يحب المتينة !!!!!!!!!!!! في شي اسمه يحب المربربة او شوية لحم مو عصاقل
اما المتينة no way
حتى لو كنتي مووت ثقة .. رح تظل نظرة زوجج لج انج متينة !

ان الله جميل يحب الجمال


واللي بتهاجم اقولها ترا انا مو ظعيفة

 

[om MaRyooM]

[color=blueوالله لو الوحده بحجم الفيل (لا تزعلون مني ) اتصير بعينه غزال يعني حتى المتينه تقدر تغري[/color]

واي ليمتى تظل نجذب على نفسنا ونصدق هالجذبة @@
خل نكون واقعيين
وشوفي الاجسام اللي برة
تهقين الزوج مايتمنى جسم مرته يكون مغري !!

 

[منال $]

المفروض انها عارفة رفيجتك انة فرحها قرب كان عملت دايت راجعت اخصائي تغذية

 

[miss.unique]

مظحكيني البنات الي يقصون على اعمارهم ....

يبا شوفو مستحيل ريال يحب جسم مرته اذا كانت متينة .. اذا مربربة ممكن
بس الاكيد انه يتمناها رشـــــــــــــــــــــــيقة ... اكو احلى من الرشاقة ؟ كل شي يطلع عليج حلو حتى لو قطعة سادة مافيها شي
الجسم اهوة الي يبرز اللبس و يحليه ( مو العكس ) !

احنا الحريم اذا شفنا وحده رشيقة و لابسة هالضيج نقعد نخوزز فيها فما بالج الريال

الضعف يصغر
يعطي نعومة و رقة حتى حق الويه !!!

بالفراش المرة تكون خفيفة تتقولب برقة و تحس بأنوثتها واهي يم الريال..

فانصحج صاحبة الموضوع لحقي على عمرج صدقيني رح تزيد ثقتج بنفسج حتى ,, واذا انتي من النوع الي ما يمسك عمره روحي عند طالب الشمري او احد من هالاخصائيين رح يصير عندج التزام

 

[رنيم الروح]

واي ليمتى تظل نجذب على نفسنا ونصدق هالجذبة @@
خل نكون واقعيين
وشوفي الاجسام اللي برة
تهقين الزوج مايتمنى جسم مرته يكون مغري !!

:krkrkr:والله مو متينه بس نفسي ازيد لو اشوي اهو يحن يبيني ازيد وزني طولي 164كلش ماسكه بريك في الوزن مابين 62 الى 64 لو اكل اكل الدنيا مايتغير

 

[شادن33]

اتصدقون أنا اول مااشوف وحده متينه يراودني هالسؤال سوري يعني شلون تلبس قميص نوم

والله ما اعيب على خلقه الله لكن اشوف المتينه أزعل عليها من خاطري احس الامراض محاصرتها واذا قعدت تشتكي من الوزن اكون معاها عل الخط ابي أس اعدها واشجعها تنزل الشحم المتكدس يالله احسه كله امرااض

وينا عن حديث الرسول ثلث لطعامك وثلث لشرابك وثلث لنفسك جان ماشفنا وحده متينه الا اللي فيها مشكله بالهرمونات هذي الله يعينها

واغلبنا قبل لانييب عيال كنا رشيقين بس بعد تكرار الولادات لازم بعض الكيلوات بس لازم مانسمح لأكثر من خمس كيلوات زياده عشان نقدر نخسرهم
والاهتمام بالإكل الصحي فقط

وترا ما في ريال يحب المتينه الدرام كجسم لا تلاقينه يحب روحها الحلوه

ولا يحب العصله بعد مؤ مرغوبة

يجب الوسط المائله للمربربه باماكن معينه

 

[مريم86]

فعلا كلهم اللي قالوا المتن موعيب يكابرون

جنهم يقولون موعيب الانسان عنده عين وحده

يقول الله ولقد خلقنا الانسان في احسن تقويم .. ويقول الرسول ماملئ ادم وعاء اشر من بطنه !!!

ويقول الرسول خير النساء من اذا نظر اليها اسرته (( بالشكل والاهتمام ))

بعد يبتها لكم من القران والسنه.. واللي تقول عادي عايشين واهم شي الاخلاق .. هذي شغله خالصين منها الاخلاق والتعامل بس

مومعناه اهمل شكلي ومايلقى عندي اللي يطير عقله بالشارع والقنوات !!!؟؟ اصلا حتى البطه

غيرة الريال عليها مو مثل غيرة الريال على ام جسم مقسم وحلو .. الاولى يدري ريلها محد يطالعها والثانيه

يموت من الغيره عليها .. لان يدري الجسم مطلب الشبااب


.. بنات لو المتن حلو جان الله خلى حور العين اوزااان ممتلئه وفوق ال ١٠٠

لكن الله يعرف فطرة الانسان واللي يحبه ... بياض وجسم مقسم وعيون وشعر ..الخ

واللي تقول ريلها عادي راضي وعاجبه.. لان خلاص الريال يمشي .. هذا طبع الريال يمشي ويقنع عمره

ولو ان بداخله صج مومقتنع ويتمنى نفس جسم كيم كيردشان... مثل ماكل البناات يحبون المجسم او الجسم العادي

مستحيل وحده تييج وتقولج احب المتين ... لان هذي فطرة الانسان

وفعلا المتينه تلبس الثوب الابيض جنها لابسه دشداشه ....

وفي رياييل يحبون المربربه بس على خفيييييييييييف مو مربربه تهز الارض اذا رقصت وشغل كورسيهات وتحشي وغصب انا جسم

.. ابي اعرف انتي ماتبين تحسين نفسج نثيه يمه !!؟ يشيلج ويلعب فيج ويدلعج ؟؟! ماتبين تحسين نفسج قطوه يمه ؟؟!!

كل الرياييل يجاملون حريمهم بهالسالفه واللي مايجامل عادي مو هامه ويمشي ..

بس لما يشوووف وحده جسسم يتحسر ويخيل عليها ويتمناها تكون نثيته وبنووته


روحوا شوفوا العشيقات وبنات الحراام .. شلون لاعبين بروس رياييلكم ومخرفنينهم

ومايقولها لا ... رفيجتي باول سنه اشكره داقه عليها رفيجة ريلها وشابكته معاه

انهارت البنت ... تقول عندي مايتكلم كلمه حلوه وشغل مش حالك

وعند الحرام مبدع

المهم لاتقصون على اعماركم .. العالم كله متفق عالرشاقه ووالجسم ...

عمري ماشفت عالقنواات بطه والعالم يسولفون عن جمالها

واي وحده حلوه .. وبطه تلاقين ملامحها غاطسه بين الخدود جنها راس نمله

حتى الشعراء على مختلف العصور عمرهم ماتغزلوا إلا براعية الخصر والارداف والصدر الرمان

مو طبقات وترهلات وصدر سايح وشحووم ولحوم ودهوون والبس لانجري كورسيهات وغصب انا جسم

وتالي افتح عيون ريلي على عيوبي (( ترى الريال طبعه يقارن بينه وبين نفسه ))

امراء ال سعود

لما يختارون .. مايطالعون الويه ...اول شي يطالعونه الجسم والشعر .. هذا كلام رفيجتي اللي مناسبينهم

ترى امج واختج اللي تحبج راح تهاوشج وتزفج وتقولج ضعفي لانها تبيلج الاحسن انتي وريلج

اما اللي فيها نفس عيبج راح تقولج عادي وعادي لانها ماتقدر بقرارة نفسها تعترف بعيوبها

مرة خالي بطه وريلها يقولها عاجبتني جذي لكن ماردت عليه لانها شاطره.. تجاهد بعمرها ونوادي واهي عمرها اخر العشرينات

وتدري ممكن اهله او وحده من خواته تييب طاري فلانه جسم وفلانه ماكو مثل جسمها والريال بسرعه يتأثر بالمديح

عشان جذي نهى الرسول وصف ملامح امرأه جدام رجل لانه يتأثر ويحب ويعجب ويشتاق انه يتحرى ويشوف هاللي طايحين

فيها مدح ....



*

 

[حدي كيوت]

ااااااااااااااااااااااااااااااااااخ يا المتن ما يحسون في اللي عايشينه لو ريلج يمدح فيج لو مسويج يا دهينه لا تنكتين بتظليييييييييييين مو واثقه من نفسج:eh_s(11):

يا حلو الثقه اذا كانت فمحلها كفايه لما تطلعين ما تحاتين ريلج اطالع هذي ولا هذيج

خو الحين مشالله عليهم بنات الكويت سواء ياهال او كبار صارو واااااااايد يهتمون بجسمهم تحسونهم جنهم قاعدين يتبارون

بس وين الاراده نبي الاراده

 

[PuPa^^SWeeT]

الريال اللي يبي يتزوج كيفه


يبيها متينة يبيها ضعيفة يبيها عصلة يبيها متروسة


كيفه



ريلي يسولفلي واحد من ربعه


يقووول ماعلييه قاصر


بس يموت بالمتيينة

و خذا مرته متييينة و مدللة اخر دلااال


و يعصب ان نزلت كيلوو


ربج مقسم الارزاق


واذا خطبها و شافها متروسة و لا متينة و قبل فيها ماله حق يقولها بعديين ضعفي

 

[طنط فتحيه]

اهم شي الصحه والعافيه من ربي
صحيح اني متينه ومع هذا البس اللي
بس اللي تاعبني ان ماقدرت احمل عقب ما جبت بنتي وزااد وزني وعقب المنشطات والابرر
الحين بس احرص ع خوواتي اهم شي تكون الوحده نحيفه و رشيقه لصحتهاا ولنفسهااا​

 

[^^المهره^^]

اانا اقول كل فوله و لها كيال
يعني الله ماخلق شي الا وفي له حد يحبه ويدوره
في رياييل الدنيا ماتلفت نظرهم الضعيفه و لا شافوا المتينه داخوا عليها
لو كلام البنات كله صح جان ماشفنا ولا متينه بالدنيا سعيده في حياتها الزوجيه
وجان كل ضعيفه ورشيقه متهنيه وريلها يموت فيها

الناس اذواق يا بنات

 

[DO7AWE]

وع
وع
وع
انا موبطه ملياانه وزهقااانه من عمري شلون البطه البطه
ياااربي
لالبس عدل
لاغميص عدل
وعووووو
وع
وع
الشحم ارف
بسوي تكميم ومارضي الدكتور يقول وزنج لازم 100 وطالع ومع هذاا بروح اسويها بخاص
ياحلو العصاااعص بس​

 

[Mjnont '3lay]

وع​

وع
وع
انا موبطه ملياانه وزهقااانه من عمري شلون البطه البطه
ياااربي
لالبس عدل
لاغميص عدل
وعووووو
وع
وع
الشحم ارف
بسوي تكميم ومارضي الدكتور يقول وزنج لازم 100 وطالع ومع هذاا بروح اسويها بخاص

ياحلو العصاااعص بس ​

بلعي شوي ووصلي وزنج 100 وروحي سويها
مايصير تسوينها قبل لا يكون وزنج 100 مو زين عليج
والدكتور مايقول لج شي الا وهو عارف انه حق مصلحتج

 

[Mjnont '3lay]

انا مليانه بس مو متينه وزني 72
يعني مربربه
بس وعوووووووووووووووه زهقت من نفسي عزاه يوم قمت البس سمول الحين البس ميديوم
لاااازم الوحده تضعف ضرووووري ضرووووري ياحلاة الرشاقه والله واهم شي الوحده تضعف بالرياضه مو بس بالرجيم وولا بالتكميم عشان يكون في لياقه بالجسم
وشد

 

[سحايب برنس]

اقول الضعيفه تحمد ربها ولاتقعد اتطنز علينا احنا البطات
هو صج كلامكم صح اغلبية الرجاجيل يحبون الضعيفه
بس مو حلوه وع وريحه ومادري شنو هالحجي مو صحيح
الوسخه وسخه ضعيفه والا متينه
وترا فيه ناس متينه من يوم ولادتها هذا طبيعة جسمها
وفيه مرض ومو الكل يقدر ع العمليه
انا اقولكم انا مع أني سمينه بس مخصره
واللبس العادي حلو علي بس قمصان النوم ماقدر ابدع فيها
الله يعين ويعاون

 

[انسام الكويت]

المفروض الوحده تفكر بالرشاقه لصحتها ولجمالها ترا الرشاقه تكمل جمال المرأه وتعطيها ثقه بنفسها وبتكون مرتاحه من ناحية صحتها ومن ناحيه اللبس انه يكون كل شي لايق عليها وحلو وتجذب ريلها بهالجسم لحد يقول فلان مرته متينه ويموت عليها وعاجبته ماتدرون يمكن يمكن مايبي يحرجها ويقول ضعفي تلقونه يسكت وقامتها بقلبه ومشي حياته بس لي طلع برا وشاف الاجسام الحلوه اعيونه بتلاقط يسار ويمين وتصير بخاطره هالجسم ويمكن توصل انه يخون يعوض هالشي بالحرام طبعا مو الكل فئه قليله من الرياييل ولمن اشوف اي وحده متينه والله تكسر خاطري عندنا ياهل من عايلتنا عمرها 12 سنه والله تكسر خاطري شكلها اكبر من عمرها جنها ام وعندها عيال وهي طفله حرام هالشي وسبه متن باجر لي كبرت بتصير امتن من جذي عموما نصيحه اللي متينه تضعف لنفسها ولصحتها ولجمالها قبل اي شي وهالشي لصالحها هي فقط قبل اي شي*

 

[Blueflower84]

صج المتن شي يلوع الجبد.. انا يوم تزوجت جسمي كان حلو و كنت رشيقة بس بعد الولادة اخترب وزدت وايد.. صج الثقة اتصير تحت الصفر و انا بروحي لايعة جبدي من جسمي شلون ريلي ماتلوع جبدة.. ععاد كنت بادية رجيم و الصراحة بعد ماقريت الموضوع تشجعت ازيادة.. يبيلي اضعف ١٥ كيلو عشان ارد مثل قبل.. يالله يالرشيقات حيلكم فينا.. حطمونا ازيادة عشان يصير عندنا ارادة و نتشجع و نضعف