المتزوجه وعندها يهال come in

[Spoildish]

لا مستحيل اصلا شعرفه بسؤالف الحليب والبامبرز
وبعدين يا اخليهم عند خالتي او امي
واذا ماعندي احد مو ضروري اروح واخلي بنااتي لانهم صغاار..واخاف عليهم

الله يخليهم لج بس لازم يعرف سواف الحليب والحفاظات يوم انتي مو موجوده و هما عنده شلون؟ انا كانت بنتي عمرها 4 اشهر خليتها عنده اول مرة و كان حدددددده متنرفز و خايف و كنت رايحه ازور وحده والده يعني ساعه و ارد بس
رديت الحمدللهكل شي كان تمام الاخ مسويلها ممية و قاعد يشربها بس الحفاظات ليليوم اهوا ماااااا يبدلها لول اقوله بدلها يقولي انتي شامه الريحه؟؟ :dddds:

 

[جـــواهر]

لا فشله شبي فيهم اخذهم عند الناس ؟؟؟؟؟

الناس يالله تعابل بوراعينهم وانا مجهجله وراعيني ...!!

لا والله خ ينثبرون فبيتهم ( جنة الاطفال بويتهم )

احطهم عند خالتي او بيت اهلي ​

 

[ن لبا عيونج ن]

مستحيل يخليهم عنده يازينه قاعد فالبيت عندهم وانا طالعه

يا اخليهم فالبيت عند الخدامه وكل شوي ادق اتطمن عليهم

والا انزلهم عند اهلي مع الخدامه وطبعا كل شوي اتطمن

 

[رفرف]

مستحييييل يمسكهم جان زين يرضى او يعرف ..

اخليهم عند اهلي او اختي او اهل ريلي ..
ومرة وحدة صارت عندنا حالة وفاة قريبة وانا رحت لهم كان بالليل متأخر وماعندي خدامة ودى اليهال بيت اهله ولما طافت الساعة 12 توهق خذاهم وداهم البيت واشوه كانو دايخين نامو سيده نومهم بهدومهم حتى ماعرف يلبسهم بجامات بس يقول قاعد على اعصابي اخاف وحدة فيهم تقوم ماعرف ارد انومها ..
هذا واهمه كبار 5 سنين وسنتين ..

 

[*g!vnchy]

زوجي اذا تاخرت بالسوق ياخذ ولدي من الخدامه لما ارجع يتحمل
بس بنتي اللي بشهور لا اخليها عند الخدامه مايعرف بهالسوالف

 

[ام عفاف الكويت]

مايمسك انا جم مره جذي
اخلي الخدامتين مع بنتي وولدي واروح قلبي معلق عندهم
بس كل ساعه ادق
والله مرات استقبال اخذ بنتي واخليها تحوس مع الخدامه بالرسبشن تخيلي وانا داخل شسوي لانه ان خليتها بالبيت الله وكيلج مصارعه وترفس على هالفقير اخوها وماتخليه يقعد الا ومتفلع

 

[قمر ضاوي33]

اروح الدوام اهم بالبيت عند الخدامة بس انا ساكنة عند حمولتي خالتي تطل عليهم

الجمعية معاي السوق احياناً معاي واحيانا بالبيت عند خالتي



عموما انا ما حاتي عيالي الحمد لله عندهم يدتهم ويدهم وعمتهم يطلون عيلهم واذا سمعوا صوتهم ولا بجي طيران فوق


بس اذا بسافر ابدا من يبت عيالي ما اسافر وين اوديهم ولا اقدر آخذهم صغار

اذا بروح عمرة اخليهم عند ابوهم


بس اذا استقبال او توجيب معاي

 

[sugar and spice]

وااااااااااي موضوعج حديث الموسم عندنا بالبيت

دهر انه و خواتي نحاتي اذا انعزمنا وين نودي اليهال و من عنده نخليهم

انه عندي خدامه بس مستحيل اخليها بالبيت بروحها مع بنتي يا اوديها عند امي او ابوها يكون موجود

و اروح المناسبه جني قاعدة على يمر

قلبي معلق عندها و احاتيها

اختي الثانيه ما عندها خدامه ولا تبي

هدت دوامها و مجابله بنتها و اذا بتروح مشوار كله معاها او عند حمولتها اذا توجيب بو ساعة

انه بنتي اخذها معاي اذا محد فاضي و الكل طالع..سوق جمعيه مشاوير... و بروحنا ماحب الخدامه تلصق فيني و تخوزر شخذيت وشنو شريت

احطها الكار سيت وانطلق فيها و الحفاظ الله..

واصلا وايد اشياء اكنسلها و الصالون مو دهر والمشاوير للعازة و الحاجة فقط

ماكو قز و تفرفر...يللا وناستنا معاهم

والله تبون الصج بلشه واذيه بس قلبي بارد و مرتاح على فلذة جبدي يا بعد جبدي..لول

 

[ازعجهم هدوئي]

انا حتى جميعه اخذهم كلهم معاي !!

ممكن اخلي الكبير اما الصغاار نوو ووووي وما اخليهم عند احد لازم تحت عيني @@

جميعه - عرس- استقبال - مستشفى - اي مكان لازم معاي ,,

اذا كان حق صالون او سوق لي اروح الصبح عشان يكونون نايمين << اوامر السي سيد :\

سبحان اللة كنك تتكلمين عني بس اذا شي صعب حيل اني اخذهم احطهم عند امي واختي وحتى مايطاوعني قلبي اني استانس وعيالي طفشانين واهلي مبتلشين فيهم

 

[الأماكن]

حامض على بووووزي .. يمسك عيالي :eh_s(14):

ما يرضى أبداً:0bee2e8d89:

إذا برووح الجمعية ... الطبيب ... السوق ... آخـــذ الكبار بس

و بنتي الصغيرة أخليها عند الخادمة ... بس أنا مو ساكنة برووووحي ... مع حمولتي ... يعني ما عليها عااادي

أما الحفلات و الإستقبالات و الأعراس ... أوديهم بيت أهلي ... وبالردة مريتهم و نروح البيت:eh_s(6):

 

[جوري 2007]

انا ريلي مايقصر بس الوهقة لما يصير عرس قريب امي واختي وخالتي ام ريلي معزومة
يااعتذر ياادورلي احد يحن علي بس على شرط يكون من النوع اللي يحب بنتي وايد

 

[@ام ضاري@]

لاوالله ياقلبي مايسمكه لو مشواري نص ساعه من صجج

الله يخلي لهلي ختى اهل رجلي مع اني معاهم ماخليه لو مشواري ساعتين اخذهم بيت اهلي اضمن

وبالعكس اذا حطيتهم هناك امان يعني ماله حجه يرفض حتى لو بنطلع انا وياه يقول يالله خل اويدهم لهلج

 

[سنعه بس مظلومه]

من سابع المستحيلات انه يأخذهم بس ممكن اقول الله يخليكـ انتبه عليهم وعلى عينكـ بس يضيق صدري لما يقول اوكي ولما ادق من المكآن اللي رايحه له على عيآلي اقول وين بابا يقولون رآآآح والله اعصب حدي..

 

[Om_3bady]

انا عندي ولد عمره 9 اشهر وماكان عندي خدامه توني اييب صج راحه شالت عني حمل التنظيف عشان انا اتفرق حق ولدي عدل الله يخليه لي ويحفظه يارب
اذا مشوار بو ساعه عندي خالتي الله يخليها لي مافصرت حبيبتي لان امي الغاليه توفت قبل لا اولد بشهرين وهم حق دوامي بالجامعه كله عند خالتي لاني ساكنه عندهم
اما اذا عرس او استقبال عند خواااتي الله يعطيهم العافيه ماقصروا معاااي
وهم الحين وانا عندي خدامه ما اخليه بروحه معااها اوديهم عند اختي اذا بروح عرس

 

[مســـــافره]

اوديه بيت اهلي عند الخادمه وعلى عين امي

 

[om_3azoz]

انا اخر الشهر اللي طااف كان عندي عرس خليته عند خالتي عمره 3 شهور ولدي وامي مسافره
واذا بروح استقبال مثلا يا عند امي يا عند خالتي

بس مره رحت الصالون خليته عنده لووول اهو سواله حليب وغير البامبرز لوول

عاد الخميس معزومه خالتي دوام عصر وامي مسافر لووول بخليه عنده كيفه ليش صار ابو لووووووووول عاد مسكين قالي خليه عندي انا اسويله كل شي >> فديته والله يساعدني حتى بيهال عمره 3شهور وشي

 

[tmtmt]

اسعدني مروركم والله

وتعليقاتكم تهبل ...

الله يخليلكم ازواجكم يارب

 

[um hamed]

اذا سوق ولا صالون عادي بس سوالف زواره والا استقباال انسى الرووحه بكبرهااا
مايحب اصلااا محرم علي رووحة العروس والحفلات

 

[(نبنوبه)]

ليش الرجال يمسك الجاهل
اعلم الخدامة تجابلهم اذا كان عشا اوعرس بس ما اطول احاول ارد بسرعة
وحتى المستشفى شحقه اخذهم معاي اوجب وارد لعيالي بسرة واطمن عليهم بالتيلفون

شتقولون عن الموظفات اللي يخلون عيالهم بالساعت عند الخدم والله يحفظهم يارب

 

[شواشا]

شقتو البطة وعيالها الى وراها هذى انا سوق- جمعية -طبيب اما الاعراس لا والله اخليهم ابيتهم مع خدامتهم وتحت عين ابوهم اللى الود وده وانا جايه من العرس يذبحنى مع ان حدى بالعرس ساعه ساعه ونص