المتزوجات شنو عنايتج وقت الدوره الشهريه للرحم وتنظيفه(لهوم-دارسين-لبس دافي-اكل معين)

[tartar-79]

الله يسلمج ومشكورة حبيبتي على الافاده

 

[زهرة الكويت]

ألماسه حبيبتي هوا الرحم غير عن الغازات من المعده
وهوا الرحم لا إراديا يطلع منج صوت الكل يسمعه ما تقدرين تحكمين فيه
غير عن الريحه غير الطبيعيه والإفرازات
وعلى العموم له علاج يرد الرحم طبيعي

 

[%عسولة الحلوة%]

يا هلا فيني ويا غلا ويا مرحبا بموضوع اختي مزيونة وشقرة:eh_s(17):

انا عن نفسي

عنايتي حق وقت الدورة تبدي قبل الدورة بيومين تقريبا:eh_s(15):

اول شي اشيل شيرة حق المنطقة الحساسة
واغسل بماي وملح((اتنقع فيهم وتوني بادية هالحركة من 3اشهر))

بس الشيرة من زمان لازم اشيل قبل الدورة عشان النظافة:eh_s(22):

وبيوم الدورة لازم اكل عدل:eh_s(6):
واكل سكريات وخبز ولحم وخضرة هالله هالله بالخضرة
والفواكه شبه ممنوعة
يعني ما كو برتقال وليمون حمضيات
بس تفاح عادي

ولازم اشرب اعشاب على طول دارسين مع ميرميه ونعناع

والنعناع اشربه مع الشاي على طول(مدمنه شاي)

ولا زم البس دلاغات والبس بنطرون قطن طويل
وساعات البس 2
واقولج شي؟؟؟
انا الحين علي الدورة ولابسة فنيلة جم طويل اللي يشوفني على باله بشتا
بس انا جد جد استبرد حيل اذا علي الدورة:eh_s(13):

ولازم لازم لازم لازم العناية والنظافة
يعني اتسبح كل يوم بماي حاااااااااااااااار
لا تقولون لي مو زين لا والله زين اصلا حتى نفسية ترتاحين
والبنت بهالفترة جسمها يعرق حيل يعني النظافة ضرورية
وانا مينونة نظافة

واحط مطارة الماي الحار على ظهري
ولازم اتلحف حتى لو قاعدة ادرس لازم اتلحف

وفي شي بصراحةانا اسويه و يمكن هالشي مو زين بس انا على طول اخذ بنادول اكسترا عشان الالم
وابتعد عن الحركات القوية والرياضة
وما اشيل اشياء ثقيلة ولا اصعد الدري وايد
هذه نصايح امي الغالية

وفي وحدة اعرفها تقول انها ومن كانت بنت تاخذ لهوم وهالسوالف وتنظف حيل
هذه طريقتي في العناية في ام الخدود النظيفة وقت الدورة

 

[زهرة الكويت]

أم خدود النظيفه
طريقتج عمليه بس التسبح اليومي فترة الدوره ما أأيدج ماعليه يوم وترك
بس الغيار اليومي للملابس ضروري

 

[Mi$$ Parby]

موضوعج اينن لان حتى انا اقدر استفيد منه

وانا عادي عندي اقعد بالبرد احنا بيتنا على طول الدرجة تحت الصفر :eh_s(6):
واشرب كل شي اشتهيه حار ولا بارد

ولااااااااازم وضروووري اتسبح اول يوم وثاني يوم لان ينزلها بسسرعه اصلا اتخلص بسرعه

وعقبها لازم تنظيف بو ساعه ولا ساعه ونص

وودي اسال سؤال :eh_s(22): يفشل شوي عادي عسولة صح :eh_s(6):

انا واايد اسمع عن التحاميل يصير استخدمهم وانا مو متزوجه؟؟
وشنو اسم اللي انتي تستخدمينهم :eh_s(22):

ويعطيج الف عافيه على الموضوع ياعسل :eh_s(17): ​

وااااااااااااااي مريوم لي الحين في بنات ما يفهمون؟؟؟؟؟؟؟؟؟؟؟
ديري بالج ابعدي عن التحاميل لا تقربين للمنطقة ابد
والا تحصلين شلوتي يوم عرسج

 

[Mi$$ Parby]

تصدقون في حريم ما يستخدمون الصابون العادي وقت الدورة يقولون يخرب
ويستخدمون شي اسمه الارطة يطبخونه بماي ويعبونه بقراش ويغسلون منه
بس ما ادري منين ييبونه
وبعد قرشه ماي منقوع فيها المرة حلوة للتنظيف وقت الدورة تعقم

 

[Mi$$ Parby]

يا هلا فيني ويا غلا ويا مرحبا بموضوع اختي مزيونة وشقرة:eh_s(17):

انا عن نفسي

عنايتي حق وقت الدورة تبدي قبل الدورة بيومين تقريبا:eh_s(15):

اول شي اشيل شيرة حق المنطقة الحساسة
واغسل بماي وملح((اتنقع فيهم وتوني بادية هالحركة من 3اشهر))


وفي وحدة اعرفها تقول انها ومن كانت بنت تاخذ لهوم وهالسوالف وتنظف حيل
هذه طريقتي في العناية في ام الخدود النظيفة وقت الدورة

ام الخدود النظيفة
انا شكثر اسمع ان الدوش الماي والملح اذا تنقعتي فيه مو زين
لان الاملاح حارة على بطانه الرحم ويمكن يسبب قرحة
والتنظيف عن طريق الاعشاب اضمن واحسن لج

 

[* ألماسه *]

أب أب

حتى الكل يستفيد

 

[برميته.]

مشكوره مزيونه على الموضوع المفيد وياريت الخوات يثبتون الموضوع عشان يصير مرجع للبنات والمتزوجات .

 

[@ام ضاري@]

عاد انا صايره مهمله نفسي وااااااااايد

توني شاربه بيبسي واليوم ثاني يوم دوره

ولا اكل شي بس العصر اروح اتقهوا وحط حسو القهوا وتمر برشاد وحبه البركه

وانا ادري ان برنامجي غلط

وين اول وين الحين كنت اهتم عدل مدل

وشرب من جاي اعشاب واحب اكل خبز وحليب ارش عليهم مردود

وعيش الدوا

والبس عدل دلاغي مايطيح الحين اتضايق منه

بس عزكم الله منقعه مره وملح خشن بماي وحاطته با الحمام

اذا بغيت اغير اغسل منه

عاد الحين وانا اسولف اشتهيت عيش ودياي واحط عليهم من ها الدويه واااااااااي

متى تجي حزه الغدا

ويعطيج العافيه مزيونه استفتي واستفدنا مع خبرات الحلوات

 

[jasmine_flower]

النفاس ما أقدر افتى فيه لانى مو متزوجه ولقافه انى داشه الموضوع:d بس بالنسبه للدوره انا اشوف انه السبوح ضرووى جدا واستغرب من البنات الى ايقولون ضار بس اهم شى فى الاستحمام ان

_ايكون الماى دافى لا بارد ولا حار علشان لايزيد الم الدوره

- ان تاخذينه على السريع ما اطولين وايد علشان لا يحتبس الدم

- تنظيف المنطقه ظرورى علشان يمنع تكاثر البكتيريا التى اتسبب الريحه الكريهه بغسول خاص للمنطقه ومره واحده فى اليوم وتنشيف المنطقه عدل مدل

- تغيير الفوط الصحيه مهم جدا علشان ما تتكاثر البكتريا واطلع ريحه


ولتخفيف الام الدوره

البا بونج , التوت البرى الاحمر, الزعتر , الزنجبيل وايد ايخفوفون الام الدوره

_الكمادات دافئه اتخفف عوار الدوره

والتغذيه ضروريه فى هالفتره علشان تعويض الحديد الى فى الدم لا تاكلين اى شى مالح ولا الوجبات السريعه والمقليه ولا تاكلين شى بارد امتنعى عن الايس كريم والبيبسى والكولا علشان لا ايصير انتفاخ فى الجسم

_ اكلى اكل صحى مثل الفواكه الخضره والحبوب الكامله وضرورى تاكلين الوجبات الثلاث

وافضل حل علشان تتخلصين من الام الدوره نهائيا او تخفيف اعاراضها بشكل كبير انج اتمارسين الرياضه قبل الدوره وبانتظام مثل المشى السباحه الجرى مو يقولون فى الحركه بركه واذا ما تمارسين الرياضه نهائيا مارسيها على الاقل قبلها بجم يوم واتمنى اكون افدتج بالموضوع وهذا بالنسبه لموضوع الدوره الشهريه فقط

 

[مزيونه وشقره]

شكرا عالسنع الوااااضح يا كويتيات





مع تحياتي يا حياتي

مزيونه وشقره​

 

[فضه البدوية]

بسم الله وتوكلت على الله هههههه هذي اول مشاركة لي بالمنتدى والله يابنات اني احب افيد واستفيد
بس بنات معقولة تتوقعون ان دارسين وفلفل وشاي دافي كافي بتنظيف رحمج بعد الدورة ؟؟؟اكيد غلط واكبر غلط هاللي تقولونه انا كنت مثلكم مااهتم بنفسي وقت الدورة وان اهتميت اهتمام الله ايوريكم بعد زواجي عرفت اني غلطت بعدم اهتمامي

بنات بوقت الدورة في شي مهم لازم تاكلونه سواء متزوجة او بنت

اللي هو





































ادوية اعشاب وهذي مو اي احد يعرف لها انا خالتي تسويها وشغلها اشاء الله تبارك الرحمن نظافة وسنع وهي تشتغل بتنظيفها وطحنها طبعا هي تنشرب في فترتين الصبح مع حليب دافي يعني تخلطين ملعقة بالحليب وتشربينها وبالليل قبل النوم
راح تحسين بعد اخر يوم الدورة بنضافة وانك ناشفة لاينزل منك لادم ولا وسخ لان الوسخ نزل وانتم بكرامه بس والله يابنات اعرف كثير جاهلات بهالشي يمكن حتى امهات بعضكم مايعرفون لهالسوالف ولا لطريقة الخلط بس الدورة مو يعني تدفين وبس لازم ادوية تنظف الرحم
وشكرا

 

[angel^wings]

يعطيكم العافية جميعا

انا الصراحه لما تييني الدوره اول ثلاث ايام ادفي نفسي عدل حتى لو احس بدفا ودايم لبسي طويل ودافي ومو ضيج الصبح اشرب حليب دافي مع تمر مخلوط مع لهوم وبعد الغذا اشرب شاي غوري وايد ممتاز فوق ما تتصورون ينضف كل شي ولدرجه اغير الفزط الصحيه (عزكم الله) بستمرار من كثر ما ينزل كل الدم الفاسد برحم واشربه مره ثانيه بعد العشا بس يفضل شربه بعد الاكل والاكل يكون خفيف وهم اكل لهوم هم تنظف .
وامي دايم تقولنا لا تشربون وايد ماي اول ثلاث ايام الدوره لان انا اكثر شي اشربه اهوا الماي وهم مره كنت رايحه الصين وكنت اسوي مساجات والي سوتلي قالتلي لا تشربين ماي وايد ايام الدوره
وخامس يوم استخدم تحاميل بس تنضف بس للامانه بنات الاشياء الي اشربها بأيام الدوره صج تضيج وتنظف وما يحتاج تحاميل تضييج حلاته كل شي طبيعي .

وسلامتكم .

 

[sweet.sweet]

مرحبا

حبوبة وقت الدورة اهتمي بالدفى، دفي جسمج

لازم تلبسين شي بريولج، شحاطة حق البيت أو دلاغات

و لبسي ملابس تدفي شوي

و لا تلبسين شي ضيج حيل، راح تتضايقين و ما راح تنزل الدورة عدل

و ممنوع الايسكريم و البيبسي و كل شي بارد

كثري من الجاي و الزعتر ---(ما أحب الزعتر، الجاي أهون)

ضيفي الفلفل الأسود على الأكل لأنه ينظف ---- (انا حتى بالعيش أحطه و انا قاعده اكل )

و عقب الدورة إذا غسلتي، اهتمي بالغسول و حطي مسك في المنطقة الحساسة لأنه يطهر المنطقه عقب الدورة، و مو أي مسك، عند القرشي في مسك العروس يكون مسك حر و طبيعي 100%

أتمنى ما أكون نسيت شي

و إن شاء الله ماكو إلا العافية

بغيت ايال المسك اللي تقصدينه يكون سائل وينحط وين بالضبط داخل اللي خبرج ولا بره لاني شريت مسك سائل ومسك جامد مربع قالي حق الجسم ففيديني حبيبتي:eh_s(6):

 

[ام طلال]

انا بالدوره آكل لهوم واشرب زعتر وامتنع منعا باتا عن البيبسي والمشروبات الغازيه بس وبعد الدوره استخدم غسول سيتيل

 

[^SwEeTa^]

sweet.sweet

حبوبة استخدمي السائل أحسن و أنظف .. و ينحط داخل .. اسمه عند القرشي (مسك العروس)

و بالنسبة للمسك الصلب .. لا تاخذين النوع الرخيص لأنه ما راح يكون صافي و لا تغامرين تحطين أشياء مو موثوق فيها!! ألزم ما عليج صحتج حبيبتي

والله يوفق

 

[الحلوه80]

موضوووووووع مفييييييييييييييييييييييييييييد جدا

 

[عيوووزه كووول]

انا بصراحه اشرب دارسين وزعتر ...ووايد زين دارسين بس سامعه المردود زين حق الهوا وتنظيف الرحم بس ذابحنا الكسل

 

[سينامون]

شقره موضوعج يا بوقته انا اليوم رابع يوم في الدوره... شيشتوني دقيت على امي بقولها تسويلي دارسين.. جان تقولي اخذي تحاميل.. رحت الصيدليه ولا يقولي الصيدلاني بدينارين و ربع.. يوم ايي البيت ولا القوطي فيه تحميله وحده:eh_s(6):
شدعوه جذي غلي؟؟ عالعموم مشكورين و يعطيكم العافيه وايد استفدت