المتزوجات دشوا و علموا المقبلات على الزواج ...

[~..MiMiNi..~]

قوه بنـات متزوجين :dddds:

اشلونكم شخباركم ؟؟

بقولكم شي و ابيكم تعلموني و تعلمون اللي مثلي يعني المقبلات على الزواج

شوفوا الله يسلمكم بنات عمات ريلي اغلبهم من عمري و يعني حبوبات واااايد ويسولفون ويتغشمرون يونسون .. بس مهما يكون يتمون اهل ريل و انا مادري شنو ممكن يصير بالمستقبل .. و مشكلتي اني واااايد اجتماعيه و احب اسولف و اتعرف ع البنات وجذي ..

فاللي ابي اعرفه منكم بما انكم خبره اسم الله عليكم ...

اشلون تحطون حدود مع اهل ريلكم ؟؟؟ و شنو اهو اللمت حق الحدود ؟؟ يعني عن شنو تسولفون و عن شنو ما تسولفون ؟؟

ساعات اسولف سالفه بعدين اقول وي جني لازم ما اقول جذي ؟؟

و الصراحه انا انسانه ماحب احاتي شقول وشنو ما اقول ماعرف

احب اكون على طبيعتي و احس ان قعدت منفسه بيقولون هاذي مغروره وشايفه عمرها مادري على شنو خصوصا ً انه بنطلع مع بعض و انا مادري اشلون اتعامل معاهم كلش :/

كل وحده تقولنا اشلون تتعامل مع البنات اللي من عمرها من اهل ريلها :ggdw:

و يعطيكم العافيه مقدما ً ..~

 

[لاتينيـه]

بالتوفيج حبيبتي وربي يهنيكم
بس حبيبتي نصيحة مني وبتعرفين هالشي بعدين
خلج ويآهم رسمي قد مآ تقدرين
لآ تدخلين روحج بسوآلف وقيل وقآل
واشيآء انتي بغنى عنهآ
حتى لو كآنو حليوين وفيهم الخير
انتي خلج ويآهم جذي
سلمي وضحكي وسولفي ووجبيهم وروحآت وييآت وهدآيآ
بس لآ يصير بينكم اسرآر وسوآلف وتطيح الميآنه

لان مو من صآلحج كلش
وموفقه حبوبه

 

[AUK GirL]

اييييييييييي والله علمونااا

انا بعد نفس شخصييتج بالظبط

يه يه ه شعليج من قدج نفسج شخصيتج xD لوووووووووووووووووووووووول

اي صج انا احب اسولف واجتماعيه واظحك مع الكل وترا كثرة السوالف تخليج تطيحين بوحده وتحشين فيها

ابي بنت متزوجه ماعندها مشكله مع اهل ريلها ودي اشوف مالقيت بهالمنتدى وحده متفقه مع اهل ريلها ليشxD

 

[غاية مرامي]

سولفي وضحكي وخلج على طبيعتج عادي ياقلبي....خصوصا اذا اهل ريلج زينين معاج

بس كل شي له حدود.....يعني اي مشكله بينج وبين ريلج لاتقولينها واي موضوع خاص تسولفون فيه لاطلعينه بره

سوالفج وسوالف اهلج نفس الطريقة.....ولا غير جذي خليج ريلاكس وسولفي وضحكي وتناقشي بكل موضوع بسشوي بحدود عادي ياقلبي

والله يهنيج ويسخر زوجج واهله لج يارب

 

[~..MiMiNi..~]

^^^

اي والله تصدقين انا بعد جذي .. كل ما حاولت اكون رسميه ماعرف بنص القعده ارد على طبيعتي و اسولف طبيعي وياهم ..~



مادري شسوي هووووفففففف

و يعطيكم العافيه بنوتات ..~

 

[يمّه مني]

يعني لاتسولفين بخصوصياتج مع ريلج
ريلي قال ريلي سوا
حطينا سوينا
اول ماتطلعين من باب بيتج اقصد انتي ويلج
خلاص اتصكين الباب
ابسطها لج
اي شي يصير بينج وبين ريلج مايطلع بره
حتى اشيائج الخاصه الي تشترينها مثل قمصان النوم لاتسولفين فيها
وخلي سوالفج عاديه
واذا اسالوج مثلن شنو سويتي مع ريلج ولا شنو صار قولي ماصار شي وابتسمي
حتى لو قامو يلحون ابدن لا تحجين
مع الوقت اهما ابيتعودون وبيفهمون انه حياتج الخاصه فيها لها خط احمر

 

[ورودالكويت]

اي والله صج مثل ماقالت لاتينيه

يعني ضحكي وسوالفي عادي بس بحدود يعني الشغلات الخاصه مالهم دخل فيها

والكل عندج واحد يعني ماتصيررن مع ناس وناس

ولايتدخلون بخصوصياتج

ولايعررفون من وين شاررريه هذا ومن وين ماخذه هذا >>>>>>>>>>>> عن تجربه خليج مميزه

لانه بيسالونج عن كل شي

 

[~..MiMiNi..~]

اذا اسألوني من وين شريتي شقول بالله ؟؟

اقول مادري ؟؟ فشله لووووول

ماعرف ادقر احد والله ...

 

[AUK GirL]

خوش نصاااايح xD

شوفي قولي لهم مادري هديه من وحده xD

 

[كيكه توفي]

انا جذي بعد اطيح الميانه مع الكل ماعرف اكون رسميه بس ترا صج تنقرصين من ناس حتن القراب منج فمسكي لساانج <<<< علمي نفسج هههههههههه

 

[~..MiMiNi..~]

لووووووووووووووووووووووووووووووووووووول

يو كي غيرل كل ملابسي هديه ؟ اشدعواااا

مره مرتين يمكن تمشي بس اذا اكثرت شبيقولون ؟؟

و كيكة توفي .. و الله ادري انه ما يصير مهما يكون بيتمون اهل ريل و قلبهم ماراح يكون معاي فاهمه .. بس هاللسان اشلون امسكه ؟؟

بنات منو تبي نص لساني لووووووووووووووووووووول

 

[فقـــدتك]

يسلموؤوؤوؤوؤ

 

[SaD FaCe]

ضحكي معاهم وسولفي بس الشي اللي يصير بينج وبين ريلج لا تقولينه وحتى شي فيه اهلج لا تقولين مو لازم يعرفون ..

اما اذا اسألون من وين شاريه هذا ماشوف ان عيب الوحده تقول .. انا كله اقول عادي ما ضرني

(( حب لاخيك ما تحب لنفسك ))

 

[لاتينيـه]

لووووووووووووووووووووووووووووووووووووول

يو كي غيرل كل ملابسي هديه ؟ اشدعواااا

مره مرتين يمكن تمشي بس اذا اكثرت شبيقولون ؟؟

و كيكة توفي .. و الله ادري انه ما يصير مهما يكون بيتمون اهل ريل و قلبهم ماراح يكون معاي فاهمه .. بس هاللسان اشلون امسكه ؟؟

بنات منو تبي نص لساني لووووووووووووووووووووول

هههههههههههههههههههه كل ملآبسج هديه مكشوووفه ضحكتيني

 

[~..MiMiNi..~]

ثاااانكيو بنوتات و عساني ما انحرم منــــــــــكم ان شــــــــــآء الله ..~

 

[عاشقه الوحده]

شوفي حبيبتي انا مع اهل ريلي مرة تمام بصراحه ومابينا مشاكل ابدا والله لا يجيب المشاكل ويحبوون وايد بس تعرفيين ليش انا محبوبه ومرغوبه عدهم
لاني دايم معاهم وغير هيك اسولف واضحك واطلع وادخل بس طبعا اسوولف بالشي العاام مو سر من اسراري ولا شي خاص فيني

وهدا الي مخليهم يحبوني
اتمنى التوفيق for all

 

[شوق الحياة]

:gathering:صح كلام الاخت لكن اذا طيبين خليك اطيب ولا تخلينهم يتحسفون يقولون يوم خذيناها اقلبت-الطيب عند طيب تجارة والخيب عند طيب خسارة خلى ظنج فيهم احسن وان وان وان شفت موقف مو حلووووو ذيك الساعة حطى حدود ووقفي كلن عندج حدة

يعني لاتسولفين بخصوصياتج مع ريلج
ريلي قال ريلي سوا
حطينا سوينا
اول ماتطلعين من باب بيتج اقصد انتي ويلج
خلاص اتصكين الباب
ابسطها لج
اي شي يصير بينج وبين ريلج مايطلع بره
حتى اشيائج الخاصه الي تشترينها مثل قمصان النوم لاتسولفين فيها
وخلي سوالفج عاديه
واذا اسالوج مثلن شنو سويتي مع ريلج ولا شنو صار قولي ماصار شي وابتسمي
حتى لو قامو يلحون ابدن لا تحجين
مع الوقت اهما ابيتعودون وبيفهمون انه حياتج الخاصه فيها لها خط احمر

 

[ام الدرر]

ياقلبي عسى الله يهنيج ويتمم عليج
سولفي مع البنات سوالف عادية لبس ميك اب تلفزيون وغيره
بس حياتج الخاصه حاولي وعودي نفسج ماتتكلمين لاحد عنها حتى لو سوالف عاديه
خالتج واهل ريلج هم نفس الشي حتى لو سالوج البنات عن شي جاوبي :ايه.... لا........ ماادري
لانه احيان تكونين على نياتج وتقولين سالفة او تبدين رايج والبنات يفهمون غلط وينقلونها للكبار وتصير مشاكل

 

[تعويذه الحب]

حبيبتي سولفي بشكل عام عادي بس لا تقولين خصوصيات حياتج حق احد يعني ريلج شنو يحب, شنو يقولج , مواقف خاصه صارت بينكم , مشكله صارت بينج وبينه خلي حياتج الخاصه بعيييييييييييده عنهم

 

[sweet barbi]

خلج طبيعيه وعادى بس حطى حد يعنى فى اشياء لاتسولفين عنها مشاكلج معه ريلج او شغله تخصكم اله

وعادى خلج اجتماعيه وحبوبه عشان تكسبين الكل بس فى ناس لازم تكونين رسميه معاهم