المتزوجات الموظفـات

[أنفاسي دخون]

الاستخاره افضل واريح لش

 

[مذهــلــه]

شكرا بنات على ردودكم يزاكم الله خير

منال: اي انا مع اهل زوجي بس مااظن بالمستقبل اقدر اخلي عيالي عندهم مو عن شي هم زينيين بس فوضويين وماأأمن*

 

[كاملة الدسم]

هذا شي راجع لج انتي وين ودج وين مرتاحه اكثر !

انا لو مكانج ما اغير مكاني وربعي والناس اللي تعودت عليهم وعشرين دقيقه التعبه على السياره

 

[مذهــلــه]

حبيبتي مشكورة عالرد
انا والله مفكرة جذي بس كلش مافي تطوير لا بالمعلومات ولا كمنصب

هذا اللي محيرني والا ماهمتني المسافه ولا اي شي ٢

 

[برووورة]

كأنج تتكلمين عني بالضبط نفس حالتي
بيتي يبعد عن دوامي نص ساعه بدون الزحمة
وعندي ماشاء الله تبارك الله 4 يهال
وبيت امي يم دوامي بس ماودي عيالي عندهاا ...... ليش ؟ لأن امي مالها بارض يهال ومابي اغربلها بعيالي
كفاية ربتني بس خلها ترتاح الحين
بيتي مرتاحة فيه مابي اغيره ولاافكر اطلع منه
الحل شنو؟؟؟
الخدامة تشتغل بالبيت وتطبخ ساعات
وعيالي بالحضانة والروضات والمدارس
الطريج مو مشكلة ابد
مردج بتتعوديين على الطريج
واختاري الدوام اللي يريحج ويناسبج وفيه مستقبلج
وكل الامور تنحل باذن الله
اذا فكرتي بها الحين تلقينها صعبه لكن حزتها بروحها تنحل سبحان الله
توكلي على الله سبحانه وتعالى
والله يوفقج ويسعدج

 

[مذهــلــه]

حبيبتي بروره مشكورة عالرد وماقصرتي

والله صاجه ساعات نستصعب الامور بس اذا الله كتبها لنا يسهلها علينا

الله كريم ،، ويهديني للافضل لي ولعايلتي في ديني ودنياي

 

[مطيريه ماركه]

آستخيري وآذآ كآن بُعد آلمسآفة آللي مأرق زوجج سوقي آذآ كنتِ مآتسوقين
وآلله يعينج على آللي فيه خير ويسخرلج زوجج

 

[swanyway]

هي الاستخارة احسن حل لوضعج


وانا مع البنات اذا المكان اليديد كل شئ فيه كويس وزين فخلاص حطي عيالج بالحضانة مع الاتفاق مع ريلج انج ماراح تغيرين ولا تخلينهم بالبيت ابد و ان هذا شرطج عشان تنقلين , عشان مايصير بعدين يدخلون اهل ريلج ولا شئ

 

[مذهــلــه]

يزاكم الله خير بنات

لاعدمتكم حبيباتي

 

[تبطي عظم!]

استخيري انا غيرت دوامي بعد الزواج وتندمت حييييل

 

[مذهــلــه]

تسلمين حبيبتي تبطي

اشلون احس عقب الاستخاره ان الشي ابيه او لا؟؟

 

[مذهــلــه]

اب
اب
اب